تجمع مسافرات صيف2011

[كرز أخضر]

مرحبا ياحلوات....

شرايكم نسوي تجمع حق اللي بيسافرون بالصيف الجاي(2011) اذا حنا وياكم من الحيين ان شاء الله..

كل وحده تقول وين ناويه تسافر..متى تحجز التذاكر:eh_s(9):وعلى اي خطوط..ومتى تبدا تجهز للسفر؟؟خصوصا" ان رمضان يبدأ اول شهر 8

:RoadRunner: يعني يادوب العطله شهر قبل رمضان :eh_s(12):

 

[om fares]

والله فكره حلو بالنسبه لي زوجي قال لي انه هذي السنه ماراح يسافر لانه عنده التزامات بالشغل وسمح لي انا وعيالي اسافر بس ما دري وين محتارة مابين لندن اعرف لها وااايد واي دول اجنبيه ومدة السفره تقريبا اسبوعين ولااازم احجزعلي الاقل من شهر مايو 5 من تجربه اضبط لي

 

[om yousefany]

اي والله حتى انا بنات بخاطري اروح لندن تدرون بدور على ارخص تذاكر وانا قلت حق عضوة معنا انها اتييب التذاكر بارخص الاسعار

بس مبدايا الكل يقول رخص الاسعار يبدا من فبراير

 

[mr000]

ان شاءالله أكون معاكم..من مسافرات لندن هالسنه بحيل الله

 

[mrs..london]

رد : تجمع مسافرات صيف2011

ان شاء الله انا بعد ودى اسافر لندن بصيف 2011 و مشكوره يالغلا على الموضوع الرائع, و ان شاء الله الكل يتفاعل و نسوى موضوع رائع و مفيد

 

[أمل المنصوري]

رد : تجمع مسافرات صيف2011

هلا حبيباتي

انا ان شاء الله بسافر قبلكم في عطلة الربيع

من تاريخ 12 فبراير الى 28 فبراير

حجزنا عالقطرية 2كبار 3 اطفال 12الف ريال
بافي السكن ننتظر التاكيد

الوجهة : أكيد لندن التي اليها احن

 

[كرز أخضر]

انا بخاطري لندن شهر يناير..بس للحين ماحجزت ..

والصيف اذا الله احيانا مخططين على سويسرا والنمسا وان شاء الله بنحجز تذاكرنا وقت عروض الطيران..يا القطريه..يا الوطنيه ...انا مجربه القطريه بسفرة المانيا والنمسا الصراحه شي...وحتى الوطنيه حلوه جربتها بسفرة دبي..


يله بنات شدعوه ؟؟سولفوا هني..

 

[أرنوبهـ]

انا ناويه اذا الله اراد على زلمسي خاطري فيها لمدة اسبوع
ان شاءالله ربي يكتبها ادعولي يابنات
والحجز طبعا كل ماقدمتي يكون ارخص حلو تحجزين من شهر يناير او فبراير تحصلين مقاعد رخيصه عن تجربه

 

[غديران]

رد : تجمع مسافرات صيف2011

صباح الخير

أنا معاكم بهالتجمع

أن شاء الله ناوين السفر بالصيف

ومثل ما قالوا البنات العطلة شهر بعد المدراس

وبعدها رمضان يعني ماكو وقت

أن شاء الله ناوين نحجز على الكويتية

وجهتنا ألمانيا وسويسرا وباريس إذا الله سهل

المدة اسبوعين لي عشرين يوم للحين ما حددنا

والحجز أحسن شي من شهر يناير

ارخص

والله يوفق الجميع يارب

 

[ربيعه]

انا عكسكم بسافر شهر 9 ورا رمضان وصراحه كنت مخططه على استراليا ( قولدكوست)

بس راح اخذ بنتي معاي عمرها 3 سنين فكنسلت وللحين ما اخترت وين اروح ابي دوله بارده

 

[$$ ام فهد $$]

انا ان شاء الله لندن اذا الله كتب بالصيف وبالنسبة للتذاكر تو الناس يعني شهر مايو او يونيو

 

[كرز أخضر]

احس السفره لها طعم بأول ايام العطله الصيفيه..عقب الامتحانات والدوام والأرف.....الله يسهل علينا وعليكم...

