بعد شهرين من العرس شهر 12
الصبح
العنود بكل دلع وانوثة : عبودي عبادي ابو محمد قوووم
عبدالله قام يستعبط عليها : ههممم خليني انام بعدين بعدين
العنود: عبداللله حبيبي قووووم
عبدالله مد خده يعني بوسيني
العنود: بس بوسه تبي هههه افا عليك اموااااه يلا قوووم مسويتلك احلا ريوووق
عبدالله: صباح الخير يا ويه الخير
العنود: صباح الفل والياسمين
عبدالله: حبيبتي مشتاقلج امس ما طلعتيلي بالحلم
العنود: ههههههههههههه خلاص اطلعلك اليوم
على طاولة الطعام
عبدالله: شنو هلكرسي مال منو ليش هني
العنود: هالكرسي مال حمودي
عبدالله: حمودي منو ؟؟
العنود: حمودي حبيبي منو بعد
عبدالله: احنا عندنا يهال وانا مادري ههههههههههههه
العنود: حبيبي شفييك حمودي رح ايي بعد 7 اشهر
عبدالله يحك راسه مو فاهم: شنو اهوا مسافر << يقهر والله غباء الصبح مو صج
العنود: عبدالله لا تقهرني القهر موو زين للحامل
عبدالله جنه احد كت عليه ماي بارد: حااامل يعني رح اصير ابوو لا لا ما اصدق ونااااسه وشال العنود وار فيها رح اصييير ابوووو وناااسه ونااااسه احبج احبج واحيكم
العنود: نزلني عبووود نزلني هههههههههههه
طاف اليوم كله تهاني وتبريكات لهم والكل استانس وبارك اليوم كاان احلا يوم بالدنيا لان بنفس الشهر همن رزان كانت حامل وناااسه
رزان: اذا بنت حق ولدي
العنود : شدراج يمكن ببطنج بنت وبطني ولد
رزان: يمكن ببطني بنت وانتي بعد بنت يمكن نفس الشي
العنود: هههههههههههههههه امبيه تو الناااس اللي اي من الله حيا الله
يعقوب: لا لا ما اقدر على جذي اختي ومرتي
خالد: مبروك الف الف الف مبروك يا العنود اخيرا بصير خااال
العنود : اي اخيرا
عبدالله: من اليوم ورايح ماكو شغل من الكلية للبيت ومن البيت للكلية وماكو تسوقين
العنود : انشاءالله
ام خالد: وانته يا خالد عقبالك
خالد : يطالع مريوم ويقول عن قريب ان شاءالله
خالد ومريم ما فيهم شي الحمدالله ايبون عيال بس اهم كانو مأجلين هلموضوع عشان مريم توها ياهل بالنسبه له ويلها دراستها ويلها الحمال يعني مريم اصغر وحده كانت عمرها 17 يعني للحين مو قد المسؤوليه
-----------------------------------
طافت الاشهر على خير والعنود ورزان بطنهم تكبر شوي شوي واشكالهم حلوه وتونس
ام خالد: الف الف الف مبروووك يا ام عبدالله الحين ارتحتي وهدا بالج ومتى الملجة
ام عبدالله: الملجة يم الخميس ان شاءالله
ام خالد: بلمبارك ان شاءالله
ام عبدالله: الله يبارك فييج وعزمي كل حبايبج واهلج كلهم انتو الخير كله
ام خالد: تسلمين والله ما سوينا شي بناتج بناتي ووناستهم وناستج
وملجت ساره ومنال تزوجت سوت عرس محفوف والحمدالله عايشين أحلا عيشة
-------------------------------------
شهر 8 يوم الخميس
في بيت ام خالد والكل متيمع على الغدا
عبدالله: العنود يبيلي ماي بارد مع ثلج
العنود: وااي عبدالله تره كلش مالي خلق كلش كلش تعبانه انا يالله يالله قمت ويت قعدت على السفره
