امهات الاطفال المشاغبين عطوني حل مع بنتي

[ZajiL]

تم تعديل عنوان الموضوع بواسطة
مشرفة القسم

والتجمعات تخص فئة العمر مو التصرفات والافعال وشكرا

 

[نكهةالبرتقال]

أب لعيونك

 

[منجامور]

تم تعديل عنوان الموضوع بواسطة
مشرفة القسم

والتجمعات تخص فئة العمر مو التصرفات والافعال وشكرا

اها والله مادريت

يسلموا :eh_s(2):

كنت حابة اسولف ويا الناااااااااااااااس:lkmnkl:

يعطيج العافية




نكهة البرتقال يسلموا على الرفع

 

[حساسه]

حبيبتي معروف مثل قديم

الطفل اول سنه اسيرك ماله حول ولا قوه
وثاني سنه طريدك بس تطاردين فيه هههه
وثالث سنه يجيب لك النحاس خخخ << حرفت ابو المثل ناسيته بس سمعته من حرمه كبيره

فعلا العيب مو فيهم فينا احنا اللي مانتحمل
خذيها انها فتره وتعدي والشيء اللي ينرفزك لاتقولين لها لا تمسكين بدال ماتمنعينها وجهيها قوليلها روحي جيبي لي صحن مثلا اي شيء تافه
ولما تجيبه قوليلها شكرا بنتي الشاطره تسمع كلام امها انزلي لمستواها

ولد جارتنا كان شيطان السنه الثنايه والثالثه طبيعي يكونون حركيين واللي مو طبيعي تكون هاديه ومقابله التلفزيون والله مو صحي

 

[منجامور]

حساسة

كلامك عين العقل

نبهتيني الى نقطة اني اغير مسار تفكيرها بالشي اللي تسويه

ان شاء الله ينفع

نورتي ياقمر

 

[MiSs Roma]

حبيبتي أولا الله يخليلج بنتج يا رب و يحفظها​

و ثانيا : الامور الي تسويها بنتج هذه طبيعية على سنها وايد اطفال جذي​

بالنسبة لطريقة التعامل :​

الفكرة بالتعود و الاصرار يعني شنو ؟​

لازم من البداية تعلمينها هالامر صح و هالامر غلط و ما تغيرين رايج نهائيا​

يعني تقعد تلعب بأغراض المطبخ ممنوع << و يظل ممنوع مو تطوفين لها مرة ​

اذا سوت أي شي انتي ما تحبينه أو مزعج​

مسكيها و طالعيها بنظرة جدية و بنبرة جدية ​

ماما هالامر غلط و طالعيها بنظرة قوية و هدديها و طبعا التهديد عندج أكثر من طريقة​

و انتي اختاري الي يناسب بنتج ​

(1) عن طريق التحفيز : ( ايجابيا )​

يعني تقوليلها اذا ما صرتي شيطانة راح اعطيج هدية أو اوديج ألعاب و لازم تكونين صادقة​

لان اذا جذبتي البنت ما بتصدقج مرة ثانية حتى لو وديتيها بعد فترة ​

أو حطي أمور اهي تحبها فوق الكبت بالغرفة و وريها قوليلها شوفي اذا صرتي هادية​

هذا الي فوق راح اعطيج اياه ​

و كتبت ايجابيا لان قاعدة تبعدين الفعل الغير محبب بأمر محفز ايجابي لها ​

(2) عن طريق التهديد : ( سلبيا )​

يعني تقوليلها اذا سويت كذا راح امنع عنج كذا مثلا لعبة تحبها أو اهي متعودة على أمر​

كل يوم تسويه منعيه عنها اذا سوته و لازم يكون بجدية من أول مرة عشان تصدق​

و كتبت سلبيا لان قاعدة تبعدين الفعل الغير محبب عن طريق المنع و هو أمر سلبي لها​

يعني أمر الطفل ما يحبه ​

(3) عن طريق لعبة ​

يبي ورقة و رسمي جدول و قسميه على الايام وخليها تختار بنفسها ستكرز عشان تلصقه​

بالجدول و علقيه بالغرفة و قوليلها شوفي هذا جدول اذا صرتي شاطرة نحط لج ستكرز​

على الشكل الي اختارته و اذا ما صارت شاطرة تحطيت اكس باللون الاسود​

و قوليلها اذا صار وايد عندج ستكرز اوديج ألعاب و اذا صار اكس راح اعاقبج ​

اتمنى هالطرق تفيدج انا مجربتها على وايد يهال ينفعون​

و اذا ما فهمتي شي قوليلي :eh_s(7):​

-------​

 

[منجامور]

حلو كلامج حبيبتي

بس ينفع الى الاطفال اللي اكبر من سن بنتي


يعني بنتي للحين ماتعرف تتكلم عدل

ولا تهتم الى العابها اخر اهتماماتها ماعندها شي مفضل