ارنوبه..من صجج اسبوع بس ب زلمسي..الاسبوع فيها يروح كأنه يوم..شوري عليج مددي..:eh_s(9):

غديران ..نصيحه لاتحجزين على الكويتيه..شوفي خطوط ثانيه..

 

[semaasem]

يعطيج العافية كروزة على هالتجمع بالنسبة لي انا باذن الله راح اسافر بس ليلحين موعارفة متى انا عكسج أحب اروح آخر العطلة لانها

تقزر اذا وراج سفرة تخططين لها وتفكرين فيها بس اذا رحنا مبجر وردينا بعدين شنسوي بباجي العطلة خصوصا انج راح تكونين عالحديدة

الا اذا كانت السفرة طويييلة من أول العطلة لي آخرها شي ثاني بس طبعا ماينفع لعدة أسباب منها عدم وجود رصيد اجازات كافي ياحسرة

كلها شهر بالسنة ثانيا التكلفة المادية...

المهم انا محتارة مابين معشوقتي أمريكا أو أوروبا بصراحة خاطري بامريكا طبعا بس اذا بروح اوروبا علشان زوجي خاطره فيها وليلحين

ما استقريت لي على راي والله يكتب اللي فيه الخير ان شاء الله

 

[om yousefany]

صح بنات اذا السفرة طويلة ومعاج يهال فكروا بشي طولون في اقل شي 3 اسابيع لان مايسوا بس ماادري الكويتية محد يمدحها الحين بس مسوية عروض اهيا وام فهد ماانصحج تشترين التذاكر بها الحزة غالية
السنة اللي طافت رحت امريكا انا وريلي حجزنا شهر 2 واخوي على ما عطوا الفيزا حجزر شهر 5 بيي فرق

 

[غديران]

رد : تجمع مسافرات صيف2011

مساء الفل


أنا السبب الوحيد اللي يخليني أفكر بالكويتية

ان الرحلة ما تكون ترانزيت



والله يسهل على الجميع

وإن شاء الله الكل يسافر ويستانس

 

[حلم التخرج]

رد : تجمع مسافرات صيف2011

بنااااااااااااات انا ابي اسافر النمسا ان شاء الله شنو نصيحتكم اي خطوط احجز ومتى احسن وقت لها يعني تقريبا المجال مفتوح اخر شهر 6 لي 9 عادي؟

 

[كرز أخضر]

رد: رد : تجمع مسافرات صيف2011

بنااااااااااااات انا ابي اسافر النمسا ان شاء الله شنو نصيحتكم اي خطوط احجز ومتى احسن وقت لها يعني تقريبا المجال مفتوح اخر شهر 6 لي 9 عادي؟

بالنسبه للخطوط شوفي الارخص لج حبوبه..وعلى فكره ترى الخطوط الوطنيه تنزل ب فيينا..دايركت ماكو ترانزيت.. عندج القطريه حلوه بس لازم ترانزيت الدوحه..
بالنسبه للتذاكر شوفي على شهر فبراير ومارس تكون التذاكر اقل.....احسن وقت اشوفه للسفره اول ماتبدأ اجازتج . يصيرللسفر طعم..عندج شهر 6 او 7..لأن 8 رمضان..و9..يطير بسرعه مادري ليش:080402ask_prv:يمكن عشان المدارس تبدأ بآخره؟

 

[fat]

انا ان شاء الله ناوية على امريكا ودي من الحين ايمع معلومات عن الديرة وليلحين ما قررت اي طيران ولا عندي اي معلومة عنها

 

[يا عيون سمي]

انا ودي اروح اوربا

 

[نونة حبيبها]

رد : تجمع مسافرات صيف2011

ان شاء الله لندن نهارية مارس الى ابريل ل 10 ايام
انا وولدي وزوجي وافكر اخذ اختي اغيبها عن المدرسة واخذها
ووابي السفرة هدية مني لزوجي بس احاتي المصرف
للحين ارخص خطوط هي البريتش