عبدالله: يلا ما بقى شي كلها اسبوع او اقل
رزان: عبدالله ويعقوب يتكلمون بكل برود عبالهم شي هين ببطنا واي مو صج انتو
يعقوب: ههههههههههههه رزون شفيج معصبه كليتي الريال
رزان فجأه وبدون مقدمات : يعقوووب الحق علي شكلي بووولد الحق علييي اااااااااااااااااااااااااااااااااي
يعقوب: خالد بسرعه عطي سويجك يلا يلا
رزان: اييي العنود لحقي علي يا العنود
العنود: اخترعت من المنظر وقام قلبها يدق وايد وخاصة انها اول ولاده وما قدرت تشوف رزون واهيا تصارخ ,, رزان صارلها 3 ايام تعبانه وكل يوم تقول الحين بولد والحين بولد واخرو اليوم على الغدا كانت ولدتها
في المستشفى
دشت رزان عشان يولدونها << طبعا رزان ما كانت تبي تسوي سوناار كلش كلش مادري ليش
والكل قاعد بره يدعي انها تقوم بالسلامه
يعقوب: يمه انا خايف عليها والله قلبي يعورني عليها انا السبب
خالد ما قدر يمسك ضحتكه ههههههههههههههههههههه من قالها تتزوج
العنود: خالد تره حدك فاضي يعني كلش مو وقتك << الاخت معصبه لانها متوتره
عبدالله: الله يسهل عليها وتقوم بالسلامه اهيا والبيبي
الكل : ياااااارب
وبعد فترة اطلعت السستر
يعقوب: بشري شلووونها
السستر: متخفش المدام كويسه وجابتلك احلااا ولد بالدنيا رنا يخليه لكم يا رب
ام خالد: مبروك الف الف الف مبروك يتربى بعزكم يارب
يعقوب متشقق من الوناسه : الله يبارك فيج يا الغاليه
خالد: شعليه ولد اكبر ولد بالعاليه ههههه
ام خالد: تشطر وييب انت بعد
خالد: ههههه يمه كلش مو وقته الكلام
عبدالله: مبروك يا بو ....
يعقوب: محمد بسميه على اسم الوالد
عبدالله: مبروك يا بو محمد
العنود: هيااااااا صرت عمه اخيييرا مبروك مبروك يا يعقوب والله وكبرت وصرت ابو
يعقوب: هههههه اي شفتي وعقب جم يوم بصير خاااال
وعدة اليوم على خير ونفس العاده اي حامل والحوار الي يصير بينها وبين الناس وبينها وبين ريلها ماكو حدث مهم يستدعي اكتبه
وبعد تقريبا اسبوع تكرر نفس الموقف للعنود
ساعه 3 الفير
العنود: اااااااااااااااااااااااااااااااااااااااااااااااااااااااااااااااااايييييييييييييييييييييييييييييييييييييييي عبدالله الحقني الحقني شكلي بولد الحين عبدالله
عبدالله: ههممم العنود كل مره تقولين جذي و ماتطلع ولاده اوديج وماكو شي
العنود: قووووووم والله شكلي بووولد صدقني والله والله قووووم اااييييييي
عبدالله صدقها لان هلمره صراخها مو نفس كل مره: يلا امشي امشي حبيبتي ان شاءالله سهلات قوومي المستشفى قريب مو بعيد
عبدالله والعنود ما خذين شقة بالجابريه وكانت تبي تولد برويال
بعد الولادة وخلافه
في غرفة العنود بالمستشفى
عبدالله: الحمدالله على السلامه
العنود بتعب: الله يسلمك
عبدالله: حتى وانتي تعبانه قمر ويلوموني ليش احبج قمر قمر
العنود: ابي اشوف اعيالي شنو يبت ؟
عبدالله: يبتي ولدين كل واحد احلا من الثاني ,, بس صراحة واحد يشابهج وواحد يشابهني
