جرحني حبي الأول طعني طعنة قاسيه ,, قصه واقعيه

[BNT KWT]

فهد بالمستشفى رايح وراد متوتر واحساس بالذنب ماتوقع الامور بتوصل لي جذي

يحسب الدقايق و يبي أي خبر يطمنه عن منار , قام يسترجع شريط ذكرياته معاها وشلون انه عذبها

تمر الثواني والدقايق , انفتح الباب

فهد واهو يركض للدكتور : ها دكتور طمني

الدكتور : اثار الضرب حيل واضحه على جسمها , وللاسف المدام كانت حامل واجهضت

فهد : ها حاامل ؟

شعوره بالذنب قوي , احساسه بالتقصير

الدكتور : الله يعوضكم خير , انا ماودي احول التقرير للتحقيق بس اذا انعادت راح اتخذ اجراء ثاني

فهد : دكتور اقدر اشوفها ؟

الدكتور : بعد ساعه راح تقوم وعقبها تقدر تدخل تشوفها

فهد : ان شاء الله



نرجع شوي لشوق ونشوف شصار لها

فجأه انفتح الباب وخشت شوق التلفون وسكرته

احمد : منو كنتي تكلمين ؟

شوق واهي مرتبكه : محد

احمد : عطيني تلفونج

شوق : كنت اكلم رفيجتي

خذا احمد منها التلفون و قام يجيك شاف اخر مكالمه بأسم بنت

دق احمد على الرقم

أحمد : ...............

محمد : ألو , حياتي شفيج

سكر احمد الخط بويه محمد و خز شوق

احمد : نزلي تحت , دق احمد على خالد و قاله ان شوق تكلم


تحت عند احمد و شوق , الهدوء يعم المكان

شوق تفكر شتسوي و احمد ساكت ناطر خالد أي ويتصرف

شوق : احمد

احمد شتبين ؟

شوق : والله يبيني على زواج و اهو كان بيخطبني بس انا قتله انطر لما اعدي شوي بالجامعه

احمد : يا سلام صج والله , ليش ماخطبج

شوق : والله يبيني زواج والله و عندك هالاسبوع اذا ماتقدم سوو الي تبونه

( غلطة شوق كانت حيل كبيره ان عطت لهم موعد محدد مابي اخرب الاحداث عليكم )

احمد : نطري خالد واهو الي يتصرف معاج

شوق بحالة توتر و خوف و ارتباك ماتدري شالي ينطرها

محمد كان كل شوي يدق على شوق ويلقى الجهاز مغلق

مرت ربع ساعه ولا يدخل خالد ومعصب , شوق وقفت وقفه جنه بتدافع عن حبها

شوق : والله يبيني زواج

خالد يقرب صوبها ويخزها وشوق مرتبكه متوتره

شوق : والله بس هالاسبوع اذا ماتقدم سوو الي تبونه

خالد : يبيج زواج ؟

شوق : أي والله يبيني زواج والله

خالد واهو حاط ايده على رقبته : عيل على قص رقبتي تاخذينه

شوق واهي خانقتها العبره : ليش ؟

خالد : بس كيفي عناد

شوق : أي ليش ؟

خالد : عناد و اذا ابوي وافق راح ارفض وبشوف منو بتمشي كلمته و عطيني تلفونج و باجر انا اعلم ابوي يتصرف معاج

شوق نزلت راسها و ساكته تفكر ( معقوله ماراح اخذ محمد وحلمي و احلامي وشلون ما اتزوج محمد لا ما اقدر انا احبه اخر شي ما اخذه ) هذا الكلام الي يدور فبال شوق , للحظه توقف عقل شوق عن التفكير ماتدري شتسوي ماتدري شنو مصيرها ماتدري حلمها الي بنته وين بينتهي معقوله بينتهي و بيوقف الحلم لي هني !

