آبيه ويبيني بس مشكلتنا المذهب اللي مرت بنفس التجربه تفيدني

[eman12]

الله يكتب اللى فيه الخير
واذا نصيبج بتاخذينه

 

[يــ عذآبيئ ــآ]

الله يكتب لكم اللي فيه الخير ..

 

[sun_light]

حبيبتي الغالية
هذا الحب راح يتلاشى مع الزمن , وخصوصا عندما يرزقكم الله الابناء فكل من الأم والأب يريد أن يصبح الأبناء على مذهبه
فلي الكثير من الصديقات اللاتي تعانين من هذه المشكلة .
أنا لست من المتحمسين لهذه النوعية من الزواجات .
مجرد رأي

 

[فاقده ابوهاااا]

رد : آبيه ويبيني بس مشكلتنا المذهب اللي مرت بنفس التجربه تفيدني

حبيبتي لحد يقص عليج ويقولج ما راح تواجهون مشاكل تخيلي الحين احنا كبار وتزوجنا وللحين انعاني لان ابوي سني خذه امي واهي شيعيه دامج راح تاخذينه لازم احد فيكم يقتنع بمذهب الثاني ويصير مثله علشان عيالكم لا يتشتتون

 

[ما كو اسم]

السلام عليكم .. المشكله باينه من العنوان أنا احب شخص وأهو يحبني ويموت فيني بس العائق انه شيعي حضري وانا بدويه سنيه وفوق هذا أهو من عايله شيعيه معروفه :eh_s(2): يقولي مستعد أسوي اي شي بس عشان أهلج يرضون فيني طلب رقم امي عشان امه تكلمها بس قلت صعبه ماقدر بتصير مشاكل خصوصا اننا بدو وعيب هالأمور تكون أشكره .. رجع بحل ثاني وأصر أن اهلي يتعرفون على أهله عشان بعد فتره من التعارف يخطبني
اللي معور قلبي انه حييييييل متمسك فيني واهو محامي واستاذ حقوق بالجامعه و قلبه حيييييل طيب وشاريني ويقول ماالاقي بنت مثلج ولا راح الاقي ويدري ان المشكله بتكون على المذهب مو على أنه شخص مو بدوي
أدري صعبه يغير مذهبه وصعبه أغير مذهبي .. القبول بيننا موجود بشكل كبير بس احنا جدام تقاليد مانقدر نغيرها
أكو بنات مرو بنفس تجربتي وشنو كانت النتيجه بالاخير ؟بلييييييز بناات ابي تجاربكم بالموضوع وشوركم خصوصا انكم متزوجات واكيد بلاقي عندكم الفاايده مادري شسوي :eh_s(2):

حبيبتي عقدج باطل واسالي شيوخ الدين لا تسالين العوام وانا متاكده ان ما يجوز زواج السنيه من شيعي

 

[ما كو اسم]

رد: رد : آبيه ويبيني بس مشكلتنا المذهب اللي مرت بنفس التجربه تفيدني

اذا انتي معاه ما عندكم التعصب ولا الكره لاهل البيت
مافي اي مشاكل انا اعرف وايد بنات تزوجوا من مذاهب مختلفه وعايشين الحمدالله

باسم الله عليج ومن قالج ان احنا نكره ال البيت شنو شايفتنا سابينهم وله طاعنين في شرفهم وله نلعن فيهم والحمد لله اسامينه كلها اسامي ال البيت وله علشان انتوا تكرهون الصحابه تبون تلزقون فينه انا احنا نكره ال البيت

 

[c a t w o m a n]

الله يسهل أمروج و يكتب ايللي فيه الخير انشالله

وإذا الله كاتب بينكم نصيب محد يرده

وإذا الموضوع فيه خير لج و له عسى الله يرميه بدربج

 

[ام دودو المزيونه]

الصعوبة بالأمر اذا هو متمسك بمذهبه ومتشدد بعقيدته وانتي نفس الشيئ والسهوله اذا كنتوا سهالات وما تهتمون بهالأمور
القصد في امور بالمذهب الشيعي غير مقبوله عند السنة والعكس كذلك وفعلا العيال بيتشتتون لا تقولين لا ما يتشتتون الى متمسك بمذهبه وحريص علي دينه يكون حريص يغرس هالشي بعياله فما بالك اذا هالشئ في تضارب بالمذهب الثاني
انا ضد هالشئ كل من ياخذ من مذهبه ليس كرها بالمذهب الثاني
وانا فعلا مع اختي بدون اسم بالمذهب السني العقد يعتبر باطل بس الأفضل سألي شيخ دين اذا انتي حريصة علي دينج ومذهبج

 

[آطخمـُ عنزيـهِ]

رد : آبيه ويبيني بس مشكلتنا المذهب اللي مرت بنفس التجربه تفيدني

مآآيد هالشي صعب ..

