نصيحة...

[+بسبوسة+]

سؤال واحد محيرني..

ليش يبدى الموضوع صح...وينتهي غلط؟؟


ليش تطرح وحدة موضوع...

ويكون الرد...

اتوقع انتي شيعية...انتي من ربع سكوب!!

شنو اصلج!!

ونبحث في أصول النواب!

والوزراء!


وسكرتارية الوزراء!

حتى أصول القوات الخاصة تناقشنا فيها!!

متى كان اساس الحوار...(ماهو أصلك؟)


والقلاف....رغم انه نائب شيعي وأنا سنيه

رغم اني اعارضه في أغلب مايقول أن لم يكن كل مايقول!

إلا انه يبقى رمز لشريحة كبيرة من الناس (الشيعة)

لانهين عمامته حتى لانجرحهم بسيد من سادتهم فهم

جيراننا وزملائنا!

وان كان بعضهم يعارضه لنحترم من يحترمه!!



وحتى النائب الاخر


لا انتقصه لانه عجمي او مطيري او هاجري او عيمي!!



يزعجني جدا اسلوب الهجوم على الرأي الاخر

بالسب!

والشتم!

والتعرض للأصل!


وفلان مرتشي...وفلانه سارقه...اما فلان فهو سكير!!


وألفاظ لاتقال إلا بين الاطفال...رجاءا العالم كله يشوف كلامنا حاولوا ترتقون بالاسلوب

اما المبدأ فكل وحدة ولها مبدأها...

وهذا بعض مما قرأت...

سمعت من جيرانها يقولن انها رقله

سبب استقالة القلاف

جايلة عرض مغري من السيرك الروسي لانة احسن واحد يلعب قلابي

فانا لا اريد ان استبدل 22 اسد ب 22 نعامة

ياسميناا وبسبوسه يذكروني بسكوب والسور قاعدين حق الشماته والفتن

القناه هذي وصاحبتها حقيره ومهمتهم تفريق الشعب

أعمت عيونه الدنانير ...ولا هو وين والدين وين ...متمسك بقشور الدين ...

وبالاخير...

الحوار...فن وأسلوب وأدب​

 

[monmon12]

والله حبيتي

سبب هذا النوع من الردود لأنه ما في أدب أو رقي بالحوار

كثير يعتبرون الوقاحه رأي وتعبير عما في النفس

للأسف أيضا الناس الي جذي ما تعرف تناقش وتتحاور فستخدم أسلوب هذا

في النهاية يضيع النقاش ويضيع الحق وتلهى الناس بالسب ويضيع محود الحديث

 

[+بسبوسة+]

والله حبيتي

سبب هذا النوع من الردود لأنه ما في أدب أو رقي بالحوار

كثير يعتبرون الوقاحه رأي وتعبير عما في النفس

للأسف أيضا الناس الي جذي ما تعرف تناقش وتتحاور فستخدم أسلوب هذا

في النهاية يضيع النقاش ويضيع الحق وتلهى الناس بالسب ويضيع محود الحديث
اليوم 08:33 pm

أكبر مشكلة لما يضيع محور الحديث

 

[أم حوور]

صاجه حبيبتي



المفروض الرقي بالردود




بس وين اللي يطبق هالشي

 

[ترتر زري]

شتقولين بعد عقول ناقصه ... ويمكن النواب عادوهم قاموا لا يحترمون ولا يحشمون

وإلي رايه يخالف رايهم يقعدون يغلطون عليه وكل راي يمثل صاحبه ويعكس ثقافته وتربيته

بس أهم شي مايصح إلا الصحيح

 

[om yousefany]

ماتشوفون ان كل واحد اذا حب يبدي راية مد السانه والله شر البلية مايظحك قاموا مايعبرون بطولة اللسان صار بالايادي تدرون مرات اقرا الردود اقول الحمدالله احنا مو يم بعض جان كلينا بعض من الطق اختي انا معاج وايد موضوعج حلو واللي صار صار بعدين انا بقول شي حسيت انه في مواضيع مو بنات كاتبينها لا رياييل والادهى من ذلك انهم يشتغلون لحساب اعضاء الله يستر على هالبلد

 

[أم حوور]

صراخ ولعلعه بالصوت


وحرق اعصاب


ويقل الاحترام بين الكل


وشنو الاستفاده

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[monmon12]

الاستفاده انه شوفو أنا عندي عضلات أقوى منكم

كل واحد يبي يدوس على الثاني عشان يصعد فوق راسه

مشكله انه الناس تتنافس بهذه الطريقة

 

[ملواكي]

اتصدقين طول عمري ما حسيت باي فرق او تفرقه بين جميع شرائح مجتمعنا بالعكس متعايشين مع بعض ونحترم بعض سواء جيره او صداقه او زماله حتي نسب صار بينا .. او عمري ما تخيلت ان في فئه تكره الثانيه او طائفه تعادي الطائفه الثانيه .
لكم دينكم ولي ديني ..


بس الي شفته بالمنتدي عقب الازمه الاخيره الي صارت بكويتنا الحبيبه انصدمت صدمة حياتي .. شفت شي وعرفت اشياااااااء اذبحتني الف مره تدرون ليش لاني عمري ما تخيلت ان اصير بينا احنا الكويتيين هالتفرقه .

