صح يمكن الصراف على قولتج عن تجربه وزين
هم انا اقولج جي اند اي مارك عن تجربه وزين
واذا الصراف يبيع امريكي حتى هذا يبيع امريكي
بس المشكله اللي صايره انه احتكر السوق وهم احتكر اراء الناس
والناس ماتبي تفتر وتشوف
تبي عالجاهز
والله لو تروحين وتشوفين اللي عند جي اند اي مارك بتقولين نفس الصراف واحلى بعد
وهذا تشكيلته كلها يديده
واشياء تفتح النفس
انا ماقول ان الصرا مو زين
بس هم ما يمنع انها تروح تشوف
وهم تشوف السعر اللي يناسبها
اذا البضاعه نفس الصراف والسعر ارخص ليش ماتاخذ منه
يعني اذا الرول يبيعه ب٤٠ و ٤٥ و٥٠ شدعوه شصاير
ولا عشان بس اسمه الصراف صار عسل عالقلب
عموما براحتكم انا ان شاء الله بروحلهم وبحاول اقولهم يخلوني اصور جم ستايل من عندهم واييبلكم الصور وانتوا حكموا بنفسكم
وبالاخير اكيد كل واحد ورايه وذوقه
وثااانكس
*
