ياليت مت ـــــ ولا عشت افراقك 000خـــالــــد ودلال ــــ روايتي الثانية (مميزه )

[شواشا]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

امنيره ما اواطنها كلششش قولي انها ماتت وفكينا
وزياد احس انه حبوب و دلول تكسر الخاطر وخالد مالت علية خلي يطلقها ويصير ريال وايريحنا

وكاراميل مايصير جذي البارت اصغيرون حيل لازم اتطولينه وتحطين بارتين ثلاث اربع ويعطيج العافية ناطرين على ناااااااااااااااااااااار​

 

[Jroo7]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

ما ينلام اي احد بمكانه بيسوي جذي

يسلمو

 

[marshmallow]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

waaaaay kasr kha6rii khaled o dalal
hathy 7alah
mashkoora 7abibti 3al part o allah ya36ech el 3afya ;**

 

[ملـvanessa ــكة]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

حرااااااامـ خاالد كسر خااطري

الله ياااااااااااخذ منيرهـ وزياااااااد

قولووووووووووو امين

امــــــــــــــــــــيـــــــــــــــــــــــــن​

 

[جنى الحربي]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

يسسسسسلمو ع الباااااارت..


احس مشااري مباالغ بمعمالته مع نورة معقوله ماضعف ولا بلحضه وحاول يتقرب منهااا..شـهالقلب ياربي

ووواحس منيره بدت تكره خالد واحتمال تطلب الطلاق منه..

وواحس زياد انسان شكاااك ودلال ماراح تستلطفه ابد..

ننتظر البارت..تكفيييييييييين لااتطوليين..

 

[داريني]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

كراميل ابي منج طلب انج اتحطين اسم المغني و الاغنية علشان نسمعها و نعيش جو

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

كراميل ابي منج طلب انج اتحطين اسم المغني و الاغنية علشان نسمعها و نعيش جو

انا احط اللنك مال الاغنية آخر شي..شوفيه....عشان اتعيشون الجو ...لول

 

[هنووفوو]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

وناسه البارت شكله طويل لي رديت البيت اقراه على راحتي فديت دلولب انا وخلادين

 

[ياحبي الاول]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

مشكووره حبيبتي على القصه وانا وحده اموت على قصصج يعطيج الف عافيه...​

 

[miss 3yara]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

خالد عور قلبي ومنيرة ويع ويييع ماتنبلع توقف بالبلعوم
وزياد حسيته ملييق
وناطرينج حبيبتي

 

[retaaaj]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

ياااااي البارت وااايد حلو يعطيج العافيه خيتو ، منيره تنرفز واااي عليها خربت عليهم مساكين وامه تسوي روحها مو مسويه وتسأله شفيك يبطوووون الجبد لا تطولييين علينا بالبارت

 

[aoky kaito kid]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

وااي قاعده اقرى و منقطع جيدي من السوسة ام السعف و السيف منريو وااااي قاهرتني ودي اقطع أوصلها وصله وصلة واااي أطرها أهيا و ام الكشك الثانية ام خالد و الي كاسر خاطري نورة و دلول و يلا عاد مشاري خلاص جيح الحطب أوف خلاص راح ابجي

 

[yummy]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

نبي بارت طويييييييييييييييل واااااااااااي دلووول مسكيييييييينه

 

[sayo0ona]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

Waaaay ana 7beeet emshari :$

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية


دلال ...مابقا شي على ملجتها ...وعلى عرسها بعد ....راحت مع اهلها دبي وجهزت كل شي ..حتى نفنوف العرس شرته ....

بيت دلال صاير بطن وظهر ...ماقامت تصفت سيارتها جبال بيت خالد ابدا ...ماتبي اتصادفة ...قامت تصفط بالمواقف الي ورا .....

دلال طالعة مع نورة وسارة ...رايحين الافنيو ....وكانو قاعدين ابـchocolate bar.....دلال اتحوس قهوتها ....

دلال : لا لا بس مو صج اشكثر يدق علي.....

نورة : ميخالف يمكن يحاتيج ...

سارة : او يمكن يوله عليج ...فا عشان جذي يدق على طوول...

دلال : مادري...احسه لصقه ...وهذا ليلحين ماتزوجنا وجذي...

نورة : لاحبيبتي ...لانكم ماتزوجتوا عشان جذي لاصق..بس بعدين اذا تزوجتوا راح يفج ...وبتقولين ..الـــــــــلــــــــــه وين هذي الايام ...

دلال : وعووو ...استغفر الله ..مايخليني اتنفس....مابيها من ايام ...

يرن موبايل دلال......ويلا زيااد ....

