بخصوص اللي معارضه لموضوع القروض

الحالة
مغلق و غير مفتوح للمزيد من الردود.

mmloo7a

New member
إنضم
6 ديسمبر 2007
المشاركات
776
مستوى التفاعل
0
النقاط
0
هاي بنات :eh_s(7):

شلونكم اسمحولي اخذ من وقتكم دقايق


الحين لو تطرقنا بموضوع القروض في ناس مؤيده وفي ناس معارضه وكل واحد وله رايه الشخصي ونحترمه

بس لو بنيي حق الاخوات اللي معارضه باسقاط القروض موالفوائد لا بالقروض

الحين انتي على اولج اول ماوحده تشتكي او تناشد انه عليها ديون ومتلعوزه

سيده مني والطريج بتقوليلها

1-من طقج على ايدج ؟
2-محد قالج اخذي دين فوق ظهرج
3-عيشي على قدج
4-انتي غبيه مع احترامي لج شحقه ماخذه قرض ؟
5-الدولة عطتج وعطتج وتكفلج وانتي موكفو هالنعمه

خلصنا من هالنقاط ؟

حلو

وتقعد تسويلج محاضره


شوفي بنغلادش شلون عايشين واحنا شلون
شوفي بأمريكا حتى الهوا عندهم بفلوس وحنا ببلاش

الدولة مافيها ضرايب ودولة ثانيه فيها ضرايب
الدولة تكفنج ببلاش لي متتي ( عساج تسبقينها وتموتين قطيعه)


قبل ماتقولين هالكلام

انتي الحين شدراج ان ماخذتهم ورايحه لاعبه فيهم ؟ وحتى لو لاعبه فيهم شحقه تقثينها فوق ماهي متلعوزه من هالقروض والفوايد ترى موناقصه يا انج تتعاطفين معاها
او انج تسكتين

موتقوليلها شحقه وليش وانتي غبيه وتقعدين تقثينها مقثه فوق ماهي منقثه



المفروض لو وحده قالتلج هالكلام

-ولله صار فيني مرضورحت ويا اهلي سافرنا بره وتعالجت تقولين( الحمدلله على السلامه وربي يفك عونج)

-والله حبيت اكمل دراستي وخذيت قرض وكملت بدولة فلانيه بكمل دكتوراه ماستر....اخ ) تقوليلها الله يوفقج ويسهل دربج وترفعين راس اهلج ماشاء الله عليج طموحه

- والله اثثثت بيتي
-والله شريت سياره
-والله سافرت

بالبدايه احب اقول حق المعارضات

قبل الغزو اي احد بياخذ حده 10 اضعاف الراتب وكانت الامور بخير

بعد الغزو

البنوك قامت تسهل عمليه الاقتراض وفتحتها بحري حتى حق الطالب ياخذ قرض على اعانته

هذا واحد


والناس ترى تكبر
والزمن يكبر ويتغير

واحد يبي يتزوج
بنت تبي تكمل
ام تبي تعالج
ابو يبي يبني بيته
الخ...


خلكم من اللي يسافرون ويشترون سيايير حتى لونفترض خذوا قروض عشان كماليات مالها داعي

ليش تقعدون ليل ونهار
-------------------------------------------

-محد قالج تشترين سياره لفلانيه
اشتريلج كامري

تبين الشعب كله عنده كامري ؟مستحيل
------------------------------------------
-محد قالج تسافرين وتفترين العالم كله
يعني تبين كل الشعب قاعدين ببيوتهم ومايروحون الا هالمطاعم والمجمعات وفراره ؟
--------------------------------------------
-محد قالج تأثثين بيتج وانتي وريلج تبنون ادوار وسرداب وو و و و و و و و

تبين الشعب كله محكور بالشقيق او يبنون لهم عشه ؟
حتى البيوت تطول 15 سنه وهمه طول هالفتره مابين شقه لي شقه



اوكي انا وحده مابي اخذ قرض حلو ؟
بصير بخيله وبيمع :eh_s(9):

200 دينار اخشهم لي 10 سنين جدام وبقعد بس اروح الدوام ونام بالبيت ماني طالعه ولا رايحه ولا راده

بعد 10 سنين كل شي زاد سعره والحين كل سنه عن سنه الاسعار تزيد نار

والوحده الحين ماتلحق

وصعبه الوحده تخش تخش تخش تخش تخش وبعدين ؟ ماشتري ماروح ماتسوق امبيه لا

فلازم تعرفون يالمعارضات

السبب الأولي : البنك المركزي والبنوك ثم الحكومة
السبب الثاني : البنوك فتحت ابوابها واستغلت حاجه الناس من اعلانات وغيره ومومعقوله عملاء البنوك مايقترضون ومايحتاجون مبلغ ما
لان البنوك قايمه شغلها على القروض