بس ..الله يكتب لج آللي فيه الخير

 

[فاقده ابوهاااا]

رد : آبيه ويبيني بس مشكلتنا المذهب اللي مرت بنفس التجربه تفيدني

اذا انتي معاه ما عندكم التعصب ولا الكره لاهل البيت

مافي اي مشاكل انا اعرف وايد بنات تزوجوا من مذاهب مختلفه وعايشين الحمدالله

لا تعليق قمـــــــــــــــــة التخلف وغسيل المخ انتي المفروض يوقفونج اشقصدج بهالحجي الحمدالله والشكر اشقالولج عن السنه ليل ونهار نسب بأهل البيت يا فهيمه يا عاقله احنا اكثر ناس انحب ال البيت واهل بيت الرسول زوجاته وابناءه واحفاده يخرب بيت العقليه التعبانه :cxxxp:

 

[SILVER ROSE]

انا اعرف سنة خذوا شيعيات والعكس بس حضر
مادري عنكم انتوا يالقبايل
عسى ربي يفرج همج ويسعدج ويكتب لج الخير

 

[ريميه 66]

ما ايد هذا الزواج لانه اساسه الدين

 

[كراميلا مرة]

رد : آبيه ويبيني بس مشكلتنا المذهب اللي مرت بنفس التجربه تفيدني

انا ماأيد زواج مختلفين المذهب ابدا وقطعا

 

[طويت صفحة الماضي]

رد : آبيه ويبيني بس مشكلتنا المذهب اللي مرت بنفس التجربه تفيدني

شوفي ياقلبي دام انج بدويه اهلج ماراح يوافقون وخاصه انه شيعي البدو اهم شسي عادات وتقاليد خاصه من اخواج وابوج شلون تعرفينه ومن هالسوالف لاتعلقين فيه

 

[حبيبي وبس]

والله صعبه خصوصا انكم بدو اذا البدو يرفضون زواج من قبيله ثانيه شلون راح يرضون بهالشي
بس المهم الاصرار وخليه يتقدم حتى لو رفضوه يحاول مره ثانيه الواحد جم مره بيلقى احد يحبه جذي
ودخلي طرف في الموضوع مثل امج او احد اخوانج تحسين بيتفهم الوضع
ولاتنسين الدعاء والاستخاره قبل كل شي
وربي يوفقج

 

[سور المدينه]

رد : آبيه ويبيني بس مشكلتنا المذهب اللي مرت بنفس التجربه تفيدني

الله يكتب لج الخير
بس ماييد اختلاف المذاهب في الزواج

 

[{ام رتاج}]

والله انه عن نفسى اقولج فكرى عدل ترى باجر اعيالج اهم اللى راح يتأذون والله وكل شى قسمه ونصيب والله يكنبلج اللى فيه الخير

 

[Al-Jooori ~]

حبيبتي عقدج باطل واسالي شيوخ الدين لا تسالين العوام وانا متاكده ان ما يجوز زواج السنيه من شيعي

معاهاااااا​

 

[نور مغليها]

رد : آبيه ويبيني بس مشكلتنا المذهب اللي مرت بنفس التجربه تفيدني







مع انها صعبهـ حيل حيل ... لأني انا بدويه واعرف تقاليد البدو [ ماكو شي مستحيل . وكِثر الدق يفك اللحآم ] :eh_s(17):

 

[غداً القاك]

رد : آبيه ويبيني بس مشكلتنا المذهب اللي مرت بنفس التجربه تفيدني

والله ياقلبي موضوعك معقد يعني انا بدويه سنيه واعرف تفكير اهلنا وشلون لو جاء حظري يخطب وشلون لو حظري وشيعي بعد
ماابي اضيق خلقك بس شي من بدايته غلط استخيري الله واساليه الخيره واكثري من الاستغفار وربي ييسر لك كل خير ويرزقك بالزوج الصالح