˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كلي أمل: يعطيج ألف عافية حبيبتي وعساج على القوة ان شالله. أنا تعودت احضر على الإزعاج على القسم ما شالله قسمنا فيه 9 أبلات وتعالي شوفي القرقة. ف خلاص تعودت وصدقيني بعدين يصير التحضير سهل عليج بس لأنج بالبداية يكون شوي مليق. أما عن التصحيح صدقيني وناسة ومتعة اذكر اول ورقة مسكتها قعدت نص ساعة أما الحين أخلص 40 ورقة بربع ساعة وانا متأكدة اني ماعندي ولا غلطة وناسة التصحيح..


كويتية عسول: وااي اموت على هالحلاو ومنزلين نفسه بالضبط بس علبته من برا شكل ثاني لكن القديم احلى. بس ملاحظة عليه ان لما تفتحينه مافيه الغلاف الابيض. الحين لما تفتحينه تلقينه مقطوق داخل العلبة قط.



الجود: عليج بالعافية النقاهة. ارتاحي حبيبتي. بس لا تحريني >>> سلفيني يوم ممكن؟ هههههههههههه
ونورتي الحزب


توتي مو عوايدها غايبة اليوم..

ايه والله صح صاجه حتى الحلاو اللي لونه احمر موموجود بس الاخضر والبرتقالي والاصفر

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مسااااااااااءءءءءءءء الخيرررررررررااااااااااااااااات


شخبااركم ابلاات ؟؟


مبروووووووووووووووووك تووتي فرووتي و كل البنات


الله يوفجناا و يرزقناا المدارس الزينة



كويتية حتى اناا احبه وايددد لازم اشتريه اذا شفته ما اقدرر اقاومه ههه


درره حيااتي شخباارج الحين ؟؟




بنات صج اول ما اقدم فحوصاتي يوظفوني ؟؟

يعني يقولون لي داومي بالمدرسه ؟؟

ما يخلوني انطر جم يوم ؟؟



خفت

صاارر المووضووع صج

هههههههههههههههه عليج بالعافيه نك نيمج غريب يشبه اسم طالبه ادرسها شنو معناة سدن

 

[يا قائم آل محمد]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

اخييييه
الغالبية يقولون جنه صارت الصجية

انا بطني قام يعورني

 

[يا قائم آل محمد]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

اخييييييييييه

جنه صارت الصجية

انا بطني قام يعورني :\

 

[توتي فروتـي]

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

السلام عليكم ورحمة الله وبركاته .,

صباح الخيرات .,


الله يبارك فيكم يالطيـــبات

..

كلكم تحبون توتي فروتي وانا بعد احبكم لوووول
اي شخباري هذا الحلاو خبري فيه بالقرقيعان شكثـــره
..


منال الله يعطيج ألف عافية نصايح موزونة وفي محلها وتحتاج الى تطبيق .,
وان شاء الله نتعامل مع كل المواقف بعقلانية وحكمة بعيدة عن المشاعر .,



شكرا لج يا منال ., ربي يوفقج ..

 

[اريج الرياض]

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

//

صباح الخير يا حـــلوات


شلونكم ؟.

منـــــــال

زمزم

اريج

درة
الجود

كويتية عسل
وباجي البنات

باركولي تم ترشيحي للتربية ومابقى الا اسبوعين واقل .,
ونتعين على ماكمل باجي الاجراءات .,

الله يوفقنا ويسهل عليــــنا

الف مبرررررررررررررررررررررررررررررررررروك ياقلبي الله يوفقك يارب بانتظار يومياتك انتي واختنا سددن :aha:

 

[اريج الرياض]

رد : ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

الله يوفقج يامنال على نصايحك لبنات محبه لخير الله يرزقك على قد نيتك والله انا استفدت منها
سبحان الله وبحمده سبحان الله العظيم

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

ابلاااااااااااااااااااات


نصحووني ؟؟


الحين صرت ابله صج


شنو الاشياء اللي لو يرد فيج الزمن لي اول يوم دوام ما تسوينهاا ؟؟


و شنو الاشياء اللي لو يرد فيج الزمان مره ثانيه تسوينهااا ؟؟

مبروك :eh_s(17): أبله سدن :eh_s(17): مبروووووك :eh_s(17):حبيبتي :eh_s(17):


اول سنه كانت أحلى سنه أحلى ايام عمري في التدريس صج كان تعب بس كنت اروح


الدوام مستانسه وفي العطل كنت اشتاق لليهال وااشتاق لشطانتهم واتذكرهم واوله عليهم


واول طلبة تدرسينهم تتعلقين فيهم ولا تنسينهم ولا تنسين اسامينهم وتحبينهم


انا الحمد الله كانت في مدرسة يقدرون ويراعون اني ابله يديده


وايد يطوفونلي ومتعاونين معاي


بس ماعلموني على العرضي حسااااااافه راح علي ماكنت اعرف


كنت آخذ مرضيه ماادري وانا غلطتي ما سألت

اذكر اول يوم ماوقعت انصراف وجم مره انسى والوكيله كانت توطفلي


اذكر لما يكون عندي مناوبة فرصة وانسى اروح


أحلى عذر انا ابله يديده شدراني مااعرف حتى الطابور وايد ماكنت اوقف


وكنت ادرس ابتدائي اليهال لما اييون القسم حلاااتهم والله يسألون عني وين الابله اليديده


