تجمع مجربات الـ Derma Roller ..!

[×غنوجه×]

السلام عليكم



ابي أطلب من كل البنات اللي جربو الـ Derma Roller ..يطرحون تجربتهم للفائده

سواء استخدموها لعلاج السترتش مارك او حفر الوجه ..لاتبخلون بتجاربكم يابنات



اللي مايعرفون شكل الأداة ..هذي صورتها :eh_s(8):

ترا ما نحلل البنت اللي تذكر تجربه وهميه عشان تسوي دعايه لأي تاجره ..اتمنى يكون فيه مصداقيه لأننا تعبنا من الدعايات :eh_s(8):

 

[حصه11]

انا جربتها والحمدلله واايد مستانسه عليهااا خفت حفري ومساماتي انصحكم فيها بامانه

 

[×غنوجه×]

رد : تجمع مجربات الـ Derma Roller ..!

مشكوره حصه ..ومبرووك النتيجه وان شاء الله تحسن بشرتك للافضل


بس متى بانت النتيجه معاك ؟


ويارب تجينا وحده مستخدمتها للسترتش مارك وتبشرنا بالنتيجه< عقدتها

 

[آمول~]

رد : تجمع مجربات الـ Derma Roller ..!

رفـــــــع لعيونج

 

[×غنوجه×]

رد : تجمع مجربات الـ Derma Roller ..!

الله يرفع قدرك حبيبتي

 

[حصه11]

رد: رد : تجمع مجربات الـ Derma Roller ..!

مشكوره حصه ..ومبرووك النتيجه وان شاء الله تحسن بشرتك للافضل


بس متى بانت النتيجه معاك ؟


ويارب تجينا وحده مستخدمتها للسترتش مارك وتبشرنا بالنتيجه< عقدتها

من اول مره تبين النتايج تحسين بشرتج منفوخه وكل ويهج يعني الحفروالمسام يصير سيده بس عقب يومين يخف وتبدا تبين الحفر بس بشكل اقل ومع كل مره ترتفع الحفر لين توصل للسطح ,,,,, سطح البشره

انا بعد ما خلصت بس النتايج اللهم لك الحمد ووووايد زينه :eh_s(17):

 

[×غنوجه×]

رد : رد: رد : تجمع مجربات الـ Derma Roller ..!

حصه ..تتهنين بالنتيجه ياقلبي ..بس استمري عشان تحصلين على نتيجه افضل وافضل



وين البنات الي جربوها للاسترتش مارك

 

[حصه11]

ان شاء الله ومشكوووووووووووورة حبيبتي

 

[خير يا طير]

أنا ناوية عليه
بس كنت أبا تجارب أكثر عن جيه
مستغربة انه مافي تجارب. كثيرة

 

[alwardah]

انشالله تحصلين النتيجه اللي تبينها والله انا كنت ناويه عليه بس شكله خرعني  وين سويتيه في اي عياده ولا بروحج. و شنو درجه الالم ؟ وهل صج حسيتي بفرررق ؟ مووووووفقه حبيبتي 

 

[حقوقيه زوغه]

طلي يوتيووووب وشوفي الفيديوات عن الديرما رولر

 

[كويتيه فرنسيه]

شكله يخووف شلوون تقدرون تستعملونه مو يمكن تجرحين البشره بالغلط خصوصا ان فيه ابر

 

[×غنوجه×]

رد : رد: تجمع مجربات الـ Derma Roller ..!

بنات انا ماجربته بس انتظر تجاربكم عشان اتشجع ..انا مشكلتي الاسترتش مارك وابي اجرب هالاداه عشانها ..بس ابي اعرف نتايجها اول

 

[×غنوجه×]

رد : رد: تجمع مجربات الـ Derma Roller ..!

اب


اب



اب

 

[عسولة وكتكوتة]

رد : تجمع مجربات الـ Derma Roller ..!

انا مجربتة بلاليك اينن صراحة ينفخ البشرة بس اهما ميزو رولر يعني حييييييييييل صغيرة

 

[haya20]

ااااااااااااااااااااااااااب
بس وين نحصله حبوبه؟؟

 

[كوكو_شانيل]

رد : تجمع مجربات الـ Derma Roller ..!

