{ ذئــاب لا تعــرف الــرحـــمــة ..!!

[BRoNZ GiRL]

رد : { ذئــاب لا تعــرف الــرحـــمــة ..!!

الــــبـــــارت الــحـــادي عـــشـــــر ..




قويه صدمتني فيك يا فلان .. و من قوة الصدمه جفت دموعي و تجمدت و اصبحت هي و الثلج واحد من يوم ما سمعتك تخوون ..!!

نــرجع للــعيـــاده اللي ابتعدنــا عــن اسوارها وكشفنا عن اللي يخبييه اسوار اماكن ثانيه ..


كــادي : يمكن انا تضايقت وبجيت وماعندي شك انه علي يجذب عليي بس بنفس الوقت ما كنت مصدقه انه ممكن هالشخص يحب احد غيري مثل اي قلب يعشق مستحيل يصدق انه اللي يعشقه مايحبه الا باثبات .. وانا تأكدت بنفسي ..بنفس اليوم مسحت دموعي و قمت طلعت من الخيمه كانت عالـ 11 تقريبا شفت عليوي ..

--

علي : كادي تيين تتمشين معاي والله متملل قاعد بروحي
كادي : يالله قمنا ..
و رحنا انا وياه نتمشى و نسوولف ..
بنص السوالف ..
كادي : هههههههههه عليوي خلااص بس لا تضحكني شووف دمعت من الضحك
علي : ضحكي ضحكي شوراج الدنيا كلها يومين عيشيها وانتي مرتاحه
كادي : كلامك عسل
علي : انتي العسل

شوي ولا نشووف ضاري كان ماسك تلفونه يتكلم فيه ..

فرحت لمن شفته كان شعوري بضبط مثل شعور الياهل لا ضيع امه و لقاها .. هذا كان شعوري .. كان ودي اروح المه اقوله شكثر مشتاقتله بس لو مو علي موجود ..

شــوي ولا اشوف عليوي يقولي ..


علي : هذاا عمي بخرعه دام قاعد يرضع ..امشي خل اروح اصرقعه شوي ..
كادي : انجرحت من كلمته "يرضع" بس هم ماتكلمت عشان اتاكد
كل ما نقرب صوت ضحكه يعلا .. و انا ابتسامتي مرسومه على خدي .. حسيت يومها حلجي انشق من كثر ما ابتسمت ..

بـــــــــس ..

هالابتسامه اختفت بمجرد ما سمعته يقول ..

ضاري : خلاص حبيبتي يعني قلتلج اني غلطت و اعترفت بغلطتي و تأسف ليه متى بظلين زعلانه .. ارضي ترى والله ان ما رضيتي اذبح روحي ..
كادي : اختفت ابتسامتي .. من سمعت هالجمله !! ضاري بيذبح روحه عشان وحده غيري انا
كادي تركز على كلامه بكل اهتمام ..
سمعته ينطق بكلمه كان دايم يرددها لي
ضاري : جود !! احبج انتي بس
علي : بوووه ! صادوووه
ضاري : خرا بويهك ياي بالوقت الغلط
علي : مالت عليك زين .. هاا اشووفك قاعد ترضع وغمزله
ضاري : هههههه جب جب واذلف عن ويهي .. رفع راسه وشاف كادي
ضاري رفع حواجبه
علي : كادي !! لا تقول انك نسيت شكلها
ضاري بلامبالاه : اممم اهلين و وخر عنهم وكمل مكالمته
كادي ابتسمت و شافت علي : هاا ردينا ؟
علي : ليش ؟
كادي: بنام بعد شنوو!
علي : اممم زين ردينا..

** لـــيـــت الجـــرح مــو مــنــك .. ليـــت الجـــرح من غيـــرك **



كادي ردت للحياه ردت للواقع للي عيا يحقق لها امانيها ..


