ابي افكار حق عيد ميلاد بنتي وشنو الجهيزات

[Beyonce_spichal]

السلام عليكم حبوبات بقيت جم سؤال
بعرف اشكثر يكلف العيد الميلاد اذا بسويه بصاله بس مو كبيره صغيره بدور او احد مطاعم مثل ماكدونلز
تجهيزات مثل الالعاب الاطفال و تفافيخ .....الخ
سؤال الثاني من وين اخذ بدلتها ؟
بقيت افكار حلوه
مشكله مابقى الا اسبوعين علي عيد ميلادها
وانا ماجهزت شي
ان شالله تساعدوني عشان من باجر ابلش ادور وحوس
عندي راي جانزين اثبتون الموضوع لانه دورة بين المواضيع محد كاتب عشان او كاتبين من زمان حيل
او اي وحده لها خبرا علي طول اسوي عيد ميلاد اعيالها تسوي موضوع والافكار واداره اثبته

​

 

[MiSs_PiNkOz]

ماعندي فكرة عن السعر بس اتوقع اذا حدة حدة ١٠٠ دينار واتوقع المطعم االي بتسوينه فيه اهو يشرف علي الحفله وييب هديا

ولبسي بنتج لبس أميرة راح يطلع حلو عليها وتلاقين اللبس بألعاب شرق او بروي وقولي حق امهات اليهال كل وحدة تلبس بنتها او ولدها لبس تنكري

واحلا لبس من بين اليهال له هدية .. واذا انتي بتنظمين عيدميلادها بروحج فسوي مسابقات حق اليهال منها لعبة الكراسي اللي يدورون حولها اليهال

ولي وقفت الاغنية يقعدون علي الكراسي واللي ماعنده كرسي يطلع من الاعبه خسران وتقومين تشيلين كرسي وتخلين عدد اليهال اكثر من عدد الكراسي

بواحد لمن ماينقصون كلهم ويبقي كرسي واحد يدورون حوالينه اثنين واللي يقعد علي الكرسي لمن توقف الاغني. اهو الفايز وعندج لعبه ثانية وهي لعبه

بر وبحر ولعبة احلي رقصه او لعبه حركه حركه ستوب ولعبه احلي رسمه ولعبه التفافيخ اللي تربطين ابكل ريل من ريول اليهال بالونه ويقعدون يبطون

بالونات بعض واللي يحافظ علي بالونته اهو الفايز وغيرها وغيرها من الالعاب

واذا تبين تجهيزات مثل صحون وتفافيخ وزينه تلاقينهم بمركز سلطان او بروي والعاب اليهال اغلب الناس تاخذهم من سوق بو اميه عن الخساير لوول

وتقدرين تحطين جيس حلو علي شخصيه حق البنات داخله شبابيص والعاب بنات وصبغ اضافر او حمره ودفتر تلوين واساور وستيكرز وسوالف البنات أما

جيس الصبيان فيكون علي شخصيه اصبيان وداخله العاب صبيان مثل مسدس وسيارة وستيكرز ويويو وغيرها من العاب الصبيان


وعيييبد ميلاد سعيد وتتربي بعزكم يارب
وانشالله اكون افدتج وادعي حق كتكوتي يصير عمرها سنه واسويلها عيدميلاد

 

[كذبـ a ـك حلو]

رد : ابي افكار حق عيد ميلاد بنتي وشنو الجهيزات

كل عااام واهيا بالف خير انشالله وعقبال المليون

ما عندي اي فكره حق اليهال بس حبيت ارفع لج الموضوع

 

[eng^^zozo]

رد : ابي افكار حق عيد ميلاد بنتي وشنو الجهيزات

ماشاء الله مس بنكوز ماقصرت كفت ووفت ..



انا مره حاظره عيد ميلاد و كانت الام مسويه عيد ميلاد بنوتتها بصاله وكان حده حلووو ..


وكانت حاطه بالمدخل اول شي صوره كبيييره حق بنوتتها واهيه قاعده عالكرسي و حاطتها على ستاند وبالمدخل ..