السبب الثالث : البنوك قامت تلعب بهالقروض وزادت الفوايد واللي غشوهم بالبالون وقرض البحرين وقرض راتبين يعني الزوج والزوجه وصار لعب بالناس وصارت فيها تجاوزات حتى اللي عمرها 21 تروح تاخذلها قرض 40000 وتشتري بورش كايين او رنج روفر

وبالاخير تييج وحده تقعد تذلج ليش وشحقه خذيتي معاشج حلو سبحان الله ماتدري شنو هالناس شنو وراها من ظروف


فلازم تعرفون ان البنوك اهي السبب الاولي اهي اللي قامت كل من هب ودب عطته
صحيح البنوك ماقالت تعالوا اخذوا صح
بس سهلوا عمليات الاقتراض

وخلوا الناس عادي كل مانزلت الفايده انهم يقدرون يجدولون وياخذون مبلغ زيادة

وبتاريخ
2010\8\4 وقفوا اعادة الجدولة + ماكو تحويل من بنك الى بنك او تحويل راتب اذا عليج ديون


فلاتلومون الناس لي خذوا بليز غيروا موقفكم :bbbiu:
 

قفشـه

عضوة موقوفة لعدم التزامها بقوانين المنتدى
إنضم
18 أغسطس 2010
المشاركات
2,755
مستوى التفاعل
15
النقاط
0
الإقامة
غوغائيه
انا كنت من اشد المؤيديييين لاسقاط القروض

اما الحين لا والله!!

بأي حق يطيحون قروض شخص ماخذ فوق 30 الف عشان يبني قسيمته!!

واحنا ننطر دورنا بالحكومه ماخذنا قرض!

لو طاح القرض اهو عنده بيته لكن احنا شنو عندنا؟؟؟

وين العداله بهالموضوع؟؟

وين العداله في واحد ماخذ قرض وشاري عمارة اجاراتها 10 الالف بالشهر

يطيحون قرضه وايرادات العماره شغاله واحنا اللي ماخذينا قروض شنو لنا؟؟

اسقاط القروض ببساطه تعني ناس تبي الحكومه تدفع لمشاريعها ورفاهيتها

عشان يكون في عداله لازم يتم اسقاط فوائد القروض عن الحالات المتضررة

اما والله تعال اسقط قرض ناس مقترضه مليون والا مليونين لا والله

مو ملزومه الدوله تدفع لرفاهية ناس من اموال الشعب!
 

سلطانه q8

New member
إنضم
26 ديسمبر 2008
المشاركات
1,599
مستوى التفاعل
2
النقاط
0
الإقامة
الكـويت الزين كله
صراحه انا اتمنى القروض يتم اسقاطها على الاقل بس الفوائد

لان ابوي فديته وربي يخليه لنا تعب منها لانه شرا البيت وبنا فيها

كله من القروض وتخيلي طول هالسنين دفع من معاشه كله للقرض وطلع بس دفع الفوائد القرض لحد اللحين ماوصل له

شنو هذا ؟؟ المعاش كله على هالقرض

الله يعين وان شاء الله فيه حل

يسلمو
 

mmloo7a

New member
إنضم
6 ديسمبر 2007
المشاركات
776
مستوى التفاعل
0
النقاط
0
بنات لحظه

خلكم من العداله ماعداله

قبل لاتقولون هالكلام


انتوا ليش معارضين لوبنطالعها بالعدل خل نطالع العداله عند رب العالمين

ميخالف لوكان رايج يعارض هالفكره
بس احتفظي هالكلام وقمتيه

ترى موزين تتشمتين باللي اقترضوا بالبنوك مهما كان

كلمتين اهمه
يا انج تقولين لهم ... الله يفك عونج انشالله
او
الله يعينج
بس

حرام تتشمتين وتقولين

انتي غبيه
كا شوفي فلانه خشت ويمعت وانتي بس تلعبين او تشترين او خذيتي وهذي احسن منج لو كان لو لو لو لو ( لو من عمل الشيطان)


عيب يابنات عييييييييييب


احنا موقصه معارضين ومؤيدين لا كل وحده ولها رايها

لان وايد ناس جذيه

تقعد تذلها وتتشمت من قالج وشحقه خذيتي هذا ربا وحرام شرعا وتقثينها فوق ماهي متلعوزه ؟ سكتي احسنلج

اتمنى وصلت الفكره ويفهموني البنات ومايهاجموني

انا مؤيدة عشان الناس تنام مرتاحه من هالديون وبس تحس بالنعمه اللي اهي فيها
اما
لوبعارض عشان سبب واحد

باجر كل الناس بتقول
الدولة سكرت قرضج بعد شتبين ؟ <======= هالكلام اللي انا ماحبه جنه دافعين شي من جيبهم هالاوادم الحسوده قطيعه


فهمتوا شنو قصدي الحين ؟

يعني انا وحده موفارقه وياي بس ابي اعرف
 

mmloo7a

New member
إنضم
6 ديسمبر 2007
المشاركات
776
مستوى التفاعل
0
النقاط
0
مو ملزومه الدوله تدفع لرفاهية ناس من اموال الشعب!


