وصلتكم نشرة القرار الجديد يابنات التربيه ؟حسبي الله ونعم الوكيل

[ليالي الكويت]

السلام عليكم ورحمة الله

بنات اليوم جتنا الناظره وقالت يا بنات ترا قرار نازل والنشره راح توصل ان أي طبيه او اجازه تاخذونها نهاية او بداية الاسبوع راح ينخصم ايام الاجازه سواء قبلها او بعدها ... يعني مثلا اخذتي طبيه الخميس ينخصم عليج الجمعه والسبت او الاحد ينخصم الجمعه والسبت بعــد:eh_s(2):

لاحول ولاقوة الا باللــه

المهم انا ماصدقت قلت يمكن ما تبينا نغيب .. والا بنت خالي معلمة في مدرسة ثانيه تقول فعلا وقعنا على نشـــره


والله انصدمت !!

اللي عندها فكرره او سامعه شي تقوولنا وهل القرار على المدارس بس والا كل الوزارات ؟؟؟

 

[nero]

شي يديد اول مره اسمعه

 

[@Miss Dio@]

شنو هالمسخره مايبون مدرسين تطفيش مو طبيعي

 

[make up]

انا مافهمت !!!

يعني والي تاخذ طبيه يوم الاثنين او الثلاثا اقصد نص الاسبوع ؟؟ شلوون بعد يخصمون ولا لا

 

[شذى المودة]

جديدة !!



ما عليكم مدرستنا تطبق القرار قبل لا يوقعونه

 

[زهور الجمان]

حبايبي هذا القرار مطبق على كل الوزارات مو بس علينا احنا المدرسات

 

[ليالي الكويت]

حبايبي هذا القرار مطبق على كل الوزارات مو بس علينا احنا المدرسات

يعني صج هالقرار ؟؟

وصلتكم نشره عنه ؟؟

 

[ahhaat]

بعد في قرار ثاني توه جديد ممنوع اي معلمة تسوي تحضيرها عن طريق الكمبيوتر لازم تكتبه بخط يدها!!!
قالت لي بنات عمي انه رئيسة قسمهم حضرت اجتماع ويوم رجعت قالت لهم عن
هالكلام صج والا لا؟

 

[مغروره بس معذوره]

لا هذا بس اذا اخذتي طبييه ورا العيد مباشره جذي

 

[شذى المودة]

يا يباااا
يستريحون

تحضيرري بسويه بكمبيوتر كيفهم


الحمدلله على كل حال

 

[احلى ورده]

انا على نهايه السنه اللي طافت يعني تقريبا شهر 6 رحت ديوان الخدمه وسألتهم صج هالقرار؟؟
لانه انتو تدرون كل القرارات تطلع من ديوان الخدمه
فقالو اذا غبتي الاربعا و السبت طبعا ورا بعض ينخصم الخميس والجمعه بس اذا بس غبتي الاربعا او السبت مو متواصلين يعني لا عادي لا خصم ولا شي
وتطمني لانه انا سالت بنفسي

والله يعينا على قراراتهم

 

[xxx]

هالقرار جنه قديم مو جديد وخصوصا بالمدارس

احنا بالوزارة ماوصلنا التعميم

 

[ضحـاوي]

مافي شي بعد لي الحين

وما اظن يطبق واذا تطبق اكيد يتطبق على الكل مو على التربية وبس

,, وما شفنا النشره بعد وان شالله ما نشوفها

 

[ليالي الكويت]

تسلموون بنات على الردود

 

[:: عائشه بقلبي ::]

من زمان هاقرار صح النوم هههههههههههههههه

 

[سوق الجمعة]

كلها سنتين عالكثير وماتلقين مدرسة على وجه الارض.. ماقلت لكم الكادر الجديد وراه بلاوي.. يبا خلاص مانبي كادر.. لابوهم لا بو كادرهم..

 

[بحر الرمال]

انا مره اخذت مرضيه سبت-احد-اثنين و ماخصمو و لاشي, ترا قصدهم الاجازه ((العرضيه)) اللي مايصير تشبكونها مع ايام العطله الاسبوعيه..

 

[lollipop]

اول مرة اسمع عن هالقرار

 

[رفرف]

يعني ما نمرض بداية او نهاية الاسبوع ؟؟
شهالقرار ؟؟؟؟


اخاف مو متأكدين او ماقريتو النشرة عدل ..

 

[ليالي الكويت]

انا ودي افهم هالقرار ؟؟؟

بنات اللي تقولون من زماان عطوونا تفاصيلــه ؟؟؟