اش راكم بالمواساة عفيه ردو

[احبج يا كويت]

السلام عليم حبيباتي

اشراكم بمستشفى المواساة من ناحيه العنايه

و بالنسبه للدكاترة اللي عندهم زينين ولا مثل الشفا على طول قيصريه

اللي تعرف دكتورة زينه عشان افتح عندها ملف

و الخياط عندهم اشلونه زين ما يبين ولا يبين شكله

يريت اللي عندها معلومات اتفيدني عشان ابدا بالمراجعات

 

[نبض قلبه]

هلا اختي والله شوفي انا ولدت مرتين بالمواساة وان شاء الله هذي الثالثة المستشفى قمة في الرعاية والعناية السسترات ما يخلونج وقت الولادة على طول داشين و طالعين عليج يعني اهتمام مو طبيعي حتى الدكاترة عندهم يهبلون ..انا اول كنت اولد عند الدكتورة شادية بس اطلعت بعيادة خاصة فانتقلت حق دكتورة لينا الهندية اختي ورفيجتي ومرت خالي اولدوا عندها و وايد يمدحون خياطها التجميلي ترجعج بنت بنوت ...مع ان زوجي يبيني اولد برويال حياة بس بصراحة انا ماسمعت لما الحين وحدة تكلمت عن الولادة برويال حياة بالتفصيل الممل فقلت لزوجي خلني على شي مجربته احسن ما اروح مستشفى ما سمعت عنها وايد يلعبون فيني بالولادة ...انا عن نفسي ارتحت لها وايد وان شاء الله خواتي البنات يفيدونج بعد ..وبعد الدكتور جمال الدين الافغاني يمدحونه البنات بس انا افضل دكتورة عشان اخذ راحتي معاه بالكلام ...والله يسهل عليج ولادتج ...

 

[Sweets_Boutique]

والله شوفي حبيبتي أنا ماحبييت المواساة كلش.. مرت أخوي يوم ولدت تخيلي الدكتورة تقولها لا تسوين بش ماكو نرس و أنا إختي دكتورة ساعدة الدكتورة بعدين جان إيونلها 2 نرس! و حتى يوم صعدوها بالغرفة الدووور كله ماكو إلا 3 نرس بيلحقون على منو ولا منو .. طبعا هل حجي من سنة يمكن ألحين زادو الستاف مادري والله .. بس أنا سامعة إنه ابرة الظهر زيينة عندهم والله يسهل عليج

 

[وجدان الكويت]

رفيجتي ولدت عندهم

دكتورها كان جمال الدين الافغاني

وايد وايد تمدحة وتمدح رعايتهم

وعسى الله يسهل عليج انشالله

 

[كاشونه الاصليه]

انا توني والده صارلي اسبوع ولا بيزه المستشفى

 

[donat]

هلا اختي والله شوفي انا ولدت مرتين بالمواساة وان شاء الله هذي الثالثة المستشفى قمة في الرعاية والعناية السسترات ما يخلونج وقت الولادة على طول داشين و طالعين عليج يعني اهتمام مو طبيعي حتى الدكاترة عندهم يهبلون ..انا اول كنت اولد عند الدكتورة شادية بس اطلعت بعيادة خاصة فانتقلت حق دكتورة لينا الهندية اختي ورفيجتي ومرت خالي اولدوا عندها و وايد يمدحون خياطها التجميلي ترجعج بنت بنوت ...مع ان زوجي يبيني اولد برويال حياة بس بصراحة انا ماسمعت لما الحين وحدة تكلمت عن الولادة برويال حياة بالتفصيل الممل فقلت لزوجي خلني على شي مجربته احسن ما اروح مستشفى ما سمعت عنها وايد يلعبون فيني بالولادة ...انا عن نفسي ارتحت لها وايد وان شاء الله خواتي البنات يفيدونج بعد ..وبعد الدكتور جمال الدين الافغاني يمدحونه البنات بس انا افضل دكتورة عشان اخذ راحتي معاه بالكلام ...والله يسهل عليج ولادتج ...

نفس الكلام
بس انا تولدني د.معصومة مخصيد و في بنات اعرفهم يمدحون د.لينا

 

[احبج يا كويت]

جزاكم الله خير ما قصرتو

اختي نبض قلبه و اختي دونت ولاداتكم كانت طبيعي ان شاء الله و طريقتهم ما يستعيلون على الوحدة لان الشفا على طول قيصريه بدون لا يحاولون و هذا حصل حق وحدة من اهلي اتمنى الافادة و مشكورين ما قصرتو

 

[احلى كويتيه]

منو قالج ان دار الشفا يستعيلون على الوحده قيصريه اصلا هذا كتبة ربج وحرام تحكمين من تجربهه وحده لان في عوامل وايده تخليج تولدين قيصريه الله يكافينا شرها مو وحده ولا ثنتين ولا ثلاث الي ولدوا بالشفا وكلهم ماشاء الله طبيعي وطايرين بالمستشفى الله يوفقج

 

[كويتية ولي الفخر]

أنا عيالي كلهم بالمواساة و ان شاء الله اللحين هم هناك و بدون شك !