عشان جذيه مايبون يطيحونها :eh_s(10):


خلاص احنا معاج

بس هاااااااا لوطاحت ديون العراق موتغيرين رايج وتقولين اي جان زين الشعب الكويتي مطيحين قروضهم لانهم اولى من هالعراقيين


حبيبتي بس حطي شي فبالج

الدولة موملزومه تدفع حق التجار لي خسروا بشركاتهم
لان التاجر يقدر يدبر نفسه ويدفع اللي عليه بما انه تاجر وعنده فلوس وخير

خل يبيع قصوره اللي بره الكويت ويسكر ديونه

شنو ماصارت دولة تقعد تسكر حق التجار


لكن حبيبتي غير هذا الشعب اهو أولى

لان لوطاح بمشكله منو يشيله ؟


ليش يذلون الشعب
ويدلعون التجار

ليش ليش ليش


تاجر مديون دفعوا عنه
شعب مديون وسعولهم السجن

شنو الشعب يطبق عليه القانون
واللي بايق 5 مليارات بالغزو مسامحينه ؟


اذا انا وحده ويا القروض
:eh_s(15):


تقول الاخت عداله ها :bbbiu:

خلي العداله عند الله سبحانه هذول اخوانج اولى من الغرب
 

ضحية زمن

New member
إنضم
1 أغسطس 2007
المشاركات
402
مستوى التفاعل
0
النقاط
0
تسلميييين على طرح هالموضووع
صح انا معااااااااااااج..بكل كلمة قلتيها..
وانا مع إسقااااااااط القروووووض..مو الفوائد وبس..على قولة المثل ..لا طبنا ولا غدا الشر..
والسااااالفه كلها والله..حسد ..
الفلوس قاعده تروووووووح برى الديره..
واحنا أولى بكل فلس,,
مو يقولون اموال دوله..
احنا لنا حق فيها ..وهم لنا حق انا نرفض انها ترووووح برا..الا اللي يستااااهل..
وياااااااليت يسقطوووووون القروووووض..
وصج ما سموه قرض..إلا انه قاعد يقرض من معاش الواحد ومن نفسيته والتفكير اللي متعبه.. ومن حالة الصحية
 

ice_cream

New member
إنضم
13 يناير 2008
المشاركات
1,653
مستوى التفاعل
0
النقاط
0
انا مع اسقاط الفوائد

لان الفوائد انلعب فيها من قبل البنوك وصار ظلم كبير على المقترض بسبب الفائده المركبه

والمفروض الحكومه اهيا الي تحمي المواطن من جشع تجار البنوك

امما موضوع عداله وما عداله اتصور وايد امور صارت في الديره ومافيها عداله

اذا بنعددها ما نخلص

اتمنى اتقبلون رأيي المتواضع برحابة صدر

وشكرا على الموضوع
 

LuLiTa

New member
إنضم
9 أبريل 2008
المشاركات
10,976
مستوى التفاعل
2
النقاط
0
الإقامة
HoMe
انا كنت من اشد المؤيديييين لاسقاط القروض

اما الحين لا والله!!

بأي حق يطيحون قروض شخص ماخذ فوق 30 الف عشان يبني قسيمته!!

واحنا ننطر دورنا بالحكومه ماخذنا قرض!

لو طاح القرض اهو عنده بيته لكن احنا شنو عندنا؟؟؟

وين العداله بهالموضوع؟؟

quote]

اختي اسمحيلي ,,, شنو العدالة اللي تبينها ؟ ,, في ناس خذو قروض لانه الظروف حدتهم على هـ الشي ,, الريال عنده قسميته ياخذ قرض و يبنيها عشان يلملم عياله بدال ما اهو دايخ بالاجارات و الشقق و يجابل عمال و يبني و يسوي و يشيل و يحط ,, و انتي تنطرين جم سنه و يطلع لج بيت مبني و خالص و جاهز بس اتشيلين قشج ,,,يعني انتي اللي اييلج الشي بسهالة مو اهوو و انتي اللي متحققة لج العدالة مو اهو ,,,, و انتي بدال ما اتعارضين تقدرين تحمدين ربج بـ النعمة اللي انتي فيها لانه ما عليج قرض ,,,