العنود: هههههههههه فديتهم ابي اشوفهم
عبدالله: تدرين للحين ماقلت حق احد انج ولدتي
العنود : لا مو منصجك ليش
عبدالله: انتي والده الوفير وكلهم نايمين قلت تولدين بالسلامه وادق عليهم الصبح
العنود: زين دق على امي ابيها تيبلي الجنطه
عبدالله: من عيوني
العنود: تسلم عيونك يا قلبي الله يخليك خليهم ايبونلي عياالي
عبدالله: تامرين امر انتي بس
وبعد ساعة
ام خالد: الف الف مبروك الف الحمد والشكر لك يااارب الف الحمدالله والشكر لك ياارب ,, بس انتي حامل بتوأم واحنا ما ندري
العنود: الله يبارك فيج ,, كنا بنسويها مفاجأه
ام خالد: احلا مفاجأه والله الحمدالله لك يارب انا شكثر مستانسه هذا احلا شهر بالدنيا عندي
رزان: مبروووك
العنود": الله يبارك فيج ,, ليش تعبتي عمرج انتي تولج والده صارلج اسبوع
رزان:ميخالف كل شي لجل عيونج يهووون والله وينها بنتي
العنود: هههههه لا ما يبت بنت
رزان: عيل
العنود: يبت ولدين
رزان: تووووم ما شاءالله وليش ما قلتي هااا
العنود: كيفي ههههههههههههههه
منال+ ساره+ ام عبدالله:مبروك يا الغاليه يا مرت الغالي يا ام الغالين
العنود: الله يبارك فيكم ,, شفتيهم خالتي حلوين
ام عبدالله: اي يا يمه بس جنه واحد طالع على ابوه والثاني عليج
العنود: ههههههههههه اي شفتي شلون
ام خالد: انا للحين ما شفتهم بروح اشوفهم
وكلهم راحو يشوفون اليهال بس تمت رزان والعنود
رزان : بتروحين بيت اهلج ولا عند ريلج
العنود لا بقعد بيت اهلي وبخليه اينام عندنا خو البيت مافي احد انتو بشقتكم وانا باخذ شقت خالد
طق طق طق
العنود: تفضل
مريم: مبروك يا الغاليه الف الف الف مبروك
العنود: الله يبارك فيج عقبالج
مريم استحت : انا حامل بس للحين ما قلت حق خالد
رزان: امبيه بنات ناسه حده نتزوج بنفس السنه مع بنض ونولد مع بعض والله ولا قصص بلأفلام
العنود: مبرووووك ,, بس مو جنه كنتو مأجلين الموضوع
مريم: اي كنا مأجلين بس شسوي هذي قسمة ربج
رزان: يلا انا بروح ما اقدر اطول اكثر محمد هادته مع امي وبرد ارضعه ان شاءالله ايلج العصر
العنود: لا تغلبين عمرج انا كلها يومين وبرد البيت
رزان: لازم اساعدج شفيد انتي ما خليتيني بأول اسبوع وانتي حامل هل مره انا اهدج
مريم: ششدعوه وانا وين رحت
ساره: لا والله قصدكم انا وين رحت انا فاضيه ماعندي شغل
العنود: هلا ساره تعالي قعدي
ساره: والله ودي بس بروح انا مستأذنه بالغصب المدير دعله
العنود: الله يعينج
ساره: يلا مع السلامه اخلص شغلي وايج
العنود : مع السلاامه ,, الا صج وين روان @@
روان: شبيك لبيك روان بين ايديك
العنود: بسم الله الرحمن الرحيم من وين تطلعين
روان: من بطن اكي يعني من وين ههههههههههه
الكل : ههههههههههههههههه
رزان: كلش ما نبي ملاقه انا وحده بفترة نقاهاا
العنود: اقول روحي يا ام نقاها لا تتأخرين عن محمد
رزان: هههه اي يلا باي
وتموو روان ومنال وساره والعنود يسولفون وكل شوي ايلهم الناس تلسم وتبارك
