هل الرجل الكويتي يغير الحفاظه ( البامبرز ) ..يرضع الطفل ..وينومه ...؟

[iLLuMinaTion]

السلام عليكم

اليوم ودنا نشوف ونقارن بين رياييلنا ورياييل الغرب

دايما نشوف بالافلام ان الريال يساعد الحرمه في تربيه الاطفال

- يغير الحفاظ

- ينومهم ويدبخهم

- يسويله الحليبه ويرضعه

- يدرسهم..ويوديهم مدارسهم

هني عندنا ..شرايكم يسوون هالشغلات



شكرا

 

[قفشـه]

رد : هل الرجل الكويتي يغير الحفاظه ( البامبرز ) ..يرضع الطفل ..وينومه ...؟

الصراحه شدني العنوان جرني غصب للموضوع ههههههههههه

بس منو يقول ان الرجل الغربي يغير الحفاظه؟

اذا اول مايدري انه خطيبته حامل يخليها وينحاش

للاسف الافلام ماتعكس الحياه الواقعيه

اهم حياتهم ادهى وامر منا وكلها تقوم عالفرديه..لاحياة اجتماعيه ولا استقرار

الريال له واجبات تختلف عن المرأه ومو من المفروض انه يغير الحفاظه عشان يكون كول ومتفتح!!

اساسا ولا بأي ثقافه او بمجتمع الريال يسوي هالشي

وبمجتمعنا تكفين مانبي الرياييل يغيرون الحفاظات نبي نشوف ام تغير الحفاظه :d

الحين كل شي تسويه الخدامه !

 

[نور كوليكشن]

يشرفني اكون اول وحده ترد عليج
انا زوجي مالج امل يسوي هالشي
ممكن يودي مدارس اذ شي طارئ بس انا عندي سايق
وغيرها لأ


بس اعرف حريم ازواجهم يسون هالأشياء الله يهنيهم ويتمم عليم

 

[روج كرزي]

انا للحين ماجاني شي بس اسأل زوجي كفضول قال ارضع البيبي بس البامبرز صمت دقيقتين بعدين قال مالج امل هههههه شرير ...

 

[عادت ذكرياتي]

امممم ئي يودون مدارس ويستقبلون عيالهم ويودعونهم ويشربونهم حليب ويسولفون معاهم بس شالفة البامبرز مثل ما قالت الاخت أهم شي الأم تقوم بهالشي مو الخدم لووووول
بس ترى معروف الريال بشكل عام بالنسبة مثلا للحليب وجذي فترة محدودة ودقايق ويمل من حمل الطفل وحنته .. أما المراه صدرها وسيع وتتحمل
هذا رايي

 

[مناير ...!]

رد : هل الرجل الكويتي يغير الحفاظه ( البامبرز ) ..يرضع الطفل ..وينومه ...؟

واحد بين عشره
ويسويها مره كل عشر سنين

 

[MiSs ^_^ DioR]

بصراحه مو حلوة وين قاعدين

 

[منوة القلب]

مستحيل يغير الحفاظه بعدين احسه مو حلوووووووه بحقه مهما كان

اما الشغلات الثانيه ممكن تصير ليش لا


موضوع حلو يسلمو

 

[جِراحُ الغَرام]

شوفي حبيبتي
غالبا الرجل الكويتي ما يسوي شي من اللي قلتيلكن الجيل الجديد تغير
اعطيج امثله
شفت واحد من معارفنا يغير حفاظ ولده
اعرف ثنين يدخلون اولادهم الحمام وانت بكرامه
ويسوون رضعات وينومونهم ويوصلونهم المدارس
ومره شفت واحد يغير حفاظة بنته
لنا بالنسبه لي اكره ماعلي اخلي ريال يجيس بنتي
مستحيل
زوجي كان يساعدني بترضيعهم وينومهم بس عند الحفاظه stop
مستحيل اولا لأنهم بنات ممنوع
ثانيا الفكره مو عاجبته يعني حتى لو ولد

 

[monmon12]

في فريج العييايز كل شي ييايز ههههههه

تصير ليش لأ

بس السالفه مثل بيض الصعو محد شافه


بس ودي اذا لقيته هالكويتي تصورينه وتسوله برودكاست ههههههههههههههههههههه

عشان الاثبات بس

 

