أبي الفزعه منكم يا كويتيات{زواج اخوي وأفكر اني أسوي مكياجي وتسريحه}

[شهد المحمد]

السلام عليكم ورحمه الله وبركاته
انا عضوه جديده في هالمنتدى أعجبني هالمنتدى وتفاعل العضوات مع بعض

بنات انا بعد أسبوعين زواج اخوي وأفكر اني أسوي مكياجي وتسريحه شعري في نفسي لأني خلاص جتني عقددددده
من الكوافيرات عندنا كلهن مشيء الحال خساره فلوس على الفاضي و الشكل يطلع اعوووذ بالله
المهم كويتيات ابي فزعتكن وكل وحده تعرف في المكياج ياليت تعطيني خبرتها و الله يجزاها عني كل خير
ويوفقها دنيا واخره ويسر لها امورها كلها يارب

1ـــ أنا بيضاء شعري اسود قصير تحت الكتف بشوي قصته مدرج طبقتين أبي الونه بايش تنصحوني لون يطلع حلو مع الاسود و أيش التسريحه المناسبه له ؟؟

2ــ انا عيوني سوداء ايش تنصحوني البس عدسه زرقاء ولا رمادي وايش هي أحسن شركه للعدسات تظهر
العيون بشكل رائع وتكون الوانها حلوه ؟

3 ـ أبي منكم أحسن كريم اساس و بودره أنا رحت لمحل ومدح لي في كريم اساس حنان دشتي لكنه غالي
مره 250 والعلبه صغيره ؟

4ـ فستاني أحمر أيش لون الظل اللي احطه على عيوني هل احط أحمر .. وايش احسن ماركه ظلال تكون ثابته
وما تزول والله راحت فلوسي على الظلال وما لقيت الظل اللي يثبت وما يزول

تكفووووووون ابي فزعتكم والله انه خبرتي في المكياج صفرررررررررر .. ادري اني زودتها في الاسئله تكفن ساعدني
و الله اني لادعي اللي تساعدني

 

[ام**العسولين]

رد: أبي الفزعه منكم يا كويتيات

وعليكم السلام
حبيبتي لو انتى شاطره بالمكياج اوكي سويه بروحج بس شعرج لازم صالون خاصه انه عرس اخوج
كريم حنان دشتي الصغير عندنا ب5 دنانير زين مادري جم يطلع عندكم بس سامعه حلو كريمها للمناسبات
وانشاء الله البنات يفيدونج اكثر حبيبتي

 

[مٍلإيٍـٍـٍنّ<~]

رد : أبي الفزعه منكم يا كويتيات

شكلج تبينه ناعم بس انصحج تلبسين عدسات وقبل العرس سوى بروفه للمكياج بس شعرج لازم كوافيره

 

[ma mo me]

رد: أبي الفزعه منكم يا كويتيات

و عليكم السلام و رحمة الله و بركاته
أبشري بالفزعة :friends: ههه
المهم طبعا ما راح أجاوب على كل الأسئلة لأن في بعضهم ما أعرف الصراحة و إن شاء الله البنات بيفيدونج
!) الشعر و العيوون نصييييحة لا تغيرونهم و الله الناس تدور على الشعر الأسود سواد العيون دواره بالعكس اهتمي فيه يعني خليه يلمع يطلع عجييب و بالنسية حق التسريحة على حسب النفنوف يعني وصفيه لنا الأول
2) بالنسبة حق المكياج أظن من الأحسن تروحين قسم المكياج و إن شاء الله بتلقين الي تبينه بس أهم شي البلاشر لا تنسينه في المكياج و إخذي درجة مناسبة للوج بشرتج يعني مو بيضاء تجطين برونز أو تحطين أحمر فاقع حطي مثلا لون الأحمر الفااتح الي على مشمشي و يكون في لمعة خفيفة أنصحج من ماك حلو

 

[شهد المحمد]

رد : رد: أبي الفزعه منكم يا كويتيات

وعليكم السلام
حبيبتي لو انتى شاطره بالمكياج اوكي سويه بروحج بس شعرج لازم صالون خاصه انه عرس اخوج
كريم حنان دشتي الصغير عندنا ب5 دنانير زين مادري جم يطلع عندكم بس سامعه حلو كريمها للمناسبات
وانشاء الله البنات يفيدونج اكثر حبيبتي

الله يعطيك العافيه ام العسولين وحنان دشتي مدح لي فيه صاحب محل تجميل وقال اعطيك تعبئه لان كريم الاساس
غالي تعبئه 250 ريال أشكرك ام العسولين وعساك على القوه يارب

 

[شهد المحمد]

رد : أبي الفزعه منكم يا كويتيات

شكلج تبينه ناعم بس انصحج تلبسين عدسات وقبل العرس سوى بروفه للمكياج بس شعرج لازم كوافيره

