عاجل :وقففة للمعلمين والمعلمات لزيادة الرواتب

[روج كرزي]

المدرسلت يتعبون حيل ,,, ولو معاشي 2000 ما اصير مدرسه ,,,

 

[رو&الشقاوة&وح]

رد : رد: عاجل :وقففة للمعلمين والمعلمات لزيادة الرواتب

عيل بيقوم محلات الورد
والاقلام

هههههههههههههههههههههههههاي ضحكني تعليقج:n2006107:

 

[نوووور الشمس]

رد : عاجل :وقففة للمعلمين والمعلمات لزيادة الرواتب

ان شاء الله كل مسلم يرزقه ربي من حيث لا يعلم

 

[المستغفرة 74]

رد : عاجل :وقففة للمعلمين والمعلمات لزيادة الرواتب

بالنسبة لي انا ماابي الزيادة بس ياريت يصنفون مهنة التدريس من المهن الشاقة
لانها صج صج شاقة ومتعبة

 

[yes9977]

رد : عاجل :وقففة للمعلمين والمعلمات لزيادة الرواتب

اشتغل الحسد !!

انا ماني عارفه ليش الحقد عالمدرسات؟

الاحظ باي زياده البنات يأيدون الناس اللي تبي زياده الا المدرسات الكل متحسر عليهم ليش ان شالله؟

واللي تقول كافي واللي تقول زين

ليش حضرتج اشتغلتي شغل المدرسه عشان تحكمين؟؟

والا عبالج نفس شغلكم بالحكومه اللي ماكو شغل اساسا!!

تطلعين من البيت الساعه 7

7 ونص ودقيقه يحسبونلج تأخير!

عندج حصة اولى توقفين بعز الحر بعز البرد بالطابور

توصلين البنات للصف

تتعاملين مع 30 طالبه مختلفين الشخصيات!

تحضير يومي

مناوبة اشراف ..الخ!
تصحيح امتحانات

كنترول

والطلعه من بعد الوحده ونص!

حتى موظفة الحكومه اللي شهادتها بكالوريوس اعلى منا توصل المعاشات ل900 دينار!

اللي تحضر الساعه 8

من 8 لى 9 وقت ريوقها!

تشتغل منفسه عالاوادم

الساعه 12 طالعه!!


رجاء اللي عندها كلمه حلوة تقولها ولا المدرسات مايبون منكم شي

هذي دعوه للمدرسات ماطلبنا منكم توقفون معانا:rgewrg:

واللي تقول قارنوا بين معاشات الخليجيين

اقولها قطر معاش المدرسه 1500 دينار!!

والامارات نفسهم بعد!

كل دول العالم معاشات المعلمين تكون من اعلى رواتب الدوله لانهم عارفين الصعوبات اللي يواجهها المعلم

الا هني قرارات وزارة التربيه دايما ضد المعلم

احنا نطالب بزياده لاتقل عن 300 دينار تقديرا للكرف اللي نكرفه!

والله انا احاول بريلي ينقلني لوزارة ثانيه

اغلبهم المعاش 900 دينار والشغل اخف من المدرسه بوووووووووووين

فعلا كلامج عدل وانا بحط رابط ثانى للاستفتاء بنشوف جم عدد الحضور؟

 

[نوف22]

جاااااااااااااااااااااااااااان زين والله لازم لازم لازم بصراحه مهنــــة شــاقة:hjy5jewf:
:
خوش كلام وهذي الزبدة احنا المدرسات نكرف كرف الموت والمعاش علي الوسائل وطبعا الدوام رسمي وماعندنا فلاتي مثل غيرنا واخرتها يساونا بالباجي واللة قهر :n2006107:

 

[اريج الجوري]

رد : عاجل :وقففة للمعلمين والمعلمات لزيادة الرواتب

يعني معاش المدرس الكويتي 900دك
واول ما يتعين معاشه 850دك

يعني والله راهي

مافيه شي ومع الوقت يطق الالف

قارنوا المساكين الخليجين والمصريين على 400 و500 معاشاتهم

يا ماما ترا ناشبتونا بحلال ديرتنا ,,,:flower:
اللي مو عاجبه معاشه يرد ديرته ويخفف علينا زحمة الشوارع ,,,:rgewrg:
بديرتهم معاشاتهم 30 دينار ومو عاجبتهم الــ400 وغير الدروس الخصوصيه !!! :rgewrg::rgewrg:

 

[yes9977]

رد : عاجل :وقففة للمعلمين والمعلمات لزيادة الرواتب

والقهر ان جمعيتنا شوفو شسوت فينا
قصو علينا باضراب النشاط وبالاخير شوفو الوزيرة شنو سوتله بجريدة الانباء اليومhttp://www.alanba.com.kw/AbsoluteNMNEW/templates/local2010.aspx?articleid=169707&zoneid=243&m=141
يالا قولولى شستفدنا احنا
يبا هذى سياسة الجمعية
هذا تسييس التعليم
احنا المفروض نوقف وقفه وحدة لا نتبع جمعية ولا نقابة
والشى الى يقهر بعد بجريدة اليوم http://www.alanba.com.kw/AbsoluteNMNEW/templates/local2010.aspx?articleid=169711&zoneid=243&m=141
منو معاى

