ورونا شنو تستخدمون حق بطونكم والتشققات

[c a t w o m a n]

رد: رد : ورونا شنو تستخدمون حق بطونكم والتشققات

احسن شي

كريم بالمرز مع شوية كركم الجسم هذا بالليل وطبعا تلفينه بشماغ

وبالنهار تحاولين تسوين مساج وتحطين زين جنين القمح مال وادي النحل حدها هالشركه ثقه

وكل هالشغلات بالمباركيه كل الحواويج اهناك يبعونه وكريم بالمرز بالصيدليات

وهم في ببودي شوب ليفه مثل المشط هذي زينه تسوين مساج فيها قبل الزيت

ان شاء الله بشتريها

واشربي زنجبيل وجاي اخضر حيل زين

انا كلهم قاعده اطبقهم وان شاء الله اكو نتيجه

ومشكورين على الافاده

انشالله تلقين أحلى نتيجة

أسعدني مرورج عزيزتي

 

[c a t w o m a n]

وايد استفدت من الموضوع مع ان للحين مافيني تشققات بس الله يستر بعد الولادة
قطرات المطر الله يشافي الوالد ويلبسه العافية

لا تنطرين التشققات تطلع أو بطنج يكبر بلشي من الحين إذا انتي بأول الشهور عشان جلدج ياخذ عالمفعول هالكريمات يبيله شهرين بالقليل أو ثلاثه حسب ما مكتوب عالعلبة

 

[أم عبود 2011]

رد : ورونا شنو تستخدمون حق بطونكم والتشققات

آنا أستخدم البيبي أويل من جونسون أكثر من 5 مرات باليوم ما عندي شغل طول الوقت منسدحة وأدهن بهالبطن وصوب فخوذي
من دريت بحملي بلشت أدهن المنطقة ومستمرة للحين وأإذا نسيت ريلي يذكرني والله

 

[دمع القلوب]

الحين التشققات تطلع اذا قعدت احك بطني صح


انا بصراحه بطني صاير خريطه ويخرع خطوط كبار لون احمر


ابي شي يكون مضمون استخدمه فترة الاربعين يوخر الخطوط او يخففهااااا


اللي تعرف لا تبخل علي بليز


وكل شوي بدخل اشيك ع الموضوع

 

[اصوله]

السلام عليكم

مادري انا اللي اشوفه انه الخطوط اذا طلعت صدقوني مستحيل تروح خلاص .. يمكن تخف بس تروح نو وي

انا الحمدالله مافيني خطوط وهالسوالف وعندي ولد وبنت وان شاءالله مايطلعون فيني لان ادري ان طلعو ماراح يروحون

رفايجي اجسامهم خريطه وماخلو شي ماسوه ومانفعهم عشان جذي اقول انها ماتروح ..

انا مو جايه احبطكم بس اقول لكم لاتقطون فلوسكم عالفاضي

 

[الصعيريه]

رد : ورونا شنو تستخدمون حق بطونكم والتشققات

انا استخدم خلطة التاجره ( جراس )
وحيييل حلوه بس يبيلي اشتري جهاز المساج

 

[الجفول&]

رد : ورونا شنو تستخدمون حق بطونكم والتشققات

تو شريت زبدة الكاوكاو بالبالمرز وبجربها..

 

[c a t w o m a n]

الحين التشققات تطلع اذا قعدت احك بطني صح


انا بصراحه بطني صاير خريطه ويخرع خطوط كبار لون احمر


ابي شي يكون مضمون استخدمه فترة الاربعين يوخر الخطوط او يخففهااااا


اللي تعرف لا تبخل علي بليز


وكل شوي بدخل اشيك ع الموضوع

الكريمات ايللي ذكروها البنات من تجاربهم لاباس فيها مثل ما قاعدة أشوف

بس ديري بالج بالنسبة حق بطنج لا تحكينه مسكي نفسج اهو يحكج لأن الجلد قاعد يتبطط وإن حكيتيه راح تبين الخطوط

بدال لا تحكينه مسحي براحة إيدج عليه بشكل دائري مو بأظافرج


:eh_s(17):