انا جربت الديرما

كلمة عجيبة شووووووي عليها والله

كنت اعاني من الحفر المتوسسطة ولاعت جبدي منها وجربت التقشير مرتين خفوا شششوي

بس الديرما حسنتهم بشكل وااااضح والحلو فيه يخلي ويهي منفوخ وخدودي وردية طبيعي ^^

شجعتوني اردلها مرة ثانية .. وهم بغيت اخبركم انها ما تعور لان المنطقة تتخدر وعقب تقدرين تمررين الرولر براحتج وتتعودين عليها

 

[ReeM ^ Style]

هلا حبايبي
طبعا انا جدا مهتمه حق هالجهاز وصارلي شهر ابحث عنه
شي طبي يعني محتاج حق بحث متواصل عشان نظمن نتايج ممتازه
الحين اللي حبيت تعرفون ان في انواع كثيره تجاريه ولايغريكم السعر
لان انا انغريت بالسعر لان اسعارهم رخيصه
الحين شنو افضل نوعيه بامريكا
هذا افضل نوع بامريكا وطبعا انا طلبته قبل يومين
وليما الحين ماجربته
وهذي صورته

dr.roller طبعا اهم الشركه الحصريه لهالمنتج وفي منه فرعين
بامريكا و ببريطانيا


في انواع كثيره والحين اوضح لكم شنو الفرق بين مقاسات الابر



حجم واحد ونص مل
- مخصصة لاثار حب الشباب الثقيله (اقصى حجم ممكن استخدامه في المنزل) والسترتش ماركس الثقيله واثار العنقز القوية واثارالجروح القديمه القوية وتستخدم لازاله السليوليت القوي
- يفضل استخدامها مره بالاسبوع وبعد عدة استخدامات يكون مره كل اسبوعين
- لا تقترب من منطقة العين او حول الفم ويكفي تعمل رول على المنطقة القريبه منها وهالشي بيحفز الكولاجين تحت العين او حول الفم
- لازم تعقم الاله بعد وقبل كل استخدام وممكن استخدام المنتج الخاص بتنظيف رضاعات الاطفال لتعقيم الالة
- اذا بشرتك حساسه وتتهيج عادة يفضل استخدام مضاد للالتهاب





2
حجم واحد ملم
- مخصصة لاثار حب الشباب المتوسطه والسترتش ماركس المتوسطة واثار العنقز المتوسطة واثارالجروح القديمه المتوسطة و لازاله السليوليت الخفيف وتستخدم لتساقط الشعر الشديد
- يفضل استخدامها مره بالاسبوع وبعد عدة استخدامات يكون مره كل اسبوعين
- لا تقترب من منطقة العين او حول الفم ويكفي تعمل رول على المنطقة القريبه منها وهالشي بيحفز الكولاجين تحت العين او حول الفم
- لازم تعقم الاله بعد وقبل كل استخدام وممكن استخدام المنتج الخاص بتنظيف رضاعات الاطفال لتعقيم الالة
- اذا بشرتك حساسه وتتهيج عادة يفضل استخدام مضاد للالتهاب





3
مقاس نص مل

- مخصصة لاثار حب الشباب الخفيفه والسترتش ماركس الخفيفة واثار العنقز الخفيفة واثارالجروح القديمه الخفيفة و تستخدم لتساقط الشعر المتوسط وللاستخدام الدائم لشد الوجه وتخفيف التجاعيد
- يفضل استخدامها مره بالاسبوع وبعد عدة استخدامات يكون مره كل اسبوعين
- لا تقترب من منطقة العين او حول الفم ويكفي تعمل رول على المنطقة القريبه منها وهالشي بيحفز الكولاجين تحت العين او حول الفم
- لازم تعقم الاله بعد وقبل كل استخدام وممكن استخدام المنتج الخاص بتنظيف رضاعات الاطفال لتعقيم الالة
- اذا بشرتك حساسه وتتهيج عادة يفضل استخدام مضاد للالتهاب

وانا اخذته للسترج ماركس واول مايوصلني ببلغكم بالنتايج

 

[ReeM ^ Style]

رد: رد : رد: رد : تجمع مجربات الـ Derma Roller ..!

حصه ..تتهنين بالنتيجه ياقلبي ..بس استمري عشان تحصلين على نتيجه افضل وافضل



وين البنات الي جربوها للاسترتش مارك

انا طالبته للسترج ماركس مقاس 1 ونص
بس ليما الحين ماستلمته

وانا اخذت كريمات من بوتس خاص للسترج ماركس
بس ناطره توصل الاله واعطيكم النتايج:eh_s(7):

 

[@ناعمه@]

مرحبا بنات .....

سويت جلستين فعلا تعطي نضاره ....

وامتلاء بسيط ....

المسامات نفسها ما تغيرت

وباجيلي جلستين وبعدها بكمل ابروحي بالبيت