رد: رد : رد: رد : ❀▓ مواقفكم مع التفتيش والشرطه ▓!❀
لووووول ضحكتوووني على مواقفكم خاصه موقف المسجل مت ضحك
انا مره وقفني شرطي وانا اتكلم بالتليفون
عاد انا من الخرعه جان اقوله والله امي <<< شكووووووو امبييي منوو سألج
جان يضحك ويقولي مصدقج مصدقج ههههههههه
بعدين قالي لاتتكلمين بالتليفون وتسوقين ترى اخالفج المره اليايه وطوفني
ومره كنت مع رفيجتي وصادفنا تفتيش وانا لاهيه مع البيبي مو مستوعبه اهي شقاعده تقول فقالت لي طلعي لي ليسني من البوك جان ابطل بوكي واطلع ليسني واعطيها لووووووول بس وصل دورنا جان الشرطي يقولها الاجازة والدفتر واهي عطته الليسن بثقه والدفتر جان يطالعها ويطالع الليسن وقام يطالعني جان يقول دلال !! انا رفعت راسي قلت نعم ومستغربه شعرفه بأسمي واهي مصدومه شكو دلال !!! ولا يقول حق رفيجتي معطيتني ليسن رفيجتج شحقه ابي ليسنج انتي عاد اهي ويها حمر وبغت تبجي وقالت والله بالغلط وطلعت ليسنها وعطته طالعها جان يقولها لانج بنت فلان بطوفج بس لاتعيدينها انتي ورفيجتج
وبس مشينا واهي تسبني وتقولي غبيه بغيتي تودينا بداهيه بسبه البيبي بعدين بطيناهاا ضحك لوووووووول