انا رفيجيتي ابوها اخذ قرض يبني قسيمته بس خلصت فلوسه قبل ما يخلص بنيان فـ نطر جم سنه عشان يعيد الجدولة و ياخذ قرض ثاني يكمل البنيان ,, يعني بيتهم ظلو يبنون فيه 7 سنين يالله خلص ,,, و صارله الحين 5 سنين ساكن بالبيت و للحينه يسدد القرض ,,, و انتي يطلع لج بيتج خالص و مبني و بالج فاضي و ما اتحاتين شي و مو شايله هم شي ,,,,



تبين العدالة ؟

شنو العدالة انه واحد مريض بالمرض الشين و لازم له علاج و عملية و متابعات بس وزارة الصحة مو راضيين يدزونه للعلاج بالخارج و لا حتى راضيين ايبون الدكتور يعالجه بـ الكويت ,, اهله خذوله قرض و سفروه يعالجونه و الحمدلله انه الله شافاه ,,, يعني هـ الحالة تبينه يظل بـ الديرة لا علاج و لا دوا عشان اهله ما ياخذون قرض و تتحقق لج العدالة ؟

و لا تبين الله يبليج بمرضه (اسم الله عليج و الله يحفظ اللي يقرون )عشان تاخذين قرض و اتمرين بنفس ظروفه و اتحقق لج العدالة ؟
 

Čut!e Quèéи

New member
إنضم
1 أبريل 2009
المشاركات
7,333
مستوى التفاعل
13
النقاط
0
العمر
40
الإقامة
кυώαiт ♥
والله المعارضين مو عارفين شي
صايرين مثل الكاسكو يرددون الي يسمعونه مع احترامي لهم
انا الحمدلله لا علي قرض ولا على ريلي
بس الي متأكده منه واشوفه عند بعض رفيجاتي واهلنا
كلهم ماخذين قروض عشان السفر للعلاج و عشان ترميم البيوت القديمه
وبعضهم والقليل منهم عشان ابهاتهم مديونين واضطروا العيال ياخذون قروض يسددون عن ابهاتهم
ترى الي خذا قرض مو عيزان يسدده بس الظلم بالفوائد يدخل واحد محتاج يقول ابي قرض 10 آلآف
يقوله الموظف تصير عليك مع الفوائد 30 ألف ومعاشه 600 ياخذون منه قسط 450 لييييييييييش؟؟؟؟؟؟؟؟؟؟
الواحد مو عيزان يدفع قرضه بس حرام عليهم الفوائد الي شقت الناس ششششق
والي تقول ياخذ قرض عشان يشتري قسيمه اعتقد في شي اسمه قرض اسكان والحكومه عندها كشف اوراق
الي ماخذ قرض الاسكان 70 الف لا تطيح عنه بس الي ماخذين اقل من 10 آلآف ومعاشاتهم اقل من 700 دينار
لهم حق تطيح قروضهم وترجع لهم معاشاتهم صافيه لهم حق يعيشون حياة كريمه مو منشقين شق
معاشاتهم مايبقى منها الا 200 ولا 150 اهيا حق مصرف واهيا حق ماجله بيت
حرام عليكم حسووووووو فيهم لا الله يبيلكم وانتو واقفين ضدهم
انتو عايشين مو حاسين بالمساكين الي اخر الشهر يطرووووون الدينار لان معاشهم كلها راااااايحه اقسااااااط
لاتحاسبون 90% من العوايل المحتاجه على حساب 10% من الشباب الطايش الي توه متوظف صك له قرض عشان يسافر ويشتري سياره
 
التعديل الأخير:

Čut!e Quèéи

New member
إنضم
1 أبريل 2009
المشاركات
7,333
مستوى التفاعل
13
النقاط
0
العمر
40
الإقامة
кυώαiт ♥


بأي حق يطيحون قروض شخص ماخذ فوق 30 الف عشان يبني قسيمته!!

واحنا ننطر دورنا بالحكومه ماخذنا قرض!



