الثقه بوابتج لي القوة لاتتهاونين فيها((دورة مصغره ))

[نسمه بارده]

اشكركم علي متابعتكم وعلي طول بالكم وان شاء الله الموضوع يكمل ويثري بمشاركاتكم
ثاني سبب لضعف الشخصيه هو الحقد:
لاحظو معاي ان مواضيعي اتيه من خبره في حياتي واقدر اقولكم اني تعلمت وايد من الدنيا واكثر خبراتي هي من تجاربي الشخصيه وتجارب غيري يعني مو نظريات علميه لذلك تحملوني شوي
الشخصيه الحقوده هي شخصيه ماعندها ثقه في النفس تعالو نشوف منو هو الحقود:
الحقود هو شخص ماعنده قدرة علي العفو
ليش نحتاج العفو ؟
العفو هو ملف مفتوح في داخل العقل ممكن نكون مدركين له او لاشعوريا منخش في عقولنا
يعني علشان تعيشين الحاضر لازم تسكرين ملفات الماضي
الحقود ماعنده القدره علي اغلاق هالملفات تدرون ليش؟
لان العفو يحتاج قوة
والقوة دافع كبير لتجاوز الازمات والمشاكل وكل شخص يلتزم في حياته العفو اسلوب صدقوني راح يكون شخص واثق من نفسه
لان القوة تاتي من القدره
واذا ماعندج قوة ماراح تكونين قادره علي العفو
اتمني الفكرة تكون وضحت
تطبيقي لكم اليوم هو تدريب الغفران:
امسكي ورقه وقلم
وكوني في مكان هادئ
واجلسي جلسه معتدله وانطلقي في التفكير في اكثر الامور ايلام لج
يعني اي شي تحسينه جرح نازف في نفسج وياذيج داخليا
ابي منكم تكتبون الموضوع باختصار وتتخيلين كل المشاعر والاحساسيس الي حسيتيها وقتها
عيشيها بكل المها ومرارتها
وبعدها اوقفي التفكير والاحساس
وتخيلي نفسج مشاهد يتفرج علي فيلم ما
شوفي نفسج عامل نظافه ماسك في ايده منشفه مبلله بجميع انواع المنظفات والمعقمات
وانظري في عين عقلج الي قلبج
يعني تخيلي انج فتحتي قلبج ووصلتي للمكان الي فيه هذي الاحساسي المجروحه وامسحي شوي شوي علي الجرح
تخيلي بعمق انج تحسين بالجروح تنظف وتنظف وتنظف لحد ماتحسين باكتفاء طبعا اتني مغمضه ومسترخيهوبعدها فتحي عيونج ولاتنسين التنفس بعمق
دعواتكم لي بالشفاء العاجل جزاكم الله خير

 

[ناتشوو]

رد : الثقه بوابتج لي القوة لاتتهاونين فيها((دورة مصغره ))

تمنياتي لك بالشفاء العاجل

بس للحين ماعرفت سبب الحقد
انا اعرف وحدة حقود ماتسامح مو علي لا على غيري
انا علاقتي فيها طيبة ودايما اقول لها لا تعاملين قلبج كأنه - عزكم الله - زبالة نقط فيها
الاشياء والمشاعر السلبية الوصخة
ماتبي
مو لأن ماعندها قدرة
هي ماجربت هي ماتبي

 

[نسمه بارده]

هلا بالغاليه
انا وضحت سبب الحقد هو ضعف الشخصيه لانه ماعنده قوة الغفران واتمني يكون الشرح واضح وحاضره لاي استفسار

 

[miss moon-1]

رد : الثقه بوابتج لي القوة لاتتهاونين فيها((دورة مصغره ))

كملي حبيبتي ،،الله يشفي كل مريض إن شاء الله

 

[q8-star]

مشكوره حبيبتي
والله يشافيج يارب:yaaaaaarb:

 

[هنـــد]

كملي موضوعج روعه

بس حرام لا تتطنزين على احد اذا شفتي مبتلى قولي ( الحمدالله الذي عافاني مما ابتلها فيه وفضلني عليك تفضيلا )

 

[نسمه بارده]

رد: رد : الثقه بوابتج لي القوة لاتتهاونين فيها((دورة مصغره ))

تمنياتي لك بالشفاء العاجل

بس للحين ماعرفت سبب الحقد
انا اعرف وحدة حقود ماتسامح مو علي لا على غيري
انا علاقتي فيها طيبة ودايما اقول لها لا تعاملين قلبج كأنه - عزكم الله - زبالة نقط فيها
الاشياء والمشاعر السلبية الوصخة
ماتبي
مو لأن ماعندها قدرة
هي ماجربت هي ماتبي