صعدت شوق دارها وانسدحت قامت ترجف بمكانها مع ان الجو ماكان بارد شوي تبطل الباب ودخل احمد

احمد : انا فكرت كلمت خالد و قتله خل نشوف ان اذا اهو صج يبي يخطبج ولا لا , و قال عندج بس هالاسبوع اذا ماتقدم لنا تصرف ثاني

شوق زادت حيرتها : ان شاء الله

احمد : تعالي خالد يبيج بداره

قامت شوق وراحت دار خالد و لقت خالد قاعد ومنزل راسه , رفع راسه و خز شوق

خالد : لج اسبوع واحد اذا ماتقدم والله لي تصرف ثاني

شوق : خلاص اوك

خالد : اخذي تلفونج , مسج واحد تدزينه فيه عنوان بيتنا و رقم البيت و اذا لقيت مسج ثاني او أي اتصال بينج وبينه والله والي رفع سابع سما موتج على ايدي

شوق : ان شاء اللله

خذت شوق تلفونها وراحت غرفتها انسدحت شوق بغرفتها وتفكر , مرت الثواني والدقايق عقب نص ساعه قامت شوق وخذت لاب توبها وشبكت و كانت حاطته اوف لاين لقت محمد شابك

شوق دشت عليه

شوق : محمد انت لازم تخطبني

محمد : بابا شفيج ؟

شوق : محمد انت تبيني ولا لا ؟

محمد : أي ابيج شلون مابيج

شوق : عيل لازم تخطبني

محمد : شوووق انتي شتقوولين ؟

شوق : اخواني طاحو عليي , محمد انا قتلهم هالاسبوع راح تتقدم

محمد : شتقولين انتي , انا مو متهيئ و احنا متفقين عقب جم كورس شلون تقولين اتقدم الحين ؟

شوق : اوك عيل نفترق

محمد : شوووق شفيييج ؟ شنو نفترق انا ما اتخيل تخليني ؟


شوق : عيل تتقدم لي

محمد : خلاص خليني انا اتصرف واكلم ابوي



دخل فهد عند منار و قام يتأملها ( آآه ياربي انا شسويت فيها كل هالبراءه انا مسوي فيها جذي يارب تسامحني يارب والله لا اعوضج , والله احبج بس الي صار غصبن عني ابليس لعب براسي يارب تسامحيني )

فهد واقف فوق راسها و ساكت بطلت منار عينها شافته جدامها ولا تنقز بمكانها مخترعه


فهد : اسمالله عليج شفيج ؟

منار مستغربه بس لفت ويهها الصوب الثاني : هالتمثيل كله عشان ما اسجل عليك قضيه من الحين اقولك انا متنازله عنها

فهد : منار ممكن اكلمج شوي ؟

منار : مابي اسمع منك شي الي وصلني منك كافي تكفى الله يخليك ارحمني , قامت تبجي منار

فهد : كنتي حامل و جهضتي

منار : الحمدالله يارب , عالاقل طاح احسن من ايي عالدنيا وانا مادري منو ابوه

سكت فهد حس نفسه شكثر اهو حقير و نذل و شلون يسوي بمرته جذي

فهد : انا استأذن اكلمج بوقت ثاني





نروح شوي عند ريان , ريان كانت سهرانه على النت شوي وصلها مسج

فتحت ريان المسج ولا من يوسف ( شلونج حياتي , ليش ما تسألين )

ريان ردت عليه ( يوسف لو سمحت مابيك تدز ولا شي الي بينا انتهى )

حذفت ريان التلفون , شوي ولا يدق ولا يوسف

ريان متردده ترد ولا ماترد بس بالاخير قررت ترد

ريان : ألو نعم

يوسف : شفيج شهالنفسيه ؟

ريان : الي بينا انتهى خلاص لا تدق

يوسف : اوك بس لازم تدقين تسألين عني مايصير تخليني جذي

ريان : يا سلام بتم طول عمري ادق واسأل عنك

يوسف : أي لازم تدقين علي

ريان : يوسف لو سمحت خلاص انت اخترت درب وخلك قده

يوسف : حرام عليج والله حرام انا ابيج لا تبيعيني

ريان : طيب مني قاعده ارد عليك مفروض ما ارد عليك وتعال مو انا قتلك دامك بعتني مره راح ابيعك الف
مره و نسيت لما ادق على اخوك عشان يكلمك عشان نرجع لبعض وانت مارضيت

