مع خبيره الاعشاب معلومات واساله واستفسارات حياكم

[الغاليه نونو]

لحقي علييييييييييييي ياخبيره بطني متفووخه غازااااات ومغصصص وقاعده اتلوي من العوار جني حيه ترقص علي ناي ساحر هندي"



قوليلي شهبب شاللي ينفعني مع اني ماكليت شى امس بس فطرت علي تمره وشربت قلاص عصير ليمون بالنعناع وقفشتين شوربه والله ومااااااااااتسحرت بس شربت قلاص لبن وتمره وبس"


بسرعه عطيني الحل قبل لا انفجر واسبب ازمه بالفريج هههههههههههههههه

 

[خبيرة اعشاب]

مرحبا


حبيبتي الغالية نونو اذا ما فيج ضغط اشربي عرقسوس ترى زين حق المغص و السوالف هاذي


و لا جيبي من الجمعية ماي مرقدوش تلقينه عند ماي الورد و ماي الزهر ...ترى واااجد زين حق المغص و الغازات و الانتفاخ ...

فنجان بعد كل وجبة و انشاء الله اتصيرين زينة

 

[Dr.CarameLLa]

مشكووورة حبيبتي و ماتقصرين على الرد

 

[كاكاوة سايحة]

يعطيج العافية على الموضوع المفيد و عساج على القوة

أبي شي ينظف الرحم آخر أيام الدورة يسلته مرة وحدة (غير الدارسين)

سؤال ثاني شلون نستخدم المرامية ...على الريج ولا بعد الاكل ... كل إسبوع مرة ولا كل عشر أيام؟

شاكرتلج حبيبتي

 

[خبيرة اعشاب]

مرحبا

لتنظيف الرحم من الافضل تبتدين من اول يوم للدورة مو من اخر يوم ..و طبعا في العديد من الاعشاب المعروفة لتنظيف الرحم ..ممكن تاخذين كل شي ابروحه او في اطار تركيبة اذا في مشاكل معينة في الرحم او الدورة ..

و عموما نستعمل اللاميون او عنب الدب و الفرسيون الابيض و هذه اعشاب تعتبر ممتازة لتنظيف الرحم سواءا من افرازات الدورة او النفاس و حتى لشد اربطة الرحم الذاخلية

بالنسبة للمريمية فهي تعتبر قطعا دواء و لا تستعمل بدون سبب ( بشكل منتظم ) و العادة يمكن شرب ملعقة متوسطة لكل كوب ماء حار ..مرتين في الاسبوع

و السلام

 

[كاكاوة سايحة]

مشكوووووووووورة خبيرتنا على سرعة الرد

 

[غادةالكاميليا]

مشششكوره وايد
كلامج صج واللي اعرفة بعد انه في اعشاب مفيدة جدا لكن اذا انخلطت مع عشبة ثانية تعطي نتيجة عكسية وتكون النتيجة موزينة

 

[.. غزلان ..]

[grade="00BFFF 800080 FF1493 F4A460 32CD32"]يزاج الله خير اختي

ماعليج امر بغيت اعرف الوحدة لي ياتها الدورة شنو اللي لها وشنو اللي عليها شتسوي وماتسوي؟؟
وليش يقولون المفروض ماتيوع روحها ..شيصير؟؟


واذا في اشية تزيد حليب الام بس غير الحلبة ولي يسلمج[/grade]

 

[Stylist]

خبيرتنا...شلونج ياقلبي

حبيبتي ليوم يمعت لج اسئلة رفيجاتي وقلت لهم بيب لكم اجوبة من انسانه ثقــــــــــه

1) الشاي الأخضر نقدر نشربه يومياً وفي كمية لازم مانزيد عليها........؟
2) الكمون رفيجتي تستخدمه عشان يروح البطن عادي تستخدمه وماله اضرار
3) الأفرازات اللي طول الشهر شنو علاجها للمتزوجه طبعاً

وعندي تساؤل يمكن يفيد كل البنات بهالموضوع وايد اسمع منج اسامي اعشاب غريبه شوي
ممكن ترشحين لنا عطار يبيع هلأعشاب الغريبه بمسمياتها العلميه عشان مانتعب واحنا ندورها
وشاكرتلج حبيبتي

 

[.. غزلان ..]

