احلى تجمع للاوربيات اللي بيسافرون في صيف 2011

[om_7sin]

مشكوورة حبيبتي لولي يعني جم درجة الحرارة؟؟؟ واخذ حق عيالي صيفي وشتوي عالعموم احنا ماراح نقعد بفينا بس مرور ويكفي يوم واحد نزور كل هالاماكن ولا يبيلة يومين ؟؟؟

 

[Samurai]

ام حسين .. فيننا تبعد عن كابرون 4 ساعات !

 

[أم الحلوة جمان]

ماشالله خووش تجمع وأنا أنضم لكم ...
الحمدلله حجزنا التذاكر (كويت - ميونخ - كويت ) من 2/7 الى 24/7
عالإماراتية ... أنا وزوجي و عيالي ( 7 سنوات و 4 سنوات ) ب 980 دك
الأيام قسمتها بعد الاستعانة بمنتدى المسافرون العرب كالآتي :
اول ليلتين بميونخ لزيارة الأماكن السياحية (و ليس التسوق )
بعدها 5 ليالي بكابرون و منها أزور سالزبورغ و زيلمسي ...
بعدها 5 ليالي بمنطقة ايطالية اسمها (لزيز ) و منها أزور فينيسيا و فيرونا و ميلانو ..
بعدها ليلة بجنيف أو ديفون (منطقة ريفية بفرنسا)
بعدها 5 ليالي بباريس ( طبعا ديزني و الشانز و السوق)
بعدها ليلة بمنطقة المانية (ليلحين محتارة بس ابيها يم شتوتقارت عشان الأوتلت)
و بعدها 3 ليالي بميونخ للتسوق ...
وبسسسس سلامتكم

 

[أم الحلوة جمان]

اول ليلتين حجزتهم في فندق اسمه Anna Hotel .. عن طريق موقع Booking
خذيت غرفة مع سرير اضافي و الإفطار ب 144 دك
و طبعا بنأجر سيارة طول الرحلة ان شالله ...

و جاري البحث عن باقي الفنادق .. و يفضل شقق فندقية ...

 

[أم سيف وسلطان]

أم الحلوة جمان ماشاء الله رحلتج مبينه حلوه

 

[om_7sin]

Samurai يعني مااقدر اروح واذا بقطار ماينفع ؟؟؟

 

[أم الحلوة جمان]

توني حجزت شقة في كابرون : Johannahof Appartements اللي عجبني فييه قعدة خارجية و العاب للأطفال و ترمبولين .. و الآراء عليه زينة و ان شالله أتوفق فييه .... 5 ليال ب 214 دك

 

[miele]

انا بروح مع اخوي تركيا بس ودي بكابرون وبعد ابي سوقه وشوبيغ حلو لازم اجيب صوايغ لخواتي ويكون شي سنع
ادا بروح 10 ايام 4 بكابرون والباجي ابي وحده منكم حلوه وعسل تفيدني وين اروح وباي فندق احجز ؟؟
انا عمري 25 واخوي 20 فبحجز كل شي من الكويت عشان ما اخاف ان يكون شي مو مضمون وشلون التنقل من مكان للثاني وجم المده؟؟

 

[أم الحلوة جمان]

miele: حبيبتي انا ماني خبرة بأوروبا بس من كثر ما قرييت عنها لتخطيط سفرتي ... بما إن عندج 10 ايام
فخلي 4 ليالي بكابرون ( منها تزورين زيلمسي و الأماكن السياحية الشلالات - البحيرة - الزحلاقية الصيفية - مصنع شوارفسكي - ركوب القوارب الشراعية .. )
و خلي 3 ليالي بسالزبورغ ( يمدحون الاوتلت و السوق ) و طبعا المناظر و البحيرات و المدينة القديمة ..
و خلي ليلتين بميونخ للسوق

الإجمالي 9 ليالي ( 10 أيام )

 

[miele]

مشكووره ياقلبي والله يخلي لج جمان الحلوه

 

[Samurai]

ام حسين ً بالقطار احتمال ٥ ساعات.

