~البارت الخامس والثلاثون~
ــــــــــــــــــــــــــــــــــــــــــــــــــــ
بدر ماسك ايد فجر ويركض عالبحر
وفجر تصرخ:بدور شوي شوي ترى لابس كعب
بدر وقف:رحمتج
فجر:شههالهديه الي ياييبني البحر وبعدين قلت لك مابي هدايا
بدر:انزين جب وغمضي عيونج
فجر بققت عيونها:أمبيه بدير ماكو اسلوب كلش
بدر:غمضضضي عيووونج
فجر:اووف زين...وغمضت عيونها
بدر وخر شعرها وحطاه على جنب ولبسها قلب ذهب مكتوب عليه fajer ولبسها سوار كارتير love
بدر:بطلي عيونج
فجر شافت القلب والسوار:امبييييه بدووور اشحقه كلفت على عمرك
بدر ابتسم:حياتي انتي تستاهلين فجور
فجر مسكت ايده وعيونها دمعت:احبك وعسى الله لايحرمني منك
ولايرن فونها شالته على طول ومسحت دموعها:الو هلا يما....وهي تطالع بدر:اي يما قاعده اتمشى ويا بدريه عالبحر....خلاص اوكي ناطرتج...باي ...وسدته
بدر:اممم صرت بدريه هاا
فجر شافت شخص الي خلاها تتيمد بمكانها:بدووور ولد خالي...وقعدت وغطت ويها بأيدها وسوت روحها تتكلم بالتلفون
بدر:ترى ما شافج شفيج
فجر وهي مغطيه ويها:واااي ياحسرتي
بدر:انزين رفعي راسج خلاص راح
فجر لما تأكدت ان ركب سيارته طالعت بدر والدموع بعيونها:بدور خاايفه
بدر طالعها وهو متنرفز شوي:لاتخافين ماكوو شي وترى ماشافج
فجر تبجي:سوري خربت الطلعه
بدر:شكو شكو تبجين وليش خربتي الطلعه يالله اشوف مسحي دموعج
ــــــــــــــــــــــــــــــــــــــــــــــــــــــــــــ
لندن
ـــــــــــــــــــــــــــــــــــــــــــــــــــــــــــ
سيلفريج
ـــــــــــــــــــــــــــــــــــــــــــــــــــــــــ
حمد:فروح
فرح:نعم
حمد يوريها النفنوف:شوفيه
فرح:حق منور ؟؟
حمد:لاحقج منور تلبس جذي !! وبعدين صغير عليها هي متينه شوي
فرح عاجبها:مشكور مابيه وايد ضيج ويصك عالجسم ما احب جذي
حمد:بشتريه وراح تلبسينه غصبن عليج
فرح:شنو كل شي بالغصب
حمد وهو ينقي جنطه حق امه:تقدرين تقولين
فرح:ولي متى بتمشيني على مزاجك استاذ حمد
حمد:انا اقول خلصي خلصي ولاتشترين وايد ورانا هارودز بعد
فرح بقلبها هين وخذت 4 جناط وحده حقها وحده حق امها وحده حق زيون وحده حق الهام وخذت لها نفننوفين من ايلي صعب وبدله حق مرزوق ونفنوف حق ضي ونفنوف حوامل حق زيون وشرت تريننقين حق منور تدري فيها تحب هالسوالف
حمد تنح:شنو هذا شاريه حق الفريج كله
فرح:انت قلت لاتشترين وايد
حمد:ااه عناد السالفه امم زين تستاهلين فروح حتى لو ادفع كل فلوسي مومشكله تستااااهلييين
فرح وهي تلبس نظارتها:انطرك بره
حمد:نعم موقالولج انا سايق
فرح:هااو مو انت ريللي حبيبي لازم تشيل كل اغراضي
حمد:امم زين ماشي يا فروح
فرح طالعته من فوق لي تحت وراحت وقفت بره
ولا ايي صوبها واحد مينوون طرار من شكله يقرب صوبها
فرح تطالعه وخايفه
لما قرب صوبها اكثر شافت حمد طلع من المحل ركضت له حيل ولمته
فرح بخوف:حمد شوف هذا
حمد:ها اشفيج انتي منوو شسالفه ؟؟؟
يا لهم الطرار وكان مبين انه مايتحجى بس طلع لهم صورة وصخه وطالع فرح واشر عالصوره
حمد هد الجياس الي بايده:ايا ولد ال...... ((وقعد يكفخه ومابقى سبه ماسباه ويكفخه حيل لي درجه الدم طلع منه))