اعتقد الحكومه عرضت على المواطنين قرض الاسكان
وعطتج خيرايين
1- تشترين ارض
2- تطلبين بيت حكومه
والي خذا قرض الاسكان وشرا فيها ارض عليه بالعافيه
محد قالج نطري دور جان شريتي مثلهم ارض وبنيتي عليها
والي خذو قرض الاسكان مو ملزومه الحكومه تسقط عنهم لان مالها فوائد بنوك
وانا ضد اسقاط قروض الاسكان + القروض الي تفوق الـ 20 آلف من دون فوائدها
(( يعني القرض الحقيقي الي قدم عليه المواطن ))


وين العداله بهالموضوع؟؟


شنو العداله الي تبينها ؟؟؟؟؟؟؟؟
ناس عايشه على الله مو لاقيه تعيش مثل الناس
انتي ماعندج لا قروض ولا شي شنو تبييييييين؟؟؟؟؟
تبي فلوس كاش يعني ؟؟؟؟؟؟
هذا دليل طمع :eh_s(10):
 

aṕriliå

*مساعدة مشرفات قسم الموبايل*
إنضم
16 أكتوبر 2009
المشاركات
22,703
مستوى التفاعل
31
النقاط
0
العمر
34
الإقامة
ღ هو غير آلكويت وطن ؟! ღ
الموقع الالكتروني
www.q8yat.com
انا كنت من اشد المؤيديييين لاسقاط القروض

اما الحين لا والله!!

بأي حق يطيحون قروض شخص ماخذ فوق 30 الف عشان يبني قسيمته!!

واحنا ننطر دورنا بالحكومه ماخذنا قرض!

لو طاح القرض اهو عنده بيته لكن احنا شنو عندنا؟؟؟

وين العداله بهالموضوع؟؟

وين العداله في واحد ماخذ قرض وشاري عمارة اجاراتها 10 الالف بالشهر

يطيحون قرضه وايرادات العماره شغاله واحنا اللي ماخذينا قروض شنو لنا؟؟

اسقاط القروض ببساطه تعني ناس تبي الحكومه تدفع لمشاريعها ورفاهيتها

عشان يكون في عداله لازم يتم اسقاط فوائد القروض عن الحالات المتضررة

اما والله تعال اسقط قرض ناس مقترضه مليون والا مليونين لا والله

مو ملزومه الدوله تدفع لرفاهية ناس من اموال الشعب!

:eh_s(15):
 
إنضم
6 مارس 2011
المشاركات
1,306
مستوى التفاعل
0
النقاط
0
انا ماني فاهمة ليش الحكومة ملزومة تسدد عنكم القروض
خو انتو الي خذيتوا وانتو الي دفعوا
ماصارت كلشي عالحكومة خل يقطون هالفلوس عالتنمية والاستثمارات عالاقل نضمن مستقبل اعيالنا
مو نلهف الاولي والتالي​
 
إنضم
7 سبتمبر 2007
المشاركات
1,765
مستوى التفاعل
0
النقاط
0
الإقامة
فبيت الغالي عسى عمره طويل
بناات شفيكم كلكم ضد البنات اللي معارضين اسقاط القروض ؟؟

الموضوع انه ضد الواحد يقول كلمه تجرح الشخص اللي ماخذ قرض قبل لا يعرف اسبابه صح ؟؟

خلاص البنات داشين يقولون رايهم بدون تجريح وانا وحده منهم !!

اذا تبون تتكلمون عن العداله العداله انه يساوون بين الشعب بأي حق اهمه يسقطون القروض او الفوائد عن الكل

واحنا اللي مو ماخذين مالنا حق عيل كل واحد خل يروح يطق له قرض بالمبلغ الفلاني وعقب يطالب بإسقاط القروض !!

واللي تقول انه هالشي طمع لا حبيبتي هذا مو طمع هذا اللي تقدرين تقولين عنه عداله ..

واللي يطالبون بإسقاط الفواائد بسس وقاعدين يتحلطمون عالبنوك وعالفوائد الزايده اصلا من الاساااس ليييش راايحه بنك ربوي ليييش

ماتدرين انه ربج محرم الربا !!!! قال تعالى: ( ياأيها الذين آمنوا اتقوا الله وذروا مابقي من الربا إن كنتم مؤمنين) البقره آيه 278
(يمحق الله الربا ويربي الصدقات والله لا يحب كل كفار اثيم) البقره آيه 276

اللي يمشي بدرب الحرام لا إيي ويقول حرام عليكم يالبنوك واعتقد مافي احد دارس وفاهم مايعرف شنو حكم الربا !!!

وبعدين اللي تطالب بإسقاط الفوائد من غير القروض شنو ذنب اللي محتاج فعلا وماشي بالدرب السليم وماخذ قرض من بنك اسلامي بدون فوائد ؟؟؟

يقومون يطيحون فوائد الناس المحتاجه والغير محتاجه ووولد الحلال اللي محتاج وماخذ من بنك ربوي محد يلتف صوبه !!

