بنات اصغر منج واحملو وانتي اشسالفتج للحين مو حامل ؟!!!!

[travel_addicted]

رد : بنات اصغر منج واحملو وانتي اشسالفتج للحين مو حامل ؟!!!!

الحمدالله و الشكر صج الناس ينوا حبيبتي لا تجادلينهم بالحجي وايد لانه هالنوعية مايخلصون اذا فتحوا معاج هالموضوع قولي متى ما الله كتب بيصير و بس سكتي و اذا كملت تحلطم لاتردين سوي نفسج تلعبين بالتيلفون او تشوفين تلفزيون و الله يعينج ابصراحة والله يرزقج ان شاء الله و كل محرومة

 

[om al ghaleen]

آذا بتسمعين كل كلآم وتتأثرين راح تتعبين وآيد
وعادي في ناس جذيه طبعهٌم يحبون القيل والقال

لاتهتمين والله يرزقج بالذريه الصالحه "

\\

 

[بخـــارى]

رد : بنات اصغر منج واحملو وانتي اشسالفتج للحين مو حامل ؟!!!!

لاحول ولاقوة الا بالله

 

[فـرفـر]

الله يعينج
اكره الناس الحشريه يتدخلون بكل شي
وعسي ربي يرزقج بالذريه الصالحه

 

[ريمي اميري]

رد : بنات اصغر منج واحملو وانتي اشسالفتج للحين مو حامل ؟!!!!

حبوبه الله يبشرك ويرزقك بمولود قريب سليم وكامل الخلقه ياربي ياكريم ..
ماعليش حبوبه ولله كل الامهات هيك اسمعي انا اول ماتزوجت تخيلي .. لو اقوم من مكاني احس خالتي ودها تجي وتشيلني وتمشي فيني خوفا من اني اتعور حسبالها حامل واحنا نفسكم تاخرنا شهرين على ماصار اتصال حقيقي بينا .. ( اسفه للتفصيل) بس حتى بعضهم لو ماتكلمو الا تتعرض حرمة الولد لمثل هالمواقف انتي اضحكي معها وقولي بكره اجيبلك عشره واخليك تربينهم انتي وتبتلشين فيهم اعذريهم بس الي لازم يوقف معك زوجك .. والباقين خوذيهم على قد عقلهم .. ودايما اقرئي الاورده والاذكار والايات القرانيه الي تساعدك في وضعك هذا موفقه حبوبه

 

[كويتية بروما]

انا بعد جدي من اول شهرين الكل يسال ماحملتي سواء من حريم اخواني الجلاب ولا خواته الحلوين
المشكله انا عندي من طليقي بنت وولد ولو ماحملت من ولدهم لانه صبي ماعنده عيال قبلي
قطيعه من صديت منهم وسافرنا بره الحمدلله جان احمل الحين داشه الثامن وان شاء يرزقج انتي بعد
الارزاق بايد رب العالمين بس قولي لريلج الحنه تييب الفقر وطول ما اهم مركزيين عليج ماراح تحملين
اصلا قل شي يبيلج 6 شهور جماع يالله هرموناتج تضبط
الله يعطيج ويفرح قلبج

 

[روزماري]

رد : بنات اصغر منج واحملو وانتي اشسالفتج للحين مو حامل ؟!!!!




يــآآ حيــآآتي يــآآحسوسة مآ عليج منهم وآكثر من مرة قتلج آذآ سألو قوليلهم توني عرووس حريييهم ..

 

[جذابه بنت ذيابه]

رد : رد: بنات اصغر منج واحملو وانتي اشسالفتج للحين مو حامل ؟!!!!

الحمدالله والشكر
الصراحه اهم وزوجج يرفعون الضغط ليش اهي عصى سحريه تقولين لها خلينا احمل تحملين
جعميهم ووقفيهم عند حدهم
شكووو يربي وزوجج قوليله تونا لنا شهر نعتبر متزوجين وتزعل علي ليش اهو امسح على بطني احمل
هذا لو لج سنه شنو يسوون فهمي زوجج اذا احد سألكم قولوا تو الناس لاحقين عاليهال والزيطه تونا معاريس
والله يعينج وترى النفسيه لها دور بالحمال

معاهااااااااااااااااااااااااا


:eh_s(7):

 

[ياشايل الظبى]

ياربى يرفعون الضغط كلهم على بعض
لا من الزوج ولا من اهله ... لله يعينج على هالعقليات

 

[Elizabeth]

الله اكبر شنو هالكلام صج صج مايستحون ولا اكو ذرة ايمان !!! هذا امر الله وكتبته الحمل مو دقمه ترعصينها في بنات من ليلتها تحمل وفي لا تقعد سنين الله يرزقج ويرزق كل بنت انشالله حبيبتي كلمي ريلج بهدوء ومحبة ولاتعطينهم وي على عينا وراسنا اهله بس اوفر تدخلهم شبقى بعد؟؟؟ بس بقى يدشون معاج غرفة النوم اسمحيلي على اسلوبي بس هذا تدخل صرييييييييح

قوليلهم ادعولنا والله كريم والحنة موحلوة

 

[!! D m i r a a !!]