هلا خبيرتنا

ممكن ترشحين لي احسن زيت للشعر للتنعيم

او خلطة فتاكة تنعم الشعر

امس رحت الحواي وماعرفت شاخذ وايد عنده زيوت
انوب, هيماتاج, زيت الحية, جنين القمح, ام الجدايل, احلام ,زيت اللوز وغيره وغيره

 

[Om Banati]

حبيبه قلبي مشكوووره وايد على الموضوع الاكثر من روعه ابي شي زين حق القولون اقدر اخذه على طوووول لان اماذيني وايد وبطني على طووول منتفخ انا اخذ مرقدوش في شي غيره زين ؟ واذا بس على المرقدوش كثرته عادي ولا يضر ؟ يعني جم مره اقدر اشربه باليوم ويصير على طووول ولا له مده معينه ؟ ويعطيج العافيه

 

[..، شهوده ..،]

السلام عليكم


أختي انتي مره كتبتي لي عن خلطه لفقر الدم وفيها غذاء ملكات النحل وجنسنج
هذيلا حبوب حتى هالحبوب أطحنهم وأحطهم مع الخلطه ولا أكلهم ولا أخذ اللي داخل الحبه
أرجو التوضيح ..


ومره قريت لج خلطه لتفخ الخدود في شيء اسمه ترض هذا وين القاه لانه رحت كذا مكان
ولا حصلته واذا له اسم ثاني علميني وكنتي كاتبه بهالخلطه نص كوب من زيت الحلبه والبارافيل وجنين القمح
يعني أحط علبه كامله لانه البارافيل شريت علبته كانت 100 مل زيت الحلبه وجنين القمح 30 مل قولي لي أحط
جم مل من كل زيت أو جم قفشه لانه العلب تختلف أحاجمها من كل زيت



يعطيج العافيه

 

[..، شهوده ..،]

السلام عليكم


أختي تعرفين شيء لتخفيف الكرش سواء أعشاب أو غير الأعشاب
شراب أو دهان عادي


يعطيج العافيه

 

[السعودية تاج راسي]

ياليت ياحبيبتي تقولي لي عن فوائد اكليل الجبل

 

[RmRm]

السلام عليكم شلونج اختي
الله يعافيج جوفيلي حل مع يدتي مسيكينه فقيره طالع لها دمامل في حنجها :0bee2e8d89:

وديناها طيبة كلنك قالولها عملية بس بنج عام بس ما راح نجازف فيها :eh_s(1): والمواساة عطوها دواء مضاد حيوي وكريمات ومانفع معها :cxxxp:
جان عندج عشبه تفيدها الله يخليج لحقيني فيها المسكينه تكسر الخاطر غير ان فيها ضغط والسكر :eh_s(2):

 

[خبيرة اعشاب]

ستايل ماله مثيل

هلا

) الشاي الأخضر نقدر نشربه يومياً وفي كمية لازم مانزيد عليها........؟



الشاي الاخضر ممتاز و ما في ضرر من استعماله بشكل يومي


2) الكمون رفيجتي تستخدمه عشان يروح البطن عادي تستخدمه وماله اضرار

عادي تستعمله بس في خلطات للبطن لها فعالية اكثر من الكمون ان شاء الله رح اذكرها في نفس الموضوع

3) الأفرازات اللي طول الشهر شنو علاجها للمتزوجه طبعاً

في علاجات واجد حق الافرازات منها استعمال تحاميل مهبلية او خلطة الغسول

نص كوب اذباغ الي هو عباره عن قشر رمان مطحون
نص كوب مريميه مطحونه
ربع كوب خزامى مطحونه
ربع كوب ورد مطحون
ربع كوب بابونج مطحون

اذا تبين اتحسنين من ريحته بس جيبي صابونه المسك و ابشريها مع الخلطة ( صابونه المسك يعني مسك جامد اي نوع )

و بس , بعدين تطحن الاعشاب و تخلطهم و يا بعض ..بعدين تاخذ قفشة كبيرة من الاعشاب و تغلى في لتر ماء و تترك لتبرد مدة نصف ساعة ثم تستعمل كغسول مهبلي يوميا قبل النوم لحين زوال الافرازات بشكل تام

طبعا الوصفة هاذي للافرازات العادية يعني غير مصاحبة لحكة او رائحة ..الخ

و حياج

 

[خبيرة اعشاب]

جاي حليب​

اختي لتنعيم الشعر لابد من برنامج مكثف للعناية بالشعر المجعد ...