ومره رئيسة القسم حضرتلي وقالتلي هالطالب شيطان سويله استدعاء


تدرين شسويت رحت للناظره علبالي عندها الاستدعاء ههههههههه اهيا اخترعت علبالها


صايره سالفه جايده مع الطالب ولما حضر ابوه اتصلت علي الاخصائيه


وقلت للاخصائيه استحي اكلمه رئيسة القسم ماقصرت راحت معاي


واهيا كلمته حتى الابو علباله رئيسة القسم ابلة ولده


والامهات في اجتماع الامهات كلا يقولونلي يحليلج ابله صغيرووووونه

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

:eh_s(2):

أبلة الضاد: هلا حبيبتي والله ماعندي اي فكرة.. ان شالله معلمات الاحمدي يساعدونج..


أبلة رورو: أنا على التجاري وحيل مرتاحة وياهم وماشفت منهم شي ودايما ينزل المعاش أبجر من البنوك الثانية بجم ساعة يعني اذا ينزل بالوطني الساعة 2 الظهر مثلا انا ينزلي بالتجاري الساعة 10 الصبح.. واذا تبين نصيحتي اختاريلج ( التجاري أو التمويل ) هذيل احسن اثنين..



سدن: اول ما تقدمين فحوصاتج هم بعد فيه نطرة لكنها جم يوم لحد ما تستلمين مباشرة العمل.. لا تخافين ولا شي وشعور الرهبة شي طبيعي انا مريت فيه اذكر.


------


لكل الابلات ولي انا لازم اذكر نفسي بعد.. في أشياء ودي أقولكم عليها حتى لا تطيحون بالغلط، وخاصة الابلات مع وقف التنفيذ الي ما

باقي شي ويتوظفون ان شالله.. هذي جم معلومة مني لكم اكتسبتها خلال الــ 11 شهر من بداية ما توظفت شهر 4 سنة 2010 ولحد

يومكم هذا، وترا ها.. شوفوا ما صارلي سنة وشفت اشياء عن 10 سنوات جدام لووول. انا الحمدلله كنت عارفة شنو يصير بالمدارس ببركة

هالقسم الي كانوا يحطون شنو الي يضايقهم فعلشان جذي لما رحت مدرستي وعايشت الجو ما استغربت بالعكس اندمجت

ومسكت الامور صح.. والحين راح أقول الأشياء بنقاط علشان تكون كل نقطة واضحة:


1- لا تسوين صداقة أبدا ابدا ابدا بينج وبين أي معلمة داخل المدرسة، لا تخلين العلاقة تمتد خارج اسوار المدرسة. انا ما أقولج خلج صنم ولا تتكلمين وبوزج شبرين، لا بالعكس خلج نفس ما أنتي لكن فرقي بين الصداقة و ( الزمالة ) حلو يكون عندج زميلات المهنة، لكن لا تتعمقين وياهم وايد خاصة إذا كنتي معلمة. لان مجمتع المدرسة ماله أمان، لا تقولين هذي نفس طبعي وعلى قلب واحد وبينا توافق لا حبيبتي هالكلام مأخوذ خيره، يمكن بالوزارات الثانية اي لكن بالتربية لأ والف لأ.. مو يمكن لي صارت صديقتج الروح بالروح فجأة ما عجبها الوضع وتنتقل وتروح مدرسة ثانية وانتي تكونين معطتها اسرارج وكل شي وهي فجأة فجت عنج لانج مو بنفس المدرسة. ولا تقولين صداقتنا تكمل برا المدرسة، لا حبيبتي نادر جدا بهذي الحالات تكمل الصداقة. فعلشان جذي خلج بحدود الزمالة فقط. وان صادف لوحدة حالة وفاة او زواج او ولادة عادي توجبين وتقومين بالواجب.




2- اذا صار لأي مدرسة حالات وفاة او ولادة او مناسبة سعيدة أو حزينة تخصها، قومي بالواجب، شوفي اذا الابلات كلهم بيحطون مبلغ معين حطي وياهم، اما اذا شفتي لخطبة قولي انا راح أييب هدية بروحي .