دلال اتطالع موبايلها : وااي لا مووصج...مو توني مكلمته بالسيارة جدامكم....اشيبي بعد....!!!!

نورة : ردي دلول...خلاص ..هذا بيصير ريلج ...وهالشي اهون من شي ثاني....

دلال : اف استغفر الله برد كاني....<<< ويلا يتسكر الخط ...

دلال : اشواا تسكر....

سارة : دلول ...ردي دقي...

دلال : افف مالي خلقه...اشكثر كلمته اليوم ....قطيعة ....ماحب الريال اللصقة ...

نورة : ميخالف ردي دقي....

دلال تمسك موبايلها وادق....

دلال : الووو...

زياد: هلا دلوله ...وينج ليش ماتردين ..؟

دلال: رديت بس انت سكرته .....

زياد : انا نطرت لين اخر رنه ....

دلال: امم....شفيك ؟؟؟

زياد : ها وصلتو ....

دلال : امم وصلنا ...وقاعدين....

زياد : وين ؟

دلال : ابــchocolate bar.....

زياد : شنو طلبتي....

دلال اتوخر السماعة واتكلم نورة وسارة : تحقيق تحقيق....

دلال : ماكو قهوة و مولتن كيك.....

زياد : بالعافية ....

دلال : يعافيك ....

زياد : امم ...اوكي عيل ....اق اسأل بس...واذا دقيت ردي ....

دلال صاكة ضروسها : ان شاء الله ....

اتصك الخط ....ومتنرفزة حدها ...

نورة : خلاص دلول ماصار شي....

سارة : ايه والله ...احنا البنات ماينعرفلنا...اذا مادقوا ولا عطونا وي..استخفينا وقمنا اندقق وليش ماتدق على وليش ماكلمتني...بس اذا اهتموا وقاموا يدقدقون ...تحلطمنا وقلنا عنهم لصقة ....

دلال : انزين انتي ليش معصبة الحين ...

سارة : انتي دلول اتبطين الجبد ...ماسوالج شي الريال ..على ادنات الدون عصبتي....جنج تبين الشارة عليه ...

دلال : انتوا ماتدرون...يدق على كل دقيقة ...مايخليني اتنفس...انزين خلني اوله عليك..وانا من نفسي راح ادق ....اففف

سارة ونورة ساكتين ....

واهما قاعدين ...ويلا نورة .....

نورة صاكة ضروسها : دلول شوفي منو ياي....

دلال اتطالع يمها : ويع ويع اكملت الحفلة ...قطيعة ...شاليوم الارف....

ويلا شيخة ومنيرة توهم قاعدين بطاوله يمهم تقريبا .....

يو يسلمون على نورة وسارة ودلال ...

شيخة : هاي بنات ...شلونكم ...

نورة وسارة: اهلين...

اتقوم نورة وسارة يبوسونهم ....

ودلال لافة ويها الصوب الثاني وماتحركت من مكانها ...

شيخة رافعة حاجبها : دلال اشلونج ...

دلال اتطالعها بنفس : الحمد الله ...تمام

طبعا دلال من اول ما تزوجت منيرة خالد واهيا حتى بالدواام ماتسلم عليها ...مو متقبلتها موليه ..خير شر..

نورة اتلطف الجو : انتوا شلونكم وشخباركم ...من زمان عنكم...

منيرة اتعلي حسها عشان تسمعها دلال : وااي تدرين انا كله مع زوجي...كله معاه.. من وين لي وين اطلع مع رفيجاتي...حتى شيوخ مادري عنها وايد ..مع ان نفس البيت ...انتي بعد متزوجة وتدرين << وتضحك ...

نورة حااسة بشعور دلال واهيا تسمع هالحجي : اممم..صاجة صاجة ....عاد خنشوفكم ...

سارة تنقز بتحر منيرة : ايه اكيد راح انشوفهم ..مابقى شي على عرس دلولة ..واكيد انتو اول المعازيم .....

دلال ادوس على ريل سارة ...يعني جنها اتقول ..منو قالج عزميهم ؟؟!!!

منيرة : ايه بس لو تعطينا وي اختج...

دلال : كل يوم اشوفج بالدوام ...

منيرة : انتي بالدوام ماتسلمين ....

دلال ساكته ....

منيرة : اشبيني وبينج ..جني ماكله حلال ابوج ..ويلا ماخذه منج شي...

دلال من اسمعت هالكلمة طالعة من منيرة ...يالها احساس قوي ان منيرة تدري ان كان بينها وبين خالد شي....!!!!

دلال اتطالعها بحقد ...واتلف ويها...

منيرة : يالله عيل بنات ..سي يو....