** ملاحظة : روان كان المفروض عرسها بشهر 1 بس صارت احداث منعتهم من هشي و أجلو العرس حق شهر 10 2008
--------------------------------------------------------
بعد الاربعين يوم طلعت رزان روان من الاربعين وبهل ايام عبدالله ويعقوب كله يتحلطموون والعنود ورزان بس يضحكوون طبعا المسؤوليه طعبه عليهم لانهم توهم صغار رزان صارت 20 والعنود 19 يعني كلش مو قد هل مسؤوليه ,, اما العنود فكان الكل مهتم فيها ويساعدها بخصوص انها يايبه 2 اي ما قلت لكم اساميهم الاول عبدالعزيز والثاني محمد بس انا احب حمود اكثر لانه دايم يضحك وما يبجي وايد اما عزووز وااااي عليه كله يبجي وايد اسم الله عليه
في شقة خالد الي صارت شقة العنود
عبدالله: يلا متى نرد شقتنا
العنود: عبدالله خل نسكن هني احنا مرتاحين
عبدالله: لا يا العنود اذا تبين تسكنين في بيت نسكن بيتنا امي محتاجتلنا اكثر
العنود: خلاص على راحتك عيل نروح نقعد عند خالتي لان حرام مابقى احد عندها
عبدالله: صج يا العنود يعني موافقه
العنود: اكيد بوافق اذا ما ادور راحتك ورضاك ادور راحت منوو
عبدالله: الله يخليج يا ام عزووز
العنود: ولا يحرمني منك يا بو محمد ههههههههههه
تررن تررن تررن تررن
العنود: اهلين بجارتي
رزان: هلا فييج خيتوو شو بتعملي
العنود: ولا قاعده اسولف مع عبودي
رزان: اها سلمي عليه اقول تعالي عندي يعقوب طلع وابي اشوف شنو بنسوي بلاستقبال الاسبوع الياي
العنود: يلا ماشي الحين ايج
عبدالله: يلا انا بروح شغلي وانتي شوفي رزان شتبي فيج
العنود: خلاص اوكى
في شقة رزان
العنود: هذي روان شفيها كل شوي تأجر عرسها ؟؟
رزان: والله مادري مسكينه اول مره وفاة يدتها وثاني مره وفاة عمها
العنود: ذكرتني بسالفتي انا وعبدالله من اول ما تزوجنا ما تهنينا كله مطبات بس الحين الحمدالله عايشين احلا عيشه
رزان: امبيه العنود وناسه شوف احنا رفيجات من متى وتزوجنا مع بعض ووولدنا مع بعض واي واله مستانسه وايد وايد وايد
العنود: اييي حده وناسه تحسين الايام مرت بسرعة
رزان: شرايج اليوم نسوي قعده بس احنا انا وياج وروان ومريم وساره ومنال
العنود : اي خلاص اوكى وبليل نتكلم بلاستقبال شلون بكون
رزاان: اي احسن وكل وحده تسوي شغله
تيمعو البنات وسولفو مواضيع عاديه جدا وعن الاستقبال وشلون بكون والتجهيزات والترتيبات واللبس وهالسوالف كلها وقعدوو يخططون
العنود: روان تره جد مصختوها متى عرسكم
روان خذت نفس عميق: ههممممم مادري والله خلاص مابي عرس هذا قراري
مريم: لا تضيعين احلا يوم بحياتج شوفي انا ما سويت عرس
روان: لا مابي اسوي عرس عمي ماصار له سنه توفي ويدتي بعد ونفسيتي زفت وانا قررت مابي عرس
رزان: لا تسوين عرس العرس والشهر العسل شكليات عاديه مو اهيا الي تحلي الحياة الزوجيه
روان: صحيح كلامج
العنود: رزان تره رح نلبس نفس الشي شرايج بهتصميم
منال: ساره تصميماتها روعه خليها اهيا الي تصمم لكم