3- من أول يوم كوني صريحة علشان بعدين لا تننحرجين. اتكلم عن ( الأكل ) إذا انتي مو من النوع الي يحب ياكل بالمدرسة قولي لهم عندي نظام خاص واكل بالبيت. او انج عندج اكل خاص تييبيينه وياج الداوم. كل قسم فيه ثلاجة + قطية كل اسبوع على وحدة وفي افسام يسوون كل يوم الريوق على وحدة يعني انتي وحظج قسمج شنو نظامه. انا قسمي كل وحدة تييب ريوقها من بيتها ومحد لها شغل بالثانية وجذي مرتاحين اما اذا صارت مناسبة سعيدة تقولنا الابلة صاحبة المناسبة ترا باجر ريوقكم علي لحد تييب وياها ريوق. فعلشان جذي شوفي انتي شنو نظامج بالريوق وقوليها بالفم المليان علشان بعدين لا تتوهقين



4- اذا عندج طالبات يولج القسم وخاصة اذا كانوا 4 أو 5 لا تخلينهم يوقفون على مكتبج، اخذيهم وطلعيهم برا وكلميهم عند باب القسم. لان راح تحسبلج سلبية من السلبيات وان القسم من داخل صار فوضة والسبب انتي ويمكن رئيسة القسم مو موجودة ووحدة من القسم تفتتن عليج. فعلشان جذي اخذيهم برا القسم يم الباب وخلصي وياهم الأمور ودخلي داخل. اما اذا كانت طالبة وحدة او 2 فعادي



5- الإدارة ( ناظرة - وكيلة - اخصائية ) خلج رسمية رسمية رسمية جدا جدا جدا... حتى لو كانوا عسل وياج هم خلج رسمية. لا تقطين ويهج عندهم وايد.. انا اسلم عليهم لما أدخل المدرسة ولما يصير الهدة ان شفت وحدة منهم اسلم عليهم مع اني ما أصادفهم وايد.. علاقتي فيهم حيل رسمية وخاصة الوكيلة.



6- علشان تسكرين حلوجهم وما يتكلمون عنج بشي سواء الادارة او المدرسات تعالي المدرسة مبجر. مافيها شي لي ضبطتي المنبه على ساعة محددة. بالأول والأخير هذا شغلج يعني انا صح ماكلة تبن حشاكم.. كل يوم مضبطة الساعة على 5:30 الفير لان مدرستي بالديرة وانا بمبارك الكبير فلما اطلع من البيت 6:15 ولما اوصل المدرسة الساعة 6:55 هههه حاسبتهم بعد... اروح مبجر اقعد بالقسم ماكو احد ، اعدل مكتبي، احضر، اسوي امور ماقدرت اسويها من زمان لحد ما يطق جرس الطابور



7- لازم تعرفين نظام قسمج شلون صاير. يعني مو تفلينها من أول يوم وتقولين واي شحلاتهم طيوبات واحلى قسم. خلج أول شهر تراقبين الوضع وتعرفين تصرفاتهم وعلى اساس هالمراقبة تعرفين تتصرفين مع قسمج. وخاصة رئيسة القسم وان شالله ماتكون نسرة كوني حذرة منها. انا رئيسة قسمي عادية بس مرات تعر لكن مع هذا اعاملها رسمي. يعني مرات اضحك وياها واسولف بس هم مو قاطة ويهي عندها وايد. وجذي احس احسن علشان تعرف اني عارفة حدودي.


8- أي كلمة سمعتيها من أي أبلة ثانية سواء داخل قسمج أو من قسم ثاني، لا تقولينه. حتى لو كان سوالف واشياء عادية. لأن ممكن ينقلب ضدج وتصيرين انتي صاحبة المشكلة الي تنقلين الكلام المو محترمة. اما بخصوص الشغل عادي نقلي كلام وجنه العيد. اما هذي قالت وهذيك سمعت ابدا ابدا لا تحطين هالاشياء براسج علشان لحد يمسك عليج شي..


9- لما يكون عندج حصة دايما تلفونج حطيته على السايلنت واخذيه وياج او حطيه داخل الدرج وقفلي عليه بالمفتاح واخذي مفتاحج.. والاشياء المهمة من اوراق واقلام حطيها بالدرج اذا ماتبين احد يستخدمها، وتأكدي من جنطتج وبوكج ترا عيال الحرام والسرقة ما تعرف مدرسة من شارع..


