ساعدوني منو اختار دكتور يسويلي التكميم

[دمع القلوب]

العنوان واضح

اكثر المدح على الدكتوو محمد العنزي / البستكي / الحربي / العجمي

انتو شراااايكم

ابي عملية الثقب الواحد اللي تصير من السر

اللي تعرف ترد منو يسويهاااا فيهم

 

[اميره بكلمتي]

عملية الثقب الواحد يسويها الجارالله بس نصيحه ترا محد يمدحه كلللش لاجازفين بعمرج

اذا تبين عندج خالد العنزي هذا شاطر وبجدااره وعن تجربة شخصيه اهو يسويها بخمس فتحات

 

[donat]

اميرة ليش محد يمدح الجارالله؟

 

[اميره بكلمتي]

اميرة ليش محد يمدح الجارالله؟

لان عملياته كلها فاشله ولها مضاعفات واغلب الوفيات عنده

مع انه اهو ايام ماكان وزير الصحه اهوو مدخل هالعمليات الكويت

:eh_s(7):

 

[donat]

لان عملياته كلها فاشله ولها مضاعفات واغلب الوفيات عنده

مع انه اهو ايام ماكان وزير الصحه اهوو مدخل هالعمليات الكويت

:eh_s(7):

عاد تصدقين توه ولد حماي مسوي عنده تكميم من 3 شهور والحمدالله كل شي اوكي و يمدحه وايد مع ان اغلى من الدكاترة الباقيين بالف دينار تقريبا ... يعني اخذ من ولد حماي 3800 دينار وسواها بالسلام.
بس ولد حماي كان يبي الجارالله و يقول ان اهوا احسن واحد واكثر واحد مسوي هالعمليات فيكون خبرته اكثر من الباقي. و نصحني اني اذا قررت اسوي ما اسوي الا عند الجارالله...عشان جذيه استغربت لما قلتي محد يمدحه :eh_s(10):

 

[اميره بكلمتي]

انا مثلج كنت بسويها عند الجارالله بس لمى بحثت عنه محد مدحه يعني قليييل وبعدين مارتحتله كلللش

 

[تمنيتك]

شوفي وايد دكاتره عندنا يسوون هالعمليه
ومشاالله كلهم شطار
والجار الله معروف واهو اللي علمهم واهو الوحيد اللي يسويها بثقب واحد لانه خبره
وهم الدكاتره الباجين خبره مافي دكتور اول مره يسويها وبيسويها لج
انتي روحي لكذا دكتور
انا رحت حق فهد الاصفر( حكومي) .. وليد البستكي .. خالد العنزي
وللعلم محدر فيهم رضا يسونها لي سواء حكومي او خاص لان وزني وطولي وكتلتي ماتحتاج ..بس زدت جم كيلوو بعدها


بس هم رحت لدكتور احمد الشرهان وسواها لي ب 2600 فقط اقل واحد بس والله شهادتي فيه مجروحه والله والله عاملني جنا بنته قبل العمليه وبعد العمليه ولما بطلع من المستشفي ..حتي سمه علي وقالي نصيحه اذا ماحاشج العوار هم مسكي بطنج وقولي يعورني .. لان قلت له بعد العمليه سويت العمليه ؟؟؟ مشاءالله صج ارتحت له من دشيت العياده وقلت له انا رحت كذا دكتور ​

 

[shams2008]

وليد بستكي والعجمي
اهلنا مسوين عندهم

من قال الف يسوونها
تطلع عليج ٣ الاف

 

[shams2008]

سوري فهمتج غلط

 

[اميره بكلمتي]

اذا انتي تبينها سويها اللي معروفين حييل واللي اكثرهم عنده امثال البستكي والعجمي وخالد العنزي وذا قصدج عن الفتحات عادي ترا مع الايام يفتح لونها وماتبين انا صارلي فتره والحين الفتحات بدت تصغر شوي ويفتح لونها

 

[مذهلة 78]

والله حبيبتي انا انشالله بسويها عند عبيد الحربي ووايد بنات مسووين عنده

وامدحوه فتشجعت ورحتله والحمدلله ارتحت له واااايد فقررت اسويها عنده

 

[دمع القلوب]

يمااااي بنت الكويت والله خوفتيني لما قلتي يطلع ريحه السررر

ابعرف الحين الخمس فتحات كبار حيل يعني تكون واااااااضحه والا تترقع مع خطوط الحمل اللي صايره خريطه في بطني

 

[دمع القلوب]

امانه اميره بكلمتي وبنت الكويت ما حاشكم تانيب ظمير لو واحد بالميه لما سويتوهااا

وبعرف شلتو المراره مع العمليه والا لا

 

[دمع القلوب]

انا موعدي عند الدكتور العنزي تاريخ ١٠ / ٥

واذا ما رضا يسويهااا لي بروح للشرهااان

يعني ان شاء الله اخر ٥ اكون مسويتها باذن الله

ادعوووووولي

 

[sara-25]

انا مسويتها عند الشرهان وخمس فتحات بس والله ولا تحسين فيهم وما يبينون الحمدالله ترا العمليه كلش سهله

 

[دمع القلوب]

الشرهان اخر الحلول

بشوف العنزي اخاف ما يرضى يسويهااا لي

انا بس ابي 25 كيلووو

 

[ام كويتية]

احمد الشرهان
انا و خواتي سويناها عنده
الدكتور نفسه يهبل جنه ابوج يدير باله عليج عدل
و هو ارخص واحد يقول ان الدكاترة يرفعون الا سعار
و يستغلون حاجة المريض
و هو قصدة يساعد المرضى و بس
احمد الشرهان و بس

 

[MisS.Wawa]

وانتي مغمضه عند الدكتور هيثم الخياااط
اخلاقه عاليه واذا رحتيله تحسين ما تبين تروحين حق احد غيره
اهوا بالحكومي بمبارك والخاص بدار الشفا
خالاتي سووها عنده وامي بعد
ورفيجات خالتي
عنايته تينن ويمشي معاج خطوه بخطوه واخلاقه وروحه تهبل ما يقصر والله
واهوا بدار الشفا والعمليه اللي اعرفها تحويل المسار جنه كلفت خالتي مع المستشفى 2000 دينار او زياده 100 تقريبا مو اكثر قلبي
وخمس فتحات ما تبين جنهم حبه مع الوقت والدهان يروحون قلبــي
بس اذا انتي صغيره عليج بالرجيم والاراده لانه التكميم تردين تمتنين اعرف 3 بنات ردوا كبت وامتن من قبل طبعا غير الترهلات والخرايط اللي بالجسم
ماكو على الرياضه والاكل الصحي والرقص الشرقي يرسم الجسم ويطلع خصر ورياضه الماي والسباحه تشد الجسم عدل
ودكتور هيثم معروف وعنده زحمه بعد
وانشالله اكون افدتج​

 

[اميره بكلمتي]

يمااااي بنت الكويت والله خوفتيني لما قلتي يطلع ريحه السررر

ابعرف الحين الخمس فتحات كبار حيل يعني تكون واااااااضحه والا تترقع مع خطوط الحمل اللي صايره خريطه في بطني

الفتحات تكون صغااار

 

[اميره بكلمتي]

يمااااي بنت الكويت والله خوفتيني لما قلتي يطلع ريحه السررر

ابعرف الحين الخمس فتحات كبار حيل يعني تكون واااااااضحه والا تترقع مع خطوط الحمل اللي صايره خريطه في بطني

الفتحات تكون صغااار