لكل المتزوجات، كيف تم الاختيار

[مس روبنز]

السلام عليكم ورحمة الله وبركاته

كيف حالكم ، بغيت مساعدكم بموضوع بسيط


إذا تقدم للبنت شخص من العايله أمه نعرفها بس الولد مو حيل يعني هو قريب من عمر أخوي الكبير بس العلاقه مع بعض جدا سطحيه أما اخته لا حيل معاي لأن بعمر بعض وأمي لما قالتلي عن موضوع الخطبه قلتلها أبوي شنو رايه بالموضوع فقالت ما قال شي غير إن الولد ساكت (يعني طبيعة الولد ساكت) فابوي ما يعرف عنه شي


اللي عرفناه تخصصه ووظيفته وعمره أما أخلاقه ودينه ما نعرف عنه
وأمي ناطره الرد مني ومحد راح يسأل وأبوي يقول لأمي اسألي أمه
بس فشله وتحس إن الأم ما راح تقول عن ولدها شي مو زين وبتمدحه
وأبوي وأخوي قاعدين بمكانهم

فبهالوضعيه هذي شتشورين علي
على فكره الموضوع صارله ثلاث شهور وناطرين الرد​

 

[شموسة كيوت]

رد : لكل المتزوجات، كيف تم الاختيار

شي طبيعي الام والاخت مايبون يفضحون ولدهم مهما كانت فعايلة

انتو اسألو جيرانهم


اسألو اصحابة

الموظفين بالشركة روحو اسالو عنه هناك

لازم السؤال لان ياما سمعنا قصص بعد ماتورطت فية طلع منيل الف نيلة

ومهما يكونون الام والاخوات طيبين ترى مو شرط يكون هو مثلهم طيب ومحترم

فالسؤال شرط ضروري

وليش حبيبتي ناطرة 3شهور ماسالتو عنه

يالله من اليوم سالو عنه وربي يسعدكم ويطلع خوووش ولد ويوفقكم مع بعض يارب

 

[مس روبنز]

شموسه كيوت

جزاج الله خير

قلنا لأخوي يروح له بالدوام ويسأل عنه بس مو راضي يقول أنا مالي شغل المفروض أبوي اللي يسأل
وأخوي ما عنده خبره بالمواضيع هذي عشان جذي رد بهالطريقة

بس الجيران والأصحاب حلوه وبالمسجد بس برايج منو المفروض اللي يتحرك

آنا قاعده على نار وامي تحاتي بعد

 

[احساس شفه]

رد : لكل المتزوجات، كيف تم الاختيار

كلمي ابوج


والله يوفقج حبيبتي

 

[دلوووعة بابا]

حبيبتي مهما سالتي ترا والله محد هالايام بيذم لانهم يخافون يقولون فلان تكلم على ولدنا لو تسالين ماافي ذمم ترا بيقولون مااندري ولا بيمدحونه
انا اقولج اسالي ربج اللي ابرك من الخلق واستخييييييييييييييييري مره واثنين وثلاثه

 

[مس روبنز]

رد: رد : لكل المتزوجات، كيف تم الاختيار

كلمي ابوج


والله يوفقج حبيبتي

ما أقدر استحي شقوله إذا هو ما قالي شي
أمي هي اللي كلمتني بالموضوع


جزاج الله خير

 

[مس روبنز]

حبيبتي مهما سالتي ترا والله محد هالايام بيذم لانهم يخافون يقولون فلان تكلم على ولدنا لو تسالين ماافي ذمم ترا بيقولون مااندري ولا بيمدحونه
انا اقولج اسالي ربج اللي ابرك من الخلق واستخييييييييييييييييري مره واثنين وثلاثه

لا أكيد الناس عندها ضمير ما اعتقد بيجذبون أو بيغطون عليه هذا زواج

وإن شاء الله ناويه أستخير بس بالأول لازم أستشير

جزاج الله خير

 

[لوعة الحب]