ساره: عطوني ورقة وقلم الحين اسوي واحد على السريع وكل وحده تقول الاضافات
وقعد ساره تصمم حق العنود ورزان وكل وحده على حسب شكل جسمها واللون وهالسوالف
-----------------------------------------
يــوم الخميس الكل ملتهي بالاستقبال والبوفيه وهالسوالف وعقب الاستقبال
العنود: عبودي حبيبي
عبدالله : أ أ أ نااا هني
العنود: عبدالله شفيك عبدالله حبيبي شفيك
عبدالله: لا ا ا ما ا ا في ي ن يي شي
العنود: عبدالللللللللللللللللللللللللللللللللللللله
طاااااااخ طااااااااااااخ طاااااااااااااخ
يعقوب شاف منظر العنود الي كله دموع والكحل سايع واخترع : شفيييج شفيييييج العنود
العنود ببجي : الحق علي عبدالله طايح على الارض يتألم الحق علي الحق علي
يعقوب: شنوووو دقيقه ايب السويج
رزان: شفيكم ,, انصدمت من شكل العنود,, العنود شفيج قوليلي شفيج
العنود: رزان خلي عندج عزيز ومحمد
في المستشفى
الدكتور: صراحة ما اقدر اخبي عليك اكثر ,, المريض محتاج كلية ضروري وبأسرع وقت
يعقوب: شلون من وين ,, حالته صعبه وايد ؟؟
الدكتور: وايد وايد
العنود قاعده تسمعهم ومصدومه وما علقت ولا على اي كلمة وفجأه: دكتور انا مستعده اتبرع
يعقوب: العنود لحظة لا تتسرعين يمكن نلاقي متبرع
الدكتور: صعب نلاقي متبرع احنا محتاجين ضروري ,,
العنود:قلتلك يا دكتور انا جاهزو
الدكتور : عيل لازم نسويلج تحاليل ونشف اذا انسجتج تستجيب معاه انسجته
العنود : ياااارب يااارب تستجيب
يعقوب: انتي شلي سويته جان نطرتي
العنود تتكلم بحده: يعقوب عبدالله زوجي محتاجني اليوم اكثر من اي وقت وبعدين انا الحمدالله زينه
يعقوب: على راحتج الله والله يا العنود كبرتي بعيني يا بنت امي وابوي
العنود: طلبتك يا يعقوب
يعقوب: امري
العنود: مابي احد يعرف
يعقوب: ان شاءالله
عبدالله طول هلمده من حاس بعمره وبالعنايه
-----------------------------------
بعد 4 ايام
ام خالد وقلبها ناغزها : تروحون وتردون بالسلامه يا بنتي
العنود: يمه حطي بالج على عزيز و محمد والله ا يمه قلبي متقطع عليهم بس شسوي عبدالله محتاج اني اسافر معاه
ام خالد: لا توصين يا بنتي بعيوني هذله
العنود: رزان ساعدي امي ادري انتي مو ناقصه بس انا محتاجه لكم الحين وايد
يعقوب: لا توصين يا العنود يلا تأخرنا
خالد: بي معاكم المطار
العنود بارتباك: ها لا لا ماله داعي يعقوب اي معانا
خالد: ما يسير لازم اي
يعقوب: خلاص خالد خلك انته انا اوديهم
خالد: خلاص على راحتكم اول ما توصلون دقي علينا
في السياره
يعقوب: انتي ليش ما تبين احد يعرف
العنود: بس مابي احسن جذي
يعقوب: خلاص انا كل يوم بيج المستشفى
العنود: يعقوب انا خايفه والله
يعقوب:قوي قلبج وتوكلي على الله
العنود: لا اله الا الله
طق طق طق
الدكتور: شلون الحلوه اليوم
العنود : ههممممممم ماشي الحال متى العملية
الدكتور: اول ما توصلون رح تتم الفحوصات وان شاءالله ثاني يووم بتكون العملية