حبيبتي الي مثلها وايد
احسن شي نفرغ سله المهملات علي طول ونشطب اول باول
عن نفسي وايد تعرضت لاذي في حياتي وفي مهنتي ودايما متتالي لكن اقصي شي اشغل نفسي فيه شهر -شهرين بالكثير وبعدين اسوي له ديليت وماحب يظل في نفسي له اثر ((طبعا اكون حللت الموضوع وفكرت وايد لاني بطبعي دقيقه وابي كل شي يكون مضبوط واقول الحق لو علي نفسي ))
وايد ناس عندها صعوبه في العفو وصدقوني صج في ناس ماتستاهل العفو بس لازم نعفو علشان نعيش وقلوبنا ماتموت لان الحقد يموت القلب ((دايما قولو حسبي الله ونعم الوكيل واتكرو كل شي لاراده الله ))
صدقوني انا جربت الحالتين
جربت لما تحقدين وتكرهين وايد شعور صعب وشنيع تكونين شايله صندوق كبير من الالم وكل مرة يتجدد وتضيفين له ثقل جديد لحد ماتوصلين مرحله خلاص مافيج تمشين ولاتتحركين وتظهر عليج الضيقه والكابه لذلك اقول دايما امسحو اول باول ولاتعطون الفرصه لمن اذاكم انه ينتصر عليكم مرتين لان الحقد هو خساره وانتي الي عطيتيها لنفسج
من اليوم نقول لاحقد لاكراهيه وامرهم الي الله وحسبي الله ونعم الوكيل
تدرون الحقود انسان وايد ضعيف لانه ماله اراده ولاقدره علي نفسه ,,,,تعود علي اجترار الالم وحبس الاحساس داخل نفسه يعذبه ويشقيه
مااتمني تكون حياتنا اجترار للالم وماسي وغيرنا سعيد لازم نسعي لحياه متوازنه ونؤمن بحقنا في السعاده
كل شي نؤمن فيه نحققه ونوصل له

 

[نسمه بارده]

وصلتني رساله من صديقه لي في الخاص وحبيت اشارككم ببعض مافيها وعسى ربي ينفعنا ويبارك لنا في ماعلمنا
تقول اختي mانها تعاني وايد من الضغوط بمهنتها ومثل ماستنتجت اهي مدرسه ((بحكم الضغوطات الي نتعرض لها فهمت شكواها ))
تقول انا لما اتعرض لمناقشه او هجوم او انتقاد علي طول اكبت وماحب ارد بنفس اللحظه لاني وقتها احس بحراره وعصبيه وتوتر وخوووووووووووف تقول ماعرف ليششش ينربط لساني واتردد ارد بس بعدها بفتره اموت قهر لاني مارديت وتبي مني طريقه تخليها ترد بوقتها
اختي الغاليه m:
انا ماعندي عصا سحريه اغير فيها شخصيتج انا مثلج ومثل الكل بشر
لكن الحل عندج انتي وبداخلج انتي
ابي اقولج كلام اتمني تفهمينه وينشرح صدرج له
كلنا بشر والبشر ضعيف .....كلنا فينا عيوب .....واخطاء واشياء نحب نكتمها ونخبيها ونبي نطلع دايما بصورة جميله
انتي موضعيفه لاااااااااااااااااااااا
انتي عندج حساسيه زياده
انتي لو كنتي ضعيفه ماكنتي قدرتي تكونين في الوظيفه الي تشغلينها حاليا ولاقدرتي تواجهين ضغوطاتها
موكل شخص يااختي نحتك فيه لابد نهاوشه او نختلف معاه
في مثل يقول ((لحيه احشمها ولحيه احشم لحيتك عنها ))
يعني حتي اقوي الناس ماتلقينه يهاجم ويدافع في كل المواقف الي يتعرض لها
بعض الناس دواهم حقرانه
بعضهم دواهم عتابهم علي خلوة
بعضهم دواهم الرد بالمثل
بعضهم يجي بالكيد
البشر يختلف وماتقدرين تسيطرين عليه
لكن تقدرين تسيطري علي نفسج تقوين نفسج انتي تتحكمين بنفسج انتي
ابي منج تعذرين نفسج وتسامحينها لمي نفسج احضنيها
لاتقسين عليها كافي الدنيا وضغوطاتها
دلعي نفسج ارضيها وراضيها
لاتزعلين علي نفسج وتخذلينها
ابيج تكونين mجديده تحب نفسها وتعذرها وتعتني فيها
من اليوم اوعدي نفسج انج تتغيرين عشانها ولها موعلشان تخوفين وتهاجمين الناس او تردين هجومهم
ابيج تكونين قويه لنفسج لمستقبلج
لاتطالعين الناس خليهم تحت مداسج كوني انتي الاعلي في عين نفسج ولاتخلين اي بشر ياخذ منج اهم شي
وهو محبتج لنفسج وصدقيني اذا حبيتي نفسج ماراح يكون شي جدامج صعب او مستحيل بس ابتدي الخطوة الاولي
نصيحه مني
هديه لنفسج عطيها شي تحبه وايديها ولاتنتقدينها وتابعي مواضيع دوراتي بتلقين فيها حلول تفصيليه والله يوفقج

 

[المااسه وحسااسه]

حلو موضووعج متابعتج​

 

[LALA Q8]

متااااااااااااابعه@@

 

[نسمه بارده]

اب اب لعيونكم

 

[الصيدلانيه]

يعطيج العافيه وبانتظار المزيد من خبراتج

 

[ناتشوو]

