يالله نبدي بسم الله بالطريقة
المقادير :
1- دجاجة كاملة مغسولة منظفة بدون تقطيع
2- حبة ثوم مبشورة كاملة
3- عصير 5 ليمونات
4- كوبين ماء
5- كوب زيت زيتون
6- الخضروات : بطاط مقطع مثل الكور + بصل صغار منزوعه القشر + فلفل اخضر بارد مقطع طوال و عراض + جزر مقشر تقطع الى نصفين
7- البهارات :
ملح قفشة و نص ( مو قفشة الاكل ولا قفشة الجاي ) وسط
فلفل اسود قفشة و نص ( قفشة الجاي )
بهارات دجاج ( قفشتين جاي )
هيل و دارسين و زنجبيل و لومي بودر كل واحد قفشة جاي
و كمون قفشة و نص ( قفشة جاي )
شوية فلفل احمر مجروش او بودر و تقدرين تستغنين عنه
8- مكعب ماجي واحد مبشور
9- جيس شواء بالفرن خاص للدجاج
في انواع بالجمعيات اختاري المناسب للدياي
...
الطريقة :
في صحن كبير او جدر تخلطين كل المكونات اللي ذكرت فوق ما عدا الدياية
تخلطينهم عدل و تقلبينهم ، تفركين الثوم بالخضروات
و يستحسن تلبسين دسوس نايلون لان ريحة الثوم ما تروووح من الايد :eh_s(1):
تحطين الدياية بالخليط و فركيها جنج تسبحينها لول
و حطي داخلها حبة بطاط و حبة جزر و جبة بصل و فلفل اخضر على حسب شكثر تكفي معاج
و سكري ريولها بخيط عادي .. انا ما سكرت ريولها حطيتها على طول
تشيلين الدياية و تحطينها داخل جيس الشوي و تحطين حوالينها باقي الخضرة و تصبين كل اللي بالجدر داخل الجيس
و تسكرينه بالسير اللي موجود مع جيس الشوي
تحطين الجيس بصينية و تدخلينها الفرن تفتحين بس من تحت
شرط الفرن يكون حار .. و تحسبين ساعه و جيكي عليها كل شوي
لمة تحسينها استوت
تفتحين الفرن من فوق تخلينه مقصر تقريبا 10 دقايق
انتي شوفيها ليما تحمر
انا اخليها تحمر بالجيس و بعدين افج الجيس و اردها بالفرن احمرها اكثر عشان تصير الحرارة مباشرة للدياية
و سلامتكم :ggdw:
