بأي طريقة تفضلين القراءة ..

[كراميلا مرة]

وانا بعد احب الطريقتين
بس الكتاب يجذبني قرائته اكثر
لاني احب امسك الكتاب بايدي
بس عادي هالايام غالبا اقرا كتب الكترونيه

 

[*جنون انثى*]

انا الحين صرت اقرى من النت بس اكييييد احب اقرى من الكتب لان في منتعة اككككككككثر:eh_s(7)::eh_s(7):

 

[هوية غريب]

رد : بأي طريقة تفضلين القراءة ..

انا اسمع ألحان لما اقراء
بس مافهمت انتي تسوين رياضة وتقرأين يعني

اي حبيبتي .. أقرا وانا اسوي رياضة .. بس طبعاً إذا كنت قاعدة على البايسكل أو أمشي في المضمار

لكن على أي جهاز ثاني ماقدر أقرا

 

[هوية غريب]

رد : بأي طريقة تفضلين القراءة ..

صوت مع الكتاب
الايفون شريته عشان اقرا الكتروني
و للحين مو عارفة
انزل كتب

و مفكرة بالايباد 2 بس مو الحين
احس تو الناس خل بالعطلة افضل
الحين دوامات و شوي زحمة مو وقته اتلهى بالايباد

بس اذا ببالج اخذيه يمدحونة للقراءة والالعاب

هلا حياتي
بس شالفرق بين الآيباد والقارئ الإلكتروني اللي ينباع بالأمازون؟؟ :eh_s(10):
في ميزات للقارئ الإلكتروني عن الآيباد ولا نفسه؟؟

 

[هوية غريب]

رد : بأي طريقة تفضلين القراءة ..

كراميلا مرة .. وجنون أنثى

شاكرة حبيباتي ردودكم ..

 

[ليلو جبريت]

رد : بأي طريقة تفضلين القراءة ..

اي حبيبتي .. أقرا وانا اسوي رياضة .. بس طبعاً إذا كنت قاعدة على البايسكل أو أمشي في المضمار

لكن على أي جهاز ثاني ماقدر أقرا

اشوووه انج مو معاي فالبيت والله جان بتيننيني كل ماسكه كتاب :d
لووووووووول

 

[هوية غريب]

رد : بأي طريقة تفضلين القراءة ..

ههههههه لولو
ذكرتيني من كم يوم صحيت على حلم وقعدت أبكي بلا وعي
كان تيي أمي وتشيل كتابين من فراشي وتقول (من هالكتب اللي تقرينها) :eh_s(14):

 

[ليلو جبريت]

رد : بأي طريقة تفضلين القراءة ..

ههههههههههههههههههههههههههههههههههه

كانها امي تقولي محد عقدكم الا الكتب

 

[هوية غريب]

رد : بأي طريقة تفضلين القراءة ..

هههههههههههههههههههههه

عسل هالأمهات

 

[عهود الحب]

رد : بأي طريقة تفضلين القراءة ..

القاريء الالكتروني ما يقرا الملفات العربية
مو مدعوم باللغة العربية
حسب ما سمعت

اما الايباد كمبيوتر تقريبا مصغر وميزته يقدر يشغل ملفات بعدة لغات
عادي يعني مثل اي لابتوب



اما الحلم
ذكرتيني مرة كنت اقرا قصة عن شغلة جذي
ومعتكفة بداري لحالي
وكل مادش علي زووجي لقاني ابجي
قام اخر شي ضرب الكتاب بالطوفة
يقول صرتي موب صاحية من سبة هالخرابيط
وكانت القصة عن مرة تعقدت بحياتها وعقدت ولدها
وحيل تعاطفت معاها والله
والي عذبني القصة حقيقية
فحقدت حدي عالدنيا كلها
عالعموم


الروايات تلعب بنفسياتنا والله
ولما بجيتي اكيد كان في شي مأثر عليج باللاوعي

 

[Q8_QT]

آنا عن نفسي أفضل الكتاب صج له متعة وجو غيييييير الكمبيوتر ماحب اقره فيه كللللش حاولت بس ماقدرت اندمج

 

[3oosh <3 MJ]

رد : بأي طريقة تفضلين القراءة ..

انا اقرا في الايفون وفي الكمبيوتر لكن الكتاب الورق وااااايد احلى
تحسينه قريب منج
مشكوورة حبيبتي

 

[هوية غريب]

رد : بأي طريقة تفضلين القراءة ..

القاريء الالكتروني ما يقرا الملفات العربية
مو مدعوم باللغة العربية
حسب ما سمعت

اما الايباد كمبيوتر تقريبا مصغر وميزته يقدر يشغل ملفات بعدة لغات
عادي يعني مثل اي لابتوب



اما الحلم
ذكرتيني مرة كنت اقرا قصة عن شغلة جذي
ومعتكفة بداري لحالي
وكل مادش علي زووجي لقاني ابجي
قام اخر شي ضرب الكتاب بالطوفة
يقول صرتي موب صاحية من سبة هالخرابيط
وكانت القصة عن مرة تعقدت بحياتها وعقدت ولدها
وحيل تعاطفت معاها والله
والي عذبني القصة حقيقية
فحقدت حدي عالدنيا كلها
عالعموم


الروايات تلعب بنفسياتنا والله
ولما بجيتي اكيد كان في شي مأثر عليج باللاوعي

هلا عهودة ،،

ههههه ما يسوى عليج نكد في الكتاب وعقبه زفة من الريل .. والمشكلة لما تكون القصة حقيقية الواحد صج حيل حيل يتأثر فيها ،، يا معودة بايعة عمرج انتي إذا حسيتي فكرة الكتاب سلبية تركيها وعلى طول فتحي كتاب عن تطوير الذات يسويلج شوي توازن فكري ونفسي :weight_lift:

انا سويت جذي مرة .. قريت كتاب صباحاتي سكر وكانت الكاتبة الله يهديها تتكلم عن القضاء والقدر بطريقة ساخطة وتتكلم عن الأجر عند المصيبة بطريقة تهكمية ،، قمت صكيت الكتاب وتركته ومسكت كتاب لا تحزن شبعت مخي فيه لما رجعلي التوازن المطلوب قمت رجعت حق الكاتبة ما غيرها وكملت كتابها :ggdw:

بالنسبة للآيباد .. جربتيه؟؟ شاشته ما تعور العين والراس لما تقرين فترة طويلة؟؟

 

[هوية غريب]

رد : بأي طريقة تفضلين القراءة ..

Q8_QT
هلا حبيبتي
انا لما أقرا بالكمبيوتر أخلص أسرع من الكتاب العادي .. بس بسرعة عيني تعورني وراسي

3oosh
هلا يا قلبي
يا حلو الكتاب .. الحب الأول .. عرفناه قبل الكمبيوتر والإلكترونيات


على العموم شاكرة مروركم الحلو وردودكم

 

[فرقى ولايف ..]

تم التصويت للكتاب الورقي ..

والسبب إني مهما قرأت كُتُب إلكترونية ..
أحس الكتاب الورقي أكثر أُلفة ودفء ،
أحسه قريب مني وبكل مكان أقدر آخذه معاي .. و كل ما أخلّص فقرة أغيّر مكاني بسهولة ..

حتى فراشي أقرا فيه قبل لا أنام و أحب ريحة الورق وملمس الكتاب ..
والحلو إني أقدر أحط علامة على الصفحة اللي أقرا فيها كلام يلامسني أو أحتاج أرجع له مرة ثانية..

أنا نزلت برنامج I Books بالآيفون عشان بالجامعة أقعد أقرى منه لكن لي ألحين ما حطيت فيه و لااا شي ><

 

[هوية غريب]

رد : رد: بأي طريقة تفضلين القراءة ..

تم التصويت للكتاب الورقي ..

والسبب إني مهما قرأت كُتُب إلكترونية ..
أحس الكتاب الورقي أكثر أُلفة ودفء ،
أحسه قريب مني وبكل مكان أقدر آخذه معاي .. و كل ما أخلّص فقرة أغيّر مكاني بسهولة ..

حتى فراشي أقرا فيه قبل لا أنام و أحب ريحة الورق وملمس الكتاب ..
والحلو إني أقدر أحط علامة على الصفحة اللي أقرا فيها كلام يلامسني أو أحتاج أرجع له مرة ثانية..