فرح بصوت عالي:حمد بسسسسس
يو لهم شباب كويتين وحاولو يوخرون حمد عنه
حمد وخر عنه وتفل عليه :p
هني نحاش على طول
حمد وهو يشيل الجياس:امشي انتي الثانيه بعد
فرح طالعت حمد ومسكته حيل
حمد طالعها وسكت
ـــــــــــــــــــــــــــــــــــــــــــــــــــــــــــــــــــــــــــ
ضي تكلم امينة بالتلفون ومحد يدري عنها
ضي:يما ماما الزين حامل وناسه بيصير عندي اخو
امينة:شنوو @@ بعدين انا جم مره قايلت لج لاتنادينها ماما ويالله باي انا بعدين اكلمج ..وسدته
ضي شافت السماعه ومتنحه
يت لها الزين وبايدها الكيكه
الزين وهي تحط الكيكة عالطاوله:وهذي الكيكة وخلصت يالله تعالي خل اقص لج علشان بروح اسوي حق م
رزوق حليب
ضي خذت الايبود مالها :مابي ابي العب بالايبود
الزين:هااو ضيونه حبيبتي اشفيج موانتي قاعده تحنين علي تقولين لي سويلي chocolate cake
ضي بنفسيه:زين بعدين باكل وبقلبها(كله منج خليتي امي تعصب علي )
الزين طالعت ضي وتنهدت وراحت المطبخ تسوي حق مرزوق حليبح
ولا يدش عليها المطبخ مرزوق وهو يحبي
الزين :هلا هلا
مرزوق يطالعها ويضحك
الزين:واي مرزوق والله لو اقدر اشيلك جان شلتك بس ظهري يعورني ...َضي ضيييييي
ضي:هااا
الزين:انا جم مره اقولج لاتقولين ها شيلي ولد عمج وديه معاج الصاله خل يلعب على ماسوي له حليب
ضي :ما اعرف اشيله
الزين:ميييرييي ميييرييي
ميري:يس مدام
الزين:شيلي مرزوق وديه الصاله خل يقعد مع ضيونه
ولايرن تلفونها وكان الرقم غريب
ـــــــــــــــــــــــــــــــــــــــــــــــــــــــــــــــــــــــــــــــــــ
منار قاعده عالقنفه فبجامتها شورت مخطط قصير حيل وبدي ازرق فاتح حفر وشعرها مسويته عنقوص
عبدالله وهو يصكر باب الشقه:ها رديتي
منار تشرب عصيرها وساكته
عبدالله:لي متى زعلانه يعني
منار انسدحت عالقنفه:موزعلانه ولاشي بس خل اختك تحترم نفسها لا اعرف اشلون اربيها
عبدالله يضحك:اووه مرتي طلعت موهينه
ولا طق طق طق
عبدالله راح بطل الباب
ولا غانم ولد هبه:عمي امي تقولكم عندكم معجون طماط :p
عبدالله:منور عندنا؟؟؟
منار:مادري غنوم حبيبي تعال
غانم دش وكان ويها كله نوم
منار تضحك:شنو مقعدينك من النوم
غانم:اييي
منار:حياتي انت دش المطبخ بطل الثلاجه تلقى معجون طماط
عبدالله بصوت واطي:بقاله حشى
منار:اقول لاتقعد تتحلطم ترى على فكره احنا نطبخ بالشهر مره
عبدالله:اي تعلمي تطبخين
منار:على فكره صاير تبط الجبد
عبدالله:اوهو ردينا شوفي منور ترى تعبان ومالي خلق شي!!
ـــــــــــــــــــــــــــــــــــــــــــــــــــــ
عند فجر كانت رايحه ويا امها بيت خالتها
فجر قاعده ويا بنت خالتها روان (عمرها 16 سنة بيضه عيونها عسليه شعرها طويل واشقر وطويله ودضعيفه كانت تشبه ام ابوها فرنسيه وهي حيل ويا فجر )
فجر:والله مادري روان اخاف شافني
روان:لا ما اعتقد وبعدين حتى لو شافج ترى مراح يقول حق احد اخوي واعرفه
ولايايه اخت روان الصغيرة ملاك
ملاك:فجر
فجر:ها اشفيج
ملاك:فهود يبيج
فجر طالعت روان :الله يستر
ــــــــــــــــــــــــــــــــــــــــــــــــــــــــــــــــــــــــــ
انتهى البارت
توقعاتكم
كاسر خاطري حيل
