طليقة رجلي سممت حياتنا حسبي الله عليها

[روعة خيال]

الله بلاكم بمينونه شتسوون بعد

حسبي الله و نعم الوكيل

شفطت فلوس الريّال و اهي مطلقة عيل ايام ما اهي على ذمته شكانت تسوي!!!!

 

[قلبي سلومي]

لا حول ولا قوة الا بالله

 

[فوق الثريا محلي]

الله يعينج ان شاء الله

 

[كلمتي وحده]

اختى حطي مكانج مكانها لو انج كنتى قبل زوجته الالى وام عياله وطلقج وتزوج وجاب عيال شنو شعورج ؟؟ طبعا اختى لو تاخذ من رجلج ملايين ما يعوضها شي ابد كافي متحمله هي الام والابو وكل شي على راسها بعدين كل وحده يطلقونها لازم اهل رجلها يقولون عوبه وفيها وفيها .. شي طبيعى يجي يوم وتمل هذاي كله بس حره اصبرووو

 

[فوفو22]

حبيبتي

المطلق له حق رعاية عياله ماديا

والقاضي حسب راتب الزوج يقدر المصاريف

يعني المطلق اللي معاشه 600 مستحيل القاضي يحكم نفقة شهرية ب 400 ويترك 200 لعايلة المطلق الجديده

اتوقع هي طالبت بحقوق لعيالها وهذا حق كفل لها القانون

<<<<اجل يجيبون عيال ويتركونهم

اما موضوع قالت وقلنا ...........فهذا ربي يحاسبها مو انا ولا انتي

وكونك وافقتي تتزوجين مطلق ولديه عيال ..........يجب ان تتحملي جزء من المتاعب

وبالنهاية

خليه يدفع لهم نفقتهم الشهرية بانتظام وصدقيني عقبها

لا القاضي ولا القانون رح يحملونه اي مسئوليه

فوفو

 

[ام كوشه منكووشه]

رد : طليقة رجلي سممت حياتنا حسبي الله عليها

لا حول ولا قوة الا بالله

اهيا عبالها بالحركات وكثره القضايا بينجبر يردها ولا ينفصل عنج لا سمح الله بالعكس قاعده تكره فيها اكثر واكثر
ماعليه ياقلبي تحملي وان شاءالله الله يبعدها اهيا ومشاكلها عنكم

 

[ايمانو حلوة]

كود منها عيال تالي طلقها المفروض ماييب منها عيال من اول شهر زواج لانهامن البداية شيطانة على قولتج

الله يعييينج والله الحل عند ريلج وبس لازم يوقفها عند حدها وخلي كبار عايلتكم يحطون لها حد

 

[ضايعة بدنيتي]

رد : طليقة رجلي سممت حياتنا حسبي الله عليها

حسبنا الله ونعم الوكيل فيها

كل ظالم وله يوم

بس انتي تدرين انه مطلق يعني راح تكون عليه التزامات لا لها اول ولا تالي . المفروض انج تشتغلين عشان تعينينه وخاصة ان المحكمة بتكون بصف الاولية لانها ام عياله .

اما طليقته وين اهلها عنها ؟ ما عندها اهل ؟ الحمدلله والشكر بس .

الله يعينك هذا ابتلاء من رب العالمين عسى الله ياجركم على صبركم واحتسابكم

دايم تحسبي عليها

حسبنا الله ونعم الوكيل

 

[ام الوردة]

الله يعينكم

 

[_ظل الياسمين _]

ما طالبت الا بحقها ولو مالها حق ماحكم لها القاضى..
ريلها السابق وولد عمها حقها تنحر يااختى لا تلومينها..
وانا دايم اقووول اللى تتزوج مطلق تتحمل ماهو مثل الخالى المختلى..
ربى يريح بال الجميع.