[a7la MUM]

رد : هل الرجل الكويتي يغير الحفاظه ( البامبرز ) ..يرضع الطفل ..وينومه ...؟

حرام الجذب خيبه ماقصر وانا بالنفاس تغيير البامبرز ويسوي الحليب ويحط الكحول للسرة ويحط ميبو لتطهورته وليلحين يمسكه ويرضعه
ليش مو ابوه ولا بالاسم بس لازم يشارك الام بكل شي
اصلا غريزيا بيسوي هالشي لانه اهو يشوف ان ولده من لحمه ودمه حتى ساعات لما يطالعه يتنح عليه

مشكورة فديتج

 

[iLLuMinaTion]

رد: رد : هل الرجل الكويتي يغير الحفاظه ( البامبرز ) ..يرضع الطفل ..وينومه ...؟

واحد بين عشره
ويسويها مره كل عشر سنين

هههههههه

لا حبيبتي شوفي الردود..تعرفين ان لو خليت خربت

 

[Hello_kitty]

انه ريلي يساعدني حرام واهم شي عندي ان طويل بال عليهم وحنون معاهم ويدلع اكثر مني

بس البامبرز ولا مره مادري فشله اوماصار شي طاريء عشان استعين فيه

بس سؤال للبنات اللي قالوا مولايق على الريال هالشي ليش؟؟

عشان اهو ريال وبمقام عالي ورفيع واحنا حريم بموقع متدني ووضيع

لازم نتحمل النجاسات وقذراة الطفل واهو محشوم ومكرم ؟؟

مدام اهو ابوه وشايل اسمه وقطعه منه ما فيها شي اذا كان صبي وبالقرآن مذكور ربي كما ربياني صغيرا


يعني التربيه والمسؤليه والرعايه والعنايه مشتركه بين اللأم والأبو

 

[أغلى حبيبه]

رد : هل الرجل الكويتي يغير الحفاظه ( البامبرز ) ..يرضع الطفل ..وينومه ...؟

كل شي يسويه الا البامبرز لا

 

[_j'aime mon mari_]

رد : هل الرجل الكويتي يغير الحفاظه ( البامبرز ) ..يرضع الطفل ..وينومه ...؟

وبمجتمعنا تكفين مانبي الرياييل يغيرون الحفاظات نبي نشوف ام تغير الحفاظه :d

الحين كل شي تسويه الخدامه !

لوووووووووووووووووووووول اي والله يبتيها راايت

 

[ام شووووق]

رد : هل الرجل الكويتي يغير الحفاظه ( البامبرز ) ..يرضع الطفل ..وينومه ...؟

اذا يدري عنهم زين

 

[اشتياق]

اي في مو طول الوقت لا لمن تتعب الام او تكون بالمستشفى يغير الابو البامبرز

 

[حرم راشد الماجد]

ااااااااااااااااااخ حطيتي ايدج عالجرح


ريلي يداوم دوام كامل فيرد عالساعه 3 او اربع احيانا من ايي لي وقت النوم وبنتي عنده يوكلها ويشربها وينومها ويلعبها ويسولف معاها

اخليها معاه ( بدون خدامه لان ما عندي خدم ) واروح الصالون وهو يعرف يتفاهم معاها

بس الحين لما سافر بنتي مو راضيه تاكل ولا ترضع وبس تبجي وبس تسمع صوتها تتشقق

 

[لمسه حزن]

رد : هل الرجل الكويتي يغير الحفاظه ( البامبرز ) ..يرضع الطفل ..وينومه ...؟

حبيبتي

الرجل الكويتي تعلم

شي اسمه الاتكاليه او الاعتماد على الغير

من اهو صغير

فا شي طبيعي يطبق هالشي

وهو كبيير

لكن

مع غياب الوالده لاي ظروف

ينسى هالشي

ويغير البامبرز و يسوي الحليب

وياخذ العيال الطبيب

ويمكن يذاكر لهم بعد

ولاتقولون تبالغ

 

[q8tyah]

يمكن يساعدنى بكل هالشغلات اذا شافنى مضغوطه بس بامبرز

نوووووووووووووووووووووو