تكفون بنات وربي تعبت-اضطراب الدوره

[وجودي عسل]

أخباااركم بنااات



تكفوون ابي مساعدتكم


انا نفسيتي تعبت وكله من


الـــدوره

بنااات قولولي شسوي تأخرت علي شهرين


والمصيبه واللي مخوفني معاي وحده بالدوام تقولي امبييه ياويلج هذا بيأثر عليج بعدين


بالذات اني عروس وبعد جم شهر عرسي لجذي على أي شي اتخرع واخاف

وهالدور تقولي ان بيأثر علي ويمكن يسبب عقم



عفيه بنااااات قولولي صج كلامها او لا


وابي شي ينظم دورتي لان موحاله جذي




ناااطره نصايحكم وتوصياتكم


وربي محتاجه لكم

 

[إستبرق]

اي شي شفيها هذي سوته لج فلم هندي لاعادي حبوبه تتاخر الدوره صارت فيني عادي واذا انتي بعد جم شهر تتزوجين احسن لج روحي من الحين لدكتوره امراض نساء وهي تسوي لج تحاليل وتشوف شنو السبب وتعالجها لج ولاتخافين ولاتحاتين شالفلم الهندي الي سوته لج اعوذ بالله في اوادم بس للتخريع يبا قبل لا اتزوج كنت انسى ساعات شي اسمه دوره خخخخخخخخخخخخخخخ بعدين تنزل لي انتي روحي راجعي احسن لج والله يوفقج يارب

 

[كسرة عود]

طبيعي ...... بس روحي للدكتورة عشان تتطمنين

 

[وجودي عسل]

الله يريحكم مثل ماريحتوني


بس بنااات رحت لدكتور وقالي انتي بنت والبنت مانحب نعطيها ولا شي بهالامور

عاااد مدري عنه

يعني اروح لطبيب غيره او لا

 

[*سكون*]

ما أدري أكيد الدكتوره تعرف أحسن منا

بس جربتي وشربتي أعشاب او دارسين عشان تنزل ؟ جربي وان شا الله اتيسر أمورج

 

[شيهانه]

انتي مسويه رجيم قاسي ؟؟؟

انا مره سويت رجيم قااااااااااااااااااااااااااااااااااااااسي جدا
طافت علي دوره لاني صرت عظم علي جلد ..
تأكدي من الدم اخاف نازل عندك الحديد ..

بس الافضل تسألين دكتوره

 

[مسك]

حبيبتي روحي لدكتوره تعطيج علاج عادي

وايد بنات تأخرت عليهم الدوره وتعالجو وتزوجو وحملو ما شاء الله طبيعي مافيهم الا العافيه لا تحاتين


وانا سامعه بعد انه المرقدوش ينظم الدوره


مـــع السلامه

 

[*دبدوووبه*]

شدعواااااااا على اسلوبها جذي يخررررررع؟

حبيبتي ساعات من النفسيه
والتعب
والتجهيز
تختلف الهرمونات شويه
وايد بنات قبل العرس ماتنزل عليهم الدوره
من التعب
او ادوره اطول وياهم

يعني كل شي حسب الجسم

انا اقولج استشيري دكتوره ثانيه
وخليها تسويلج سونار على المبايض والرحم
مافيها شيئ
لان الدوره شهرين مانزلت
تعطيج حبوب بسيطه
اتنزلج الدوره وبس
او تسويلج تحليل دم لهرمون محدد
وتشوف

وكل شي له علاج ياقلبي
ولاتخافين ولا تحاتين
وان احتجتي اي شي انا موجوده ياقلبي

 

[شمس الأصيل]

:33_1185028183::33_لاتخافين من تاخر الدوره لان كثير من البنات دورتهم تخربط بس لما يتزوجون تسنع الله يتمملج على خير

 

[AL REMAS]

دوري العسل الاصلي مع غذاء الملكات ينظم الدورة ويشفي من العقم احسن من الادوية
بس ديري بالج ترى يسمن اذا انتي متينه سوي رجيم خفيف معاه
ولا تخافين كل شي له علاج
وما تشوفين شر يالغالية

 

[وجودي عسل]

ما أدري أكيد الدكتوره تعرف أحسن منا

بس جربتي وشربتي أعشاب او دارسين عشان تنزل ؟ جربي وان شا الله اتيسر أمورج

عسى ربي ييسرلج دربج على هالكلام

تدرين سمعت ان الفلفل الاسود ينزلها

ولوتشوفين وربي احترقت

أي شي اكله اترسه فلفل

انحرق لساني والدوره مومفكره تنزل

وحتى الدارسين اكله ومافاد

 

[وجودي عسل]

انتي مسويه رجيم قاسي ؟؟؟

انا مره سويت رجيم قااااااااااااااااااااااااااااااااااااااسي جدا
طافت علي دوره لاني صرت عظم علي جلد ..
تأكدي من الدم اخاف نازل عندك الحديد ..

