قوتشي بالفنار ،، ليش مصكر صارله مده طويلة !!؟؟

[( المـلاك )]

قوة بنات ،،

توه واصلني ايميل ، بس عجبني ، لانه الكلام المكتوب كان ودي اني اقوله ،،




ماعندكم خبر ليش قوتشي اللي بالفنار مصكر صارله مده ؟؟


اعتقد كلنا ندري انه اكثر محل تصكر اهو قوتشي بالفنار و كل يوم والثاني مصكرينه
و مرة اعلان وزارة التجاره
و مرة اعلان البلدية
و مرة بالشمع الاحمر
و مرة صكر يوم
و مرة اسبوع
و مرة ثلاث ايام
باختصار الكل كش من هالماركة ومحد راضي يشتريها من الكويت
لانه لو بنقول اشااااعه ، عفيه اشاعه مليون مرة يتصكر هالمحل شدعوه !

المهم كلنا نسمع عن هالماركة تقليد و هالماركة تقليد
ماشالله عليهم عيال الديره ماخلوا شي ما صار تقليد
بس والله كلهم اصليه و انا لما اشتريهم من بره واشوفهم هني
ماكو فرق و نفس المتيريال و الجوده وكل شي
بس قوتشي اللي موضوعه محير صراحه و ينخاف منه !!

كل يوم والثاني مصكرينه
وكل جم شهر قالوا تقليد

واخر خبر سمعته عنه قبل جم شهر
رفيجتي تعرف ناس بالجمارك قالوا موقفين شحنه من شحنات قوتشي و طلعت تقليد و بيصكرون المحل اسبوع
وصج عقبها صكروا المحل اسبوع يعني كلامهم صج !


المهم
انا عن نفسي
ما اصدق اي شي يقولونه الناس
و عندي ثقة كبيرة انه اغلب كلامهم اشاعه

بس هذا المحل الوحيد اللي انا مصدقه انه تقليد



وانا قبل اسبوع رحت الفنار شفته مصكر !
استغربت كل المحلات مبطله الا اهو
و صدف انه عقب يومين هم رحت الفنار مرة ثانيه ، و شفته مصكر !

و رفيجتي راحت قبل جم يوم تقولي ماتدرين شسالفه قوتشي ليش مصكر ؟

عاد اليوم كنت اسولف عن هالموضوع مع وحده من اهلي ،
فقالتلي انه قوتشي اللي بالفنار خلاص صكروه ولا راح يتبطل
و سالفه انه تقليد طلعت صح 10000 %

و قالتلي شي صراحه دش عقلي
انه البوتيك اللي بـ 360 فرق فرق فرررررق عن اللي بالفنار تحسين صج اصلي
صراحه صاجه محد ينكر هالشي !

و انه اللي بـ 360 اهو الاصلي
فاللي صار انه الوكيل اللي بـ 360 رافع قضيه على اللي بالفنار لانه تقليد
عشان جذي اللي الفنار تصكر خلاص و عليه قضايا .
وتقول انه مصكر صارله شهوووور


واخر خبر قبل لا يتصكر اللي بالفنار ،
وحده راحت تعطيهم جنطتها بيضه جلد عشان ينظفونها ما قبلوا
و يوم راحت اللي بـ360 قالولها الفنار تقليد بس احنا مو متأكدين من جنطتج
عطينا ياها نطرشها بره اذا اصليه ينظفونها لج ونردها واذا تقليد تعالي ولج تعويض مادي .


يعني اللي قلته لكم فوق كله
يمكن كلكم سامعينه
او سمعتوا نصه او ثلاث ارباعه حتى
و هذا القيل والقال كله اللي نسمعه دايما
و اللي صار كله

شنو معنااااته ؟؟




شرايكم بنات بهالكلام ؟؟
و منو عندها الخبر اليقين ؟
انا عن نفسي اوافقها بكل حرف !
شاركونا بهالموضوع ،،

 

[Om_Ksha]

من زين قوتشي عاد ..