10- حاولي تكونين مرنة. ولا تخلين المدرسة همج الوحيد، طلعي من المدرسة وانتي خلاص ناسية كل شي صار فيها، لأ عندج حياة خارجها.. ولا تفكرين فيها الا باليوم الثاني لما تدخلينها. ترا هذي وظيفة لا راحت ولا ردت، ليش تحرقين أعصابج لان ناظرتكم ذيبة؟ ولا الوكيلة اخلاقها زفت؟ ليش تحرين نفسج وما تاكلين لانج تأخرتي شوي وعطوج افادة؟.. انتي مو ماخذة معاشج اخر الشهر؟ مو كويتية؟ شنو يعني راح يفنشونج ويقولون لج رجعي البيت ماكو معاش؟ او راح يخصمون من معاشج؟ يخسون.. معاشج غصب عنهم ماخذته كل اخر شهر.. اهم شي طالباتج فاهمين وانتي مو مقصرة وياهم وبس.. ما أخلي اي شي ينكد علي.. انا ما اقولكم اني مرات ما اتضايق بسبة امور بس صدقوني من اطلع من المدرسة خلاص انساها وبالطقاق والله، ليش اخرب صحتي علشان جم وحدة معوقة تفكير!! الزم ماعلي صحتي وراحتي والله باجر لي مرضت وطحت ومت ( اسم الله علي وعليكم ) منو بينفعني؟ محد وراح اروح من جيس اهلي واهما ولا هامهم يعني باختصار خلج ريّالة داخل المدرسة ولا يهزج ريح وخففي من الحساسية...


11- ان شالله ما تكونين كثيرة الغياب. وهالشي نابع للظروف انا الحمدلله ما أحب أغيب الا اذا صار ظرف حيل يخليني أغيب. استأذني لوقت الحاجة ولأن صج انتي بحاجة للاستئذان بسبب موعد طبيب أو امور ثانية او او او او..





في الختام هذي أهم الأمور الي حبيت اوضحها.. والي اكيد حاشتني وبعضها سلمت منها والبعض ماقدرت بس حرصت اني مااكررها مرة ثانية بالمستقبل.


الله يوفقكم ويسهل عليكم ويفتحها بويهم، ويبعد عنكم الضيقة والهم والغم بحق محمد وآل محمد، اول ما تحطون ريولكم بالمدرسة دخلوها باليمين تسبقها المعوذات وآية الكرسي وتوكلوا على الله..

سالفة أرد البيت ناسيه كل شي في المدرسه

أتمنى أعرف انسى والله مااعرف اذا تعرفين طريقه اقدر انسى علمني :eh_s(2):

تدرين من لما ارد من الدوام لي ماانام وبالي يفكر بالطالبات والشغل

غير التحلطم على أهلى في البيت وساعات احتر وابجي منهم اذا غثوني

 

[يا قائم آل محمد]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

شکرا منال القلب
نصایحچ من ذهب

 

[jen2n]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مشكوره اختي منووووله صج نصايح من ذهب والله

استفدت منهم حيل وانا بصراحه طبعي ما احب اتريق حتى بأيام الجامعه ما اروح الكافتيريا وايد وطبعي هادي اللي يسألني اجاوب حتى ما في بنات بالجامعه صارو صديقات كله زميلات الا صديقاتي من ايام المدارس غير

وعندي سؤال مثل ما قلت قبل ان شاء الله اذا صرت مدرسه راح اكون اول وحده بالعايله تصير مدرسه لووول

المهم اغلب اهلنا ساكنين بنفس المنطقه اللي ساكنه فيها

يعني لو درست بمدرسه يم بيتنا وناس من اهلنا ادرسو فيها

طبعا اكيد على بو ميانه وهذي الابله تصير لنا بيترددون علي بالمكتب او بالممرات وايد

او مثل اللي من اهلنا يتهاوشون مع بنات ثانيين بالمدرسه او يسون مخالفه او اي شي ثاني

بذيك الساع شنو راح يكون موقفي؟؟

وانا بصراحه ابي يم بيتنا لان تعرفين شوارع زحمه ولويه وجذي وسياقتي للحين مو اوكيه فيمكن اسوي واسطه عشان ايي يم بيتنا

فما ادري شنو اسوي بهذي الحاله!!!؟

 

[سدددن]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

حياااتي والله منوووووووووووله


ماا قصرتي

نصااايحج قيممممممه جددددددددداااااااااا

ان شااء الله التزم فيهااا و بااجي البنات



دره حياتي ما قصرتي باخذ نصيحتج بعين الاعتباارر

 

[سدددن]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كويتية عسسل

الله يبارك فيج يااا قلبي

اي صح الاحمر مختفي هههههههههه


حلوووووه ذكريااتج ، عشت معاااج الجوووووو

شكلي بصيررر نفسج اول شي

ان شاااء الله ايامج الياايه احلى و احلى


و على الاسم تعرفين بعد ابلة عربي لازم شوي اتفلسف باللغة ههههههه

سدن يقال انه خدم الكعبة الشريفة ، و يقال انه غطاء الكعبة


و بس


شساالفة العرضي ؟؟ علميني

 

[سدددن]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

اخييييييييييه

جنه صارت الصجية

انا بطني قام يعورني :\

من صجج

اناا اول وحددده

مو مستوعبة انه صاارت السالفة صج

 

[سدددن]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مشكوره اختي منووووله صج نصايح من ذهب والله