بس الافضل تسألين دكتوره

لا عمري ماسويت رجيم ولا فكرت

ورحت مره لدكتور وقال البنت مانحب نعطيها شي

 

[وجودي عسل]

حبيبتي روحي لدكتوره تعطيج علاج عادي

وايد بنات تأخرت عليهم الدوره وتعالجو وتزوجو وحملو ما شاء الله طبيعي مافيهم الا العافيه لا تحاتين


وانا سامعه بعد انه المرقدوش ينظم الدوره


مـــع السلامه

شورتج وهداية الله

بجربه


اصلا انا ماخليت شي الا ماجربته

والدور اللحين على المرقدووش


جزاج الله خير عالرد

 

[وجودي عسل]

شدعواااااااا على اسلوبها جذي يخررررررع؟

حبيبتي ساعات من النفسيه
والتعب
والتجهيز
تختلف الهرمونات شويه
وايد بنات قبل العرس ماتنزل عليهم الدوره
من التعب
او ادوره اطول وياهم

يعني كل شي حسب الجسم

انا اقولج استشيري دكتوره ثانيه
وخليها تسويلج سونار على المبايض والرحم
مافيها شيئ
لان الدوره شهرين مانزلت
تعطيج حبوب بسيطه
اتنزلج الدوره وبس
او تسويلج تحليل دم لهرمون محدد
وتشوف

وكل شي له علاج ياقلبي
ولاتخافين ولا تحاتين
وان احتجتي اي شي انا موجوده ياقلبي

انا من عمري ماتنتظم معاي الدوره


اللهم اخر 6 شهور ضبطت معاي بس من ملجت ردت مثل أول



حياتي تسلميلي على الرد اللي يريح وعساني مانحرم من قلبج الطيب يالطيبه

 

[وجودي عسل]

دوري العسل الاصلي مع غذاء الملكات ينظم الدورة ويشفي من العقم احسن من الادوية
بس ديري بالج ترى يسمن اذا انتي متينه سوي رجيم خفيف معاه
ولا تخافين كل شي له علاج
وما تشوفين شر يالغالية

انا اللحين صارلي شهر وانا اخذ عسل السدر مع عكبر النحل


ومافاد


والشر مايجيج يالغاليه

 

[وجودي عسل]

:33_1185028183::33_لاتخافين من تاخر الدوره لان كثير من البنات دورتهم تخربط بس لما يتزوجون تسنع الله يتمملج على خير

تسلميلي يالغلا

وجزاج خير على هالرد اللي يريح

 

[ii DareeN ii]

طول عمرج مانتظمت عليج الدوره ماجربتي طول هالفتره تسوين تحليل هرمونات تعرفين السبب تسوين سونار تشوفين لاقدر الله في تكييس على المبايض هرموناتج مو مضبوطه

وزنج ينزل ويرتفع بسرعه كل هالاشياء تاثر على الدوره روحي ضروري تسوين تحليل هرمون بعدين ترا ساعات الزواج يساعد على تضبيط الهرمونات روحي طبيبه ثانيه تسويلج تحاليل وتعرفين السبب وان شاء الله المساله بسيطه اغلب البنات عندهم مشكله هرمونات بسبب الفاست فود والمشاكل الي مرت فيها المنطقه والتلوث يعني شي مو غريب ويخرع

 

[jours]

عادي تغيير الجو ولوية العرس والتجهيز

 

[مكنتوشه]

شي طبيعي ما تنزل لانج تحاتين العرس وغيره وبالتالي الهرمونات تكون مومنتظمة عندج ... احسن لج تروحين طبيب مختص . ولا تهملين عمرج ...

وما تشوفين شر

 

[CaRaMeLaH]

شي عادي لاتحاتين وهذي إلي على قولة إستبرق مسويه فيلم ختولي مسويه نفسها فاهمه يعني
لاتحاتين عادي بس روحي إستيشيري دكتور ثاني للإطمئنان
وياشين إلي يتفلسف ويتشيحط على الناس من باب أهوا فاهم كل شي
وقوليلها لما تشوفينها الحمدلله والشكر