يبدا اولا باختيار الشامبو و البلسم المناسبين

يمكنك استعمال شامبو فركتوز من غارنييه للشعر المجعد و صعب التصفيف بالاضافة الى المجموعة الكاملة التي ترافقه من بلسم و حمام زيت و امبولات مغذية للشعر ...الخ

كما ان مجموعة كيراستاس مفيدة جدااا للشعر ..و مجرربة و تعطي ليونه و لمعان بعد


اما بالنسبة للطب الشعبي فيقدم مجموعة من لحلول لتغذية و تنعيم الشعر

كاستعمال حمام زيت يتكون من
كميات متساوية من كل من :

زيت الزيتون / زيت الذرة / زيت السمسم / زيت اللوز / زيت الخروع

تخلط الزيوت و توضع في قارورة زجاجية

و تستعمل مرتين في الاسبوع

الطريقة :

بعد غسل الشعر ...نقوم بتسخين كمية من الزيت الكافية لطول و كثافة الشعر ..تسخن تسخينا بسيطا
ثم يدهن بها الشعر كاملا من الجذور الى الاطراف ..و يلف الراس بفوطة ساخنة يعني ان الفوطة مبلله بماء حاار و معصورة ..او يمكن استعمال جهاز البخار

تترك على الشعر لمدة نصف ساعه حتى تتغلل مكونات الزيوت ...

يمكن شطف الشعر بعدها او ترك الزيوت ....

 

[خبيرة اعشاب]

Om Batian​

مرحبا

لتخسيس منطقة البطن نلجا عموما لاستعمال بعض الاعشاب التي تقضي على الغازات / تحسن الهضم / وتذيب بعضا من الشحم كما انها تعمل على تفتيت السوائل المتجمعة والتخلص منها بشكل طبيعي ...

بالاضافة للخلطة العشبية ننصح بالقيام برياضه خفيفة لشد البطن بالاضافة الى الدهان اليومي باي زيت او اي كريم متوفر ...و الدهان يكون بتوزيع الكريم و من تم القيام بنوع من التدليك الخفيف بشكل دائري ...

خلطة الاعشاب تتكون من :
فنجان من كل من :

- مسحوق العرقسوس
- مسحوق الخروب
- مسحوق بزر الكتان
- مسحوق البابونج
- مسحوق الشاي الاخضر
- مسحوق الشمر
- مسحوق الكمون
- مسحوق المرقدوش
- مسحوق الزعتر
- بزر الخلة

و يمكن ايضا اضافه بعض مكونات خلطة التخسيس التي سبق و ذكرتها ككقشر القهوة و النعناع ...الخ

الجرعة :
لكل كوب ملعقة متوسطة من الخلطة تستحلب في ماءمغلي طبعا
تشرب من 2 الى 3 مرات يوميا قبل الوجبات

يضاف الى شاي الاعشاب عند تحضيره عصير نصف ليمونه
يفضل اخذ كوب على الريق

و حياج اختي

 

[عروس وضايعة]

خبيرة اعشاااب يااااريت تفيديني عندي مشكلتين

المشكلة الاولى ::

والله ما خليت شي حق القشرة اللي بشعري واذا استعملت شي فترة تروح وبس اتركة يرد القشرة ياااريت تلقيلي حل بهالسالفة

المشكلة الثانية ::

انا كنت كتينة وضعفت وطلعلي خطوط ببطني وزندي ولونهم ابيض ما ادري شلي اللي يروحهم وانا بعد بطني وااايد كبيرة قبل كنت اشرب ليمون على الريق كان جايب وياي نتيجة بس تركتة لانة سوالي قرحة بالمعدة وبواسير ياااريت تعطيني حل للبطن والكرش

وانا على وجة زواج بس تو الناس على زواجي

 

[..، شهوده ..،]

السلام عليكم


أختي انتي قلتي لي عن خلطة أعشاب لفقر الدم عباره عن :-

عشبة الدينار - فوه عروق مومطحونه - اكليل الجبل - شومر - ورق بقدوس - ورق جوز .

وكاتبه طريقة الاستخدام

أخذ من كل عشبه مقدار متساوي أخذ قفشه متوسطه في كوب ماي حار

مو فاهمه طريقة الاستخدام يعني أخلطهم كلهم بعدين أخذ قفشه متوسطه ولا شنو

أرجو التوضيح




يعطيج العافيه