استفدت منهم حيل وانا بصراحه طبعي ما احب اتريق حتى بأيام الجامعه ما اروح الكافتيريا وايد وطبعي هادي اللي يسألني اجاوب حتى ما في بنات بالجامعه صارو صديقات كله زميلات الا صديقاتي من ايام المدارس غير

وعندي سؤال مثل ما قلت قبل ان شاء الله اذا صرت مدرسه راح اكون اول وحده بالعايله تصير مدرسه لووول

المهم اغلب اهلنا ساكنين بنفس المنطقه اللي ساكنه فيها

يعني لو درست بمدرسه يم بيتنا وناس من اهلنا ادرسو فيها

طبعا اكيد على بو ميانه وهذي الابله تصير لنا بيترددون علي بالمكتب او بالممرات وايد

او مثل اللي من اهلنا يتهاوشون مع بنات ثانيين بالمدرسه او يسون مخالفه او اي شي ثاني

بذيك الساع شنو راح يكون موقفي؟؟

وانا بصراحه ابي يم بيتنا لان تعرفين شوارع زحمه ولويه وجذي وسياقتي للحين مو اوكيه فيمكن اسوي واسطه عشان ايي يم بيتنا

فما ادري شنو اسوي بهذي الحاله!!!؟

سمعي

اذا اهلكم هذا نظامهم

على اساسا ان الابلة تصير لنا كل شوي رايحين لهاا تتوسط لناا

مالج بعوار الراس روحي اي مكان مافيه احد اريح لج

انت توج يديده شلج بالمشاكل و ما تدرين شنو نوع الادارة

اما اذا نظامهم عادي و ما يدخلونج بسوالفهم و مشاكلهم احسن لج خلج يم البيت

 

[digital]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

أبلة الضاد: هلا حبيبتي والله ماعندي اي فكرة.. ان شالله معلمات الاحمدي يساعدونج..


أبلة رورو: أنا على التجاري وحيل مرتاحة وياهم وماشفت منهم شي ودايما ينزل المعاش أبجر من البنوك الثانية بجم ساعة يعني اذا ينزل بالوطني الساعة 2 الظهر مثلا انا ينزلي بالتجاري الساعة 10 الصبح.. واذا تبين نصيحتي اختاريلج ( التجاري أو التمويل ) هذيل احسن اثنين..



سدن: اول ما تقدمين فحوصاتج هم بعد فيه نطرة لكنها جم يوم لحد ما تستلمين مباشرة العمل.. لا تخافين ولا شي وشعور الرهبة شي طبيعي انا مريت فيه اذكر.


------


لكل الابلات ولي انا لازم اذكر نفسي بعد.. في أشياء ودي أقولكم عليها حتى لا تطيحون بالغلط، وخاصة الابلات مع وقف التنفيذ الي ما

باقي شي ويتوظفون ان شالله.. هذي جم معلومة مني لكم اكتسبتها خلال الــ 11 شهر من بداية ما توظفت شهر 4 سنة 2010 ولحد

يومكم هذا، وترا ها.. شوفوا ما صارلي سنة وشفت اشياء عن 10 سنوات جدام لووول. انا الحمدلله كنت عارفة شنو يصير بالمدارس ببركة

هالقسم الي كانوا يحطون شنو الي يضايقهم فعلشان جذي لما رحت مدرستي وعايشت الجو ما استغربت بالعكس اندمجت

ومسكت الامور صح.. والحين راح أقول الأشياء بنقاط علشان تكون كل نقطة واضحة:


1- لا تسوين صداقة أبدا ابدا ابدا بينج وبين أي معلمة داخل المدرسة، لا تخلين العلاقة تمتد خارج اسوار المدرسة. انا ما أقولج خلج صنم ولا تتكلمين وبوزج شبرين، لا بالعكس خلج نفس ما أنتي لكن فرقي بين الصداقة و ( الزمالة ) حلو يكون عندج زميلات المهنة، لكن لا تتعمقين وياهم وايد خاصة إذا كنتي معلمة. لان مجمتع المدرسة ماله أمان، لا تقولين هذي نفس طبعي وعلى قلب واحد وبينا توافق لا حبيبتي هالكلام مأخوذ خيره، يمكن بالوزارات الثانية اي لكن بالتربية لأ والف لأ.. مو يمكن لي صارت صديقتج الروح بالروح فجأة ما عجبها الوضع وتنتقل وتروح مدرسة ثانية وانتي تكونين معطتها اسرارج وكل شي وهي فجأة فجت عنج لانج مو بنفس المدرسة. ولا تقولين صداقتنا تكمل برا المدرسة، لا حبيبتي نادر جدا بهذي الحالات تكمل الصداقة. فعلشان جذي خلج بحدود الزمالة فقط. وان صادف لوحدة حالة وفاة او زواج او ولادة عادي توجبين وتقومين بالواجب.