بنات انا مو ضد انه الدوله تساعد المحتاجين واللي عليهم ديون بالعكس انا اتمنى اشوف عيال ديرتي كلهم عايشين برفاهيه وبراحه بال
وانا هم اعرف ناس مقترضه وناس مدينه وانا مع صندوق المعسرين اذا بيطبقونه عالاقل يفكون عوق المحتاج والمتدين فعلا

مو كل من هب ودب خذا قرض يسقطونه عنه واحنا نتفرج ميخالف بنات لا تاخذكم الحميه وتتكلمون عن نفسكم واهاليكم وتنسون الحق

والعداله انه يعدلون بين الشعب مو العداله انه يساعدون ناس وناس ياما في ناس محتاجه وماخذت ومحد يدري شالظروف

اسفه اذا طولت عليكم بس كلام بخاطري ووقلته واتمنى محد يزعل مني :eh_s(7)::eh_s(7):
 

دمعه قهر2

New member
إنضم
13 نوفمبر 2008
المشاركات
28
مستوى التفاعل
0
النقاط
0
بناات شفيكم كلكم ضد البنات اللي معارضين اسقاط القروض ؟؟

الموضوع انه ضد الواحد يقول كلمه تجرح الشخص اللي ماخذ قرض قبل لا يعرف اسبابه صح ؟؟

خلاص البنات داشين يقولون رايهم بدون تجريح وانا وحده منهم !!

اذا تبون تتكلمون عن العداله العداله انه يساوون بين الشعب بأي حق اهمه يسقطون القروض او الفوائد عن الكل

واحنا اللي مو ماخذين مالنا حق عيل كل واحد خل يروح يطق له قرض بالمبلغ الفلاني وعقب يطالب بإسقاط القروض !!

واللي تقول انه هالشي طمع لا حبيبتي هذا مو طمع هذا اللي تقدرين تقولين عنه عداله ..

واللي يطالبون بإسقاط الفواائد بسس وقاعدين يتحلطمون عالبنوك وعالفوائد الزايده اصلا من الاساااس ليييش راايحه بنك ربوي ليييش

ماتدرين انه ربج محرم الربا !!!! قال تعالى: ( ياأيها الذين آمنوا اتقوا الله وذروا مابقي من الربا إن كنتم مؤمنين) البقره آيه 278
(يمحق الله الربا ويربي الصدقات والله لا يحب كل كفار اثيم) البقره آيه 276

اللي يمشي بدرب الحرام لا إيي ويقول حرام عليكم يالبنوك واعتقد مافي احد دارس وفاهم مايعرف شنو حكم الربا !!!

وبعدين اللي تطالب بإسقاط الفوائد من غير القروض شنو ذنب اللي محتاج فعلا وماشي بالدرب السليم وماخذ قرض من بنك اسلامي بدون فوائد ؟؟؟

يقومون يطيحون فوائد الناس المحتاجه والغير محتاجه ووولد الحلال اللي محتاج وماخذ من بنك ربوي محد يلتف صوبه !!

بنات انا مو ضد انه الدوله تساعد المحتاجين واللي عليهم ديون بالعكس انا اتمنى اشوف عيال ديرتي كلهم عايشين برفاهيه وبراحه بال
وانا هم اعرف ناس مقترضه وناس مدينه وانا مع صندوق المعسرين اذا بيطبقونه عالاقل يفكون عوق المحتاج والمتدين فعلا

مو كل من هب ودب خذا قرض يسقطونه عنه واحنا نتفرج ميخالف بنات لا تاخذكم الحميه وتتكلمون عن نفسكم واهاليكم وتنسون الحق

والعداله انه يعدلون بين الشعب مو العداله انه يساعدون ناس وناس ياما في ناس محتاجه وماخذت ومحد يدري شالظروف

اسفه اذا طولت عليكم بس كلام بخاطري ووقلته واتمنى محد يزعل مني :eh_s(7)::eh_s(7):


عيييين العقل كلامج
يتكلمون عن العداله و الرحمه و اهما اساسا ماخذين قروضهم من بنوك ربويه
تعاملتو بالربا و اعصيتو ربكم تحملو اللي يصير لكم
 
إنضم
22 مارس 2008
المشاركات
6,021
مستوى التفاعل
9
النقاط
0
الإقامة
تحتْ ظِلآل برٍج إيفل !~
صبآآح الخير ...

يسلمو على طرحج للموووضوع بطريقه تدل على عقليتج الناضجه والواعيه ...


......

أولا : أنا مو مآآخذه قرض ,,, بس أأيد إسقاط القرووض ...


.......


خل الحكوومه توفر كل شي هنيه عشان محد يقترض ...

لا مستشفيات نفس الأوادم ...ولا جامعات





........



أنا خالي يكمل دراسته الحين (على حسابه) في بريطانيا واقترض لهالشي ...
لما جا يكمل هنيه ما جستير قالوا له تخصصك مو موجوود ....