وكانت لابسه الام والبنت نفس النفنوف على و تاج وجذي نفس الشي .. واااايد كان حلو ويايبه مصوره وبوفيه من موفنبيك كان


وعيد ميلاد سعيد مقدما

 

[بنت العوازم]

بقولج شسويت بعيد ميلاد بنتي
اول شي بنتي عيد ميلادها كان بالصيف واهلي واهلي زوجي مسافرين اطريت أأجله لين يجون وكنت ناويه احجز ماكدونلز او اي قاعه بس ماصار وقت اغلب الناس مشغوله بتجهيز حق رمضان سويت حفله صغيره بسرداب اهل زوجي وعزمت اهلي يعني محفوفه لبست بنتي لبس تنطري لبس حووريه منفووش الوانه حلوووه وستايله والله اطلعت لعبه تهببببل وسويت لها كيكه كانت فكرتها حلوه لدرجه انه الناس مابغو ياكونها
حطيت صورها من كان فبطني لين اكلمت سنه صورتها بلبسها اللي بتلبسه بحفله وحطيتها بالنص ودار مدار الصوره يعني مثل البرواز صوره لها بالسونار وصوره او ما اطلعت من بطني حتي قبل لا يغسلونها لافينها بلفة المستشفى وصورها لها بالانفاس وبعد الانفاس ولقطات لها يعني مراحل حياتها تهبل الكيكه وكبيره وكلفتني 50 من الخباز وياللللله بعد ما نشفت ريجهم بس تهبل الكيكه وفكرتها حلوه وشغلت اغاني ورقصنا الجهال وبس صج ماكنت اللي بالخاطر بس الحمدالله كلهم استانسو وكل عام وبنوتج بخير يارب

 

[Beyonce_spichal]

ماقصرتوا حبايبي ماشالله كفيتوا وفيتوا عيد ميلاد بنتي ليمه كان عمرها سنه سويته محفوف بيتنا بس اللحين سنتين وتفهم واهي كل يوم تيبلي الشمعه اتقولي تبي هبي بيرتي تو يو
من جذي ابي اسويلها حفله حلووه
حبوبات ماقلتولي عن الكيكه ابي فكره حلووه في مره وحده حاطه موضوع من زمان حيل انه مسويه كيكه اعيالها كلا من كاب كيك واايد اعجبتني و حطيتها بالي بس ماادري وين مسويتها ماتعرفون محلات اسوي جذي
وبخصوص لبس تنكري واايد مسوينه احس فكره قديمه انا بالي مديل نفنوف مثل نفنوف البالي الي تصير تنورته كلها كشكش شفت نفس تنوره h&m بس الكشكش مو واايد ولا في كبرها
ماادري تعرفون محلات في نفس المديل الي بالي

مشكورين وماقصرتوا عطيتوني افكار حلووووووه

 

[أوكسجين]

اي حبيبتي انا سويت كيكة الكاب كيك
من محل بمجمع الوطنيه

 

[أوكسجين]

http://www.q8yat.com/showthread.php?t=734580

 

[ipink]

رففع رففع

 

[مشتطة وبس]

شوفي سوي لها بدلة الريش كانت بالمنتدى بس يسوونها بالنمران ....ادليج ع الخاص ...عجيييييييييييييبة سويتها حق بناتي سويها لونين او 3 بس ركزي لونين مثلا وردي واصفر وكل شي سوي هاللونين ولبسي نفس الالوان ........ووزعي اكياس بهاللونين فيهم العاب بو 100 وستيكرزات ...وهالسوالف...........ييبي مقدمه حفل ودي جي وبرة حطي نطاطية ورسم وجوه وشعر بنات وهالسوالف(تلقين عروض بالوسيط) بس بس المكان مادري وين ...شوفي حولي بارك او صالة الروضة او نادي الضباط

واذا تبين فكة من هذا كله واوفر روحي نايف اللي ع البحر اعياد ميلادهم تهبل

 