راحت منيرة وقعدو بعيد شوي.....يعني مو الطاولة الي يمهم بالضبط ....عقبهم بطاوله ...

دلال : ويع ويع ويع ...لوعة جبد (اتقلد طريقة كلام منيرة ) انا كله مع زوجي...ياثقلها بحلجها...عمه بعينها ...

سارة ونورة يطالعون بعض...حاسين ان دلال محتره منها ...

نورة: ختولي دلول....

دلال تلتفت على سارة معصبة : وانتي منو قالج عزميهم ...؟؟

سارة : اشفيج ..احنا اوريدي راح نعزم ام خالد ...ياغبية خل ايون عشان يحترون ..امبين انهم يدرون عنج وعن خالد ...لاتحسسينهم انج محترة منهم ..جذي راح يستانسون اكثر ....بلعكس بينيلهم انج مومهتمة ...

نورة: شوفي ...تعلمي من اختج ...ياهل واتفهم اكثر منج ...

سارة : نعم ..منو الياهل ...لاتصدقون عمركم ..بيني وبينكم 5 سنين بس ...

نورة : بس صج شكلهم يدرون عنكم ...

دلال : خل يدرون .. وشالفايدة دروا ويلا مادروا ...(تاخذ نفس) خلاص الموضوع انتهى ....

سارة اتضيع الموضوع : وااي بناات جني يعت ...شكلي بطلب Pink pasta.....

نورة:ايـ ايه.. يالله ..sharing انا وياج ...

سارة : دلول ...ماتبين شي ؟؟

دلال اتأشر على راسها : انا راسي يعورني ....

وتنادي الويترس: one triple shot espresso , please …..

سارة نورة يهزون راسهم من دلال...



شيخة ومنيرة بطالولتهم ....

منيرة : شفتي دلول الحقيرة ....

شيخة : ايه ختولي... مبين انها محتره ...

منيرة : حدها ميته قهر....

شيخة : بعد اشتبي ...مابقا شي وتتزوج ...تحتر ليش ...ويا ويها ...

منيرة : بعد سوالف بنات ماتعرفين ....

(اتكمل منيرة) بس نطري ان ماخليتها اتفرفر ابمكانها ....ماطلع منيرة ...

اتطلع موبايلها ...وادق على خالد .....

منيرة بدلع : الوو حبيبي...

خالد : هلا ....

منيرة : وينك ....

خالد : بالكراج امودي سيارتي ...اشتبين ...

منيرة : ابيه خالد تخيل انا وشيخة ابـ chocolate bar...وطلبنا..واكتشفنا ان ماعندنا فلوس...اثنينا ناسين فلوسنا ...

خالد : روحوا سحبو ....او دفعوا كي نت...

منيرة :اشفيك خالد... مويايبين البوك من اساس ....

خالد : ولييين ...قولي حق شيخة اتدق على طلال اييكم ....

منيرة : دقت ..ويقول مايقدر...الحين انت يمنا ...يالله تعال ..ومرة وحدة اقعد معانا اشوي....

خالد ياخذ نفس : شالبلشة ....يالله يالله كاني ياي.....

اتسكر الخط منيرة واتحط الموبايل على الطاولة ...

شيخة : راح ايي...؟؟!!

منيرة تضحك بخبث : طبعا.....




سارة ودلال ونورة ...قاعدين يسولفون ...

سارة : نورو شريتي بدلة حق العرس....

نورة : ماظن ايي سوير...امي توها متوفية ....

دلال : انزين لاتحضرين العرس كله ...بس دخلي معااي...الله يخليج نورو ...مااتخيل هاليوم ماتكونين معااي ...

نورة ساكته : اشوف ان شاء الله ...

دلال منزله راسها ... قاعدة تلعب ابموبايلها ...ويلا خالد توه داخل ....ودلال ماشافته ...بس نورة وسارة ...قامو يطالعون بعض....

سارة : يالله ...خلندفع ...خلصنا ...

نورة : ايه يالله ...بنادي الويترس...

دلال : اشفيكم ...طاع الصحن متروس ماكاليتو شي....

نورة بسرعة : لا انا شبعت ...

وسارة بعد بسرعة : حتى انا شبعت ....

دلال : اشفيكم جذي ..الحمدالله والشكر...

دلال قاعد اتعدل شعرها ..و اتحطه على جتفها اليمين ...جان تلتفت اشوي...ويلا اتطيح عينها بعين خالد ...كان واقف عند طاولة منيرة وشيخة ...حست جنه قلبها بيوقف يوم شافت عيونه ....

دلال اتقوم من مكانها ....واتغورق عيونها ..ماتحملت اتشوفه مع منيرة ....

