السلام عليكم ورحمة الله وبركاته
حبيبتي بغض النظر عن الريجيم الطريقه الوحيده المضمونه لنزول الوزن بدون لا يرد معتمده على معادله وحده
نسبة الطاقه المحروقه اكبر من الطاقه الداخله لجسمج
وتزيدين نسبة الحرق كل اسبوع او 10 ايام عن الاسبوع اللي قبله اذا ماكنتي تبين تقللين الاكل
يعني اذا اكلتي 1500 كالوري , لازم تحرقين اول اسبوع 1300 , وثاني اسبوع 1400, وثالث اسبوع 1500, ورابع اسبوع 1600
وهكذا
طبعا بتقولين الله اشيحرقهم هذيل
لا تفكرين ان الحرق بس اذا ييتي تلعبين رياضه
كل تحركاتنا حتى النوم يحرق كالوري
مو معقوله بتقعدين طول اليوم عالقنفه صح؟؟ اكيد بتتحركين وتصعدين وتنزلين الدري
قومي رتبي الغرفه عالخفيف تمشي بالبيت بدون ما يكون عندج سالفه رقصي سوي رياضه وانتي قاعده حركي ايدج بشكل دائري ووانتي تمشي هزي ريلج
غير انج تلعبين رياضه تناسبج
والاهم من هذا كله ان خلي عندج قناعه الضعف بالشكل مو بالوزن لان الرياضه تشد العضلات والجلد واذا انشدو يصير وزنهم اكبر فما تنقصين بسرعه وهالشئ يحبط مع ان شكلا انتي نقصتي اكثر
ولازم تعرفين اهمية التسخين اهو يخلي الجسم يستعد للحرق لان اذا سويتي الرياضه بدين تسخين فراح الجسم يسخن نفسه من وقت الرياضه نفسه يعني مثلا مشيتي نص ساعه , الجسم بيسخن نفسه ربع ساعه بعدين يبدي يحرق, كأنج ماشيه بس نص ساعه
واذا جسمج تعود على كمية معينه من المجهود المبذول وصار روتين بيقل معدل الحرق واااااايد فلازم تزيدين الجهد المبذول
بس بهالطريقه تاكلين على راحتج بدون نظام يقيدج ويغثج واخرتها تطفشين وتخربينه
وتنسقين جسمج وتزيدين لياقتج لان احنا محتاجين للياقه بكل شئ
وتضمنين باذن الله ماتردين تمتنين اذا رجعتي للاكل بشكل عادي
اما الريجيم الكيميائي والخرابيط كلها بتزيد اللي نقصتيه دبل خلال فتره بسيطه