انصدمت يومها .. و بنفس الوقت تأكدت من الي قاله لي علي و اهني تأكدت انه حب وحده غيري ..بس اللي متأكده منه اكثر انه اللي يحبها حبها له ما يوصل ربع حبي له..
بس الي استغربت منه دموعي ما نزلت .. تقدرين تقولين تجمدت دموعي من الصدمه !! .. و من بعد هاليوم دخلت بعالم الحزن مافيه الا انا وجروح ضاري وابتسامتي ما شفتها من بعدها على خدي الا نادر .. و كله بسبة منو !! بسبة شخص منافق .. نصاب .. !! وما طلعت من هالعالم الا على ايد دخلت من باب الصدفه وكانت ايد العون بالنسبه لي وبفضل الله و بعده اهوا قدرت اطلع من هالعالم مع اشراقه حب يديد .. {ســيـــف}



-------------------



مــنــهــو تـــكـــون ؟؟
وش ســـبــة اعــجـــابــي ..
طلـــبـــتك تـــعـــال قــولــي ..
منــــهو تكــــون ؟
سيف كان قاعد بالصاله يشوف تلفزيون و بنته قاعده يمه

مــاسكه الالوان و ترسم ..


كان قاعد يغير بين القنوات ماكان في برنامج او شي اعجبه بالتلفزيون..

لـــيـــن ما .. شاف مسابقه شاعر المليون ..

ابتسم و ســـرح .. رجعــت ذاكرته لأيام قدييمــه .. قبــل لا يعـرف اولـ حـب .. كــادي ..



سيف مجابل اللاب كان مبطل منتدى كان مشرف فيه .. كالعاده اول ما يدخل قسم الاشعار وابتسم يوم شاف نك اللي منزل الموضوع .. الاسم كان حزين بس ما ينكر انه جذبه ..مثل كل مره هالشخص اللي مايدري اذا بنت او صبي يجذبه بأسلوبه واشعاره بنفس الوقت يخليني استغرب لانه شعره دايماً يكون من النوع الحزين .. قرا الشعر بكل دقه وكالعاده {{حـــزيـــــــن}} افف!! ولا عمري شفته كتب شعر فيه نوع من الامل و التفاؤل دايماَ هالعضو متشائم .. فصار فييني فضول اعرف شسالفه هالعضو ..



سيف " لي متى ما ينزل او تنزل الا حزين ؟كل شي يعجبني بهالشخص الا تشائمه.. لازم ادخل حياته واعرفه واعرف سبب هالحزن واطلعه منه ..



قــمــت و كتبت رساله له ..
" السلام عليكم .. "

و قعدت انطر .. بس ماكان فيه رد .. قلت يمكن مو نوعهم يتعرفون بالمنتديات ..

بـــــــٍس ..

بعد فتره .. ياني الرد ..

" و عليكم السلام .. "

سيف :
شلونك او شلونج ..؟؟ مادري مااقدر اعرف اذا انت بنت ولا ولد لانه اسمك ما يوحي بولا شي ..

"جرحني الزمن "
انا تمام الحمدالله بخير .. و انا بنت ماني بولد ..

سيف :
ما اعتقد انج تمام و بخير .. الشعر الي اليوم منزلته ما يوحي انج بخير

"جرحني الزمن "
انت من متابعين الخواطر الي اكتبها

سيف :
انا المشرف لقسم الخواطر و الشعر ..

" جرحني الزمن "
ممممممم

سيف :
ليش دايماَ تكتبين حزين ولا مره شفت شي من اشعارج يفرح و يونس .. ضحكي يبا و استانسي و عيشي حياتج ترى الدنيا ما تسوى انج تتشائمين لهدرجه ..

"جرحني الزمن "
بـــعــد الدنيا خلتني جذي .. هالشي مو بيدي .. الفرح و السعاده و الحزن والهم و الضيقه مو بيدنا صدقني .. الناس اللي يعيشون معاك و تتخالط معاهم اهما بيدهم هالشي ..

سيف :
غلطانه اختي .. الي تقولينه مافيه ولا شي صح .. من متى الناس تتحكم بالانسان .. لازم الانسان يكون حر بنفسه و بقراراته .. محد يدخل فيها


"جرحني الزمن "
لا عشت الي عشته بتقول غير هالحجي ..