كنت مفكرة اروح رويال حياة بس صديقتي تقول لي ان السسترات لوعه هناك .. تقول انا اللي اعلم السستر شنو تسوي لأنه لمن اناديها و اقولها شي تتوهق و تقول لها ما اعرف !

انصحج بالمواساة و بدون تفكير ... و بعدين مثل ما قالوا البنات الله اللي يسهل الأمور لا السسترات ولا الدكتورة ... بس نصيحه لج أفضلج تراجعين عند دكتورة من نفس المستشفى علشان وقت الولاده ما تتغربلين ،، لأن ساعات المستشفى يدقون على الدكتورة و تتأخر و يضطرون انهم يا اولدنج السسترات والا انهم يخلونج تنطرين لمن توصل

 

[احبج يا كويت]

هلا حبيبتي كويتيه ولي الفخر

اتعرفين دكتورة هناك زينه عفيه اذا تعرفين قولي لي لاني ما اعرف احد و بعدين يصير ابدا مراجعاتي بالتاسع و لا ما يرضون لازم قبل لان دوامي عصر و الصبح ما عندي احد يوديني يريت تفيديني يا عمري

 

[احبج يا كويت]

أنا عيالي كلهم بالمواساة و ان شاء الله اللحين هم هناك و بدون شك !

كنت مفكرة اروح رويال حياة بس صديقتي تقول لي ان السسترات لوعه هناك .. تقول انا اللي اعلم السستر شنو تسوي لأنه لمن اناديها و اقولها شي تتوهق و تقول لها ما اعرف !

انصحج بالمواساة و بدون تفكير ... و بعدين مثل ما قالوا البنات الله اللي يسهل الأمور لا السسترات ولا الدكتورة ... بس نصيحه لج أفضلج تراجعين عند دكتورة من نفس المستشفى علشان وقت الولاده ما تتغربلين ،، لأن ساعات المستشفى يدقون على الدكتورة و تتأخر و يضطرون انهم يا اولدنج السسترات والا انهم يخلونج تنطرين لمن توصل

هلا حبيبتي كويتيه ولي الفخر

اتعرفين دكتورة هناك زينه عفيه اذا تعرفين قولي لي لاني ما اعرف احد و بعدين يصير ابدا مراجعاتي بالتاسع و لا ما يرضون لازم قبل لان دوامي عصر و الصبح ما عندي احد يوديني يريت تفيديني يا عمري

 

[MaYoOoma]

انا ولادتي الاولى كانت هناك وان شاء الله هالمره بعد عندهم وعنايتهم وايد حلوه
كنت اراجع عند شاديه وطلعت الحين اراجع عند لينا

 

[مولاتي سميه]

انا كرهته من سالفة وحده تصير لنا الله يرحمها توفت فيه منهم زادو الاكسجين

وغير جذي لما ماتت الجاهل للحين في بطنها ماطلع فشقو بطنها وطلعو الجاهل عقب فتره شاف الابو الجاهل ولا ضهره مشقوف كله وفيه 11 غرزه ويوم سالهم قالو غلطة الدكتور شق ضهر الجاهل واهو يطلعه من بطن امه !!

وهم البيبي توفى عقب فتره

الله يرحمهم عشان جذي كرهت المستشفى كررره

والله يولدج بالسلامه يارب

بس منو قالج انه الشفا على طول قيصريه كل اللي اعرفهم والدين بالشفا طبيعي موقصيريه

 

[كويتية ولي الفخر]

هلا حبيبتي كويتيه ولي الفخر

اتعرفين دكتورة هناك زينه عفيه اذا تعرفين قولي لي لاني ما اعرف احد و بعدين يصير ابدا مراجعاتي بالتاسع و لا ما يرضون لازم قبل لان دوامي عصر و الصبح ما عندي احد يوديني يريت تفيديني يا عمري

هلا أختي ... أنا اراجع عند دكتورة لينا الهندية وايد شاطرة .. و بعد يمدحون الرومانية بس نسيت اسمها ... دقي عليهم و استفسري احسن علشان لا أخوره و اعطيج اسم غلط.... و ديري بالج تراجعين عند الفرنسيه الجديده اللي عندهم لأنها أصلا مو استشاريه لأ اهي اخصائية يعني مستواها التعليمي أقل منهم كلهم .... واذا تبين رجال عندج الأفغاني لا يعلا عليه فاهم و عارف بكل شي ... بس انا افضل المرا نفسيا أريح

 

[كويتية ولي الفخر]

انا كرهته من سالفة وحده تصير لنا الله يرحمها توفت فيه منهم زادو الاكسجين

وغير جذي لما ماتت الجاهل للحين في بطنها ماطلع فشقو بطنها وطلعو الجاهل عقب فتره شاف الابو الجاهل ولا ضهره مشقوف كله وفيه 11 غرزه ويوم سالهم قالو غلطة الدكتور شق ضهر الجاهل واهو يطلعه من بطن امه !!

وهم البيبي توفى عقب فتره

الله يرحمهم عشان جذي كرهت المستشفى كررره

والله يولدج بالسلامه يارب

بس منو قالج انه الشفا على طول قيصريه كل اللي اعرفهم والدين بالشفا طبيعي موقصيريه

الله يرحم الجميع