تجمع مسافرات ماليزيا بداية مارس ..يله الهمه شنو راح تسوين

[غزلان الشماليه]

بما اني كنت ناويه اروح اخر هالشهر..تكنسلت الروحه لان زوجي عنده عرض عسكري فبراير كله وبعدها بيعطونه اجازه شهر يعني من 28 -2 الى مارس كله ..قلت ان شاء الله تكون سفرتي والحجز اخر 2 والروحه على 1 او 2 -مارس

اليوم حبيت اسوي هالتجمع عشان نعرف وين بتحجزين وعلى اي خطوط والعروض اللي مسوينها عشان نقارن سعر التذاكر وجم بتاخذين معاج وميزانيج انتي وزوجج بالسفره جم؟

الحين حابين نعرف ياحلوات ..شنو اهم تجهيزاتج للسفره ملابسج شنو بتكون للطلعات والخاصه اللي انتي وزوجج شنو وشنو افكارج للسفره عشان تحسين انج توج عروس ....<<<<<<نبي ننسى اليهالو شوي:friends:
شنو ترتيب الجنطه عندج اكتبي كله عشان نستفيد ياحلوه وماركة الكاميرا مالتج حق السفر ؟؟نبي نحط جميع الأفكار عشان تكون سفره حلوه ونستانس فيها وشنو ناويه جدولج يكون انا مخططه على سلانجور يومين ولنكاوي 4 ايام وكوالمبور 4 ايام


يله الهمه بناااااااااااات:eh_s(9)::eh_s(9):​

 

[اسيرة زوجها]

انا حاليا بماليزيا والجو عندهم عجيب مطر خفيف على جو نايس ومافي رطوبه

 

[$حبيبة عبودي$]

رد : تجمع مسافرات ماليزيا بداية مارس ..يله الهمه شنو راح تسوين

تعالي يقولون في حجز وماكو اجازات مابي اضيق خلقج بس تأكدي لاتورطييين ..

 

[HaSooNa82]

انا ناوية انشاءالله بروح على شهر 3 تجهيزاتي حق اغلب السفرات اللي تكون طويلة للمطار تريننق اريح حق الطيارة وللطلعات جينزات مع بلايز قطن اريح لان هناك رطوبة هذا اللي اعرفه لاني اول مرة بروح عاد اذا عندج خبرة باسعار التذاكر والعروض الحلوة قوليلي وحتى حق الفنادق وكامرتي اللي راح تكون معاي كانون وانا حالي حالج بغير جو من لويه هاليهال فباخذ معاي القمصان نوم ضرووووووري ومكياجي بعد بس بالطلعات يكون ميكب خفيف علشان الجو راح يسيح المكياج وانا بطبعي احب التغيير فتلقيني ماخذه معاي جم باروكة احم احم تغيير استايل يعني شورانه مو كل يوم مسافرين ادري هذرت وايد اففف حدي قرقه

 

[غزلان الشماليه]

رد : رد: تجمع مسافرات ماليزيا بداية مارس ..يله الهمه شنو راح تسوين

انا ناوية انشاءالله بروح على شهر 3 تجهيزاتي حق اغلب السفرات اللي تكون طويلة للمطار تريننق اريح حق الطيارة وللطلعات جينزات مع بلايز قطن اريح لان هناك رطوبة هذا اللي اعرفه لاني اول مرة بروح عاد اذا عندج خبرة باسعار التذاكر والعروض الحلوة قوليلي وحتى حق الفنادق وكامرتي اللي راح تكون معاي كانون وانا حالي حالج بغير جو من لويه هاليهال فباخذ معاي القمصان نوم ضرووووووري ومكياجي بعد بس بالطلعات يكون ميكب خفيف علشان الجو راح يسيح المكياج وانا بطبعي احب التغيير فتلقيني ماخذه معاي جم باروكة احم احم تغيير استايل يعني شورانه مو كل يوم مسافرين ادري هذرت وايد اففف حدي قرقه

ياسلااااااام اهم شي الباروكه هههههههههههههههه
حلو ..نفسي تقريبا كل تجهيزاتي من ملابس قطن وتريننقات والكاميرا ان شاء بشتري كانون لان يمدحون هالماركه والقمصان شريتلي جم واحد ذربين وناعمين حيل ..والمكياج طبعا خفيف ماحب اكثر ..

بالنسبه للعروض شوفي الطيران السيرلانكي رخيص بس لوووووووعة جبد يمكن انتي وزوج التذكره ماتعدى 250 بس انا ان شاء ناويه على الاماراتيه حيل نظيفه ومريحه وتقريبا تذكرتين ب340 بس اهم شي الصراحه النظافه عندي:rerrerek:

 

[عادي من قلبي أشيلك]

انا حجزت 2- مارس عالقطريه تذكرتين بــ 370


وما سويت جدول للحين
يمكن ماروح جزر مااحس انها تسوى لان كلها 8 ايام
بقعد بكوالامبور


وانتوو..........؟

 

[غزلان الشماليه]

رد : تجمع مسافرات ماليزيا بداية مارس ..يله الهمه شنو راح تسوين

عادي من قلبي ...