يعني شلون يكمل ؟؟



أنا الحييييين ...لو ما طلعوووني بعثه أو مرافقه زوج ... بكمل على حسااابي ...

هم تخصصي مو موجوود ماستر بالكويت ...


يعني هم اللي يضيقون علينا الخناق


ويحدونا على شي



آحنا مانبيه


@@



 

mmloo7a

New member
إنضم
6 ديسمبر 2007
المشاركات
776
مستوى التفاعل
0
النقاط
0
انا ماني فاهمة ليش الحكومة ملزومة تسدد عنكم القروض
خو انتو الي خذيتوا وانتو الي دفعوا
ماصارت كلشي عالحكومة خل يقطون هالفلوس عالتنمية والاستثمارات عالاقل نضمن مستقبل اعيالنا
مو نلهف الاولي والتالي​


لوووووووووول
حبيبتي اي تنمية بليز تقصين علا روحج

شوفي تصاريح احمد الفهد وبتعرفين

استاذ جابر حسره علينا
ومستشفى جابر ودوار الجهراء ماخلصوا
الفلوس تتوزع يمين وشمال
لاتحلمين هذي الكويت صلي عالنبي لا تنمية ولاغيره
ناس تصرف ملايين علا كاكاو وبزمات وسيارات وحفلات وهدايا بلملايين علا حساب فلوس الشعب
بدال لا يبني مستشفى شي جامعه

تنميه ها
باي باي تنميه
:)
 

Apple-q8

New member
إنضم
11 يونيو 2008
المشاركات
800
مستوى التفاعل
1
النقاط
0
انا بعرف الي يقولون عداله شحاركم روحو اقترضو الحين الكويت قاعده تساعد العراق وباجي الدول وتعطيهم ماي وكهربا. ليش خيرنا يروح برا ومايستفيد الشعب منه ومخففين علينا الماي ويقطعون الكهربا علينا ليش انتيً راضيه تشوفين كويتي متبهذل مثلا يبي يتزوج خذا قرض شالمشكله لاتقولين4000شتكفي. الحين البنات يبون عروس وغير التاثيث. ولابتقولين محد طقه علي ايده وتزوج شسوي مسكين يروح يزني استغفر الله ولا يمكن الي مقترض مشتهي يسافر يغير جو شحاركم. ولا محتاج يشتري سياره ولابيت كل واحد وظروفه
 
إنضم
7 سبتمبر 2007
المشاركات
1,765
مستوى التفاعل
0
النقاط
0
الإقامة
فبيت الغالي عسى عمره طويل
انا بعرف الي يقولون عداله شحاركم روحو اقترضو الحين الكويت قاعده تساعد العراق وباجي الدول وتعطيهم ماي وكهربا. ليش خيرنا يروح برا ومايستفيد الشعب منه ومخففين علينا الماي ويقطعون الكهربا علينا ليش انتيً راضيه تشوفين كويتي متبهذل مثلا يبي يتزوج خذا قرض شالمشكله لاتقولين4000شتكفي. الحين البنات يبون عروس وغير التاثيث. ولابتقولين محد طقه علي ايده وتزوج شسوي مسكين يروح يزني استغفر الله ولا يمكن الي مقترض مشتهي يسافر يغير جو شحاركم. ولا محتاج يشتري سياره ولابيت كل واحد وظروفه


كلامج كله عدل وصحيح الكويت خيرها لبره مو لنا والكويت مقصره بحق الشعب وبحق التنميه

بس الحمدالله اسمنا عايشين ومحسودين على عيشتنا بنات لا تصيرون ناكرين جميل وبعدين شنو يعني اسقاط القروض اسقطوها وبعدين ؟؟؟

تحلفين انه ماراح يرد وياخذ غيره احلف لج وابصم لج بالعشره انه بيسقطون قرظه مني بياخذ غيره على طووووول

انا معاج انه الكويت تزيد معاشاتنا ومعاج انه تقلل من غلاء الاسعار ومعاج بالمساوااااه بس مو على ناس وناس

حلوه هذي اروح اخذ قرض ويالله يالديره طيحي قرضي وهم بتاخذون غيره وعقب بتقولون ظروف ومظطرين وهم اسقطوهم

وعلى فكره انا ريلي عليه قرض واتمنى يطيح عنه اليوم قبل باجر بس الحق حق

ولا تزعلون من كلمه الحق يابناااااات :q8:
 

mmloo7a

New member
إنضم
6 ديسمبر 2007
المشاركات
776
مستوى التفاعل
0
النقاط
0
حلوه هذي اروح اخذ قرض ويالله يالديره طيحي قرضي وهم بتاخذون غيره وعقب بتقولون ظروف ومظطرين وهم اسقطوهم