 

[c a t w o m a n]

اصوله



الصعيريه



الجفول&



أسعدني مروركم ونورتوا الموضوع

 

[حرم_الغلا]

... أنـــا أستخــــــــــدم التشقيـــر..بالاسبـــوع مـــرتين الصــرااحه بطنــي تفتــح وصــار أبيـــض بــس التشققــات مــاراحـت:jumpon:​

 

[Roty]

رد : ورونا شنو تستخدمون حق بطونكم والتشققات

والله لاحظت ان اكثركم تستخدمون بيو اويل انا جربته بس ياربي ماعجبني كلا دهن وماتتشرب البشره غيرته قاعده استعمل الحين كريم بريجننت كير وايد عاجبني شوفوا لخطوط ماراحوا لانهم حمر والله مادري شلون يروحون باختصار ببجي

 

[أم عبود 2011]

رد : ورونا شنو تستخدمون حق بطونكم والتشققات

بنات الخطوط الحمرة لو استمريتي على ترطيبها بشكل يومي مكثف بتروووووووووووووح وحاولي بالمره لالالالالالالالالالا تفركين هالمنطقة بالليفه بس المصيبة لا تتحول للون الأبيض يعني خلالالالالالالالالالالاص ماكو أمل تروح

 

[saratee]

ما ادري انا ارطب هالمنطقه باستمرار واكيد مع الوقت بتخف او تروح بس اهم شي الاستمرار

 

[c a t w o m a n]

... أنـــا أستخــــــــــدم التشقيـــر..بالاسبـــوع مـــرتين الصــرااحه بطنــي تفتــح وصــار أبيـــض بــس التشققــات مــاراحـت:jumpon:​

تشقرين بعد ولا أثناء الحمل

خلال الحمل مو زين تستخدمين المشقر

عموما التشقير ما يوخر التشققات

ويسلم المرور والإفادة

 

[c a t w o m a n]

رد: رد : ورونا شنو تستخدمون حق بطونكم والتشققات

والله لاحظت ان اكثركم تستخدمون بيو اويل انا جربته بس ياربي ماعجبني كلا دهن وماتتشرب البشره غيرته قاعده استعمل الحين كريم بريجننت كير وايد عاجبني شوفوا لخطوط ماراحوا لانهم حمر والله مادري شلون يروحون باختصار ببجي

صح ما تتشربه البشرة عشان جذي ترطيبه يتم

أنا حبيته بس غيرته

 

[c a t w o m a n]

رد: رد : ورونا شنو تستخدمون حق بطونكم والتشققات

بنات الخطوط الحمرة لو استمريتي على ترطيبها بشكل يومي مكثف بتروووووووووووووح وحاولي بالمره لالالالالالالالالالا تفركين هالمنطقة بالليفه بس المصيبة لا تتحول للون الأبيض يعني خلالالالالالالالالالالاص ماكو أمل تروح

صحيح .. وهم لما يحكج بطنج لا تحكينه قضبي نفسج عنه إن حكيتيه بتصير خريطه على بطنج

 

[c a t w o m a n]

ما ادري انا ارطب هالمنطقه باستمرار واكيد مع الوقت بتخف او تروح بس اهم شي الاستمرار

That's Right

:sfg:

 

[Roty]

رد : ورونا شنو تستخدمون حق بطونكم والتشققات

امبي ليلحين محد قال شلون يروحون الخطوط الحمر شكلي بروح بعد الولاده دكتور امراض جلديه س ابي وحده شاطرة

 

[قمر وربي امر]

يسلمووووووووو حبوبه عالموضوع

انا مافيني تشققات يمكن لانه اول حمل

بس كنت استخدمت كريم زبده الكاكاو عقب السبووح كل مره ..

وجسمي مافي غير خطوط بنيه عند خصري وبدت تخف شوي

ولاجان احين جسمي نظيف ماشكي من شي ... بس يالله سهلات

 

[Roty]

رد : ورونا شنو تستخدمون حق بطونكم والتشققات

والله ببجي اذا محد عطاني حل حق الخطوط الحمر