 

[شمس 20]

ماحبها هالماركه
اكثر ماركه تنباع عند الهنود

 

[omali_store83]

رد : قوتشي بالفنار ،، ليش مصكر صارله مده طويلة !!؟؟

انا اللي سمعته ان قوتشي الفنار مصكر عشان التجديدات بس صج طول
ولو انهم شايلين من الفنار جان علامتهم مو للحين موجودة ​

 

[العبيدان tenuta]

رد : قوتشي بالفنار ،، ليش مصكر صارله مده طويلة !!؟؟

شوفي انا حالفه اليمين والستين ان مااشتري من قوشتي الكويت والسبه موقف صار لي معاهم قدددددديم اول مافتح كرهته مااحبه ان مره شريت منه شنطه وكانت مبلغ وقدره مع بوك الشنطه
ثاني يوم بالضبط الحقير سوي تنزيلات وقام يبيع البضاعه بنص القيمه العاده المحلات تقول تري باجر خصم تعطي خبر هذولا اخمروا انزين مااختلفنا نقول فرص والدنيا فرص وحظوظ
لكنه الحقير نص الزباين يرجع لهم فلوسهم ومنهم صديقاتي معاي تخيلوا اطلعت من الدوام وعطاها فلوسها وانا رحت المسا رفض ولا وجذب بعد والله دعيت عليه دعوه انشالله الله لالالالالالا يوفقه ويفضحه ولا يبارك له بفلوسه والحمدالله ربي بعد عيني ماقصر كاهو من فضيحه لي فضيحه وهذه مو اول مره
ويعله من هالحال واردي :nocommin​

t:

 

[النشبه88]

اي حتى لو رد انفتح .. سمعته صارت مو شي ...

 

[اللعبه]

قوتشي من احلى الماركات عندي ولا مره سووا تنزيلات على موديل اللي اشتريهم


وصاحبة الموضوع كاتبته كانها تبي توخر الشبهة عنه.......

كنت من يومين عند اللي في 360 مساكين مو مصدقين احد داخل عليهم

 

[( المـلاك )]

رد : قوتشي بالفنار ،، ليش مصكر صارله مده طويلة !!؟؟

بنات شوفوا طحتلكم على شي يأكد
انه اللي بالفنار تقليد
وانه اللي بـ 360 اهو الاصلي

لاني انا سمعت من زمان انه كل واحد صاحبه غير ، مو كلهم تبع شخص واحد .

دشوا موقع قوتشي الرسمي
http://www.gucci.com

وعقبها اختاروا من القائمة اللي تحت
our stores
عشان تعرفون وين الاماكن والبوتيكات الموجوده حول العالم ، الاصليه المضمونه اللي لها وكيل معتمد من هالماركة

عقبها عالقائمة اللي عاليسار
اختاروا اول اختيار
africa and middle east
واختاروا
kuwait

عقبها يطلعلكم البوتيكات الموجوده بالكويت

مااكو الا 360 مول بس @@

دشوا و شوفوا

و هذي صورة الموقع

 

[( المـلاك )]

رد : رد: قوتشي بالفنار ،، ليش مصكر صارله مده طويلة !!؟؟

من زين قوتشي عاد ..

بالعكس
والله شحلاتها هالماركة احبها

ماحبها هالماركه
اكثر ماركه تنباع عند الهنود

صاجه
التقليد متروس كل مكان
و الشرهه على الناس اللي تلبس التقليد المزيف و مقومه سوقه
بس انا دايما لما اخذ شي ماركة يكون ليميتيد اديشن او ون اديشن و شي مميز ما يكون منه تقليد وايد
واذا كان منه تقليد باين حيل . وترى الموجودين تقليد اشكالهم محدوده ومعينه ومعروفه .

انا اللي سمعته ان قوتشي الفنار مصكر عشان التجديدات بس صج طول
ولو انهم شايلين من الفنار جان علامتهم مو للحين موجودة ​

أي تجديدات من صجج ؟!
يقصون علينا

دام تجديدات
عيل ليش مو مكتوب بالموقع الرسمي للماركة انه عندنا فرع بالفنار ؟
يعني احنا ادرى من الشركة نفسها

وبعدين حتى لو ردوا بطلوه منو بيصدقهم ؟
جم مرة ومرة تصكر ؟
سمعته صارت بالقاع خلاص .