العنود: لا اله الا الله محمد رسول الله
الدكتور: اي ابيج جذي قويه وتوكلي على الله ولا تخافين كل شي جاهز ومرتين ومتفقين مع المستشفى
يعقوب: لا تحاتي العنود طول عمرها قويه انا اعرفها
العنود: لا تحاتوت انا مو خايفه بس احاتي عبداالله
الدكتور: ان شاءالله سهلات
وصلت العنود وعبدالله المانيا وراحو المستشفى وتم الاجراءات الاعتياديه وثاني يوم وصل يعقوب وقال انه مسافر عنده شغل مع انه خالد ما صدق حس انه في شي بس ماحب يسال ويضايق اخوه
** الحوار بل الانقلش
يوم العلمية
الدكتور : جاهزو يا العنود
العنود:اي ان شاءالله
الدكتور : وانت يا عبدالله
عبدالله: توكل على الله ,, دكتور اهتم بالعنود حييل << يتكلم بتعب
خارج غرفة العمليات واقف يعقوب دعي ربه
يعقوب: يارب سهل عليهم تنجح العملية << وقعد يقرا يقرأن
------------------
في بيت ام عبدالله
ام عبدالله: جهزي شقة عبدالله عشان بس يردون للسفر بيقعدون عندنا
منال: صج يمه
ام عبدالله : اي صج
ساره: ياااي وناسه عندي عزوز وحمود بيسكنون عندنااا
ام عبدالله : اي بس انتو ادعوو انهم يردون بالسلامه
منال: ليش سافرو عبدالله والعنود
ام عبدالله: بسوون فحوصات حق عبدالله ويردون انشاءالله
ساره: اييي يردون بالسلامه
منال: يمه يلا انا برد البيت الحين جاسم ينطرني على الغدا وارد العصر ان شاءالله
ام عبدالله: وانتي راده مري بيت ام خالد شوفيها شتبي ماتبي ويبي اليهال ثقل عليها وايد
ساره: خلاص يمه انا الحين بطلع مع حمد ولمن ارد ايبهم ما وراي شغل اناا
ام عبدالله: الله يوفقكم ويسعدكم بالدنيا والاخره
ساره+ منال: امييين
----------------------
خاالد: مريوم تعبانه ؟
مريم: لا ليش
خالد: عشان ابيج تروحين تقعدين مع امي شوي حرام اليهال عندها
مريم: اوووش لا تكمل اصلن بدون لا تقول انا كنت بروح من نفسي عقب الغداا
خالد : الله يخليج لي يا مريم ولا يحرمني منك
مريم: خالد : احنا الحين بينا ياهل ان شاءالله والمصاريف بتكثر واانا للحين ما اشتغل شرايك نسكن عندكم بشقتك
خالد: مريم كل يوم عن يوم احبج اكثر واحس اني ما عرفتج للحين
مريم ابتسمت: اي ليش ما نكسن ببيتكم مافيه احد وعندك شقه بروحك وفوق هذا خالتي محتاجتنا الحين وبعد اهلك يحبوني وانا احب اهلك وين المانع حبيبي
خالد متشقق من الوناسه لان كان بخاطره يقولها هلموضوع من زمان بس مو عارف شلون : احبج احبج احبببببببببببببج
مريم : :$
خالد: بصيرلنا سنتين متزوجين وللحين تستحين يااا قلبي على الانوثه انا فديتج
مريم: احبك خالد لا تهدني مهما يسير
-----------------------------
بشقة رزان
رزان اوووف شفيه هذا ما يرد
روان: منو
رزان: منو بعد يعقوب صارلي ساعه ادق عليه ما يرد مايرد اوووووووف
روان: يمكن مشغول
رزان: مادري بس عندي احساس غير
روان: تدرين انه عندي احساس واحساس كبير انه العنود ما سافرت عشان الفحوصات