2- اذا صار لأي مدرسة حالات وفاة او ولادة او مناسبة سعيدة أو حزينة تخصها، قومي بالواجب، شوفي اذا الابلات كلهم بيحطون مبلغ معين حطي وياهم، اما اذا شفتي لخطبة قولي انا راح أييب هدية بروحي .


3- من أول يوم كوني صريحة علشان بعدين لا تننحرجين. اتكلم عن ( الأكل ) إذا انتي مو من النوع الي يحب ياكل بالمدرسة قولي لهم عندي نظام خاص واكل بالبيت. او انج عندج اكل خاص تييبيينه وياج الداوم. كل قسم فيه ثلاجة + قطية كل اسبوع على وحدة وفي افسام يسوون كل يوم الريوق على وحدة يعني انتي وحظج قسمج شنو نظامه. انا قسمي كل وحدة تييب ريوقها من بيتها ومحد لها شغل بالثانية وجذي مرتاحين اما اذا صارت مناسبة سعيدة تقولنا الابلة صاحبة المناسبة ترا باجر ريوقكم علي لحد تييب وياها ريوق. فعلشان جذي شوفي انتي شنو نظامج بالريوق وقوليها بالفم المليان علشان بعدين لا تتوهقين



4- اذا عندج طالبات يولج القسم وخاصة اذا كانوا 4 أو 5 لا تخلينهم يوقفون على مكتبج، اخذيهم وطلعيهم برا وكلميهم عند باب القسم. لان راح تحسبلج سلبية من السلبيات وان القسم من داخل صار فوضة والسبب انتي ويمكن رئيسة القسم مو موجودة ووحدة من القسم تفتتن عليج. فعلشان جذي اخذيهم برا القسم يم الباب وخلصي وياهم الأمور ودخلي داخل. اما اذا كانت طالبة وحدة او 2 فعادي



5- الإدارة ( ناظرة - وكيلة - اخصائية ) خلج رسمية رسمية رسمية جدا جدا جدا... حتى لو كانوا عسل وياج هم خلج رسمية. لا تقطين ويهج عندهم وايد.. انا اسلم عليهم لما أدخل المدرسة ولما يصير الهدة ان شفت وحدة منهم اسلم عليهم مع اني ما أصادفهم وايد.. علاقتي فيهم حيل رسمية وخاصة الوكيلة.



6- علشان تسكرين حلوجهم وما يتكلمون عنج بشي سواء الادارة او المدرسات تعالي المدرسة مبجر. مافيها شي لي ضبطتي المنبه على ساعة محددة. بالأول والأخير هذا شغلج يعني انا صح ماكلة تبن حشاكم.. كل يوم مضبطة الساعة على 5:30 الفير لان مدرستي بالديرة وانا بمبارك الكبير فلما اطلع من البيت 6:15 ولما اوصل المدرسة الساعة 6:55 هههه حاسبتهم بعد... اروح مبجر اقعد بالقسم ماكو احد ، اعدل مكتبي، احضر، اسوي امور ماقدرت اسويها من زمان لحد ما يطق جرس الطابور



7- لازم تعرفين نظام قسمج شلون صاير. يعني مو تفلينها من أول يوم وتقولين واي شحلاتهم طيوبات واحلى قسم. خلج أول شهر تراقبين الوضع وتعرفين تصرفاتهم وعلى اساس هالمراقبة تعرفين تتصرفين مع قسمج. وخاصة رئيسة القسم وان شالله ماتكون نسرة كوني حذرة منها. انا رئيسة قسمي عادية بس مرات تعر لكن مع هذا اعاملها رسمي. يعني مرات اضحك وياها واسولف بس هم مو قاطة ويهي عندها وايد. وجذي احس احسن علشان تعرف اني عارفة حدودي.


8- أي كلمة سمعتيها من أي أبلة ثانية سواء داخل قسمج أو من قسم ثاني، لا تقولينه. حتى لو كان سوالف واشياء عادية. لأن ممكن ينقلب ضدج وتصيرين انتي صاحبة المشكلة الي تنقلين الكلام المو محترمة. اما بخصوص الشغل عادي نقلي كلام وجنه العيد. اما هذي قالت وهذيك سمعت ابدا ابدا لا تحطين هالاشياء براسج علشان لحد يمسك عليج شي..


9- لما يكون عندج حصة دايما تلفونج حطيته على السايلنت واخذيه وياج او حطيه داخل الدرج وقفلي عليه بالمفتاح واخذي مفتاحج.. والاشياء المهمة من اوراق واقلام حطيها بالدرج اذا ماتبين احد يستخدمها، وتأكدي من جنطتج وبوكج ترا عيال الحرام والسرقة ما تعرف مدرسة من شارع..