رد: رد : لكل المتزوجات، كيف تم الاختيار

ما أقدر استحي شقوله إذا هو ما قالي شي
أمي هي اللي كلمتني بالموضوع


جزاج الله خير

حبيبتي خلي امج تقول لبوج يسأل عنه بالدوام يعني يروح مكان دوامه ويسأل مافيها وبعد اخوج تقولين يعرفه خليه يسأل ربعه اللي يجلس معهم بالديوانيه اذا تطابق كلامهم بالدولم والديوانية استخيري وتوكلي على الله وانا اشوف انه كثير ثلاثه شهور والريال مو بعيد يكون دور على غيرج وماينلام

الله يكتب لج اللي فيه الخير

 

[*غنج*]

شوفي حبيبتي لااااااااازم تسألون عنه غير امه واخته لأن مهما كان ماراح يقولون عنه شي مو زين فالأفضل تسألون في دوامه ربعه الناس اللي يحتك فيهم والله ييسر امرج واذا كان فيه خير وصلاح لج يجعله من نصيبج،،،

 

[زينبو]

رد : رد: لكل المتزوجات، كيف تم الاختيار

حبيبتي لازم تعرفون اخلاق الولد موشرط اذا الام والابو زينين ان اهوا زين


وان شاءالله اذا طلع زين وارتحتي له توكلي على الله


والوالده دايما تقول كلمه ما انساها: تقول ان الام والابو اذا كانو زينين ينصحون ولدهم اذا اذى مرته او ضايقها بشي عرفتي

الله يوفقج

 

[مس روبنز]

رد: رد : لكل المتزوجات، كيف تم الاختيار

حبيبتي خلي امج تقول لبوج يسأل عنه بالدوام يعني يروح مكان دوامه ويسأل مافيها وبعد اخوج تقولين يعرفه خليه يسأل ربعه اللي يجلس معهم بالديوانيه اذا تطابق كلامهم بالدولم والديوانية استخيري وتوكلي على الله وانا اشوف انه كثير ثلاثه شهور والريال مو بعيد يكون دور على غيرج وماينلام

الله يكتب لج اللي فيه الخير

أمي لما سألت أبوي شسويت عالموضوع ساكت


وأخوي ما يروح الديوانية


وعارفه إن ثلاث شهور مدة طويله عشان جذي كتب الموضوع والولد ليلحين موجود وأمه اتصلت على أمي بس ما ردت عليها من الفشله شتقولها وأمه قايله لأمي إنهم مو مستعجلين

جزاج الله خير

 

[مس روبنز]

شوفي حبيبتي لااااااااازم تسألون عنه غير امه واخته لأن مهما كان ماراح يقولون عنه شي مو زين فالأفضل تسألون في دوامه ربعه الناس اللي يحتك فيهم والله ييسر امرج واذا كان فيه خير وصلاح لج يجعله من نصيبج،،،

جزاج الله خير

 

[مس روبنز]

رد: رد : رد: لكل المتزوجات، كيف تم الاختيار

حبيبتي لازم تعرفون اخلاق الولد موشرط اذا الام والابو زينين ان اهوا زين


وان شاءالله اذا طلع زين وارتحتي له توكلي على الله


والوالده دايما تقول كلمه ما انساها: تقول ان الام والابو اذا كانو زينين ينصحون ولدهم اذا اذى مرته او ضايقها بشي عرفتي

الله يوفقج

صح كلامج

جزاج الله خير

 

[يكفيني حنانك..]

حاولي تقنعين ابوك او انتي حلفي اخته وامنيها تقولك كل شي عنه دامها قريبه منك مرره..والله يرزقك اللي فيه خير

 

[مس روبنز]

غلا زوجي

جزاج الله خير

 

[مس روبنز]

شاكره لكم مروركم

وأبي زود نصايح

 

[أنفاسي دخون]

لازم ابوش واخوش يتحركون ويسألون عن الولد

من متى الحريم يسألون !!!!!

 

[مس روبنز]

أنفاسي دخون

فديتش والله

المفروض بس هم غريبين

 

[مس روبنز]

مافي حلول ثانيه تعبت من التفكير

 

[ام شووووق]

رد : لكل المتزوجات، كيف تم الاختيار

موفقه