 

[قاهره عذالي]

رد : رد: رد : عاجل :وقففة للمعلمين والمعلمات لزيادة الرواتب

أدري الحمدلله إنه خير ونعمه مانجحد الخير بس والله مايسوى تعبنا وشقانا وأنا بعد أبلة روضه يعني صرف مو طبيعي والله إني أقط شكثر على دروسي ووسائلي والنشاط والصف والهدايا غير الدروس النموذجيه غير الركضه ورى الأطفال وتحمل صراخهم ولويتهم والله العظيم إن معاشنا شوي علينا .......المفروض من الأعمال الشاقه ........بس إن شاءالله يهتمون فينا ياااااااااااارب

اللي اعرفه بالروضات
الناظرات يخلون المدرسات يصرفون على الروضه ديكور العاب خرابيط
تدرين ان لكل روضه ميزانيه 600 دينار للانشطه تروح بجيب الناظره
وتخليكم انتم تكدون من معاشاتكم
بدال ما تنعمون فيها وتسوون اشتراكات حمامات وبشره ولبس وتتهنون
المفروض الوسائل وهالشغلات تكون لتخصص تقنيات تربويه هم يسوون
وانتم مالكم شغل بس تامرون وتاخذون ولكم حصتكم وبس
هذا الظلم
انا من رايي الزياده مو الحل

الحل ان الادارات الفاسده تعدل
ان المعلم يكون معلم وفقط مو حمار مكده
هو فراش هو يصرف ع المدرسه بالاضافه لحصته ويشتغل للداراه ومناوبات

المفروض المعلم معلم فقط لا غير

 

[قاهره عذالي]

رد : عاجل :وقففة للمعلمين والمعلمات لزيادة الرواتب

والقهر ان جمعيتنا شوفو شسوت فينا
قصو علينا باضراب النشاط وبالاخير شوفو الوزيرة شنو سوتله بجريدة الانباء اليومhttp://www.alanba.com.kw/absolutenmnew/templates/local2010.aspx?articleid=169707&zoneid=243&m=141
يالا قولولى شستفدنا احنا
يبا هذى سياسة الجمعية
هذا تسييس التعليم
احنا المفروض نوقف وقفه وحدة لا نتبع جمعية ولا نقابة
والشى الى يقهر بعد بجريدة اليوم http://www.alanba.com.kw/absolutenmnew/templates/local2010.aspx?articleid=169711&zoneid=243&m=141
منو معاى

تدرين اقولج شي
احس هالوزيره
حيل تحب المدرسسين الوافدين
مو شوي
حتى الخليجين ما تحبهم
تدرين ان معاش الوافد ما يكلف 400دك وما يشكي
بس يطلع دبلاتهم بالدروس الخصوصيه ومايشرح زين ما اقول الكل الاغلب وفوق راسه الموجه المصري والمدرس الاول مضبط معاه ومضبط اموره ولا احد يحاسبه
كل الحساب على روس الكويتين عشان يطفشونهم
احس هالوزيره حلمها ان كل المدرسين مصريين وسوريين والكويتين بلعنتهم خل يشوفون لهم وزاره ثانيه

ما ادري انا هذا تحليلي

وان شاء الله يكون غلط

 

[اريج الجوري]

رد : عاجل :وقففة للمعلمين والمعلمات لزيادة الرواتب

والقهر ان جمعيتنا شوفو شسوت فينا
قصو علينا باضراب النشاط وبالاخير شوفو الوزيرة شنو سوتله بجريدة الانباء اليومhttp://www.alanba.com.kw/AbsoluteNMNEW/templates/local2010.aspx?articleid=169707&zoneid=243&m=141
يالا قولولى شستفدنا احنا
يبا هذى سياسة الجمعية
هذا تسييس التعليم
احنا المفروض نوقف وقفه وحدة لا نتبع جمعية ولا نقابة
والشى الى يقهر بعد بجريدة اليوم http://www.alanba.com.kw/AbsoluteNMNEW/templates/local2010.aspx?articleid=169711&zoneid=243&m=141
منو معاى

يا حبيبتي لا تنقهرين ولا تحرين نفسج ,,,
طول عمرنا خيرنا لغيرنا مو شي جديد ,,,:denya:
لا ومو عاجبهم بعد ,,,
عومه ماكوله ومذمومه ,,, :jumpon:

 

[قاهره عذالي]

رد : عاجل :وقففة للمعلمين والمعلمات لزيادة الرواتب

اقول حمدوا ربكم ترا فى ناس مو لاقين ياكلون وانا صج مو مدرسه بس معاشاتكم راهيه عليكم ولى تقول نجيب وسائل هذاك قبل كنتوا تيبون بس الحين االطالب اهوا لى يجيب الوسائل والاقلام بعد انا طالبه واعرف يعنى انتوا مو مدراست اسفه بس هذا لى اشوفه مو الكل البعض

