هل تتزوجين وتسكني بغرفه وحده فقط ..؟؟؟

[B e r r y]

شوفي آنا عن نفسي متفقين ع الزواج ....
لكن إهوا قالي إن نظام عايلتهم اللي يتزوج يطلع من البيت يعني يشتريله بيت
أو يأجر له شقة لكن آنا رفضت ....

قلت له آنا أبي غرفة ماستر بس مابي شقة وحسيت إنه استانس وقال انتي فهمتي شنو أبي صح !!
قال آنا مابي أبعد عن أهلي .

لأن الغرفة تكفي أحسن من الشقة عالأقل مع أهله والشقة زهقة تقعدين بروحج ومحد بحالج مثلاً أما مع أهله
أتقرب منهم وأعود عيالي عليهم مثلاً يكونون مع عمامهم ويتقربون منهم وكل هاذا بيكون من صالحي..

وإذا ضاقت علينا الغرفة أكيد بيكون مجبور يوفرلي سكن مناسب .........

 

[nora2011]

لا لا صعبة اعيش بغرفة

 

[إماراتية طر]

اواافق عادي

لكن افضل يكوون لي قسم كبير

لكن مسقبلا اكيد بيبني بيت لعيااله بيكبروون

 

[قطــرات مطــر]

الضيق بالنفوس

 

[دلوعة أبوهآ]

لآ طبعاً ..,

 

[** باربي **]

ايييييي احسننن



تدرين ليييش؟!!؟؟








عشان فرصة تطلع ابيت بروحها مستقلة اكبر لها العذر دار وحدة

والي رضوا تاليتها اطلعوا بشقة وافتكوا من الحمولة ومشاكلهم بكبرها




اما الي لهم شقة
















فريلها يحجها يقولها شقة وعندج اهد بيت اهلي وادفع ايجار!!




فتخلل عندهم وتستحمل شتى انواع الأرف :/





حسبوها :


دااار = نصرن قريب:eh_s(15):


شقة = طول الامل والانتظار:eh_s(16):









لا تقولون كيدهن..


قولوا ..ذكية مو :eh_s(22):

 

[مضيعة برقعها]

صعبه لي أسكن بغرفه وحده
أوغرفه وحمام {كرمكم الله}
ماواطن الغمته

 

[يا غرامي]

ابد ابدا لا ,,, و الف لا ,,,
اهم نقطة للزواج الاستقلالية ,, و اذا فقدتيها فقدتي عنصر مهم لاستقرار زواجج

 

[محبة1]

مشكورين حبايبي ع المشاركه الحلوه فديتكم

 

[aso0osh_q8]

لا صـــــــعبه ماا اتحمل بالغرفه وحده بـــــس!!!

 

[محبة1]

هلا حبيبتي انا بالرياض
شلون ما في بدل ايجار ؟
اذا زوجج موظف يعطونه بدل سكن وبدل مواصلات حسب وظيفة زوجج اما العاطل ما ياخذ شي
انا شخصيا يجينا فوقهم بدل تعليم مدارس خاصة والحمد لله ماشية امورنا تمام
والايجارات فعلا صارت غالية الفترة الاخيرة والا قبل ارخص واجدبس هم تظل الايجارات بالكويت اغلى لكن مستحيل اقعدبغرفة لو شنو ما كان ختى لو يبني بسطح بيتهم

حبيبتي هو يشتغل قطاع خاص يعني مو حكومي يعني مافيه بدل ولا شيء اصلن راتبيه بس 1200 ريال بالكويتي يصير 60 دينار بس يعني حاله صعبه وصدقيني هم عندهم حق اى كويتي بدل اجار سوا مؤظف ولا عاطل بس اهني مافيه غير بس الى يشتغل بالحكومه بدل بسيط حتى مايكفي الاجارات المرتفعه هالايام فهمتي قصدي يا حلوه واشكر مرورك

 

[m!ss sara]

إذا كان إنسان كفؤ ..
أعيش معاه بغرفه لو العمر كله

وعلى فكرة هذي مو مثاليه ..
تقدرين تقولين قناعه ^_^

وشُكْراً ..

 

[new woman]

والله انا عشت بغرفة وحدة وحمام طبعا داخل بيت اهله لمدة 4 سنوات

تدرين بداية الزواج كله طلعات وزوارات واكثر الوقت تقعدين مع أهله وحمواتج سوالف وما تصعدين دارج إلا لما يرجع زوجج

يعني الوضع عادي ليش تبلشين عمرج بشقة وتنظيف والتزامات أول حياتكم من اقساط ومصروفات مالها أول ولا أخر

عيشي حياتج واستمتعي بدنياج والله يوفق الجميع

 

[qa6wa_q8]

اذا الوضع مؤقت ايي ليش لا اما اذاا دايم لاااااااااااااااااا مستحييل

 

[زيتونه مرت باباي]

طبعااا لا لا ومليون مره اقول لا ..

من شروط زواجي ان اسكن بشقه ..

 

[شعطآنيه]

أنا إذا كان الرجآل يستاهل ...

لو يطلب عيوني أعطيه .... أضحي بكل شي عشانه

والله أصبر على الغرفه ....وعلى كل شي

بس أهم شي يكون يستاهل ....وصادق ويحبج من كل قلبه

لأن الرجال بهالزمن ...نادر ....

 

[magnolia]

اذا ريال يستاهل اوكي و يحبني من كل قلبه هالدار ممكن تتحول قصر
بس على قولتج بدون سابق معرفة اممممممممممم
ممكن اةفق مؤقتا و اعيش عادي بس بعدين اذا شفت ان ما يستاهل بجذي تضحيتي راحت هدر

الخلاصة:
بكل الاحوال دار شقة فيلا قصر ما تفرق
التوافيق من رب العالمين
شاكرتلج

 

["بوح الجروووح"]

والله انا كنت بغرفه ويازييييييييييين غريفتي وحده ولاخدامه وارف راحه ماوراها راحه
من طلعت بالشقه احس طلعتي عباله الخدامه وادور رضاها وهذي تزعل وهذي تتشرط وطبخ ومسؤليه قبل انجي من الدوام اكل ونوم مباشره وعقبها هياته وطلعات وولدي صغير عندهم ما اشيل همه كلش ترى الطلعه لها ابعاد متعبه وكلفه ماديا وحلات اللي يرد لهذيخ الغرفه المريحه اخ

 

[Flower20]

أنا إذا كان الرجآل يستاهل ...

لو يطلب عيوني أعطيه .... أضحي بكل شي عشانه

والله أصبر على الغرفه ....وعلى كل شي

بس أهم شي يكون يستاهل ....وصادق ويحبج من كل قلبه

لأن الرجال بهالزمن ...نادر ....

معاهااااااااااااااا 100% قالت اللي بقلبي

 

[LuLiTa]

لا ما ارضى ,,

لانه اذا عودتيه عـ هالشي انج تتنازلين عن ابسط حقوقج (السكن المناسب ) راح يظل مستهين فيج ,,, مو معقوله اظل محكورة بدار وحده و اذا طلعت خطوة وحده برا الدار لازم اتستر عن اخوانه و اهله !! ابي مكان اخذ فيه راحتي ,,, بالله مشتهية اطبخ لقمتي انا و ريلي ؟ و لا بنسويلنا سهرة بالصالة ؟ و لا مالي خلق اكلم احد ؟؟ اظل مجابله هـ الاربع طوف !!