كل ما اتسبح تطلع الريحة فشله ساعدوني تكفون ..

[to0taa]

السلام عليكم خواتي ... أنا قبل 3 أسابيع حطيت خلطة سدر اول مرة بشعري خلطت معاه ماي بصل و ثوم و حبه بركة و من يومها كل ما اتسبح تطلع من شعري ريحة خرووووف :eh_s(16): والله بدون مبالغة .. حطيت دابر املا جم مرة قلت هذا ريحته تصك الراس يمكن توخره ماكو فااايدة والله فشله أمس قاعدة مع رفيجاتي و كنت توني متسبحه ولا تقوولي في ريحة خياس تشميين :eh_s(2): بغيت اموووت قتلها هذا انا شعري ريحته خرووف .. تكفون اللي تعرف اي شي يوخر الريحة تفيدني و بكون شاكرة لها :yaaaaaarb:

 

[كويتيه من باريس]

يوووووووووووووووو شطاري عليج بصل وثووووم خخخخخخخخخخ

ماكو الا حل واحد بس

شوفي مجمع الخيمه بالفروانيه وحده تبيع رشوش مبخر .. يقضي على كل ريحة شعر تخطر في بالج

انا خذيت من عندها من مده وحطيته بشعري تمت الريحه فيني اسبووووووع

ومو غالي جنه على 4 بس ويكفي حق 5 حطات

موفقه

 

[الأميرة جوري]

صبغي شعرج ..يمكن تروح

 

[درة أهل الطولات]

حطي حنه

 

[ميار مطير]

اما خروف هههههههههههههههههههههه
قسم بالله مت من الضحك
اوك حبيبتي حطي حنا ونسكافيه وبعدها غسليه وبخريه

 

[to0taa]

يوووووووووووووووو شطاري عليج بصل وثووووم خخخخخخخخخخ

ماكو الا حل واحد بس

شوفي مجمع الخيمه بالفروانيه وحده تبيع رشوش مبخر .. يقضي على كل ريحة شعر تخطر في بالج

انا خذيت من عندها من مده وحطيته بشعري تمت الريحه فيني اسبووووووع

ومو غالي جنه على 4 بس ويكفي حق 5 حطات


موفقه

حبيبتي مشكوورة بس انا كلش ما ادل بالفرووانية القى رشووش بالحواي ولا محلاط الشايع ؟

 

[to0taa]

اما خروف هههههههههههههههههههههه
قسم بالله مت من الضحك
اوك حبيبتي حطي حنا ونسكافيه وبعدها غسليه وبخريه

تصدقيين شكلي بحط نسكافيه بروحه مالي خلق ريحة حنه على الخيااس مشكوورة :eh_s(7):

 

[كويتيه من باريس]

اي حطي حنه صح وحطي معاها رشوووووووش وريحان

هذول صج يمصون الريحه

 

[to0taa]

مشكووريين كلكم ما قصرتوا :**

 

[الـ حالمة]

الله يعينك فتره وتروح ان شاء الله جربي تحطين مويه مع ليمون بعد ماتحممين اشطفي شعرك فيه ثم حطي دهن عود خاص بالشعر

 

[خالة ساره]

خمرية زهور الريف دلع البنات قويييييييييييه وراح تقطع لك الريحه
اناصارت معي با المايونيز حطيته وكانت ريحته قويه مرررره
جربت النسكافه وخسرتها مابينت يمكن تنحط ناشفه ماادري
بس خمرية دلع البنات شالت الريحه مرره وصارت ريحة شعر
كل مااغسله عطرررررررررر

 

[الله كرريم]

والله صج احراااج ,, جربي حمام زيت ,, روحي الصيدليه قوليله ابي شامبوو يقضي على الريحه

 

[اشوشه]

حبيبتي غسلي شعرك بقهوه القهوه المره الي نشربها راح تقضي على ريحه اي شي. وعن تجربه

 

[ام محمد***]

ان شاء الله بتروح الريحه

والبنات ماقصروا

 

[غرام حمد]

حبيبتي حطي بكاس نص ماااي داافي وحطي معاااه قفشتين جلي الفراوله وغسلي شعرج فيه

وحطي قفشه ثااانيه مع الشامبو بصحن وخلطيهم وغسلي شعرج فيه وحده بوحده واذا ضبطت

قووووليلي

 

[رهـوم]

حطي رشوش وعقب ماتغسلينه حطي خمريه وبخري شعرج وان شاء الله تروح الريحه

 

[to0taa]

خمرية زهور الريف دلع البنات قويييييييييييه وراح تقطع لك الريحه
اناصارت معي با المايونيز حطيته وكانت ريحته قويه مرررره
جربت النسكافه وخسرتها مابينت يمكن تنحط ناشفه ماادري
بس خمرية دلع البنات شالت الريحه مرره وصارت ريحة شعر
كل مااغسله عطرررررررررر

من وين احصلها اذا في رقم دزيه عالخااص ما تقصرين مشكورة

 

[to0taa]

مشكوريين كلكم فديتكم:fun:

 

[غيابك حلم]

لبى والله خفه دمك
حبيبتي مافي اكثر مني خلطات للشعر
مايريحك الا بلسم الشعر بعدها بخور مع خمريه اسبوع شعرك ريحته خطيره

 

[رشيديه كووول]

حني شعرج وثاني يوم زيتي شعرج عشان ماينشف من الحنه وثالث يوم حطي رشوش 4 ساعات بعدين اغسليه