هلا والله ومبروك التجمع
أخيراً لقيت تجمع حق مدرسة ولدي
بنات انا فاتحة تجمع من قبل بس ما ادري وينه اختفى هذه المدرسة بالذات مالها حس هني في المنتدى
يالله أمهات نبي تفاعل نبي نفيد بعض
أنا ولدي الحين kg1 والحمدلله مرتاحين من المدرسة ،،نظامهم حلو بالنسبة للتدريس يعطونه قصة كل أسبوع وانا أقرأ له في البيت كل يوم
أتمنى يكون في واجبات بس للأسف مافي ،،، انشالله السنة الجاية في الريسبشن بيكون في
اللغة العربية عندهم حصتين بالاسبوع ،،، والابلة قالت لي ان بيعطونهم 6 حروف خلال هذه السنة حرف د ، ذ ، ر ، ز واثنين بعد بس مو ذاكرتهم بس قالت لي انهم اختارو هذه الحروف لان ما يتغير شكلها في أول الكلمة ونص الكلمة واخر الكلمة ،،، بس تعتبر المدرسة نوعاً ما ضعيفة بالعربي لان أساسها انجليزي
وعيبهم ان مافي قرآن في الروضة ،،، لما يدخلون ابتدائي انشالله
من ناحية تطور لغته الانجليزية انا احس انه عادي يمكن لانه ما درس في حضانة قبل ،،، والحين احنا لسة في نص السنة يمكن اخر السنة يبين عليه
رسومهم 1750
على ثلاث دفعات 200 حجز مقعد عند التسجيل
900 الكورس الاول
600 الكورس الثاني
وأي سؤوال أنا حاضرة
