نصيحه لكل زوجه كسوله ومهمله مثل ماكنت نصيحه تغيري للاحسن قبل ما يصير فيج اللي صار في

[جلكسيه اس 3]

السلام عليكم و رحمة الله وبركاته

خواتي انا متزوجه من خمس اسنين

حياتي مع ريلي كانت عسل
كان طيب وما يقصر علي بشي

الله رزقني ولد و بنت
و بعدين تراكمت المشاكل علي

صرت ما اهتم و صرت كسوله وايد
كنت افكر بس ابي اشتغل و بس
كنت اروح المدرسه وارجع تعبانه
وانام ما ادري عن اعيالي ولا زوجي
صج كنت بعالم ثاني
مرات اكون زينه و مرات اتخربط ومالي خلق شي

الفتره اللي طافت صارتلي اشياء صحتني من الوهم
الي كنت عايشته
ترا الوظيفه مو كل شي
طبعا انا تغيرت وايد بس
للاسف بعد فوات الاوان
يمكن اطلق الحين
و يمكن ما اطلق
لان اللي ينكسر ما يتصلح:eh_s(11):

انا حبيت اقولكم قصتي وانصحكم
و هم ابيكم تدعون لي انه تنصلح الامور

 

[بتبوتااا]

حاولي تصلحين الي انكسر مهما كان بيتج وريلج وعيالج اهم من وظيفتج الحين ياقلبي

كلمي ريلج وقوليله الي بقلبج بكل وضوح وان شاء الله الله يوفقكم وما تتفرقون ,,

 

[جولينار]

الله يوفق بينكم ويسخركم لبعض

 

[_ظل الياسمين _]

تلاحقى عمرج دامج عرفتى غلطتج وين باجر لى تطلقتى ولا اهو تزوج وحده ثانيه
يكون كل شى انتهى وندمج بيكون اشد واقوى خصوصا مع وجود اليهال........
ردى لبيتج وخليه جنه بوجودج واهتمامج بكل التفاصيل اصلا هذا بيتج
قصب طيب لازم تجابلينه هذى فطره فى المراه لانه هالبيت مملكتها بكل مايحتويه
وخلى ريلج وعيالج بالدرجه الاولى صدقينى شوى شوى ريلج بينسى ويسامج
ومشكوره عالنصيحه حبيبتى واحنا نبيج اول من يلتزم فيها وتجين تبشرينا بالاخبار
الحلوة باذن الله.................واتمنى من ربى يجعل مابينكم بردا وسلاما ويرده لج ردا جميلا.

 

[جلكسيه اس 3]

مشكورين خواتي
بتبوتا ممكن اكلمه
ليش لا
بس المشكله احسه بايع خلاص
و الوظيفه مهمه بس مو اهم من الاهل
حقيقه عرفتها متاخر

 

[المنبثقة]

الله يرده لكم ويخليكم لبعض ......

الشغل مو كل شي حتى الزوج والاطفال لهم واجباتهم ...........

الله لايغيركم على بعض وعساكم تردون لبعض ان شاء الله ....

 

[جلكسيه اس 3]

ظل الياسمين
انا ما ودي بالطلاق
بس اهو يبي هالشي
انا ماقدر اغصب احد يعيش معاي قصب
هذا اللي تعلمته بحياتي

 

[كويتية222]

اختي اهو ما طلب الطلاق الا لما شاف نتيجة افعالج وتصرفاتج

يعني اهو ما يتذكر منج الا الكسل والربادة والاهمال والنوم

ويقول في نفسه شبي بالانسانة اللي ماتدري حت عن عيالها !!

خلج قوية وذكية واتصلي فيه وقوليله برد الزوجة الاولية عطني فرصة أخيرة لاني وعيت ع اخطائي وانت وياك حق

وصدقيني لما تقولين له هالحجي وتأكدين له انج بتتغيرين وصحيتي ع نفسج وعرفتي انج غلطانة بيشاور نفسه وبيعطيج

فرصة وانتي عاد لا تهملين بيتج وعيالج اوكي ردي من الدوام طبخي غداج اللي مجهزته من الليل وشوفي عيالج

وتيمعوا ع السفرة ويا بعض وجابلي عيالج اكليهم وبعدها قوليله بريح ساعة وقعدي ع المغرب وشوفي حياتج

وشوفي ريلج كلنا نتعب وظيفة وعيال وتدريس لكن الله يعينا بس ويعينج يارب ويتمم اموركم على كل خير

 

[BiiShOoO]

الله يسشخره لج يا رب و تهدي النفوس

 

[مجنونة حمد]

الله يهديه ان شاء الله

 

[منار البربرية]

عفوا اختي للي فهمته انتي مدرسه ؟ يعني وظيفتج متعبتج وخلتج تهملين بيتج عادي هذي ضغوطات الحياة والاسرة والعيال يارب ترجع المياه الي مجاريها يارب يفتحها بويهج صج المتزوجه مو مرتاحه ولا العزوبيه مرتاحه هذي الدنيا خلج اقوي من الظروف

 

[al-musk]

حاولي كثر ماتقدرين يشوفج زوجج انج ندمانه وقاعده تحاولين تصلحين الي خربتيه وان شاء الله تتعدل الأمور ويعطيج فرصتج وماتهون عليه العشرة والله يسهل عليج

 

[جلكسيه اس 3]

مشكورين بنات

منار انا مو مدرسه
ادرس
كويتيه صح
بس كنت طيبه
وفي ايام كنت عسل
بس تدرين رياييل وقت ما يعصبون ينسون كل شي حلو
!!!
نسى كل شي فيني زين
صح ماانكر اني كنت كسوله بس هم في ايجابيات
وهوا ما شاء الله ما قصر نسا كل شي زين فيني
نسا اني ام اعياله ,,,
اذا الوحده عانت من ظروف نفسيه واحباطات
الاهل يوقفون معاج بس الريل بلحضه يتخلى عنج !!!
حاليا ماكو تواصل بينه و بيني ابد
ولا ابي اتواصل معاه
دامه بايع بايع

 

[ياشايل الظبى]

الله يسخره لج يارب

 

[اسيرة زوجها]

اللهم مالكها قلب من تحب
اللهم رده لها ردا جميلا
ويسر امورها

 

[تبطي عظم!]

اللهم ردها اليها ردا جميلا

الله يهديكم لبعض ويسخره لج ~

 

[جلكسيه اس 3]

اللهم مالكها قلب من تحب
اللهم رده لها ردا جميلا
ويسر امورها

مشكوره على الدعاء
والله يوفقج يارب

 

[zaina alotibi]

ان شاء الله الي انكسر بينكم يتصلح تفائلي بالخير ووضحيله انج عرفت غلطج وبتصلحينه والله يهدي بالكم

 

[جلكسيه اس 3]

اللهم ردها اليها ردا جميلا

الله يهديكم لبعض ويسخره لج ~

مشكوره
والله يسمع منج

فديتكم يا كويتيات احلى بنات

 

[جلكسيه اس 3]

ان شاء الله الي انكسر بينكم يتصلح تفائلي بالخير ووضحيله انج عرفت غلطج وبتصلحينه والله يهدي بالكم

حياتي والله الله يسمع منج :eh_s(17):