في فئه للاسف وصاروا معروفين بالمنتدي ما عندهم اسلوب بالحوار وكل شي ياخذونه ويحولونه الي عنصريه.
يغلطون وما يحترمون الراي الاخر ويتكلمون بطريقه انهم بس الكويتيين والباجي ولا شي ..

ما اقول الا الله يهديهم ويحفظ لنا ديرتنا بظل شيخنا الله يحفظه

ومشكوره عالموضوع

 

[dnyay_mll]

رد : نصيحة...

الله يعيـن

يحسبـون اهم الكـويتيين بـس

واهم اللي يتكلمـون واحنـا علينـا التزام الصمـت

لابنـات نصيـحه

كلنـا كويتييــــــات

وجنســـيه اولـــى وبالتـأسيـــس بعـد

محد يقدر يسكـت الثانـي ولا احد يقدر يفرد عضلاتـه هنـي

اسلـوب النـواب هذا ماينفـع

احنـا بنـات موحدنـا منتدى واحد تحت مسمـى كويتــيات

يعنـي مفتـوح للكـل

واتمنـى من الجميـع الارتقـاء بالاسلـوب شـوي

وتقـبل الرأي الثانـي برحـابة صدر

ترى فـي فئـه تتصيـد علينـا وانتـو اعلـم

وعيـب نشـوه صورة المنتدى .. طـول عمره منتدانـا صورتـه مشـرفه فـي عالم الانترنـت ..

وشكـرا على موضوعـج المهم

 

[ice_cream]

مشكله يا نكون وياهم ونقبل باراءهم يا احنا خونه ومو شرفاء وسونا عراقيين

مثل ماتبون الناس تحترم اراءكم احترمو اراءنا

هذا راينا وقناعاتنا

مو مضطرين نغير قناعاتنا عشانكم

 

[قطــرات مطــر]

رد : نصيحة...

عمري ماطالعت النائب على اساس مذهبه او قبيلته!

انا ضد السيد لتوجهاته وتقده ونحترم كل سيد معمم !

رفيجاتي شيعه وماارضى عليهم

وفي نواب نفس القبيله مثل خالد الطاحوس معاه بشغلات وضده باسلوبه ساعات

مثل كلمته لسلوى الجسار بغض النظر ان سلوى ماتعجبني بس لازم يكون ادب بالحوار مهما كان الشخص الي جدامك

مع ذلك صوتي مو لولد قبيلتي بغض النظر الدائرة بس الي عطيته صوتي على قناعاتي فيه

بالعكس حنا مع كل كويتي وطني يطالب من غير مايجرح بغض النظر شنو مذهبه او قبيلته!


بالنهايه كلنا كويتين

والله يهدي البنات

مشكورة

 

[قفشـه]

رد : نصيحة...

ياااااااااي من وين هالحكمه

تصدقين لو انا مو قاريه ردودج وعارفه طريقة نقاشج جان قلت صمله صمله عليكي

 

[يـاسمينا]

رد : نصيحة...

حبيبتي اذا انتي ضدهم بالراي يسوونج طائفيه وقبليه وغيرا وغيرا
ويشبهونج بتشبيهاتهم الاستهزائيه
مع الاسف هالاسلوب اسلوب ناس جاهله جهل تااام
صدقيني هذيل مكمكمينهم بالواقع فـ تشوفينهم بالمنتدى يثيرون الفتن ويطلعون عضلاتهم

الزبده اللي يبونا لاااازم توافقينهم الراي عشان يحطونج على راسهم ,
موفقه ..

 

[+بسبوسة+]

رد: رد : نصيحة...

ياااااااااي من وين هالحكمه

تصدقين لو انا مو قاريه ردودج وعارفه طريقة نقاشج جان قلت صمله صمله عليكي

عندي رد واحد بس اسلوبي فيه خارج عن الادب!

يمكن رد واحد بس كتبته واعترف اني غلطت يوم قلت لعضوة نسيت اسمها
اخاف راح يقدمون الاستقالة لج!!
عقب ماقالت راح ارفض الاستقالة..........

وان كانت لي ردود سيئة اتمنى تحطينها هني
وتنبهيني على الحطأ واتقبل بكل احترام...

اشكرك لو ساعدتيني عشان احسن من ردودي القادمة وفي انتظار ردودي السابقة!

 

[+بسبوسة+]

الله يحفظ لنا شيوخنا يارب

ويطول بعمر ابونا الشيخ صباح وترد ديرتنا مثل اول

 

[أم حوور]

مستحيل يدشون موضوع



وما يتناجرون


بصراااحه ما دري لوين بيوصلون بنجرتهم ..


وبصرااحه المنتديات انوجدت للافاده والاستفاده من المواضيع والحوار والنقاش والجدل


وليس ساحه معركه ...


ما اقول الا الله يهدي

 

[أم حوور]

الله يحفظ لنا شيوخنا يارب

ويطول بعمر ابونا الشيخ صباح وترد ديرتنا مثل اول

انا معااااااج


اقوووووووووووووووووول


آآآآآآآآآآآآآآآآمين



والله يحفظ الكويت وحكومه الكويت وشعب الكويت

 

[::كيك وعسل::]

رد : نصيحة...

السلام عليكم
اختي بسبوسه بصراحه بهالموضوع كبرتي بعيني
مو عيب نغلط بس العيب نستمر بالغلط
وصاجه والله ياليت نرتقي بالحوار وكلنا ندور مصلحة الكويت
ونفكر بالمستقبل حق عيالنا

 

[lovely jojo]

معااج حق ...