غيرت حليب ولدي ,, شرايكم بحليب نان ؟

[nonia]

حبايبي انا أعطي ولدي نوفولاك وتوني اليوم غيرته له لأن ولدي وايد تعبان من الغازات فشريت له نان وعطيته منه رضعتين لي ألحين وقلت بجربه هالأسبوع شرايكم بحليب نان زين ولا لأ وهل الياهل يسمن عليه ؟ أحسه وايد خفيف ماي مايوه ؟؟؟ ما أدري ليش أحسه ما يشبع !!!

ناطره ردودكم .

 

[ام نوفي]

مرحبا حبيبتي انا مثلج كنت استعمل حق ولدي سميلاك غين وبعدين كثرت عليه الغازات ورحت لطبيب وقالي اخذي نانا وبصراحه اول ايام ماتعود عليه وبعدين صار اوكي معها صج انه خفيف لانه مافي دهون وايد وهذا راي بانانا وشكرا

 

[nonia]

مشكوره يالغالية بس هل خفت الغازات عند ولدج الله يحفظه ؟

 

[pink]

آنا عطيت بنتي نان 1 من أول ما طلعت من المستشفى و
كان وااايد طايح عليها الحمدلله مافي ترجيع و مافي امساك
بس كانت الغازات ذابحتها و كانت طول الوقت تبجي المهم
رحت حق دكتورتي و غيرت لي الحليب الى نوفالاك لحالات
المغص بنتي ما حبته و ما قامت تشرب حليب عدل بالاضافة
انه سبب لها امساك فرجعت لنان و لأنه خفيف كانت تشرب
الرضعة كاملة و على سالفة الغازات غيرنا المميات من بيجن
الى افنت وفرقت علينا بس ترى المسألة يبيلها وقت وصبر يعني
مع الوقت و كلما ولدج كبر راح تشوفين الفرق ان الغازات قامت
تخف يعني تحملي شوي.. و ترى يقولون ان الغازات تصير حق
البيبي لأن امعاءه تكون شوي صغيرة و توها ما تأقلمت على الحليب ..
و إن شالله ولدج ما يشوف شر و تخف منه الغازات ..

 

[nonia]

يزاج الله خير ماقصرتي .

 

[جوكليت بار]

خليج على نان

ولدي الله يحفظه عمرة سنتين ونص من يبته وآنا اعطيه نان ومتختخ اسم الله عليه يهبل

وهو خفيف صح من ناحية الغازات بس انه مايشبع لا يشبع حبيبتي

 

[lolo77]

عاد انا ما جربت نان كلش

من ولدت المستشفى نصحوني اب اس 26
مع اني اول مره اجربه اعيالي كانوا سميلاك وظلوا عليه
ماشالله طايح عليهم
والحين بنتي كملت 6 شهور غيرتهلها من اس26 لس سميلاك غين


واصلا ارضعها طبيعي ما تشرب الا وقت الضرورة من الصناعي

 

[Miss_Tiger79]

نان وايد زين

 

[خشف العرب]

يعني احسن من بيبلاك 2 ولدي عمره 10 شهور وماشي علي بيبلاك من شهرين بس وقبل كان سيملاك ادفانس اشرايكم احد جرب بيبلاك تو

 

[ام نوفي]

مشكوره يالغالية بس هل خفت الغازات عند ولدج الله يحفظه ؟

مرحبا حبيبتي بصراحه خفت شوي بس ماراحت للحين بس احسن من اول كان يبجي حييييل الحين لا بس في غازات بس مو مثل اول

 

[لازوردي]

حبيبتي ترا كل انواع الحليب و خصوصا اللي للمواليد اتسبب الغازات بس اهم شي بالحليب انه ما يسبب ترجيع وايد او اسهال او امساك للبيبي اذا شفتي هالاعراض على البيبي اهني غيري نوع الحليب و لا ترا كل انواع الحليب اللي للمواليد اتسبب الغازات بس انتي علشان اتريحين البيبي من الغازات عطيه قطرة اعشاب اهي مخصصه للبيبي اسمها غاز وايد زينه و تريح البيبي و هم عندج ماي الغريب وايد حلو لليبي و يريحه و عندج بعد رضاعات دكتور براون ممتازين اتخفف نسبة الغاز اللي بالحليب و اتريح البيبي ....

و اتمني اني اكون فدتج يالغاليه ​

 

[nonia]

مشكوره يالغاليه على الرد اتصدقين ولدي ما يشرب الا بمميات دكتور براونز ومو فارقه معاه من ولدته وانا اعطيه فيهم وامس بس شريت افنت بجربها وماي غريب يابولي تصوري من لندن وهم الغازات تذبحه وجربت بمبي جاز Bimbi Gas ما والمه مع انه مشى مع ولد اختي بس اعطيه دسفيلاتيل اشوفه جنه اوكي معاه بس المشكله ان لي الحين مو قادر يتعود على طعم الحليب اليديد وما يرضى ياخذ الحليبه كامله

 

[poneta]

انا انصحج في حليب نان وايد زين بنتي وايد خفت عليها الغازات وبعدبن اسم الله عليها صحتها زينه والله يخليلج وليدج قولي امين

 

[بنات حواء2]

و الله ودي افيدج بس ما ادري شقولج لأنه على حسب في ناس يمدحونه و في ناس عادي

 

[nonia]

مشكورين ما قصرتو والله يخليلكم عيالكم يارب .

 

[أم حيدر]

انا ولدي بعد مادرت على انواع الحليب وشفت البلاوي منها ، ثبت اخيرا على نان وايد مريح حق بطن الياهل وفعلا ما يخلي الياهل يعاني من الغازات توكلي على الله واستمري عليه.

 

[nonia]

مشكوره حبيبتي اتصدقين صج فيه غازات بس الياهل ما يعاني , يزاكم الله خير على الردود .

اتصدقون بنات انا اشتريه من الجمعيه ب1,800 دينار ولقيته عند التموين ب 0,730 فلس تصوروا الفرق !!!!

 

[ام سدونه]

انا بنتي الاولى كنت اعطيها ابتاميل كومفرت وايد حلو مو ابتاميل خالي لا ابتامييل كومفرت علبته برتقالي ويمتنالحين عمرها سنتين ونص طبعا قاطعتها من المميه تشرب نيدو اما بنتي الثانيه ام 5 شهور اعطيها نيقولاك بالعكس لا غازات ولا شي خفييييف بس شنو عيبه ما يمتن بس والله انا اهم شي انها مرتاحه عليه لا غازات ولا اسهال ولا شي بس اهم شي ولا المتن لاحقه عليه

 

[shosho81]

مشكورة

 

[shosho81]

مشكوووورة