 

[كلمتي وحده]

انا مليت من القضايا موقفه الحين راحه بس انشالله انطرها تحمل الاموره ويبشر بالسعد ونكمل المسلسل التركي معاه ههههههه عاد طليقي راتبه 1500 ومرته 2000 ووااوو:krkrkr:

 

[فجر الجنوب]

الله يعينك ويبعدها عنكم

 

[نفهمها صح]

رد : طليقة رجلي سممت حياتنا حسبي الله عليها

سالفه.هي سوو فيها نفس شي قبل لاتشتكي اشتكو طلعو لها قضيه من تحت الارض
شدعوه
حشا دور طلايب الله يعينكم عليها

 

[اميره1980]

قانونا ابوهم ملزم في عياله من كل النواحي مأكل و مشرب و لبس و سكن و سيارة و سايق و خادمة
و ازيدج من الشعر بيت لو يطلعلكم بيت الحكومة طليقته من حقها تسكن في البيت بعد هذا القانون

الحل ان ياخذ عياله عنده و تسقط النفقة او ان على الاقل يهددها ان ياخذهم عندها اذا ما خفت من طلباتها اللي تكسر الظهر

 

[over love]

حبيبتى أهى من حقها النفقه والسياره والخادمه بس عاد ماتوصل أنها تجند نفسها ليل ونهار قضايا لين صار عجز براتب ريلج على كلامج ان الشؤون الماليه بدوامه رفضو الأستقطاع !!!

الله يعينكم بس الحل أنج تشتغلين حتى لو مامعاج شهاده لو كاتبه بمستوصف الشغل موعيب عالأقل تريحين نفسج وريلج شوى

وريلج لازم يلتزم بنفقتهم عشان ماترفع عليه ضبط وأحضار وتفشله

والله يرزقكم ويعوضها بريل ثاني جود تفج عنكم

 

[سيماا]

رد : طليقة رجلي سممت حياتنا حسبي الله عليها

الله يعينكم ويرزقكم من حيث لاتحتسبون

 

[ثلوج الليل]

الله يجزاكم خير جميعا....انا رديت علي بعض الردود بس للاسف الرد طار
فانا برد عليكم من غير اقتباس...

رجلي ماسوي جريمه عشانه طلق....ولو ماكانت حقيره ماطلقها
هو بنفسه قالي اول ما خذاني قال انا ماني راعي نسوان ولا راعي زواج
لو ماحدتني ما طلقتها بس مابقي شي ما سوته فيه....هي تشتكيه
وهي علي ذمته...
ويوم انها تبيه وبنت عمه ليه ماحافظت عليه وعلي بيتها ليه تجبرت وزادت زادت لين طلقها....هو يحب عياله والله انه يعاملهم احسن مما يعامل عيالي
اللي تقول القاضي مايحكم....لاحبيبتي يحكم بشي ماتتخيلينه
المحامي يعلمنا عن واحد ينطر كل شهر يتسلف عشرين دينار فوق معاشه عشان
يكمل النفقه....
واكبر مثال...
رجلي قلت ان الشؤون الماليه رفضت بعض الاحكام لانه مابقالنا شي..وين القاضي ماشاف انه مابقالنا شي شلون يحكم
بكل هالمبلغ وحنا ناكل تراب يعني....
عيال المطلقة اوادم وعيال الزوجة قطاوه مالهم اي حقوق
واللي تقول يلتزم فالنفقه هو مسكييين ملتزم بس هي ماخذه المسأله انتقام
تنبش علي المشاكل....مثل تروح تجدد جوازات عيالها وتدفع وتروح تشتكي عليه
وتسويلة ضبط واحضار ليه ما دفعها....يعني تسوي اشياء ماتطري علي احد

 

[هاناا]

لا حول و لا قوة الا بالله


الله يكون بعونكم و يفرج همكم

 

[شقرا كويتيه]

رد : طليقة رجلي سممت حياتنا حسبي الله عليها

وااي الله يعينكم ويرد كيدها بنحرها ياعوبها غصب ردني

 

[روح مغليهآ]

حبيبتي

المطلق له حق رعاية عياله ماديا

والقاضي حسب راتب الزوج يقدر المصاريف

يعني المطلق اللي معاشه 600 مستحيل القاضي يحكم نفقة شهرية ب 400 ويترك 200 لعايلة المطلق الجديده

اتوقع هي طالبت بحقوق لعيالها وهذا حق كفل لها القانون

<<<<اجل يجيبون عيال ويتركونهم

اما موضوع قالت وقلنا ...........فهذا ربي يحاسبها مو انا ولا انتي

وكونك وافقتي تتزوجين مطلق ولديه عيال ..........يجب ان تتحملي جزء من المتاعب

وبالنهاية

خليه يدفع لهم نفقتهم الشهرية بانتظام وصدقيني عقبها

لا القاضي ولا القانون رح يحملونه اي مسئوليه

فوفو

قالت اللي كنت بقوله والله يعينها ويعينكم والقاضي يعرف جم معاشه ول عياله نسبه معينه على حسب معاش ريلج وهذول عياله همن