[Beyonce_spichal]

http://www.q8yat.com/showthread.php?t=734580

مشكوره ياقلبي هذا الي كنت ابيه :eh_s(7):
مشالله وااااايد حلووه الكيكه وفكره تفكج من البربسه قصصي حلو انه كل ياهل ياخذ وحده وهو الي ماشي

 

[Beyonce_spichal]

شوفي سوي لها بدلة الريش كانت بالمنتدى بس يسوونها بالنمران ....ادليج ع الخاص ...عجيييييييييييييبة سويتها حق بناتي سويها لونين او 3 بس ركزي لونين مثلا وردي واصفر وكل شي سوي هاللونين ولبسي نفس الالوان ........ووزعي اكياس بهاللونين فيهم العاب بو 100 وستيكرزات ...وهالسوالف...........ييبي مقدمه حفل ودي جي وبرة حطي نطاطية ورسم وجوه وشعر بنات وهالسوالف(تلقين عروض بالوسيط) بس بس المكان مادري وين ...شوفي حولي بارك او صالة الروضة او نادي الضباط

واذا تبين فكة من هذا كله واوفر روحي نايف اللي ع البحر اعياد ميلادهم تهبل

مشكوره دزيلي على الخاص خل امره عشان يمدي ايخلصها البدله

 

[Beyonce_spichal]

مشكورين ماقصرتوا
وانا ان شاءالله بس اجهز كل شي اقولكم واصوركم اياه حق الي تبي تستفيد

 

[كويتية نايس]

اب اب البنات كفو وفو بس موتنسين تورينا العيدميلاد للاستفاده
وعقبال 1000 سنه نشاءالله

 

[عسوله]

والله انا سويت حق بنت اختي عيد ميلادها بالمطعم عينو ماعندي فكره حق البيت بس المطعم انا المطعم اهوا الي يبلج كل شي الهدايه يعني كل شي وانتي بس عليج اتوزعين بطاقات الدعوه وبس وانشالله اكون فدتج ​

 

[Petite]

الله يخليها لج وتشوفينها عروس وتحجزون صالة عرسها :*

 

[manoooram]

الله يخليها لج ان شالله يااارب
pizza express
mc donalds البحر حلو وشرح
colour me وناااااااسه وناااااااسه

 

[manoooram]

لتجهيز حفلات العيد ميلاد​

party time​

موقعهم:www.MyParteeTime.com​

tel :94955-170​

​

 

[شلة بنات وبس]

بالنسبه للكيكه انا كل سنه اسويها عند محل كيك ان بيك وعندهم كل الأشكال والشخصيات مع اضافة الصوره الشخصيه على الكيكه وحتى لوتبين مجسم كامل من الكيك على اي شكل عندهم كتالوجات بالهبل تبين باربي واقفه يسوونها لج من الكيك روعه وفخمه تبين قلعه او بيت باربي او دب كبير او سياره او اي شكل اهما يسوونه لج بالكيك مجسمات وحلات العيد ميلاد كيكه للطفل والكل يلتف حوالينه ويغنون له مادري ماحبيت فكرة الكب كيك وهم الناس اذواق يا اختى انا حبيت اعطيج رايي وحتى الفطاير احجزهم من كيك ان بيك والباجي انوع فيه من كذا محل مثل البالونات او الالعاب لكل طفل وبالنسبه للصالات انا كل سنه اسويه بالمدرسه وهاذي فكرة ولدى اسم الله عليه ان يحتفل بين اصدقائه الطلبه وبجذي يكون احلى ويحتفظ بذكريات جميله مع اصدقائه بالمدرسه وحزة الاحتفال المدرسه يعطونه ابو 10 او 15 دقيقه نحتفل فيها مع ولدى واصدقائه ونكون ماخذين الكاميرا ونصور مادرى اذا يصير هالشي بمدارس الحكومه او لأ لأن ولدي مدرسه بريطانيه وعيد ميلاد سعيد مقدما

 

[Temooo]

كل عام وبنوتج بخير يارب

انا جربت كيكة لابجيت وبعد المطعم الهولندي وايت سعرهم يينن والطعم ما يفرق عن الخباز نهائي