رزان : لا لا يبه شكو يعقوب راح معاهم المستشفى وقالو عبدالله مافيه شي بس يحتاج فحوصات
روان: مادري بس العنود ما سافرت عشان الفحوصات
رزان تطالع روان : روان قولي شعندج اكيد وراج شي لانج ما تقولين شي مو متأكده منه
روان باترباك: العنود بتتبرع بكليها حق عبدالله
رزان بصدمه : شنوووووووووووووووو ,, شدراج انتي ؟؟
روان: يعقوب قال حق براك بس مادري متى العملية واي يوم بس دق عليه زعلان على اخته وبنفس الوقت ما يقدر يقولها لا لانهم محتاجين كليه ظروري وبأسرع وقت وكان متأمل انه النتائج ما تكون متناسبه مع عبدالله
رزان: امبيه صدمتيني ليش يعقوب جذي اناني يعني لو انا في يوم احتجت كلية مارح يعطيني ؟؟
روان: اسمالله عليج لا بس هذي اخته والوحيده فتعرفين شعوره شوي صعب وبعدين اكبر دليل اه سافر مع اخته شفيج
رزان: اول مره العنود تخش عني شي وهمن يعقوب اول مره يسوي شي من وراي
روان: اهيا ماتبي احد يعرف حتى يعقوب قال لبراك لا تقول حق احد بس انا اصريت انه يقولي لاني حسيته متضايق
رزان: والله هالبنت مو متوفقه بزواجها من اول ما تزوجت واهيا تطيح من شي لي شي الله يستر والله خوفتيني
روان: دقي على يعقوب الحين
رزان: ليش ؟
روان: اذا مارد الحين صدقيني انه الحين عمليتها واهوا قاعد عندها
رزان: امبيه تحليل صحيح ,, لحظه خل ادق
----------------------------------
يعقوب: بالمستشفى بروحه قاعد يحاتي تمر ساعه ورا ساعة ويعقوب على حطت ايده يقرا القران وحاط تلفونه سايلت مايبي يستقبل من اي احد مكالمات ماله خلق وتعبان نفسيا مايدري ليش ياله احساس انه اخر مره رح يشوف العنود بس استغفر ربه بسرعه وراحت الفكره من باله وتم يقرا ويقرا ليما طلع الدكتور
** الحوار بل الانقلش
الدكتور: اووووه اخيرا الحمدالله انهيت من العملية
يعقوب: شلونهم يادكتور
الدكتور : حاليا العملية انجحت بس لازم نتأكد اكثر بعد ما يقومون من البنج صحيح رح يحسون بتعم اول الايام بس ان شاءالله تستجيب الانسجه ويعيش طبيعي
يعقوب: ههمممم يا دكتور يعني للحين ما تطمنتو عدل ,, يعطيك العافيه
يعقوب طالع تلفونه لقى 30 مكالمة لم يرد عليها
يعقوب: الوو
رزان: انته وييييييييينك خرعتني عليييك ليش ما ترد
يعقوب: عندي شغل رزان بعدين اكلمج باي
رزان: أ
رزان تكلم روان: سده بويهي @@
روان: اكيد توه الحين خلصت العلمية
رزان: اوووووف والله مادري مادري امشي خل نشوف اليهال
مريم: هاالو
رزان : هلا
مريم: شفيج رزون
روان: مافيها شي بس تعرفين قاعده تداري 3 الله يعينها
مريم: خلاص عطوني انا واحد يايه اساعدكم اناا
رزان: بس خلوني ارضعهم عطوني عزيز لانه وايد يبجي
روان: اي اي شعليه صار عندج 3 عيال
رزان: ليش ؟؟
مريم: ههههه انتي امهم بالرضاعه ياحضي وهذيله اخوان ولدج شفيج
رزان: امبييه اي اي صح والله نسيت يااربي عيل عطوني ولدي هههههه
----------------------------------
خالد: انته شتقول مو معقوله الي تقوله من صجك !!