ماتسوى كوالمبور كل الايام معروف عن لنكاوي جزيره حق الرومناسيه وحق متزوجين كووالمبور بس تسوق والله راح تملين

 

[الطربوش]

رد : تجمع مسافرات ماليزيا بداية مارس ..يله الهمه شنو راح تسوين

اي والله يابنات حتى انا بسافر
بس مادري شنو احط بالجنطه:eh_s(2):
لاني اول مره اسافر مع زوجي
وابي اجذبه حييييييييل بالسفره هاذي
عشان مايصدق كلام امه وخواته الي يقولونه عني:eh_s(11):
شنو الحل
والله ماعرف اي شيئ
ساعدووووووني:krkrkr::krkrkr:

 

[لمسة انثي]

انا طيارتي اخر شهر امبيه :eh_s(9): بروح انا وزوجي مع رفيجه وزوجته :eh_s(9):اول مره ماااااااعرفهم بروح ماليزيا امبيه شاسوي شنو اخذ معاي للمليزيا بنااات البس جنز تحت العبااايه.؟؟؟؟؟؟؟ وابي بلاوزات حفر قطن من وين اشتريهم.؟؟ :eh_s(15): احسن شي اشتري جوتي رياضه وين تنصحوني اشتريه.؟؟؟؟؟

 

[غزلان الشماليه]

رد : تجمع مسافرات ماليزيا بداية مارس ..يله الهمه شنو راح تسوين

اي والله يابنات حتى انا بسافر
بس مادري شنو احط بالجنطه:eh_s(2):
لاني اول مره اسافر مع زوجي
وابي اجذبه حييييييييل بالسفره هاذي
عشان مايصدق كلام امه وخواته الي يقولونه عني:eh_s(11):
شنو الحل
والله ماعرف اي شيئ
ساعدووووووني:krkrkr::krkrkr:

اخذي معاج قمصان اللي يحبها وعطورات واخذي ورد للبانيو اذا الفندق مالكم فيه بانيو يعني سوي اكشنات والعاب زوجيه عشان تتسلون انا بالنسبه لي رحت النصر الرياضي وشريتلي تريننقات خفيفه وجوتي رياضه لانهم احلا شي بالسفر وشريت كاميرا ماركة كانون وجناط تنحط على الخصر نفس اللي يبيعون كوبونات :krkrkr: وعلى الكتف مالت السفر وطبعا خذيتلي مكياج وادوات التنظيف من الى كلينكسات ازالة المكياج وستفرة وليفه وفرشة ومعجون وامممم خليني اتذكر بعد واقولج:ggdw::eh_s(10):

 

[نوناA]

رفييييييييييييجتي بتسآآفر بآجر سآآعدوهآ



:eh_s(15):



:eh_s(9):

 

[حراير 20011]

رد : تجمع مسافرات ماليزيا بداية مارس ..يله الهمه شنو راح تسوين

lمرحبااااااا بنوتات

بسالكم احد يعرف مشفل بماليزياء حلو الي راحت الماليزياء وسوت حق شعره ضبغه
تتفضل هنا وتقولنا عن تجربته

انتظركم لاهنتو

 

[الطربوش]

رد : تجمع مسافرات ماليزيا بداية مارس ..يله الهمه شنو راح تسوين

اخذي معاج قمصان اللي يحبها وعطورات واخذي ورد للبانيو اذا الفندق مالكم فيه بانيو يعني سوي اكشنات والعاب زوجيه عشان تتسلون انا بالنسبه لي رحت النصر الرياضي وشريتلي تريننقات خفيفه وجوتي رياضه لانهم احلا شي بالسفر وشريت كاميرا ماركة كانون وجناط تنحط على الخصر نفس اللي يبيعون كوبونات :krkrkr: وعلى الكتف مالت السفر وطبعا خذيتلي مكياج وادوات التنظيف من الى كلينكسات ازالة المكياج وستفرة وليفه وفرشة ومعجون وامممم خليني اتذكر بعد واقولج:ggdw::eh_s(10):

عسى ربي يوفقج ويخليج انشالله ومشكوره ياقلبي
نورينى بعد:eh_s(9):

 

[* فطامي *]

حتى انا ناوية بس شوي متردده الصراحة


اممم مشكلتي تفشل الصراحة من ما تزوجت وانا اخاف


من الطياره شكوووووووووووووو ما ادري بس واييد صرت خوافة :eh_s(11)::eh_s(11):
وهذا اللي ماخرني على التخطيط

 

[الطربوش]

رد : تجمع مسافرات ماليزيا بداية مارس ..يله الهمه شنو راح تسوين

ليش ياقلبي تحافين من الطياره
عادي مافيها اي شيئ الطياره نفس السياره بالضبط تمشي بالطريق لين توصل مكانها حالها من حال السياره
ترى شيئ طبيعي ركوب الطياره عادي اول ماتبين توصيلين ركوب الطياره ادعي ربج ان يسرها لج ولاتقعدين عند الدريشه بما انج تخافين اخذي معاج علج وتعلجي طول الوقت ترى والله ركبوها حلو ويونس بعكس ماتتصورين
سافري وستانسي وقهري العذال :eh_s(14):
منو الي يطوف سفره:eh_s(7):
ترى اول مره تخافين بعدين بس تلحين عند زوجج بس تبين تسافرين بالطياره:eh_s(11):
الله يوفقج ويسهل عليج بركوب الطياره:aha::aha:

 

[نونو ام كشة]

هااااي بنات
وانا بعد ناويه اروح بس قبل شهر 5 بس لي الحين ما سويت ولا شي وبروح انا وزوجي بس.. والمشكله لا انا ولا هو عندنا خبره بالسفر والحجوزات وشنو احسن الاماكن وارخصها,, وجم المبلغ اللي يكفينا للسفر من تداكر ومصروف وهدايا ؟؟؟؟ انا هدا اللي احاتيه اما لبس مالبس ما اشيل همه

ابي وحده تقولي بالتفاصيل من وين خذت التذاكر ووين قعدت هناك؟؟ ولكم جزيل الشكر

 

[lzeeza-3]

انا بروووح بمارس
تكفون عطوني اماكن حق ثياب لليهال حق بنتي
توني والده انا وبخلص 40 وبروووح ماليزيا مع زوجي:eh_s(22):

 

[رمـآنه]

رد : تجمع مسافرات ماليزيا بداية مارس ..يله الهمه شنو راح تسوين

انا انشاءالله بسافر اول مارس

بسألكم على اي طيران وبجم اخذتوا التذاكر وشنو الفندق اللي حجزتواا اهم شي حلو وسعره مناسب

وعندي سؤال البراشووت خطر ولا لا ؟ ودي اركبه بس خايفه :ggdw:

وشلون تتكلموون هنااك بالانجليزيه ولااا يتكلمونم عربي ولا شلوون اتفاهم ويااهم ؟؟​

 

[shayto0oNa]

بنات انا الحين بماليزيا وتحديدا ببيننق بقولكم كل اللي تبونه

1)تذاكرنا الوحده ب135 طيرن الاتحاد عجييييب

2) تخطيط السفره: سن واي يومين (فندق سن واي يهبببل راقي)- بيننق4اياام(فندق بارك رويال)خيييييال روومنسي مانصح بهوليدي ان كئييب وصغير - يوم جنتنق - 3ايام كوالا(فندق ملينيووم حده راقي وبشارع العرب وقريب من كل المجمعات)

3) ترتيب الجنطه : اخذي معاج علب كلينكس لان ماكو بالغرف الفندق+معقم اليدين+سن بلوك+ فلاتات انسي شي اسمه كعب+ لاتفكرين بالكشخه بتخيسين حر خلي لبسج قطن عملي+ ككاوياتج لان ماكو كلش انا وحده ماستغنى عن الككاو وتوهقت اهني وماكو شبس الا برينقلز

4) الجو : حررر موووت رطوبه


5) البرشوت يووونس لاخطر ولاشي كل يوم لازم اركبه


6) يتكلمون انقلش بس راح تفهمين عليهم عادي


7) التكاسي والمصبغه اسعااارهم نااااار تخيلو جينز وتيشيرت ب10 دنانير !!! وانتبهو على عصايرهم ترا واايد خمر سالو قبل لاتطلبون فيه كحول ولا لا


8) المطاعم : كوالا ماراح تتعبين كل مطاعهم حلوه بس بيننق مافيها شي ينوكل الا طربوش- ماكدونالدز وكنتاكي لذييييذ عندهم

9) لاتنسون البلسم والاستشوار لان رطووبه وتحتاجينهم حيييل ( لزووم الكشخه بالليل ) ههههه وهالله الله بالقمصان واللوشنات لو حبذا تاخذين بخور معاج تخيلو بخرت غرفتنا وشوي ولا جارنا الامريكي يطق الباب يسال شنو حاطين عطر

10) لاتخلين شي بخاطرج امسكي ايده واحظنيه متى ماتبين واركضي وصارخي واضحكي وناقزي والعبي والله بعدين تندمين لعبي بالبرشوت والجتسكي وخيل وبننا هذا كله ببينننق بارك رويال
واخذي بكينيات بفندق بارك رويال في سبا تخيلو دخلنا انا وزوجي وقعدونا بجاكوزي كله ورد وحطولنا سريرين يم بعض ومساج وشغل رومنسي يهببل

اممم وبعد شنووو

جوازاتكم في سكيورتي بوكس بالغرف حطوه فيهم احسن ///. الليً تبي تروح بارك رويال خل تحجز بالطابق السابع قراند ديلوكس البلكونه والفيو يهبل //// نصيحه لنقاوي لارومنسيه ولا شي كئيييبه افضل بييبنق عليها


وانشالله تستانسون وتروحون وتردون بالسلامه

 

[أم شيــ@وخة]

رد : رد: تجمع مسافرات ماليزيا بداية مارس ..يله الهمه شنو راح تسوين

بنات اشرايكم اسويلكم تقرير حق رحلتي ماليزيا بالذات جزيرة لنكاوي لانها خيال وشي عجيب
وسفرتي كانت شهر عسل