منو تعرف احد درس ماجستير في بريطانيا ؟؟؟

[سنابل]

السلام عليكم

الموضوع مبين من عنوانه ..

و بالتحديد .. اللي درس على حساب الهيئة العامة للتعليم التطبيقي

اللي تعرف بليز لا تنطش

و مشكوووورين مقدمًا

 

[أمـ طلال ــ]

بنت خالي درست هناك ماجستير ..
بس على حساب الجامعه ..

 

[سنابل]

اول مرة ادري ان الجامعة بس تبعث حق ماجستير ، خبري لازم ماجستير و دكتوراه !!

انزين جيكي الخاص اختي

و مشكورة عالرد

 

[كعيب الضبي]

شنو طريقه الدراسه في بريطانيا لازم حضور

 

[سنابل]

يعتمد ، اذا اونلاين لا مو لازم ، و مادري اذا في انتساب و لا لا ، بس حسب علمي لازم حضور

 

[كعيب الضبي]

سنابل هل في جامعات معترفه تقدم اون لاين ولا لا

 

[سنابل]

و الله مادري عن الجامعات اللي اونلاين

 

[camilia]

ياعسل لاني انا بعد ودي اكمل ماجستير لامريكا بس الكل مطنشني عالعموم دشي هالسايت يارب ينفعج
http://www.saudistudents.org/vb/showthread.php?t=31316

 

[سنابل]

بعد قلبي ما تقصرين ، أنا مسجلة هناك و سألتهم ، بس أحس مو كافي ..

الله ييسر لج و يكتب لج الخير وين ما كان و يرضيج فيه

موفقة ان شاء الله ، و طمنينا عليج

تصدقين !!! صج ان السعوديين اعدادهم برى أضعاف مضاعفة من أعداد الكويتيين ، بس هم الكويتيين وايد ، بس لي بغيناهم ما نحصلهم!!

 

[camilia]

والله انج قلتيها .. احس السعوديين مشالله عليهم شايلين بعض حتن عندهم اكثر من موقع للطلبة وكل واحد يساعد الثاني اما الاخوة اهني تلاقين الخبر الحصري عندهم بس ( حفل عشاء..رحلة ترفيهية )وغيره من الاشياء الي ماتفيد الطالب اكاديميا..عالعموم انا قبل اسبوعين جذي شفت اعلان للتطبيقي يبون معيدين..وحاطين التخصصات اللي يبونها قريتي الاعلان ولا لا؟

 

[al3ajmia]

كامليا حبيبتي الي يكونون معيدين في التطبيقي لام يكون عندهم ماجستير ؟؟

 

[سنابل]

كاميليا ..

تعلميني بالسعوديين ؟؟

ماشاءالله عليهم يبردون الجبد ، و منتدياتهم الطلابية حدها حدها مفيدة ماشاءالله

خلف الله على طلبتنا

هذا الاعلان اللي تقصدينه ؟؟؟

http://www.paaet.edu.kw/scholarship-07.htm

بس طافت مدته ، و اشوى تخصصي مو منهم ، في اعلان قبله كان بشهر اظن 7 كانوا يبون تخصصات اكثر من جذي حق البعثات مو التوظيف

و هالاعلان نفس الشي ، بعثات مو توظيف

 

[camilia]

كامليا حبيبتي الي يكونون معيدين في التطبيقي لام يكون عندهم ماجستير ؟؟

المعيد اهو اللي يايب نسبة عالية ويشتغل بالهيئة التدريسية وبنفس الوقت يكمل للماستر والدكتوراه..يعني انتي عندج بكالريوس..فتصيرين معيدة بالهيئة التدريسية بس بشرط تكونين خلال هالفترة تحضرين للماستر والدكتوراه لما يسمونج دكتورة فلانه :eh_s(6):

 

[camilia]

سنابل عمري انا قريت هالاعلان بالجريدة قبل شهر تقريبا .. اما اعلان شهر 7 مادري عنه.. بس اتوقع هذي تخصصاتهم الموجوده..انا مثلج تخصصي مو موجود..انتي شنوتبين بالضبط؟ تبين هيئه ترسلج بعثه تكملين ماستر ؟ لان انا بكمل وفلست من ناحية التطبيقي لان مافيها تخصصي .. باقي جامعتنا المصونه..والتعليم العالي .عاد مادري اذا التعليم العالي يدز ماستر ولا لا..خبري انا بكاليوس

 

[سنابل]

الاعلان اظنه شهر 6 مو 7 و كان في تخصصات اكثر من اللي الحين

اذا فلستي من التطبيقي ، عندج الجامعة بس توصلين لي الدكتوراه مو بس الماستر

و التعليم العالي لازم جهة العمل اهي اللي تبعثج ، ما تودي مني و الطريج ، مو نفس السعودية ، اي احد يقدر يقدم

و آخر حل .. تروحين على حسابج و اذا يبتي معدل زين تقدرين تحولين عالتعليم العالي و اهم يتكفلون بالمصاريف

 

[miss_lawyer]

السلام عليكم
حبايبي تعرفون احد في الكويت يطلع قبول اكاديمي من احدى الجامعات البريطانيه لأني محتاجه قبول وماني قادره افهم اشلون اطلع بالانترنت بليز اذا تعرفون مكتب او سفريات فيدوني ومشكورين

 

[سنابل]

وعليكم السلام ورحمة الله و بركاته ،،،

اتوقع البرتش كاونسل يطلع ماني متأكدة ، دقي سأليهم

هذي ارقامهم

2515512
2533204
2533227,
2561894
2520067/8

و رديلنا خبر

 

[miss_lawyer]

مايطلعون بس عندهم من الساعه 8 تالى 10 ندوه عن الدراسه في بريطانيا ويعلمونج اشلون اطلعين قبول بس اهم مايراكظون
واي سؤال عن الدراسه تروحيلهم من الساعه 8 بعد الافطار هناك في دكتور يعلمج كل شي واي استفسار عن جامعه او شي يفيديج

 

[كعيب الضبي]

ياليت فيه احد يطلع قبول
بنات مافيه جامعه الدراسه فيها بس بالصيف

 

[سنابل]

خوووووووش و الله

انا سمعت ان عندهم لقاءات بس مادري شسالفتها !!

يزاج الله خير يا مس لوير

كعيب الضبي .. المسألة مو صعبة

شوفي الجامعة اللي تبينها و عبي الأبلكيشن اونلاين و دزي لهم بعض الاوراق اللي يحتاجونها و يردون عليج خلال شهر او شهرين على حسب

و جامعة بالصيف صراحة مادري

في اونلاين ، اذكر كنت اشوف جامعة liverpool عندها ماستر اونلاين

مشكورين عالمرور