أيه اختي ابيه ناعم لان الثقيل ما يناسبي يطلعني كاني مهرج اكثر من مره اروح للكوفيرات وادفع لهم
ويطلع شكلي مدري كيف لانهم ما يعرفن يرسمن الملامح صح ،،، والكوافيره الشاطره ما تنلقى
اختي ملايين بالنسبه للعدسات تنصحيني بعدسات بتحديد ولا بدون لاني لمن رحت لصاحب محل
قالي تبين العدسات تحديد ولا بدون فما أدري أي احلى اللي بتحديد ولا بدون
والله يعطيك العافيه واشكرك على التفاعل انتي وجميع العضوات اللي ردوا علي

 

[شهد المحمد]

رد : رد: أبي الفزعه منكم يا كويتيات

و عليكم السلام و رحمة الله و بركاته
أبشري بالفزعة :friends: ههه
المهم طبعا ما راح أجاوب على كل الأسئلة لأن في بعضهم ما أعرف الصراحة و إن شاء الله البنات بيفيدونج
!) الشعر و العيوون نصييييحة لا تغيرونهم و الله الناس تدور على الشعر الأسود سواد العيون دواره بالعكس اهتمي فيه يعني خليه يلمع يطلع عجييب و بالنسية حق التسريحة على حسب النفنوف يعني وصفيه لنا الأول
2) بالنسبة حق المكياج أظن من الأحسن تروحين قسم المكياج و إن شاء الله بتلقين الي تبينه بس أهم شي البلاشر لا تنسينه في المكياج و إخذي درجة مناسبة للوج بشرتج يعني مو بيضاء تجطين برونز أو تحطين أحمر فاقع حطي مثلا لون الأحمر الفااتح الي على مشمشي و يكون في لمعة خفيفة أنصحج من ماك حلو

!) الشعر و العيوون نصييييحة لا تغيرونهم و الله الناس تدور على الشعر الأسود سواد العيون دواره بالعكس اهتمي فيه يعني خليه يلمع يطلع عجييب و بالنسية حق التسريحة على حسب النفنوف يعني وصفيه لنا الأول

اختي انا ما ابي اغير اللون الاسود لاني احب لون شعري انا اقصد تلوين الشعر خصلات ايش اللون المناسب
اللي يجي مع الاسود

الفستان احمر ساده فيه كريستال ابيض على شكل معين على الصدر مع ورود صغيره حمراء


2) بالنسبة حق المكياج أظن من الأحسن تروحين قسم المكياج و إن شاء الله بتلقين الي تبينه بس أهم شي البلاشر لا تنسينه في المكياج و إخذي درجة مناسبة للوج بشرتج يعني مو بيضاء تجطين برونز أو تحطين أحمر فاقع حطي مثلا لون الأحمر الفااتح الي على مشمشي و يكون في لمعة خفيفة أنصحج من ماك حلو

الله يجزاك خير والف شكر لك لتفاعلك ويااااي

 

[كرووروو]

رد : أبي الفزعه منكم يا كويتيات

أممممم البسي عدسـآت رمـآدي على أسود مثل ذي :ـ

وألشدو أحمر على أسود .. مع شوي رمـآدي ..

بس هذآ إللي أعرفة .. شعرتس لآ تصبغينة كلن يموت بـآلشعر الاسـود ...:friends:

 

[شهد المحمد]

رد : أبي الفزعه منكم يا كويتيات

أممممم البسي عدسـآت رمـآدي على أسود مثل ذي :ـ

وألشدو أحمر على أسود .. مع شوي رمـآدي ..

بس هذآ إللي أعرفة .. شعرتس لآ تصبغينة كلن يموت بـآلشعر الاسـود ...:friends:

الله يعطيك العافيه كرووروو أشكرك على هالتفاعل وأن شاء الله بدور عن هالعدسات

 

[ma mo me]

رد: أبي الفزعه منكم يا كويتيات

و يعافيك يا رب إذا كانت الغوله فيها شكل و أشياء حلوة رفعي شعرك بس بطريقة حلوة علشان شكلج يكون مرتب و تبين الغولة مع إني أحب الشعر المفلول والمكتكت :hjy5jewf:
و إذا كانت عادية فلي شعرك و سوي بف و خلي شعرج ويفي مو كيرلي لأن شعرج مو وايد طويل و حطي اكسسوارة حلوة على ذوقج و على حسب خامة البدلة و إنتي قرري حبيبتي و أتمنى إني أفدتج :blueSmCLR:

 

[شهد المحمد]

رد : رد: أبي الفزعه منكم يا كويتيات

و يعافيك يا رب إذا كانت الغوله فيها شكل و أشياء حلوة رفعي شعرك بس بطريقة حلوة علشان شكلج يكون مرتب و تبين الغولة مع إني أحب الشعر المفلول والمكتكت :hjy5jewf:
و إذا كانت عادية فلي شعرك و سوي بف و خلي شعرج ويفي مو كيرلي لأن شعرج مو وايد طويل و حطي اكسسوارة حلوة على ذوقج و على حسب خامة البدلة و إنتي قرري حبيبتي و أتمنى إني أفدتج :bluesmclr:

الله يجزاك خير أختي و اشكر لك مرورك وردك على الموضوع فدتوني كثير شكراً لك ولكل الاخوات