أنا نزلت برنامج I Books بالآيفون عشان بالجامعة أقعد أقرى منه لكن لي ألحين ما حطيت فيه و لااا شي ><

تسلمين على كلامج الحلو حبيبتي .. فعلاً أنا احس ان الكتاب لأنه صديقي القديم اللي عرفته منذ نعومة أظفاري وكنت أستمتع وأنا أتصفحه .. عشان جذي مستصعبة أقرا بأي طريقة ثانية

بس بيني وبينج قاعدة أحاول أجرب طريقة ثانية حتى لو بشكل قليل .. يمكن التغيير يخليني أقرا أكثر .. لأني لما أقرا بالكمبيوتر أحس نفسي أقرا أكثر وأسرع .. بس عوار العين والراس المشكلة :eh_s(2):

 

[ليلو جبريت]

رد : بأي طريقة تفضلين القراءة ..

هههههههههههههههههههههه

عسل هالأمهات

هههههههههههههههههه


تخيلي ابي اروح المكتبه محد ماعطني ويه اخاف اسوق مكان بعيد وانا بروحي
الناس مذابح والاخت تبي كتب

وعلى طاري اليهال بنت اخوي الي عمرها سنتين تحب تمسك القلم وتشخبط على الاوراق
ولما ناخذ منها تصيح تقول ابي قلم

شكلها بتطلع كاتبه او رسامه لان في عرج فالعائلة انا واختي واخوي وعمتي وعيال عمتي كلنا نكتب

الله يستر بس


وعلى كلامج الي فوق صح القراءة من الاب تتعب العين
لكن اذا اتبعتي الخطوات صح راح تتغلبين على هالمشكله
انا لما اقراء من الاب اعتدل في جلستي يعني ما احط الاب في حجري وارفع رأسي للقراءة
اخليه على طاولة صغيرة ويفضل طاولة الاب واقراء بهدوء وكل نص ساعه اريح عيني واخذ لفه في عالم النت
واعدل من حجم الخط في ناس يكبرونه بس ترى يتعب العين
اخليه 75 وساعات 100 اكثر او اقل لا واذا رواية خطها مايساعد ومو واضحه ما اقراها من النت اخذ نسخه مطبوعه

الكتب الالكترونية توفر المساحه ولولاها جان امي قتلتنيي من كثر الكتب

 

[هوية غريب]

رد : بأي طريقة تفضلين القراءة ..

على طاري بنت اخوج تبارك الرحمن هاذي مشروع كاتبة .. لا تاخذون منها القلم :eh_s(14): واضح تشوفكم كلكم ماسكين القلم وتكتبون :ggdw:

وما شاء الله عسى الله يتمم عليكم عائلة أدبية ومثقفة شي حلو والله :ioljnmlk:
حافظكم الله من العين والله يوفقكم


بالنسبة للقراءة من اللابتوب .. صح كلامج بجرب طريقتج .. بس إذا ما نفعت معاي ترا أطالبج نظارة

شكراً حبوبة

 

[ليلو جبريت]

رد : بأي طريقة تفضلين القراءة ..

على طاري بنت اخوج تبارك الرحمن هاذي مشروع كاتبة .. لا تاخذون منها القلم :eh_s(14): واضح تشوفكم كلكم ماسكين القلم وتكتبون :ggdw:

وما شاء الله عسى الله يتمم عليكم عائلة أدبية ومثقفة شي حلو والله :ioljnmlk:
حافظكم الله من العين والله يوفقكم


بالنسبة للقراءة من اللابتوب .. صح كلامج بجرب طريقتج .. بس إذا ما نفعت معاي ترا أطالبج نظارة

شكراً حبوبة

ههههههه
لاناخذه لان نخاف تتعور به وتسوي انتفاضه فالبيت
ابي قلم

هي تشوفي انا امسك القلم وافرش الاوراق واصحح
فتبي تقلد

اذا قرايتي من الاب وخليتي عينج شبه مسكره يعني كانج تركزين على شي ترى هالعلامه معناته ان القراءة من الاب تعور عينج وتسبب ضعف النظر فابتعدي عنها


على العموم النظر رايح رايح بسبب هالكتب

 

[هوية غريب]

رد : بأي طريقة تفضلين القراءة ..

على العموم النظر رايح رايح بسبب هالكتب

مهي بشارة :eh_s(11):

بس تصدقين .. انا ما تزغلل عيني من اللابتوب .. لكن بعد اكثر من ساعة أحس بصداع وعيوني ماقدر افتحها

خلاص بجرب طريقتج وخلاص ما نبي نظارة .. :eh_s(1):