يوسف : أي غلطت خلاص سامحيني وانتي طيبه وقلبج طيب اعرفج


ريان : هذاك قبل اما الحين ماني لا طيبه ولا قلبي طيب وخلاص مابيك عافك الخاطر ماتفهم

سكرت ريان التلفون بويه يوسف و تم يوسف يدق و ريان حاطته ساينلت انسدحت ريان بفراشها وقامت تبجي

آآه ياربي بس خلاص مابيييه

بحرت ريان فبحر ذكرياتها وراحت لذاك اليوم

( يوسف كان مسافر لتايلند عقب 5 ايام من سفرته دزتله ريان مسج بليل )

ريان : حبيبي يويو انا طالعه الحين

يوسف : وين رايحه هالحزه ؟

ريان : شوي طالعه

ولا يدق يوسف على ريان ترددت ريان ترد بس ردت ( ريان كانت تواجه مشكله فبيتهم وكانت تبجي دقت على اخوها عشان يطلعها )

ريان حاولت تسيطر على صوتها وماتحسس يوسف : ألو

يوسف : حياتي شفيج ؟

ريان : مافيني شي

يوسف : صوتج فيه شي قولي شفيج ؟

ريان بجت : شوي مشاكل فبيتنا

يوسف : حياتي قولي شفيج ؟

قالتله ريان عقب ضغط يوسف , عقب ما رد يوسف من سفرته

صار خلاف بين ريان ويوسف

يوسف واهو يصارخ : انا بسفرتي داق علي تتشكين ماراعيتي اني مسافر وبستانس يايتلي تقولين مشاكلج

ريان منصدمه : انا

يوسف : أي انتي ؟

ريان : انت قتلي قولي انا ماكنت بقولك والله

يوسف واهو معصب : رايح مستانس يايه تضايقيني وحتى وانا مسافر

ريان انهارت وقامت تبجي

يوسف : ريان انا ما اصلحلج خل نفترق

صحت ريان من ذكرياتها ( آآه ذلني بطاري الفراق والحين عقب ما مليت و عشت حياتي ياي يترجاني والله دنيا عجيبه ) مسحت ريان دموعها وقامت تصلي ركعتين لربها

 

[BNT KWT]

توقعاتكم بنات :hjy5jewf:

وسامحوني اذا فيه بدليات :gr4uu:

 

[mzyouna]

رد : جرحني حبي الأول طعني طعنة قاسيه ,, قصه واقعيه

yalllaaaaaaah yallllaaah ma 9arat shway ;$
7adee abee agraha ;$

 

[BNT KWT]

yalllaaaaaaah yallllaaah ma 9arat shway ;$
7adee abee agraha ;$

لووووووووووووووول


لو ناطره دقيقتين بس

قرايه ممتعه

:lololoe:

 

[sunsky]

مشكووره حياتي ع البارت ويعطيج الف عافيه وننطر البارت اليديد على احر من الجمر :hjy5jewf::hjy5jewf::hjy5jewf::hjy5jewf:​

 

[mzyouna]

رد : جرحني حبي الأول طعني طعنة قاسيه ,, قصه واقعيه

yaaaaaaaaaaaaaaaaaaaaaaaaaaaaaaaaaaay 7ada 3jeeba ;*

 

[fo0ofy]

رد : جرحني حبي الأول طعني طعنة قاسيه ,, قصه واقعيه

مشكوره ع البارت حيااااااااتي:rerrerek::rerrerek:


متى البارت الجاي انشا الله على شان تنزهب ؟:ggdw:

حشى:dddds:​

 

[BNT KWT]

مشكووره حياتي ع البارت ويعطيج الف عافيه وننطر البارت اليديد على احر من الجمر :hjy5jewf::hjy5jewf::hjy5jewf::hjy5jewf:​

العفوو حبيبتي و الله يعافييج

yaaaaaaaaaaaaaaaaaaaaaaaaaaaaaaaaaaay 7ada 3jeeba ;*

ههههههههههههههه فدييتج انتي العجييبه

مشكوره ع البارت حيااااااااتي:rerrerek::rerrerek:


متى البارت الجاي انشا الله على شان تنزهب ؟:ggdw:

حشى:dddds:​

العفوو حبيبتي

ان شاء الله البارت باجر

 

[أريش العين]

رد : جرحني حبي الأول طعني طعنة قاسيه ,, قصه واقعيه

و اخيييرا حن فهد على مناار

اتوقع محمد ماراح يخطب شوووق ..

بانتظآآآآر البارت القادم

و يعطيج العااافية :hjy5jewf:

 

[6amni bs]

رد : جرحني حبي الأول طعني طعنة قاسيه ,, قصه واقعيه

زييييييين زين حن فهد على منار المسكينه
وانشالله محمد يخطب شووق
يعطيج العافيه
ناطرينج ~

 

[BNT KWT]

و اخيييرا حن فهد على مناار

اتوقع محمد ماراح يخطب شوووق ..

بانتظآآآآر البارت القادم

و يعطيج العااافية :hjy5jewf:

الله يعاافيج حبيبتي

زييييييين زين حن فهد على منار المسكينه
وانشالله محمد يخطب شووق
يعطيج العافيه
ناطرينج ~

الله يعافيج حبيبتي

 

[mzyouna]

رد : جرحني حبي الأول طعني طعنة قاسيه ,, قصه واقعيه

yalllaaaaaaah mta elpart ????

 

[البارونه*_^رونه]

يسلموووووو ع الباارت

عسى يتعدل فهد عااااااااااااااااااااااااااااااااد

والله يستر ع شوووووووووووووق

ناطرين اليااي

 

[Tom ♥ Jerry]

رد : جرحني حبي الأول طعني طعنة قاسيه ,, قصه واقعيه

.


آتوقع فهد يصير خوش وآحد مع منآر بس آمه مآرآح تتغير ؛@ !
و شوق رآح يكسر فيها هالمحمد ! وآعليا على قلبها @@@@@@@ !


مشككككككورة حياتي نآطرين البارت الياي على آحر من الجمر :ggdw:

 

[^الاسود يعبر^]

مشكوره عالبارت

بس بسالج ريان شنو قصتها يعني اهي رفيجة شوق ولا شنو بالضبط؟؟

ولتصيرلها لانها فجاه طلعت بالقصه

 

[BNT KWT]

بنات عادي تعذروني وتخلوني انزل البارت باجر شوي تعبانه

واذا مستعيلين انزله اليوم قولولي

 

[BNT KWT]

مشكوره عالبارت

بس بسالج ريان شنو قصتها يعني اهي رفيجة شوق ولا شنو بالضبط؟؟

ولتصيرلها لانها فجاه طلعت بالقصه

لا ريان قصتها بروح و ماكنت حابه ادخلها بس دخلتها للعبره

 

[mzyouna]

رد : جرحني حبي الأول طعني طعنة قاسيه ,, قصه واقعيه

mta el part

 

[حنطاويه عسل]

waiting​

 

[rawnaq]

رد : جرحني حبي الأول طعني طعنة قاسيه ,, قصه واقعيه

امبيييييييييييييييي روعه صج حبيبتي سلامات ماتشوفين شر انشالله بانتظارج وقت ما تبين بس مو اطولين علينا لان بنبدي مدارس حبي :cxxxp::ggdw::rerrerek::rerrerek: