تجمع امهات البنات سكر نبات :)

[([عطر رومانسي])]

ها شلقيتي عندهم ؟

 

[سموره 87]

لقيت بدله سوده ناااااااااااااعمه حدها تصلح حق ملجة واستقبال بس امبيه ينيت عليها بس ماخذيتها

قاعده افكر بسيارة اقول مافي حفلة ملجه او ستقبال عشان اروح اخذها لوووووووووووول

 

[Almas_q8]

رد : تجمع امهات البنات سكر نبات

صباح الخير بنات

حابه انظم معاكم خخوووش تجمع صراحه حدي محتاجتلكم ما عندي خبره بالبنات وان شاءالله استفيد واتعلم منكم

انا عندي بنت وحده من بعد ثلاث اولاد وعمرها شهر ونص واسمها رباب على خالتي وادلعها روابي او رورو

صج عندي سؤال يقولون البنات غير بسرعه يحوشهم هوا ولازم على طول ادفييها عشان ما يخل هوا فيها ولازم ما اسبحها وايد

وانا بنتي جسمها حار تعرق وايد ما ادري انتوا صار معاكم جذيه

وبنتي امرض كله مني لاني طلعتها بالاربعين و وصار معاها الاتهاب بالشعب الهوايه واخذت كمام بس الحين احسن الحمدالله

عسى ربي يحفظ لكم عيالكم وخصوصا البنات فديييييييت البنات والله

 

[eva-deva]

good morning

 

[eva-deva]

كيفكم صبايا .. وجمعة مباركة يا رب

 

[eva-deva]

في قناة تطلع عندنا اسمها كوكينج .. هذا اسمهاا وايد فيها طبخات حلوة

(كوكيج شانيل) ..

انا سويت كوكيز مقاديرة مضبوطة وسهل حده ..

وسويت اكلة تشبه العجه .. بس فيها معكرونه الي على شكل عيش .. حدها لذيذه

.. هل اليومين بس قاعد اشووف هل القناة واتعلم طباااااااااخ

 

[love love]

ايفا سدحيلنا المقادير

انا اليوم سويت عرايس وحمص وشبس وعلى البلكوون لوووول يعني مطعم لبناني

 

[meen_ana]

اي ياريت تعطونا طريقه الكوكيز


ولا عليكم امر

 

[um_yoyo]

رد : تجمع امهات البنات سكر نبات

خخخخخخخخخخخ لا تضحكون كلنا بنات حوا ( ترقع )


بنات سويت ورق عنب يستاهل حلوجكم ( بالكويتي )


و الفاضيه قاعده اصبغ اظافري للبر لوووول


وين صاير مصور معرفي بروح اصور صوره جماعيه مع عيالي و ابوهم الله يحفظهم لي ؟

 

[meen_ana]

بالسالميه قريب على المطافي

 

[om-Jana]

اشلونكم بنات شخباركم

واشلون بناتكم سكر بنات

والله تنحبون

بنوتي (نونو) مريضه خشمها يصبصب وتكح ما تنام تكسر الخاطر

والبجر ابتدائي مادري الناس اتقول عطلو وناس اتقول ما في حس ولا خبر الحين اتهقون اغيبها الاحد

 

[eva-deva]

ايفا سدحيلنا المقادير

انا اليوم سويت عرايس وحمص وشبس وعلى البلكوون لوووول يعني مطعم لبناني

افاااااااا عليج حاضر من عيوني :eh_s(6):

نبدى بالمقادير .. وهاذي صورتهم لعيونج الحلوه ..



المقادير:

1 كوب زبده طريه (حرارة الغرفه )
4/3 كوب سكر
43 كوب سكر بني
بيضه
2/1 2 طحين
1 ملعقة صغيرة باكينج باورد
كاكاو الصغير حسب الرغبة

 

[eva-deva]

الطريقة:

- يشغل الفرن على حراره عالية 350 درجة
- تخلط المقادير3 الاولى الزبده مع السكر تخفق جيدا جيدا حتى يصبح الخليط خيف جدا مثل الكريمه
- يضاف للمزيج البيضه مع الخفق
- ينخل لطين ويضاف له الملح والباكينج باورد
- يضاف خليط البيض على الطحين مع التحريك جيدا بالملعقة الخشب
- يضاف بعد ذلك حبيبات الشوكولاته ويحرك المزيج
- توضع في صينيه عليها ورق زبده خاص بالفرن
- تاخد من المزيج كمية صغيره وتكور وتوضع في الصينيه وتضغط عليها لكي تساوا الاطراف يعن تكون تقريبا ميل ونصف ويجب ان تكون بيعيد ك حبه عن الثانيه
- تخبز فقطمن 8-10 دقائق فقط

 

[eva-deva]

النتيجة

 

[زينة الزين]

السلام عليكم يا أهل الدار

شلونكم؟؟؟؟
وشلون البنات الفتفوتات الحلوات؟؟؟

ياه ياه ياه
أش هالشي العدل يا إيفاديفا يا فنانة
مرسي خالص على الريسيبي بس أخاف أسوي الكوكيز وألفهم أكلهم وأنتفخ أزيد ما آنا متفوخة لوووووووووول

أم يويو زين تسوين بس آنا ناطرة أضعف على شان التصوير الجماعي ما أبي أحتفظ بذكريات المتن والتفاخ أهء أهء أهء
متى أيي اليوم اللي أصور فيه وآنا فخورة بجسمي وشكلي يااااااااااااااااي

وينكم ؟؟؟ تطالعون المباراة أكيد

يا رب يقولون منتخبنا يا رب وعسى الله ياخذ هالحكم اليهودي الظالم

 

[Snow-White]

مرحبا بنات شلونكم


ممكن انضم معاكم


عندي توأم بنات الله يحفظهم عمرهم سنة وعشر شهور تقريبا ودايما احب اشتريلهم وافنتك لهم واذا رحت السوق اخمخم لهم وانسي روحي

 

[زينة الزين]

هلا والله بسنو وايت

أي والله حياج الله أضمي لنا ودنا بشخصيات ديزني معانا بالتجمع يونسوننا خصوصا الحلوين منهم من أمثالج

حياج الله والعين أوسع لج من المكان يا الغالية

 

[Snow-White]

تسلمين زينه وان شالله نفيد ونستفيد منكم

 

[سموره 87]

قوة اشلونكم

بنتي امس مادري اشفيها من قامت من النوم واهيا ترجع عسى ماكلت شي رجعته ووديتها الطبيب وعطوها ادويه والحمدالله بس اليوم تكرمون حايشها اسهال وماتبي تاكل اذا عطيتها اكل قطته بس تبي حليب شكلي بوديها الطبيب بعد شوي

 

[نور83]

هلا خواتي امهات البنات الحلوات الامورات انا متابعتكم من ايام تجمع حوامل ستمبر واحب اسلم عليكم عطورة والزين وايفا وحنين و استرليا
ويسامحوني اللي نسيت اساميهم بس احبكم كلكم
واحس انكم مثل خواتي وايد استانس على سوالفكم وفرحت وايد لما عطورة فجت هالتجمع لان انا ولدت ويبت بنت الحين سمله عليها حبيتي لولو عمرها ثلاث شهور العمر كله لها ولعيالكم يارب
فأتمنى تقبلوني معاكم بهالتجمع