تجمع اللي عيالها بمدرسة الكيمبردج المنقف

[بسمتي]

السلام عليكم
مسوين تجمع ومحد ناداااااني:lkmnkl:
أعرفكم على نفسي أنا ولدي في يير 3
أول سنه دخل روضة حكومي وثاني سنة دخلته كيمبيردج
والحين اهو في الصف الثالث في كيمبيردج
ولدي عنده طاقة 000والحمد لله المس قدرت عليه00الله يعينها في البيت أنا مشيب راسي
بالنسبة لمستوى ولدي زين بس المواد كل مالها تبتدي بالعميق يعني اليوم معطينه 10 كلمات ويطلع مرادفها بالانجليزي ويحطها بعدين في جملة00الله وكيلكم الابتوب بحظني والدجشنري(المترجم الاكتروني) جدامي اترجم الكلمات:gr4uu: وأقوله انت شاطر حطها في جمل
(ارقع لعمري :s141
بس العربي عندهم قوي ما شاءالله أكثرهم مدرسات سوريات
وهم الدين ولدي يحب أبلة الدين يقول كل تعطينا عبر ومواعظ وتعاملهم ككبار
بس لاتتوقعون عيالكم بيوم وليلة يتكلمون انجليزي 00لازم انتوا تعودونهم في البيت على الحوار بالانجليزي00وما لكم شغل باللي يقولكم (عشتوا يعني عيالكم أجانب ما يتكلمون عربي)
أهم شي الحوااار 00واذا رفض الحوار بالانجليزي (ساعات يحسون بالاحراج لأن مو كل كلمة يقدر يقولها) عادي حاولي معاه

 

[بسمتي]

رفع

 

[اجمل احساس ..!]

وعليكم السلام,,,

بسمتي هلابج ..

الله يخليلج وليدج ويرزقج بره

اليوم كان لقاء ولدي امتحانه والحمدلله مر على خير وعطونا اوراق تعبئه ونماذج له

وقالو اذا عبيتي الاوراق جيبها لنا ودفع 200 دينار شهر( 5)

والله يسهل على عيالناااا اجمعي

 

[ساس الغلا]

مرحبا ام الزعيم
الله يخليلج ولدج
ممكن تقوليلي الامتحان كان عباره عن شنو يعني فيه كتابه والا شفوي
وعربي ولا انجليزي يعني ممكن تعطينا تفاصيل اكثر عن الامتحان لان
امتحان اختي وهي تروح اولى ابتدائي يوم الثلاثاء وهي مو ذاك الزود بالانجليزي

 

[اجمل احساس ..!]

هلا والله ساس الغلا

الله يسلمج حبي

لا الاختبار بسيط جداً وهو عن الالوان والارقام بالانجليزي

وولدي يروح كي جي 1 يعني سهل عليهم : )

اما الابتدائي والله مادري عنهم ياليت البنات يفيدونج

هم مسهلين الاختبار المستوى كلن يقول !

والله يسهل عليها عطيها الالوان والحروف والارقام وحفضيها وان شاء الله تحفظهم عدل

 

[ipink]

ماعندهم سايت خاص للمدرسه؟؟

 

[اجمل احساس ..!]

اعتقد السايت باول الصفحااااات

 

[ipink]

دورت باول الصفحات ما لقيت سايتهم ياليت اللي تعرف تكتبه

 

[AJWAN]

مرحبا ياامهات ياحلوين
ادري مومكاني بس المظطر يسوي المستحيل
عندكم معلومات عن كمبردج حولي الاني بدخل ولدي وحدي حدي محتاره بينها وبين اكاديميه الخليج البريطانيه الي يم مستشفى الراشد ايهي احسن واقوى بالتاسيس
عفيه الي عيالها بكيمبردج حولي تساعدني الاني حدي تعبت على فكره ولدي بيروح انشالله اولى ابتدائي

 

[hajer81]

مرحبا ياامهات ياحلوين
ادري مومكاني بس المظطر يسوي المستحيل
عندكم معلومات عن كمبردج حولي الاني بدخل ولدي وحدي حدي محتاره بينها وبين اكاديميه الخليج البريطانيه الي يم مستشفى الراشد ايهي احسن واقوى بالتاسيس
عفيه الي عيالها بكيمبردج حولي تساعدني الاني حدي تعبت على فكره ولدي بيروح انشالله اولى ابتدائي

أتمنى اللي عندها معلومات تفيدج هذا التجمع للكمبردج المنقف وماعندي فكره عن اللي بحولي بس اعتقد انهم نفس الشي لانهم تبع نفس الشركة
بصراحه كمبردج المنقف حلوه حيل وقويه

 

[اجمل احساس ..!]

والله انا سمعت ان المنقف احسن من حولي

عاد مادري حجي فاضي ولالا

انا بصباح السالم حولي اقرب لي

سجلته بالمنقف من كثر مايمدحونها والله اعلم

 

[وبعديين]

اب,,

 

[اجمل احساس ..!]

بنات انا سجلت ولدي وقالو لي املي الاستماااره ورديها باي وقت

يعني متى اي وقت ؟

مايردون على التلفون اللي تعرف ياليت تقولي

 

[M!sS_D!oR]

السلام منو اللي ولدها من روضه حكومه وحولته خاص وشلون تعاملت معاه ؟؟
ابي اسال كيمبردج شلونها من طاقم اداره وتعاملهم وحبيت اعرف بعد دراستهم قويه ويخلون الياهل يستوعب ولا اي كلام يعطيكم العافيه

 

[اجمل احساس ..!]

اخر يوم تسجيل اعتقد 1/5

المدرسه كلن يمدحها وقويه

 

[hajer81]

المدرسه وااايد حلوه وقويه
يعطون ثقه للطفل وتدريسهم قوي مع ترفيه
ويعتمد بالروضه على التصور البصري للكلمات ومنها يعرف الياهل نطق الحروف
هذا غير انهم يحفظونهم بعد الحروف الانجليزيه والارقام
في دفاتر خاصه فيهم يعطونها الياهل وفيها كلمات ويطلبون منج تقرينه بالبيت بس خمس دقايق
يعني مايضغطون عليج
لانه الياهل يكون عارفه من المدرسه بس تراجعين عليه عشان يحفظ
والمدرسات ثنتين وحده أجنبيه والثانيه مساعده لها عربيه
ولدي بصف رسيبشن وسجلته السنه اليايه بقريد وسجلت اخوه بعد بكي جي ون

 

[hajer81]

up
up
up

 

[*sweetgirl*]

قوه بنات حبيت اسألكم في تسجييل الحين ولا خلص لان محتاره بنقل عيالي ومادري وين احطهم

ابي شي عدل لهم

 

[hajer81]

في تسجيل انشاالله
روحي وسجلي عيالج

 

[hajer81]

اليوم رحلت ولدي للأكواريوم وأحاتيه
أول مره يروح رحله بعيد