يعقوب: اي والله هذا الي صار
خالد: وليش ما قلت
يعقوب: شقولك العنود ما تبي احد يعرف
خالد بعصبيه: احنا احد احنا اهلها
يعقوب: المهم انته دير بالك على العيال يا خالد انا الحين بروح اشوفهم
خالد: تبيني ايلك
يعقوب: لا انا ماخذ اجازة طويله وبقعد المده الي يقولن عليها
خالد: والله يابو محمد مادري شقولك الله يعطيك العافيه ولو اني زعلان شلون ما تقولن لي
يعقوب: السموحه يا خالد بس هذا الي صار شسوي بعد هذا طلبها
خالد: ماشي عيل اخليك الحين واكلمك وقت ثاني
-------------------------------
في المستشفى ثاني يوم
العنود بصوت تعب : يـ يـ يـعقوب
يعقوب: الحمدلله على السلامه
العنود: الله يسلمك ,, شلون عبدالله
يعقوب: الحمدالله بخير
العنود ابي اشوفه
يعقوب: ما يسير تتحركين توج مسويه العملية ما يسير
العنود: ااخ هني يعورني << تتكلم مثل اليهال
يعقوب: ميخالف حبيبتي تعب شوي وبروح انتي بس شدي حيلج عشان تردين حق الفطافيط خلاص صارو اخوان ولدي ورزان امهم
العنود: ههههه اي صج ارزون اي ترضعهم
يعقوب: يلا عيل شدي حيلج
العنود: يعقوب روح حق عبدالله اكيد محتاجنا الحين
يعقوب: من عيوني الحين بروح له
في غرفة عبدالله
يعقوب: الحمدالله على السلامه يا بو محمد
عبدالله مو قادر يتكلم بس طالعه وابتسم
يعقوب : شد حيلك عشان ترد حق عيالك
عبدالله مو قادر يقول شي بس يبتسم ويهز راسه
يعقوب: تبي تشوف العنود بس ما تقدر الحين لان اهيا بعد تبي تشوفك بس ما يسير تتحركون الحين لاحقين على بعض بس قومو بالسلامه انتو
عبدالله ابتسم
مرت شهرين على عبدالله والعنود اهم اهناك والحمدالله عبدالله صار زين بس للحين العنود خايفة على عبدالله وخايفه في يوم تفشل العملية او يتأثر بسببها بس كاتمه الخوف بقلبها
--------------------------------
بالطياره
العنود: مو مصدقه اني بشوف عيالي اخيرا عدت الشهور على خير ااااااااه حمل كبير انشال من على صدري
عبدالله: وانا بعد والله يا العنود مادري شلون اشكرج انتي رديتي الروح فيني يا العنود الله يخليج لي يا بعدهم ولا يحرمني منج
العنود: ولا منك يا الغالي عبدالله مهما اسوي ومهما اقول ما اقدر اكفر عن ذنبي الي سويته انته انسان طيب مافي منك احبك وباسة راحت ايدخ
يعقوب: ههههههههههههه انا كله مخرب عليكم صح
العنود استحت
عبدالله: والله مادري شلون اشكرك هديت ولدك واهلك وشغلك وجابلتنا والله هذا دين برقبتي ليما اموت
العنود قاطعته : اسمالله عليك من الموت
عبدالله: انتي الحين مني وفيني قطعه منج فيني يا قلبي احبج وحبي ما اقدر اعبر عنه بالكلام اخيييه متى نوصل الكويت ابي اشوف اليهال والله وحشوني
العنود: ما بقى شي
فــي مطار الكويت كان المتواجدن ام خالد وام عبدالله منال و جاسم واناا ساره روان وبراك وحمد خالد ومريم رزان واليهال
ام خالد: يارب تردهم سالمين وحشوني عيالي
ام عبدالله والدمعة في عيونها : الله يردهم بالسلامه
خالد: والله العنود كبرت بعيني بشكل مو طبيعي ضحت بقطعه منها لعيون عبدالله ,, مريم لو انا صار فيني جذي بتسوين نفس العنود
مريم: اسم الله عليك انا افديك بروحي يا روحي
براك: تراهم وصلوو بس قاعدين عند الجوازات
ام خالد + ام عبدالله : صججججج الحمدالله على سلامتهم الف الحمد والشكر لله
صوب عبدالله والعنود
عبدالله : شفيج طايره صبري شوي شوي
العنود: مو قادره بشووف عيالي مو قادره
عبدالله: العنود والله مو قادر الحقج شوي شوي شقالولج الدكاتره
العنود تذكرت وقامت تمشي ببطئ
عبدالله: وصلنا
وصلو والكل تيمع حوالينهم والورود تنقط عليهم من كل صوب والعنود باست راس امها وخالتها ونفس الشي عبدالله واول ما مسكت عزيز ومحمد حست جنه الروح ردت فيها ونزلت دموع الفرح عبدالله مسك عزيز والعنود مسكت محمد في السياره
عبدالله : الله يخليكم لي ولا يحرمني منكم يارب
العنود: امييين
-----------------------------------------------------