قطع هالتفكير ..

دانـه : بابا شووف رسمتي حلوه ؟
سيف : ايي بابا حلوه بس مو احلى منج وقرص خدها
دانه استانست : برسم رسمه ثانيه بعد
سيف : رسمي حبيبتي و وريني بس صدقيني ما راح تكون احلى منج
دانه تشققت بس ردت حق رسمها


سيف "اييه والله صدقتي .. الناس بيدها تونسنا و بيدها اتضيق خلقنا !! .. يا ترى شلون الحين عايشه .. تغيرت نظرتج لحياتج ولا ليلحينج على نفس النظره .. ممممممم اعتقد ما تتغير من بعد اللي صارلها و اللي اهيا سوته .. الله يسامح اللي كان السبب .. ​

 

[BRoNZ GiRL]

رد : { ذئــاب لا تعــرف الــرحـــمــة ..!!

انــشـــاللهـ يعـجبــكمــ .. قــراءهـ ممــتـــعــهـ ..


C u all :**

 

[mss.86oo6a]

رد : { ذئــاب لا تعــرف الــرحـــمــة ..!!

يااااااااااااااااااااااااااااااااي تسلم الايد على البارت الحلووووو
وااااااااي كادي سالفتها سالفه المسكينه وسيف يحبهااا من قلب

 

[كلي أحزان وهموم]

مشكـــورة حبوبة عالبارت وناطرين البارت الياي بشووق

 

[البارونه*_^رونه]

طللللللللعت اهي نفسهااا >>>>>لووول

وضااري مصدق نفسسه ع شنو بابا !!


يسلم حياتي ع البارت

ناطرين الباارت الياي

 

[البارونه*_^رونه]

جمله هنديه بمعنى الكلمه >يسلم حياتي ع البارت<
لوول

 

[هجران الليالي]

القصة أروع من الخيال

وحدة أعرفها معرفة قوية بداية حبهم مثل الشي ويا بعض والإهتمام والنظرات " بينها وبين ولد عمها " ولمن كبروا افترقوا وانمنعو من بعض وبقت هي تحبه وهو تغير .. انخطبت البنت يوم جافت مافي أمل وتزوجت بس ولد عمها وحبه باقي بذاتها .. وهو بعد مرور سنتين من زواجها تزوج خطبة تقليدية وعايش حياته ويحب زوجته .. بس لمن تلتقي عيونهم بعيون بعض للحين في إحساس غريب تشعر فيه

صعب هالشعور

ناطرينكم بالبارتاتات الياية ومتشوقين لها

 

[BRoNZ GiRL]

رد : { ذئــاب لا تعــرف الــرحـــمــة ..!!

يااااااااااااااااااااااااااااااااي تسلم الايد على البارت الحلووووو
وااااااااي كادي سالفتها سالفه المسكينه وسيف يحبهااا من قلب

هلا والله ..الله يسلمج عمري عيونج الاحلى
ايي والله.. االله كريم انشالله .. نورتي عمري :*

 

[الزين كله فيها]

يعطيج العافيه حبيبتي ناطرينج باللي ياي و البارت حده حلو و ودي اعرف شسالفة كادي شمسويه اللي مره مظلومه و مره ظالمه

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

مشكـــورة حبوبة عالبارت وناطرين البارت الياي بشووق

اهلين .. العفو حياتي .. انشالله البارت الياي اليوم بليل ..
نورتي

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

طللللللللعت اهي نفسهااا >>>>>لووول

وضااري مصدق نفسسه ع شنو بابا !!


يسلم حياتي ع البارت

ناطرين الباارت الياي

اهلين.. لووول ايي والله شفتي شلون
الله يسلمج قلبي .. انشالله قريب :*

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

جمله هنديه بمعنى الكلمه >يسلم حياتي ع البارت<
لوول

لووول لاا عادي اطوفها لج هالمره ها بس لا يكثر

 

[sweet.sanfoora]

موو فاهمة شي <<كالعادة

ثانكيوو

 

[MeeMeeYoo_2]

دان تحب الاخت جود
شكو تتزوج كااااااااااادييي

اتوقع كادي مع هالعذاب لما تاخذه ماراح تستحمل وترد تكلم سيف ويطيحون عليها

سويت فلم هندي بس مايندرى


ثنكيوووووو

 

[miss 3yara]

هم موفاهمه

 

[zizo0ou-x3]

yslmoo
shkle bdet afham
waiting elyay

 

[6amni bs]

رد : { ذئــاب لا تعــرف الــرحـــمــة ..!!

مالت عليك يا ضاري طلع يحب جود
يعطيكم العاافيه
ناطرين

 

[άGώâ ми àώàŁ]

ambeh elRewaya 9ij t3wr elras mn ams afkr bshay ;p
Awal twq3 Twq3tah;ena 7abat Seif bs b3den 9ar Feiha entqam mn `9ari
Aw Ahal `9ari `39bouh ytzwjha w tzwjaw w el2 en`9lmaw bhlzwaj
w b3den ahya kanat twa3d seif w ahlha 6a7aw 3leiha;p
Madre etha 9a7 wla la2
Bs ya36ekoum el3afya Saroun&Rayoun;*!

 

[Q8ya-cool]

الصرااااحه روووووووووعه القصه وانا ان شاء الله بتابعها للنهااايه يعطيج العافيه حبوبه

 

[rayona]

الــــبـــــارت الـــــثـــانـــــــــــي عـــشـــــر ..


راجـــــــــــــــــــع لـــهـــــــــــم ..

}برجعلج من بعد غيبه بس يا ترى شلون بتسقبليتي يا الحبيبه ..!!



بـــأحد مكاتب الطيران ..


ضاري : اخوي بغيت حجز للكويت و اذا فيه اليوم يكون افضل
الموظف : لحظه اخوي اجيكلك ..
ضاري : اوكي ..

قــعــد ينطر ..

ورجـــعـــت فيه الذاكره لذاك اليوم ..


وقتها كنت قاعد مع كادي اسولف معاها و من بين السوالف .. سألتني هالسؤال ..

كادي : شنو بتدرس لا كبرت
ضاري : مممممم مفكر ادرس مثل اخوي برا اسافر و ادرس يقولي احسن من دراستنا اهني
كادي بضيق : ممم لا تسافر .. كمل اهني احسن ..
ضاري : ليش ..
كادي : مابيك تروح اخاف تروح و ما ترجعلي .. اخاف من الطياره انا .. ما تشوفني ما سافرت مع امي و ابوي غير مره وحده .. تعقدت من كثر ما اشوف الطيايير اطييح
ضاري : شدعوه خووا لي الله كاتبه بصير لا تفكرين هالتكفير المتشائم
كادي : مابي مابي ما تسافر و تخليني ..

--

ضاري : ماراح اخليج و كاني يا كادي برجعلج ..

قطع عليه سرحانه .. الموظف ..

الموظف : اخوي لقيتلك حجز اليوم الفير
ضاري : اوكي .. احجزلي ياه ..

--

ضـاري طلـع وابتسامه امل ما انمحت من على ويهه ..





ضاري بالطريج واهو راد الفندق " راد لعيونج كادي بنرد احلى اثنين انا وانتي وبس نروح لدنيا ثانيه مافيها الا انا وياج .. اتمنى انج تسامحيني الفير سفرتي ومن الصبح على طول بييلج وبطلب رضاج .. كادي قلبها كبير وما راح تردني ..


-------





{.. قربه مني نعمه و بعدك عني نعمه ...!!





الــبــوح بأســرار المـــاضـــي ما انتـــهــى مشــواره ..
بعياده الدكتورة ..