 

[om_7sin]

مو المفروض القطار اسرع ؟؟؟ بنات ابي شورتكم انا حاجزة السيارة من مطار ميونخ لي زلمسي وبعدين برد ميونخ ٥ ايام تنصحوني اخلي السيارة معاي ولا اردها وانا ودي اروح منطقة الي فيها بلاك فوريست ( الغابات السوداء)*

 

[Samurai]

خليها وياج .. أكيد
روحي يوم قارمش حلوه والكل يمدحها .. تبعد ساعه وفيها زحليقه صيفيه ويمها بحيرة eibsee
وروحي يوم للأوتليت ingolstadt يبعد ساعه
وفي عندج بحيرة stranbergersee
وبحيرة tegrnsee تبعد هذه البحيرة تقريبا 53 كم من ميونخ والطريق لها بالسيارة رائع لأن معظمه مزارع وابقار وعلى طول الطريق
وفي حديقة ليجو لاند حلوه لعيالج تبعد يمكن ساعه مو متأكده
http://www.legoland.de/en/Explore/Activities

البلاك فورست بعيده شوي تقريبا 4 ساعات

 

[om_7sin]

حبيبتي sumori مشكووورة ماقصرتي

 

[AJWAN]

لولي لوسمحتي اي شهر كنتي رايحه وكانت فيينا حر عفيه فيدينا

 

[أم الحلوة جمان]

خليها وياج .. أكيد
روحي يوم قارمش حلوه والكل يمدحها .. تبعد ساعه وفيها زحليقه صيفيه ويمها بحيرة eibsee
وروحي يوم للأوتليت ingolstadt يبعد ساعه
وفي عندج بحيرة stranbergersee
وبحيرة tegrnsee تبعد هذه البحيرة تقريبا 53 كم من ميونخ والطريق لها بالسيارة رائع لأن معظمه مزارع وابقار وعلى طول الطريق
وفي حديقة ليجو لاند حلوه لعيالج تبعد يمكن ساعه مو متأكده
http://www.legoland.de/en/explore/activities

البلاك فورست بعيده شوي تقريبا 4 ساعات

يعطييج العافية ساموراي و انا بمخططي حاطة ببالي اني ازور قارميش وايد يمدحوونها ..
بس عندي سؤال .. ليجو لاند مسوييين شي عن الرسوول ؟؟؟ لان ريلي لما قلتله ليجو لاند قاال ما ارووح لهم متطنزين عالرسوول (حسبي الله علييهم )

مشكووره ياقلبي والله يخلي لج جمان الحلوه

حبييبتي ولو ما سويت شي و تسلمييين و ان شالله تكوون سفرتج حلللوة

 

[غلاتي الكويت]

بناات انقذوني


انا ان شا الله ريلي اليوم قال بيحجز حق شهر 5 نص 5 تقريبا على اساس زلامسي وميووونخ


وانا قلته دام رايحين مره وحده خل نمر ديزني لاند خاااااااااااطري اشووووفها


بس بعدين اكتشفت انه الطريج حيل بعيد تقريبا 7 ساعات بالسياره


والطيران الداخلي حيل غاااالي طلع تقريبا 150 دينار حق الشخص الواحد


فشلووووون ارووووووح حق ديزني من ميوووونخ حدي متوهقه وبخاطري اروح



في احد رااح ديزني من ميووونخ وشلوون


رددووو علي واللي يعافيكم قبل المغرب قبل ما يحجز ريلي

 

[أم الحلوة جمان]

فجوورة : انتي جم مدة السفرة ؟؟؟
انا راح أرد من باريس لميونخ بس راح اخذ ليلة بمنطقة بالوسط انام فيها لان انا معاي يهال واخاف الطريج اللي ب 8 ساعات يصير 10 أو اكثر عشان جذيه قلت راح ناخذ ليلة بمنطقة بينهم مثل ستراسبورغ

 

[غلاتي الكويت]

فجوورة : انتي جم مدة السفرة ؟؟؟
انا راح أرد من باريس لميونخ بس راح اخذ ليلة بمنطقة بالوسط انام فيها لان انا معاي يهال واخاف الطريج اللي ب 8 ساعات يصير 10 أو اكثر عشان جذيه قلت راح ناخذ ليلة بمنطقة بينهم مثل ستراسبورغ

سفرتي ان شا الله 11 يوم

 

[~Ms. elegant~]

فجوره انتي ودج بمدينة ملاهي بمستوى ديزني لاند والا ضروري ديزني لاند نفسهاا
اذا تبين نصيحتي روحي يورب بارك عالاقل قريبه من ميونخ ونفس ديزني لاند
على كلام الكل ويمكن اكبر من ديزني لاند بعد
انا حطتها بمخطط سفرتي ضروري امرها لانها قريبه من ميونخ
وديزني جيتها قبل جم سنه​