رد : ـ الى طالبات كلية التربية جامعة الكويت تخصص انجليزي ابتدائي
السلام عليكم
ـ بنت خالتي تبي تحول من اداريه لي تربية انجليزي ابتدائي تبي تعرف اذا يعادلون لها هالمواد: ( ثقافه اسلاميه, جماليات , علم نفس , انجليزي 126,106)
ـ شنو تقدر تأخذ مواد حق الكورس الياي عشان تكمل 30 وحده , وشلون التخصص سهل ولا صعب وفي مجال تشتغل بمكان ثاني غير التربية
ـ واي اضافات تقدر تفيدنا اكون شاكرة
ـ ويعطيكم العافية
احم احم..
انا تربيه انجلش ابتدائي :
بالبدايه .. اقولها لو تقعد بالاداريه احسن وافضل لها مليون مره .. لان بيكون عندها مستقبل أفضل .. الانجلش حلو وسهل وبسيط .. لكن ماكو مستقبل غير التربيه لانها بتكون خريجة كليه التربيه .. والتربيه تتطلب خدمه 3 سنوات عشان تكمل دراستها ك ماجستير وغيره و 10 سنوات عشان تقدر تحول من التربيه لمكان ثاني .. يعني باختصار .. بعدين بالواقع اذا ماحبت مهنة التدريس الشااااااااااااااااقه راح تتدبس وماراح تقدر تغير مكان ثاني بالرغم من ان الانجلش مطلوب بكذا مكان .. بس مايصير .. اذا كانت انجلش من كليه الاداب راح يكون لها مستقبل أفضل بهالتخصص ..
وبالنسبه للمواد اللي خذتهم .. راح يعادلون الثقافه اذا كانت تقصد مقرر التربية الاسلاميه + جماليات + اذا كان مبادئ علم النفس التربوي هذا راح يعادلونه اما اذا غيره لا لانه في كذا مقرر عن علم النفس + انجليزي 106 يعادلونه + 126 اتوقع يعادلونه ان شاء الله
يعني كلهم يتعادلون
بالنسبه للمواد اللي تقدر تاخذها .. انصحها بهالمواد سهله وخفيفه :
1- طبعا لازم تاريخ الحضارة العربيه لانه الزامي
2- التربية الاسريه
3- مدخل مناهج بحث تربوي لانه صار الزامي على كل طلبة التربيه المستجدين عشان تقدر تحدد التخصص
4- مبادئ ترجمه
5- مبادئ الصياغه اللغويه
6- أصول تربيه
7- الإعلام التربوي
هذيل كلهم مواد متطلبات تخصص انجلش ابتدائي اللي تقدر تاخذهم ..
ونصيحه تقعد بالاداريه .. مو عشان الانجلش صعب .. بالعكس حده سهل وخفيف كدراسه .. بس بالواقع والتطبيق بعدين متعب جدا جدا جدا و ماكو مستقبل غير التربيه
اذا اهيا حابه الانجلش .. تقدر تروح اداب احسن اهوا اصعب بشششوي نتتتفه بس حده حلو ومستقبل افضل بوايد من التربيه وتقدر تصير مدرسه بعد اذا تبي
موفقه