كادي : من بعد ما دريت بخيانته ليي دخل بحياتي شخص .. نساني شي اسمه ضاري !!
د.منى : هالشخص اهوا الي قلتي اسمه سيف
كادي : اييه .. يومها دش عليه بالمنتدى الي اكتب فيه شعر و قعد يسألني عل الشعر اللي اكتبه .. و حاول يغير فكرتي للحياه و يغير نوعية الشعر الي اكتبه لاني كنت اكتب اشعار حييل حزينه .. و بالفعل قدر ..
د.منـى : وليش ما ذكرتيه من اول اهو سبب حالتج ؟
كادي : لأ لأ ! سيف ما قدم لي الا كل شي حلو .. بس الزمن كان ضدنا .. حالتي سببها شخص واحد وانا ذكرته لج من قبل .. ضاري
د.منى :بس انتي الحين انهيتيه من حياتج واللي اشوفه انه جرحه صعب بس مو انه يوصلج لي هالحاله .. هذا لأنج شخصيه ضعيفه ولا؟
كادي بنرفزه من كلمتها الاخيره : انا موضعيفه ولعلمج محد تحمل كثر ما انا تحملت انا مافيني شي بس وجودي اهني لانه اهلي مايبوني ولأني وطيت روسهم بالارض الشي الوحيد اللي ينظف سمعتهم اني مينونه وما كان عقلي معاي يوم سويت كل هذا .. بس انا موضعيفه لو تعيشين ميتين سنه ماراح تصادفين وحده بقوتي انا .. والاهم بخبااثــتــي ..!
د.منى : شرحيلي اكثر ..
كــادي : ضاري له عوده بحياتي مره ثانيه بس عودته قشره حيل وتذبح الروح ..
د.منى : ذكريلي سيف وخل اشوف جانب حلو وبعدها نرد للمر ..
كادي : امم سيف وآآآه من سيف .. كل كلام الدنيا ما يوفيه من يوم ماعرفته واهو عسل وليلحين ذكراه على بالي .. ما اذكره الا بالخير بس موقف واحد كان سلبي ويمكن هالشي عشان مصلحه الكل الا مصلحتي انا .. وانا حزتها كنت انانيه فانتقمت لنفسي وكرامتي .. بدايــتي انا معـاه كـانـت..
د.منى : قوليلي بصفه عامه شلون غيرج وبعدها ندخل بالتفاصيل ..عشان استوعب الصوره
كادي : اقوى شي قدر عليه .. و قدر يغيره فيني .. نظرتي لضاري ..
د.منى : شلي سواه الي خله نظرتج تجاهه تتغير

كادي غمضت عينها وتذكرت ..
كان دايماَ يسولف معاي كان شخص ونيس .. ما عمره اشتكى من شي .. و لا انا بينتله السبب الي يخليني اكتب هالشي ..


نرجــع لأول يوم .. اول محادثه بينهم ..

كــادي " انا كنت بمنتدى وكله اكتب اشعار حزينه وانزلها اوصف اللي احسه .. واهو كان مشرف هالقسم .. بيوم دز لي عالخاص وقعد يسألني عن هالسبب بصراحه كان محترم بس لأنه ما همني او حزتها ماكنت افكر الا بضاري حتى بعد مانساني وراح ..

": طلب مني ايميلي بكل ادب وحسيت انه نيته صافيه و انا وافقت مع اني كنت ارد اي صبي يطلب ايميلي .. ومن اول يوم كان مميز بأسلوبه وبصراحته كان شفاف حيل .. حبوب وطيب والاهم حــــــــــــــنـــــــــــــــــــــــــــــــــون .. كنت فاقده حنان وغمرني بحنانه .. كان دايما يمي وما يخليني بضيقتي بس حزتها كنت اعتبره اخو وصديق وغالي على قلبي مو اكثر والحبيب ضاااري موو غيره .. مع الايام قدرت ابطل له قلبي واعترف له عن ماضيي كله وعن جرح ضاري اللي ما برى وانه ليلحين ينزف .. درى انه سبب حزني وكل هالهم .. وكان رده علي مثل البلسم


نرجع لــذاك الــيوم ..