اخذي موقف منهم ومن ريلج وكلميهم بجديه

ذكرتيني في بنت خالتي .. اللي مربيه ريلها اخته الكبيره لانه امه متوفيه

وااااي يننت بنت خالتي ناااااشبه بأخلاق البنت بكل شي حتى بالحمال

وكل شوي تسألها المهم وبعد فتره يوم احملت البنت قالوا لها ديري بالج ولاتتحركين

ولاتجهدين نفسج وكانت تاخذ ابر تثبت البي بي بس من كثر حنتها وقرقتها الله ماكتب نصيب وطاح اللي بـ بطنها

حتى اذكر قبل اول ماقالت لهم انها حامل جان تقول وي عيل ولادتج لازم بمستشفى رويال واستقبالج بعد سويه مره وحده بالمستشفى

<== طبعا كل هذا كانت تبيه على حساب بنت خالتي على شان شنو تتوقعون .. عشان بسلامتها اذا عزمة رفيجاتها لازم يكون الاستقبال

رااااااااقي <== اهم شي تكشخ على حساب غيرها

 

[دموووعي امواج]

طنشييي حيااتي خلييهم يوولون مالج شغل فيها مداامج مرتاحه مع زوجج طنشيها اذا سالتج قوولي الله ماقسم للحيين
تو الناس تونا معاريس بنشبع من بعض تونا بسم الله
عشاااااااان تحتر شووي وبعديين على كلامج ماصرتي عروووووس صج الا قبل شهر تو الناااس
ان شاء الله لاحقه على الحمال والتعب
الله يرزقج وان شاء الله الشهر الجااي تبشريينا بحمالج قوولي ااميييين

 

[قمة الرضا]

خالتج قوليلها خالتي انتي حسبت امي ادعيلي دعوه الام مستجابه بحيل الله

وزوجج اذا تكلم قولي يالله شد حيلك وضحكي

 

[BiiShOoO]

الله يرزقنا و يرزقنا

و لا تعطينهم ويه كلش بهالسوالف لانه محد له دخل الا انتي و ريلج

انا قالولي اياها و قلت تو الناس علي وسكتوا

ردوا فتحوا الموضوع عطيتهم نظرة و قلت كتبة ربي ليلحين ما كتبلي احمل

 

[*غنج*]

طنش..تعش..تنتعش
لا المفروض إطلعين العصا السحرية
وتقولين آدرك تدابرا وتحملين بس إنتي ماتبين تطلعينها
الحمد لله والشكر شهالناس
المفروض الموضوع هذا بين الزوجين محد له دخل فيه
الله يعينج حبيبتي عالحنه

 

[جوانا2010]

رد : بنات اصغر منج واحملو وانتي اشسالفتج للحين مو حامل ؟!!!!

ا لله يعينك حبيبتي عليهم

ويرزقك الذريه الصالحه

 

[رحيل المرافيء]

رد : بنات اصغر منج واحملو وانتي اشسالفتج للحين مو حامل ؟!!!!

انا اقوول سوي فحوصات انتي وزوجج تأكدوا انه مافيكم شي
النقطة الثانية قولي لزوجج ترى الحالة النفسية لها دور وانت واهللك قاعدين تضغطون علي جنه الشغلة بايدي وانا مانعتها
واخذيه وديه لطبيبة نسائية او حتى الطبيب العادي بالمستوصف وسأليه جدامه الحالة النفسية تؤثر ولاا لاااااااا
بعدين تونا متزوجين ماصار لنا فترة

 

[~LiBrA~]

رد : بنات اصغر منج واحملو وانتي اشسالفتج للحين مو حامل ؟!!!!

قطيعه تقطعها شالخاله هذي يعني يمكن العيب من ولدها

ترا وايد اتصير جذي حبيبتي عقب جم شهر روحي حللي تأكدي ان مافيج الا العافيه واذا مافيج شي واحد قالج شي قوليلهم والله انا حللت وكل شي اوكي والباجي بيد رب العالمين


عورتي قلبي

حسبي الله عليهم الملاقيف

عسى الله يرزقنا جميعا

 

[WaChoCha]

رد : بنات اصغر منج واحملو وانتي اشسالفتج للحين مو حامل ؟!!!!

انا اقوول سوي فحوصات انتي وزوجج تأكدوا انه مافيكم شي
النقطة الثانية قولي لزوجج ترى الحالة النفسية لها دور وانت واهللك قاعدين تضغطون علي جنه الشغلة بايدي وانا مانعتها
واخذيه وديه لطبيبة نسائية او حتى الطبيب العادي بالمستوصف وسأليه جدامه الحالة النفسية تؤثر ولاا لاااااااا
بعدين تونا متزوجين ماصار لنا فترة

انا معاها بالراي ..هذا اللي المفروض تسوينه علشان تفتكين من الحنة
الله يرزقج بالذرية الطيبة الصالحة عاجلا غير اجلا اللهم آمين

 

[noo7a]

قوليلهم من حنتكم ماراح احمل استغفرالله

اي والله يفقرون الوحده
حتى لو ما كان شي ببالها يخلونها توسوس و تشك بعمرها
انا خالتي الله يهداها ما ارتاحت الا لمن حملت و طرحت تاكدت ان مافيني شي
و راعتني اول جم يوم من طرحت بس على بو عشان نفسيتي
و بلشت حنه من يديد
و هات نغزات مالها اول ولا تالي
ذاك اليوم تقول فلان(حماي) يقول ياربيييي متى اصير عم <<< ياكبرها من نغزه
الله يعينج و يعينا و يرزقنا يااارب