حبيبتي منو قالج ان الناس خذتها عشان تطيحها ؟
وليش كلكم تقولون جذيه

الناس ماقالت هالشي عبط

لان صج صج صج صج خلاص البنوك قزرتها صح واستغلت حاجه الناس :bbbiu:


البنوك من عمرها تعطي قروض حق الناس وتاخذ عادي تاخذ وهي تدفع ومرتاحه

بس صارت تجاوزات ووزادت الفوايد والناس تلعوزت كانت مرتاحه بقسط ثابت جك بوم اللي قسطه 200 صار 450

مو واحد ولا وحده ولا ثنتين ولا ثلاث

حتى القضايا وصلت 54 الف قضية
20 الف على بنك الوطني والباجي متوزعه على البنوك الثانيه

فلازم تعرفون شنو المشكلة بالبدايه موعلى اولج تقولين جذيه

المشكلة لوبفهم وحده وحده هم ماراح تفهم وتظل على رايها

الحسد اهو ذابحنا ولا من زمان طايحه وخالصين


وللي تقول طاحت وبعدين

على الاقل المعاش يرد مثل ماهو
وثاني شي
اللي تحتاج وتاخذ قرض حدها 10 اضعاف الراتب وثابته

انا اقصد جذيه يعني لازم في تشدد ورقابه على البنوك

يعني في نوعين من القرض عندنا

قرض شخصي حتى 15 ضعف الراتب حدج 5 سنين هذا ماعليه مشاكل :eh_s(15):
قرض المقسط 45 ضعف الراتب حدج 15 سنه <===== وايد ناس طاحت بهالمشكلة وخذت قروض بمبلغ فوق طاقتها بدون حسيب ورقيب ويالله ياموظفين ترى ابوابنا مفتوحه نعطي 50 70 80 الف اللي يبي حياه ودعايات وتعالوا ابنوا بيوتكم واشتروا احسن السيارات وتعالي كشخي واحنا نضبطج :eh_s(14):

الغلط الأول والاخير استغلوا هالشباب والبنات الصغار وانقص عليهم وانغشوا بهالقروض الطويله الاجل

قاموا ياخذون سيايير ومايدرون ان القرض اذيه وهم وغم :eh_s(16):

تبين تسافرين تبين اي شي روحي البنك خلال ساعتين نازل القرض
يوم تستانسين فيه

15 سنه تبجين :eh_s(16):

لازم في تشدد شنو سبب اخذج لهذا القرض ليش وشحقه ومايصير لازم في تشدد عمرج مثلا 30 40 متزوجة نعطيج تبين ترممين بيتج عطينا وثيقه بيتج ونسهلج العمليه
لان هذي فلوس لازم تردينها لنا مولعبه نعطيج وباجر تتبجبجين عند بورميه


نفس بنوك اللي بقطر في تشدد ويعطون حتى حق البنات المتزوجات قرضو

مونفسنا فاتحينها بحري ويالله تعالوا اخذوا

ف اي وحده معارضه لازم تعرف ان البنوك اهي السبب وطالما وصل فيها هالحال لازم الدولة تتدخل
لان الاقتصاد ميت مافي ناس قاعده تشتري نفس اول

الحين الدولة تساعد دول اللي بره واللي ماتستاهل وتساعد التجار
الا الكويتيين ممنوع ليش واعليه حرام :eh_s(11):

القوة الشرائية ماتت <===== هالشي فعلا حاصل

اتمنى وصلت الفكره :eh_s(8):
 
إنضم
25 أغسطس 2009
المشاركات
1,175
مستوى التفاعل
0
النقاط
0
اول شي يااختي المسئلة مسئلة سياسية

واحنا دولتنا صغييرة والكويت دولة شيوخها كرماا ودهم يعطونا

لكن شفتي الف دينار الي توزعت علينا ترا الحكام من حولنا تظايقوا منها

لانهة شعوبهم قالوا شحقة حكام الكويت يعطون واحنا ياكثر نفطنا ما استلمنا شي

والكويت دولة صغيرة تخاف يصير لها شي مني مناك محد من الدول المجاورة بوقت الصجية يوقف معاها لانها مدلعة شعبها

تخيلي يطيحون القروووووض مرة وحدة قسم بالله مو بيكرهونا ويتمنون لنا غزو يتم مو سبع شهور قولي سنوااااات

ثانيا اسقاط القروض امر فية عدم عدالة نهائيا

انا اقول يعطون كل من تعدى 21 سنة 5الف دينار ورب الاسرة 10الف وكافي الي ماعلية قرض يستلمهم والي علية تتسدد للبنك على طوووول
 
الحالة
مغلق و غير مفتوح للمزيد من الردود.