كنت متردده اقوله ولا لا .. بس بالنهايه قلتله عن حياتي انا و ضاري وشلون حبيته و حبني لا اقصد اوهمني بحبه .. قلتله كل شي بالتفصيل و ما خشيت عنه ولا شي ..

كــادي : هذي كل قصتي والحين عرفت سبب ضيقتي .. انا ماقلتلك الا لأنك طيب وانسان قد الثقه ..
سيف : كادي .. لا تفكرين جذي عمر الدنيا ما توقف على شخص واحد .. انتي بتتضايقين على شخص انتي صرتي من مااضيه .. كوني قويه وابدي رحله النسيان .. لا تتشائمين وانشالله بيي اللي يسعدج تاكدي انه الله اذا طلع شخص من حياتج يفتح مساحه عشان شخص يديد يدخلها .. طول ما الله موجود الامل موجود .. يعني ...
كادي : يعني الامل دايم موجود..
سيف : بالضبط .. تفائلي وابتسمي وعيشي حياتج بعيد عن هالحزن وانسي هالضيق لأنج تستاهلين كل خير .. صكري هالماضي الاسود وابدي حياه بيضه بعيده عن ضاري وبعيده عن كل شي يضايقج ويكدر خاطرج .. انتي توج صغيره والحياه جدامج واللي خلق ضاري خلق غيره واحسن منه .. ابتسمي الحين مابيج تنزلين دموعج عشان اي احد لو منو ما كان ..
كادي : شكرا سيف .. كلامك يريح الواحد..
سيف : مابينا شكر احنا اخوان عدل ؟ الحين كل اللي ابيه انج تستانسين مو اكثر..
كادي : صدقني بحاول انسى وابدى حياة يديده مثل ما تقول
سيف:عفيه .. هذا الاحسن لج وابيج تكتبين شعر فيه شويه تفاؤل ولو مره
كادي :ههههههه خلاص ولا يهمك ..
سيف : شوفي اخر شي بقولج جمله وحده اتمنى اتطبقينها بحياتج .. اللي باعج بيعيه برخيص..

**كلــامك فــيه نشـوه روح يحــرك فيــني الوجــدانـ **

-----


كادي : و هذا بالفعل الي صار .. بعت ضاري و بعت ذكرياته و ماضيه .. بعت حبه .. عفته كله..

كادي " سيـــف .. خلاني اطلع من سوادي هذا ودخلت لعالم يديد ابيض ولونته معاه .. من يومها رديت انسانه ثانيه وبديت اكتب اشعار فيها شويه تفاؤل و ارتاح اهو من هالناحيه ومع الايام ..


سيـــف : كادي
كادي : هلا
سيف: امم بقولج شي بس مابيج تاخذين بخاطرج وحتى لوماعجبج كلامي انسيه اوكي ؟
كادي : امم اوكي قول لا تخرعني
سيف : هههه خوافه
كادي : لا تتطنز قول الحين وبعدها تطنز على راحتك
سيف : كادي احبج!
كادي انصدمت وبعد مده : مادري شقولك سيف .. بس انت عارف كل شي
سيف : انسي ضاري وخليني اعوضج عن كل هذا..
كادي : ما اقدر اقولك شي الحين خلني افكر واشوف الموضوع من هالناحيه وبعدين اقرر
سيف : اي ناحيه ؟
كادي : اذا اقدر احبك مع الايام ولا لأ
سيف :حبيتيني او لأ بكون معاج .. بس انتي اخذي كل وقتج وانا ناطرج ..


كادي " ومن يومها قدرت اتقبله وصج حبيته مع الايام واعترفت له وكان طاير من الوناسه وانا كنت عايشه براحه معاه .. كلمته فون وصرت اشوفه ومابينا مشاكل ولا اي شي .. بدا حبنا وبدت تتلون حياتي بســـيف موو غيـــره ..


و صار قرب هالسيف مني نعمه احمد ربي عليها .. و بعد ضاري من حياتي نعمه بس ما دامت نعمه و انقلبت نقمه من بعد مارد و دخل بحياتي ..