شوفي انا حالفه اليمين والستين ان مااشتري من قوشتي الكويت والسبه موقف صار لي معاهم قدددددديم اول مافتح كرهته مااحبه ان مره شريت منه شنطه وكانت مبلغ وقدره مع بوك الشنطه
ثاني يوم بالضبط الحقير سوي تنزيلات وقام يبيع البضاعه بنص القيمه العاده المحلات تقول تري باجر خصم تعطي خبر هذولا اخمروا انزين مااختلفنا نقول فرص والدنيا فرص وحظوظ
لكنه الحقير نص الزباين يرجع لهم فلوسهم ومنهم صديقاتي معاي تخيلوا اطلعت من الدوام وعطاها فلوسها وانا رحت المسا رفض ولا وجذب بعد والله دعيت عليه دعوه انشالله الله لالالالالالا يوفقه ويفضحه ولا يبارك له بفلوسه والحمدالله ربي بعد عيني ماقصر كاهو من فضيحه لي فضيحه وهذه مو اول مره
ويعله من هالحال واردي :nocommin​

t:

لا تعليق !
كل يوم نسمع مصيبه يديده عن هالفرع !!

قوتشي من احلى الماركات عندي ولا مره سووا تنزيلات على موديل اللي اشتريهم


وصاحبة الموضوع كاتبته كانها تبي توخر الشبهة عنه.......

كنت من يومين عند اللي في 360 مساكين مو مصدقين احد داخل عليهم

حلوة هالماركة صاجه ،

بالعكس ما اشوفهها توخر الشبهه
اهي متهمته عدل و حاطه ادله
و اللي ب360 انا اوافقها الراي انه اهو الاصلي واهو الثقه
ويوم شفت الموقع الرسمي للماركة حاطه افرع الكويت بس 360 خلاص بعد
قطع الشك باليقين





وحياكم حبايبي ، نورتوا

 

[اللعبه]

اكيد ما راح ينزلون محل الفنار لانه مسكر .............سالت اللي في 360 قالت : اهني من ايطاليا على طول يعني ما في وكيل وان اللي في الفنار مسكر

 

[مطيريه ماركه]

رد : قوتشي بالفنار ،، ليش مصكر صارله مده طويلة !!؟؟


مآتعجبني بس آنآ لمآ شفت قوتشي 360 حسيت آن فرق وغير عن آلفنآر

مبين آلفنآر تقليد من آلديكورآت

 

[ORKDI]

رد : قوتشي بالفنار ،، ليش مصكر صارله مده طويلة !!؟؟

يقول تقليد يعني من الحين اذا تبين جنطه ماركه وتعرفين احد راح يسافر برا طرشي

 

[نــوره]

مشكووره اختي ع التنبيه ..

 

[Q8 New Style]

مشكورة

 

[memories*]

upupupupupupupupup

 

["خانتني دموعي"]

رد : قوتشي بالفنار ،، ليش مصكر صارله مده طويلة !!؟؟

يعطيييييييييييييييييييج العااااااافيه
مشكووووووووره

 

[DA3LOoOLA]

رد : قوتشي بالفنار ،، ليش مصكر صارله مده طويلة !!؟؟

اي والله واخاف بس يت على قوتشي حتى ال lv بعد بخاطري وحده بس حالفه ماخذ من هني واخرتها تطلع تقليد وتروح على فلوسي اخذها من برا اضمن واحسن ومادري ليش هالغش صج جشع تجاار

 

[جوري الكويت]

رد : قوتشي بالفنار ،، ليش مصكر صارله مده طويلة !!؟؟

يقولون تقليد بس

و كذا مره يسكرونه

و بعد في محل ثاني ب 360 مره شفت البلديه مسكرينه

محل كالفن كلاين اللي في السرداب

هم شكله يبيع تقليد

يعني مو كل محلات 360 اصليه

 

[همامة]

احم احم

للعلم
قوتشي اللي بالفنار موزع مو وكيل فمو كل البضاعة اصلية في شي اصلي و اشياااااااااااااااء تقليد

اللي بالمنطقة الحرة في بوتيك قوتشي بس الاصلي و مثل ما قلت قبل شوي مو وكيله
اما اللي بمول 360 فهو الوكيل الوحيد له بالكويت و بما انه صار له وكيل معتمد فهو اللي يجلب البضاعة و مو من حق الموزعين يفتحون الا بامرة وهذا اللي بيكون مو من صالح مو 360 فرفض وجود اللي بالفنار و تسكر قبل ما يفتح اللي بمول 360

و الله يرزق الناس كلها الاخلاص بالتعامل

 

[غربــــة اِحساس]

حسبي الله عليهم ياكثر ماشرينا منه

وبالاخير تقليد !!!!