رد : رد: رد : الثقه بوابتج لي القوة لاتتهاونين فيها((دورة مصغره ))

حبيبتي الي مثلها وايد
احسن شي نفرغ سله المهملات علي طول ونشطب اول باول
عن نفسي وايد تعرضت لاذي في حياتي وفي مهنتي ودايما متتالي لكن اقصي شي اشغل نفسي فيه شهر -شهرين بالكثير وبعدين اسوي له ديليت وماحب يظل في نفسي له اثر ((طبعا اكون حللت الموضوع وفكرت وايد لاني بطبعي دقيقه وابي كل شي يكون مضبوط واقول الحق لو علي نفسي ))
وايد ناس عندها صعوبه في العفو وصدقوني صج في ناس ماتستاهل العفو بس لازم نعفو علشان نعيش وقلوبنا ماتموت لان الحقد يموت القلب ((دايما قولو حسبي الله ونعم الوكيل واتكرو كل شي لاراده الله ))
صدقوني انا جربت الحالتين
جربت لما تحقدين وتكرهين وايد شعور صعب وشنيع تكونين شايله صندوق كبير من الالم وكل مرة يتجدد وتضيفين له ثقل جديد لحد ماتوصلين مرحله خلاص مافيج تمشين ولاتتحركين وتظهر عليج الضيقه والكابه لذلك اقول دايما امسحو اول باول ولاتعطون الفرصه لمن اذاكم انه ينتصر عليكم مرتين لان الحقد هو خساره وانتي الي عطيتيها لنفسج
من اليوم نقول لاحقد لاكراهيه وامرهم الي الله وحسبي الله ونعم الوكيل
تدرون الحقود انسان وايد ضعيف لانه ماله اراده ولاقدره علي نفسه ,,,,تعود علي اجترار الالم وحبس الاحساس داخل نفسه يعذبه ويشقيه
مااتمني تكون حياتنا اجترار للالم وماسي وغيرنا سعيد لازم نسعي لحياه متوازنه ونؤمن بحقنا في السعاده
كل شي نؤمن فيه نحققه ونوصل له

:eh_s(17):

 

[DN~DN]

متاابعة و كلامج ريحني وايد :eh_s(17):

 

[bigsmile66]

مشكورة والله يوفقج صج انج نسمة باردة :eh_s(17):

 

[جوك احلى جو]

مشكوره

 

[واثقه خطاي]

سوري نسمه بارده بس عندي تعقيب على كذا شغله بحكم اني بعد ماخذه دورات واقرا كتب ووو
اول شي بسألج شلون عرفتي انها متابعتج لانه مايبين , مو ممكن وحده معجبه بشخصيتج وقاعد تتابع مواضيعج
ثانيا لو فرضنا اهي متابعتج انتي قاعد تتحدينها بعدين تقولين لها اعطيج دوه مجانيه , يبا مستحيل انها تاخذ عندج عقب جذيه لانه انت ما قاعد تحلين المشكله انتي تزيدين الطين بله , راح تعاند وماراح تغير بشخصيتها لانها راح تعنبره انكسار , المفروض بما ان انتي ملاحظه انها متابعه لج انج تكلمتي عن الدوره وسرددتي التفاصيل من غير ماتخصصين على شخص معين وتنتقدينه , لان من المعروف ان راح يكابر وبالعكس جان خلتيها تشارك من غير ما تحسسينها انج عارفتها وتخلينها تتكلم بحريه,وتقبلي بصدر رحب

 

[طأقتن تسبدي..!]

رد : الثقه بوابتج لي القوة لاتتهاونين فيها((دورة مصغره ))

موضوووووووووووع قمة فالروعة متابعة لاني عنجد محتاجة الثقة ادعولي بنات لانه حياتي صايرة فضيعة والسبة عدم الثقة بالنفس

جزاج الله الف خير حبيبتي وجعله في ميزان حسناتج يارب

 

[وهج الخير]

يزاك الله خير حبيبتي خوش موضوع

 

[نسمه بارده]

سوري نسمه بارده بس عندي تعقيب على كذا شغله بحكم اني بعد ماخذه دورات واقرا كتب ووو
اول شي بسألج شلون عرفتي انها متابعتج لانه مايبين , مو ممكن وحده معجبه بشخصيتج وقاعد تتابع مواضيعج
ثانيا لو فرضنا اهي متابعتج انتي قاعد تتحدينها بعدين تقولين لها اعطيج دوه مجانيه , يبا مستحيل انها تاخذ عندج عقب جذيه لانه انت ما قاعد تحلين المشكله انتي تزيدين الطين بله , راح تعاند وماراح تغير بشخصيتها لانها راح تعنبره انكسار , المفروض بما ان انتي ملاحظه انها متابعه لج انج تكلمتي عن الدوره وسرددتي التفاصيل من غير ماتخصصين على شخص معين وتنتقدينه , لان من المعروف ان راح يكابر وبالعكس جان خلتيها تشارك من غير ما تحسسينها انج عارفتها وتخلينها تتكلم بحريه,وتقبلي بصدر رحب

اهلا غاليتي ورايك يسرني وافتخر فيه شكرا علي اضافتك الجميله