دلال : انا رايحة .....اذا خلصتوا دقوا علي....


خالد انصفق ويها ....وحس ان دلال وايد تأثرت يوم شافته....ماتوقع ابد ان راح يشوف دلال ....وعرف ان الحركة مدبرينها شيخة ومنيرة ....

منيرة حدها مستانسة ..وخصوصا يوم شافت دلال قامت : طلبنالك كوفي...

خالد منزل راسه وحده مفوّر :....................

منيرة : اشفيك ساكت ....

خالد سحب جنطة منيرة ...وبطلها ....وطلع بوكها ....

منيرة اعتفست ....

خالد : هذا شنووو !؟؟

منيرة توهقت : وييه...موجود؟؟؟ ...ماشفته ...

شيخة ويها قام يقط الوان ....

ويطالع شيخة ...خالد : وانا متأكد لو ابطل جنطتج بلقا بوكج بعد...

شيخة اتطالع منيرة ومتوهقة .....

ويقرب ويها عند منيرة : يعني طلعتي تدرين عني انا ودلال...اممم حلو ...ويايبتني اهني تبين اتحرينها....بس اتصدقين طلعتي غبية!!! ...لاني لمن شفتها ...حسيت اشكثر انا اكرهج....

يحط البوك على الطاولة حيل ...و يخليهم ويمشي....

قامت منيرة تبجي ...وتنزل ادموعها .....

شيخة : منور...لا يشوفونج سارة ونورة يمنا... اشفيج ....

منيرة تمسح دموعها : شفتي اخوج ...شفتيه ....صج ان مايستحي على ويها ....حيوان وحقير...

شيخة : لانه معصب ...

شيخة اتنادي الويترس....وتدفع الحساب.....




سارة: واي مسكينه دلول ....اذا نست لازم يصير شي يذكرها ...

نورة: ايه بعد قلبي...والله انا يوم شفته فز قلبي...الله يعين اهيا ...حبيبتي...

يدق موبايل نورة مستغربة : مشاري دااق علي...

سارة مستغربة : شنو يعني ...؟؟ عادي...

نورة توهقت : ايه صح صح عادي...

نورة اترد: الوو ....

مشاري : وينج ...

نورة تتكلم وخايفة : انا طالعة مع سارة ودلال...ليش...؟

مشاري: اممم ...خلاص اذا خلصتوا ...ردي البيت ..ابي اكلمج ....

نورة اشصار فيها ماتت خرعة : اوكي....اشوي وراده ...

شفتك ولا حطيت عيني بعينك ..
خايف عيونك لا تنادي عيوني ..
ةأخضع و أنا عندي خضوعي بدينك ..
أكبر مصيبة في معالم جنوني..

يا نور عيني لا تبين حنينك ..
كل يهون إلا أنت لا ما تهوون ..
ودي بقربك بس ويني و وينك؟؟
بُعد الليالي صار دونك و دوني ..

أبعد فمان الله يعينك ..
قلبي على عهدك حشى لا ما يخون ..
ولين قلبي لا ما يعادل ولينك ..
همي كبير وغير الوقت لونك ..
أهين كل اللي يفكر يهينك ..
حبك يداعب خاطري يات الشجون ..
هذي يميني حطها في يمينك ..
وهذي ديونك و أنت عطني ديوني ..

شفتك ولا حطيت عيني بعينك ..
خايف عيونك لا تنادي عيوني ..
ةأخضع و أنا عندي خضوعي بدينك ..
أكبر مصيبة في معالم جنوني..


أغنية شفتك

 

[6amni bs]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

واي عوااااار قلب .. والله مسكين خالد
يعطيج العافيه حبيبتي
ناطرينج

 

[DeeDee]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

عشـــــــــــــــــــــــت مشاري
بس ان شالله مايخووورهاا خخ
والله ياااااخذ منيرة ويصبر قلب دلال وخالد
مااااااااااايطيق الصبراااا
waiting;p

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

الذين تشاهدون محتوى الموضوع الآن : 12 ( الأعضاء 5 والزوار 7)
‏‏كويتية بحتة, ‏Lajounii <3, ‏DeeDee, ‏^حلاوه^

عطونا رايكم

 

[Miss Dashti]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

يعطيج العافية على البارت الحلو والله يعين دلال تكسر الخاطر وناطرينج حياتو :eh_s(17)::eh_s(7):

 

[عثمان حبي]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

:rgewrg::rgewrg::rgewrg:وااااااااااااي حقيره شنو هذي آآآآخ بس ليته يحرق قلبها نفس ماحرقت قلب دلال... وااااي شيصبرني عالبارت الجاي:eh_s(16)::eh_s(16):