بس ترا رياض الاطفال حيل حيل يخلون المدرسات يدفعون
حتى على اثاث الصف والصبغ والعاب ومشاريع وهدايا للاطفال وشغلات واجد
والناظره تخليهم يسوون قطيه على الانشطه
وتقريبا معاناة رياض الاطفال
تصيرين بس ساكنه المكتبه وتسوين
وحرام يدرون هالامتياز يبون يترقون مو محصلين
عدو عيني تصير رياض اطفالل
كل من تخصص هالتخصص تحسف

 

[اريج الجوري]

رد : عاجل :وقففة للمعلمين والمعلمات لزيادة الرواتب

ومع احترامي لصاحبة الموضوع ,,,
أقولهم خل يستريحون ماعندهم ماعند جدي ,,,
لا بيسون اضراب ولا وقفه ولا تجمع ولا شي ,,,
إذا منتدى جمعية المعلمين مغلق من قبل شهر 9 اللي فات ؟؟؟
على قولت المثل يا معدل قصيصات الناس عدل قصتك ,,,
خل يسنعون جمعيتهم قبل وبعدين يجون يسنعون المعلمين وطلباتهم ,,,
والمعلمين اكثر ناس خوافين ولا راح يتحركون ولا يسون شي ,,,
وبالنسبه لزيادة المعاشات اللي تقول توصل 1000 دينار ,,,
احب ابشرج انا صارلي 7 سنين معلمه وبالدرجه الثالثه ومعاشي 880 دينار ,,,

شراااايج ؟؟؟

 

[مطيريه ماركه]

رد : عاجل :وقففة للمعلمين والمعلمات لزيادة الرواتب


وآلله لو يعطونآ 2000 مآيوفون حقنآ

مير آجيب لهآ ترآب قآل شو وردة وقلم رصآص

:lololoe:

 

[بيتي بوب]

الله يرزقكم والله تتعبون والله يعطيكم العافيه ويرزقنا معاكم احنا يالدبلوم

 

[brat]

رد : عاجل :وقففة للمعلمين والمعلمات لزيادة الرواتب

آنا كنت مدرسة وصج اللي مو مجرب لا يتكلم
وبعدين من قال الوسايل كلها من الطلبة؟ آنا كنت كتب مرحلتين كتاب الطالب وكتاب النشاط أطبعهم شفافيات ملونة كل سنة، غير البطاقات والصور والrealia والأقلام وحتى هدايا. إذا طالبة بتييب، وحده بتييب وسيلة لا و مو متعلقة بالدرس بس جذي يايبتها عشان عبالها برفع درجتها إذا يابت.
وبعدين شحقه الوردة أبي أفهم؟
صج صج المدرسة وقتها مو حقها

 

[طووم]

مادري احسها بداية فتنه الله يستر من اخرتها تبدا جذي وتتحول بلحظه لشي ثاني الله يكافينا الشر وهاالمدرسين يبون زياده على شنو مو قبل يشتغلون عدل ويحللون معاشتهم ويدرسون عيال الناس عدل نصهم مايداومون وياخذون معاشات

 

[قمورهـ]

رد : رد: عاجل :وقففة للمعلمين والمعلمات لزيادة الرواتب

مادري احسها بداية فتنه الله يستر من اخرتها تبدا جذي وتتحول بلحظه لشي ثاني الله يكافينا الشر وهاالمدرسين يبون زياده على شنو مو قبل يشتغلون عدل ويحللون معاشتهم ويدرسون عيال الناس عدل نصهم مايداومون وياخذون معاشات

لو ساكته مو ابركلج!!

قال خل يحللون معاشاتهم اقول انتي حللي معاشج ولسانج

وخلي المدرسات بحالهم

اعوذ بالله من ناسد حسووووده

الكوادر قاعده تنقر لها جم يوم ..الا للمدرسين مادري جنه بايقين حلال ابوكم

كافي ماسكين عيالكم ومتحملينهم..

ولي ردوا البيت سلمتوهم ماري وكوماري وكملت الحبيبه نومها والا هياتتها واخر شي درسوا عيال الناس عدل :rgewrg:

 

[قمورهـ]

رد : عاجل :وقففة للمعلمين والمعلمات لزيادة الرواتب

اقول حمدوا ربكم ترا فى ناس مو لاقين ياكلون وانا صج مو مدرسه بس معاشاتكم راهيه عليكم ولى تقول نجيب وسائل هذاك قبل كنتوا تيبون بس الحين االطالب اهوا لى يجيب الوسائل والاقلام بعد انا طالبه واعرف يعنى انتوا مو مدراست اسفه بس هذا لى اشوفه مو الكل البعض

والله حامدين الله قبل لانشوفج

هذا وانتي طالبه يعني عارفه الغثى اللي ايي من وراكم

ومن قال الطالب يسوي لوحات!!

واللوحات اللي احنا نسويها وتزيين المختبرات

عشان تقعدون بجو دراسي سنع

بس انتوا مو كفو لو مخلين لكم الطوفه بيضا وايد ابرك!:dddds:

 

[نور الدنيااااا]

انا اشوف معاشات المدرسين حلوه

856 كأول تعييين حلووه

مشكلة المدرسين مو بالمعااش

بالشغل

يعني تكون شغلتها التدريس وبس

مالها شغل مناوبات والخ