10- حاولي تكونين مرنة. ولا تخلين المدرسة همج الوحيد، طلعي من المدرسة وانتي خلاص ناسية كل شي صار فيها، لأ عندج حياة خارجها.. ولا تفكرين فيها الا باليوم الثاني لما تدخلينها. ترا هذي وظيفة لا راحت ولا ردت، ليش تحرقين أعصابج لان ناظرتكم ذيبة؟ ولا الوكيلة اخلاقها زفت؟ ليش تحرين نفسج وما تاكلين لانج تأخرتي شوي وعطوج افادة؟.. انتي مو ماخذة معاشج اخر الشهر؟ مو كويتية؟ شنو يعني راح يفنشونج ويقولون لج رجعي البيت ماكو معاش؟ او راح يخصمون من معاشج؟ يخسون.. معاشج غصب عنهم ماخذته كل اخر شهر.. اهم شي طالباتج فاهمين وانتي مو مقصرة وياهم وبس.. ما أخلي اي شي ينكد علي.. انا ما اقولكم اني مرات ما اتضايق بسبة امور بس صدقوني من اطلع من المدرسة خلاص انساها وبالطقاق والله، ليش اخرب صحتي علشان جم وحدة معوقة تفكير!! الزم ماعلي صحتي وراحتي والله باجر لي مرضت وطحت ومت ( اسم الله علي وعليكم ) منو بينفعني؟ محد وراح اروح من جيس اهلي واهما ولا هامهم يعني باختصار خلج ريّالة داخل المدرسة ولا يهزج ريح وخففي من الحساسية...


11- ان شالله ما تكونين كثيرة الغياب. وهالشي نابع للظروف انا الحمدلله ما أحب أغيب الا اذا صار ظرف حيل يخليني أغيب. استأذني لوقت الحاجة ولأن صج انتي بحاجة للاستئذان بسبب موعد طبيب أو امور ثانية او او او او..





في الختام هذي أهم الأمور الي حبيت اوضحها.. والي اكيد حاشتني وبعضها سلمت منها والبعض ماقدرت بس حرصت اني مااكررها مرة ثانية بالمستقبل.


الله يوفقكم ويسهل عليكم ويفتحها بويهم، ويبعد عنكم الضيقة والهم والغم بحق محمد وآل محمد، اول ما تحطون ريولكم بالمدرسة دخلوها باليمين تسبقها المعوذات وآية الكرسي وتوكلوا على الله..

انتي :rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:

كلامج ميه ميه

 

[om Tarooky]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مرحبا بنات شلونكم
بما اني ترشحت لوزارة التربيه فحابه انضم اليكم اذا مافيها ثقاله
وانشالله نستفيد منكم
بغيت اسأل معلمات اشلون تشيلون اغراضكم من القسم للفصل
لما كنت بالميداني اشوف مدرسات يشيلون اغراضهم بجنطه دراجه تسحبها معاها
اذا احد يعرفها يقولي من وين اشتريها
وثانكس

 

[كــلــ أمــل ــي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مرحبــآآ ابلاات

والله خــآطري اقوولكم نصاايــح بس تدروون حالي من حالكم مدرســه نيوو ماصــآرلي 3 اســآبيــــــع فللحيــــن اعتبــــر يديده

المهـــم الله يوفقكم ويوفقنــــآ ويرزقكم الادارات السنعة والطيبه


انـــزين عندي جم ســـؤال للمدرســآآت الحيــن فترة النقل تنتهي اخر هالشهر صــح

اذا بقدم نقل خارجي وابي منطقة معينة هل ممكن يودووني ع طوول للمنطقة اللي ابيــهآآ او لآآ احتمــآل يودوني منطقة ثانيه وهل من صــلآحياتي اني ارفض النقل اذا موو المنطقة اللي ابيــهــآآ

والسؤال الثاني :

سهل اني اغير المرحلة يعني انزل للابتدائي لانه معاي مدرســآت كانو بالثانوي وانزلوو للمتوسط

يعني في مجــآل اني انتقل للابتدائي ...؟؟

والله يعطيكم العافيـــه يا احلى ابلاات

صج نسيت ارحب كل معلمة يديده انضمت للتجمــع اقووولها مرحبــآ مليــآآر

نورتووا التجمــع والله ..

 

[كــلــ أمــل ــي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

ام تروووك

والله ما سمعت عن هالدرااجــة اول مره عــآدي شيلي دفتر تحضيرج واغراضج حطيــهم بجيس صغيـــر هذا اللي اعرفه

 

[منال القلب]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مسا الخير أبلات..


وااي اليوم تدرون شنو لايعة جبدي؟ حدي منبطة جبدي من ( المحبطات ) تخيلوا اليوم الناظرة شنو تقولي!!! تقولي ها منال شلون التدريس والتربية وياج؟ جان اقولها الحمدلله تمام مرتاحة. جان تقولي يعني مالج نية تدورين وظيفة ثانية؟ قلتلها لا الحمدلله مرتاحة وبعدها في ابلة علوم جان تقولي: شنو الي قردج وصرتي مدرسة عربي؟ انحاشي انحاشي.. واااي شنو يعني لازم يحبطون ولا مايرتاحون؟ مابي انا عاجبني مكاني واحب التدريس!!! حسيت اني مسوية شي غلط أو اني بوظيفة فاشلة.. سمعت كلامهم من هني وطلعته من الصوب الثاني.. اهما صارلهم اكثر من 15 سنة اكيد راح يملون انا بعدي ماكملت السنة ليش يسوون مقارنات معاي!!! اذا بتنحاشون من التربية انحاشوا، انا ماني منحاشة..


اليوم رئيسة قسمي وييها اصفر، ما أقصد انها مريضة بس مادري مو على بعضها كلش كلش ( وياي ) يعني تسلم علي من تحت لي تحت وشكلها كان مبهدل. مادري انا حساسة والاحظ وايد او يمكن عادي مافي شي..



في طالبة دمها حيل ثقيل بس شاطرة بالعربي. عاد اليوم مصختها كل ما ألف ويهي واكتب ع السبورة تقط كلام على اساس الصف كله يضحك. جان اقولها (عالية) حبيبتي ترا لا يكون عبالج الصف يضحك على الي تقولينه؟ ترا كل الي تقولينه حيل مليق واهم يضحكون على ملاقتج لا أكثر. جان تسكت وتحط راسها بالدفتر وما تكلمت لي آخر الحصة


باقي اسبوعين ونفتك من حصة النشاط كل ثلاثا، ويصير يوم الثلاثا عادي ومانطلع الساعة 2 فكة فكة من هالنشاط روحة بلا ردة ان شالله >> لول احس اني اقولها من قلب


----


كلي أمل: بالنسبة حق تغيير المرحلة تروحين عند مراقب المتوسط الي بمنطقتج التعليمية وتقولين له إنج بتحولين ابتدائي طبعا الواسطة لها يد في انها تحولج بسرعة لان اكيد راح يقولون لج عندنا اكتفاء. أما بخصوص النقل، فنادر ما يحطونج بمدرسة غير الي طالبتها وان صار فلازم تنطرين النقل الياي حتى تسجلين المكان الي تبينه مرة ثانية



أم تروكي: هالنوعية من الشنط انا شايفتهم بمحاميد شرق + مكتبة العجيري بحولي الي قبال النقرة الشمالي، لما تدخلين المكتبة فيه طابق علوي حق الوسائل التعليمية ولمحت شنط هناك. أنا احطهم بشنطة كبيرة تكفي أغراضي..



جنان: أنا أذكر كل كورس يعطونا ورقة توقعها كل ابلة بالقسم ان مافي داخل الصف أي بنت تصيرلج من قريب أو من بعيد، يعني حتى لو في عندج بالصف بنت تصيرلج راح يوقعونج على ورقة تثبت انج مالج دخل فيها ويحطونج بصف ثاني. وبعدين حتى لو صادف انج بمدرسة فيها وايد من بنات اهلج قولي لهم الأتي من اولها: انا يديدة وما أحب أشتغل واسطات وانا في بداية دوامي فرجاء سامحوني ومابي أنحرج مع احد، قوليها لهم من الأول علشان بعدين لا يقولون عنج شي وافتكي، انا جذي بغوا اييبون بنت خالتي عندي المدرسة وقلتلهم اسفة انا وحدة خجولة وما أحب اكلم مدرسات وكلش ما احب الواسطات لان بنت خالتي كسلانة حدها ويبوني اتوسط لها عند المدرسات امبي ماكو شغل اكلم مدرسة ما اعرفها وانافق علشان ترفع بنت خالتي درجات! لو شنو ما أسويها



سدن + يا قائم آل محمد: لا تحاتون ان شالله سهالات وانتوا قدها ان شالله.. والعفو وماسويت شي اذا ما اساعد خواتي منو أساعد؟


كويتية عسل: حياتي انتي ليش تبجين، أنا نفسج مرات اتحلطم على اهلي لين بروحي بروحي اسكت. اهم شي فكري انج بوظيفة عادية. لا تعطينها جل اهتمامج من بعد ما تطلعين منها وركزي عليها لما تروحين لها مرة ثانية.. حاولي انج تفصلين ادري صعبة اول شي بس بعدين راح تتعودين انا كنت جذي.. وصج أول سنة غير غير أحس اني ما راح أنساها طول عمري سواء الكورس الاول أو الثاني، وصح كلامج الطالبات الي تدرسينهم أول مرة يعلمون ببالج. عندي طالبات درستهم والحين راحوا سابع وحيل اشتاقلهم مع اني ما ادرسهم بس دايم اتابع اخبارهم..



أروجة الرياض + توتي فروتي : حياتي انتوا، والله يعافيكم يارب وتسلمون على كلامكم


درور: لأن بطاقتي المدنية على العاصمة فعلشان جذي انا تابعة للعاصمة لكني ساكنة بمبارك الكبير