يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

[Bent extra 3asal]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

روايتج روعه
اول مره اقرى روايه مافيها قله ادب وصياعه
يعطيك العافيه

انتي الاروع يا قلبي
عجبتني ملاحظتج يا حبيبتي الصياعة وهالسوالف ماله داعي ادخلها بروايتي لانها مالها دور بس صدقيني لو لها دور ورح تنفعكم كان استخدمتها وهذي اغلب القصص يبنون عليها قصص عشان تجذب ومنها عبره:eh_s(7):

 

[البارونه*_^رونه]

فديتج يسلموو على البااارت

ياااارب يردوون لبعض وانا عندي احساس انهاا بترد بيووم عرس يعقوب ورزوون

والله يوفقهم ياااارب

ناطرينج حبي

 

[IT shadow]

تسلمـــــــــــــــــــــــــــــين على البارت

وانشاءالله عبدالله ما يطلقها

 

[حآلية الذوق ~]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

روووعه

متى البارت اليووم مو قادره انطر لووول

 

[maruko0o]

mta tnzlyyn elbart

 

[الله يعز الكويت]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

وينج حبوووبه ناطرينج

 

[mac7noon5-m]

الباااارت حده روووووووووووووووعه نفسج
و بصرااحه احس عنااد العنوود بوديهااا بدااهيه
بس انشاء الله ترجع لعبد الله و الله يستر بطلقها و لا لأ؟
و رزان و يعقوب وروان و براك ثنائي كييييييييييوت
ناطرين البااارت على ناااار حبيبتي

 

[كويتية بحتة]

waiting

 

[Bent extra 3asal]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

اشكركم بناااااات حبيباتي فديتكم الحين بنزل البارت بس خل اشبك من لابي

 

[Bent extra 3asal]

رد : رد: يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه1

فديتج يسلموو على البااارت

ياااارب يردوون لبعض وانا عندي احساس انهاا بترد بيووم عرس يعقوب ورزوون

والله يوفقهم ياااارب

ناطرينج حبي

فداج الكووون يا قلبي
ان شاءالله الحين بنزل بارت

تسلمـــــــــــــــــــــــــــــين على البارت

وانشاءالله عبدالله ما يطلقها

الله يسلمج حببتي :eh_s(6):

روووعه

متى البارت اليووم مو قادره انطر لووول

mta tnzlyyn elbart

الحين حبيبتي

وينج حبوووبه ناطرينج

اليلا حبوبه الحين بنزل البارت

الباااارت حده روووووووووووووووعه نفسج
و بصرااحه احس عنااد العنوود بوديهااا بدااهيه
بس انشاء الله ترجع لعبد الله و الله يستر بطلقها و لا لأ؟
و رزان و يعقوب وروان و براك ثنائي كييييييييييوت
ناطرين البااارت على ناااار حبيبتي

فديييييييييييييييييتج انتي الاروع ي قلبي
اي والله عنادها بوديها بداهيه:tomato2:

waiting

يلااا الحين بنزل البارت:ggdw:

 

[Bent extra 3asal]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

البارت(21)​

ام عبدالله: العنود يايه تخطب حق منال
منال بصدمة : حقي
عبدالله: حقهاا
ام عبدالله: اي حقها ,, الصبي ولد يرانهم وخوووش صبي تقول واخته كلمتها قالت تبي عروس والعنود شرحت الوضع واهم متقبلين وعاذرين
عبدالله ( بقلبه): ياااه يا العنود على كثر الي صار فيج الا انج تدورين الستر لخواتي شكثر احبج وحبج كل يوم يكبر ياارب انها ترد لي يارب لا تخيب ظني مع اني عندي احساس انها خلااص عافتني بس اهيا قالت انها
ام عبدالله: الوو عبدالله انته معانا
عبدالله: اي يمه خلاص اناا بسال عنه عدل ,, وانتي يا منال فكر
ام عبدالله: فكري فكري يمه الصبي خوش صبي دارح لندن وشهاده وفوق هذا العنود واهلها يعرفونه
عبدلله: والاهم انه العنود تعرفه
منال انحرجت من كلامهم : ان شاءالله يمه بفكر ,, يلا انا بروح انام

في غرفة منال
منال: العننننود بذبحج
العنود: هههههههههههههههههههههه ليش شسويت
منال: المفروض تقولين لي انا اول احرجتيني
العنود: حبيت اسويها مفاجأه
منال: زين اهوا ما شافني ولا شفته
العنود: ومن قال انه ما شافج
منال: ما شافني
العنود: تذكرين المراجع الي كل يوم لازق بويهج الي كل شوي سألج من وين اروح ومن ايي وكل يوم طاب عندج المليق هذا اللزقه
منال بصدمه: جاسم الـ,,
العنود: ههههههه شفيج منصدمه
منال: ما توقعته كلللش عبالي بس واحد ماعنده سالفه
العنود: انا الي دازته لج وكل كلمة كان يقولها كنت اسمعها
منال: حقيييييييييره ههههههههههههههههه
العنود: لوووووووول فديتج فديتج فديتج
منال: فداج الكون
العنود ابيج بخدمه
منال: امري يا قلبي

------------------------------------------
الصبح - الاربعه
روان: منو فيكم تبدى الاول
العنود: اهم شي اثنين
رزان: خلاص عيل انتي وروان
العنود: لا لا انتي وروان اول وانا اخر شي
روان + رزان: اوكى
العنود تقلب المجلات على ما اي دورها قعدت يمها وحده شيك مره كبيره بالعمر بس شكلها
المره: وايد يطولون ؟
العنود: والله انا اول مره
المره: شكلج عروس صح
العنود: لا انا متزوجه
المره: شكلج صغير الله يوفقج
العنود: تسلمين
المره: انا دايما اي بس الخبيره سوزان مسافر
العنود: اهاا والله انا مدحولي نتالي
المره: اي همن زينه
العنود اكتفت بأبتسامه

(( الله يخليج لي يا العنود شلتي عني هم كبير ))
المرسل عبدالله
(( ولو ما سويت شي منال اختي واكثر ))
العنود
((تحبيني))
عبدالله
((انا الحين مشغوله بس اطلع ارد عليك ))
العنود

نتالي: فيكي تتفضلي اجا دورك
العنود: عن اذنج
المره: اذنج معاج
نتالي: انتي اول مره بتعملي صح ؟
العنود: اي صح
نتالي : بشرتك كتير تعبانه ولازم تهتمي فيها
العنود: ان شاءالله

رزان:رووون باجر عرسي مو مصدقه
روان: هههه عقبالي انا شهر 1 بالبررررد
رزان: لووول الله يعينج عاد
روان: لا يبه عادي
رزان: عارفه احس قلبي يرقع يرقع يرقع من الحين
روان: ميخالف هذا خوف طبيعي رزوون
رزان: تحسين العنود مستانسه صح
روان: صراحة انا مو فاهمتها البنت في شي براسها
رزان: اممم هالبنت بتيننا

سوو مساج وتنظيف وعقبها راحو خذوو كوفي

-----------------------------------------
بليل في غرفة العنود
العنود قاعده تفكر بالعرس وبموضوع شالغل بالها واحيها تفكر قطع حبل افكارها مسج
(( مارديتي على جوابي سألتج تحبيني ))
عبدالله
((انا نايمه ما اقدر ارد على المسج ))<< قاعدة تستعبط
العنود
(( هههههههههههه صج خبلة للحين على خبالج))
عبدالله
(( امممممم ما تعرف المثل الي يقول بو طبيع ما ايوز عن طبعه ))
العنود
(( يعني مارح تردين في كلامج وتردين لي ))
عبدالله

العنود كشتت فيه واكتفت انها تدزله
(( تصبح على خير ))

----------------------------------------
الصبح الكل مشغول بتجهيزات حق العرس
يعقوب: اليومي من قدي ايبااااه ونااااسه
خالد: شفيك جنك العروووس هههههههههههه
يعقوب: ههههههههههههههههههههههههه مقبوله منك اشوفك ما نطرت وعلى طووول سافرت بدون عرس لوول
خالد: يوو عرس ولويه وبلبه واخر شي تردون تعبانين والعروس تحجج هههههههههه وما نخلص
يعقوب:ههههههههههههههه بديت اشك بنوايك
خالد: نوايي هااا
راشد: بالمبااارك عقبالي ما بقى الا انا
خالد: توك 16 خلص دراستك واشتغل وساعتها قوول زوجوني
يعقوب: باجر يسير عندك سياره وطلعات وروحات رح تعوف الزواج
ام خالد: الف الصلاة والسلام عليك يا حبيب الله محمد كلولولولولولولولوش مبروك مبروك منك المال ومنها العيال
يعقوب: الله يبارك فيج يا يمه
ام خالد: ان شاءالله اشوف عيالكم باارب
خالد قام باس راس امه : وعيال عيالنا يا الغاليه

فــي الصالون
رزان: وااي خايفه
العنود: صارلج اسبوع خايفه وخايفه حبيبتي هذا خوف طبيعي
رزان: خلاص مابي اخوش بعد العرس برد مع امي
روان: هههههههههههههههههههههه اي خلاص بس خل يخلص اليوم
مريم: هههههههه ذكرتني بنفسي وانا بمصر
روان: شكلج طلعتي قرون حق خالد
مريم: اهوا الي طلعني قروون وحياتج
العنود منحرقه من الداخل وزعلانه على حظها : المهم يلا انا بسوي شعري

العنود دقت على الفندق
العنود: الو
الموظف: اهلن وسهلا المونفبيك
العنود: مغيت اجيك على الحجز انا حاجزة سويت بأسم العنود عبدالعزيز الـ,,
الموظف: دئيئه لأسويلك شيك
العنود: اوكى
الموظف: حضرتك حاجزة سويت صح
العنود: ايوا مضبوط ,, وبغيت اسال عن كل الترتيبات الي طالبتها
الموظف: كل شي متل ما طلبتي لا تخافي وبيكون كل شي جاهز من الساعه 1
العنود: اوكى ثااانكس
الموظف: u welcome

العنود: روون اسوي هذي التسريحه ولا هذي
روان: اممممم لا هذي احلا عليج
العنود: ابي تسريحه يلوق عليه هذا التااج
روان: وااااو حده حلوو جنج عروووس
العنود: اي عجبني ستايل العروس
روان: اي عيل سوي هالتسريحة


ام خالد وام عبدالله وام رزان والحريم الكبار قاعدين بصالة الفندق بالموفنبك يعدول ويشرفون على الطاولات والكوشه وكل شي
ام عبدالله: والله ماني عارفه شلون اشكر العنود على الي سوته معاي
ام خالد: لا يا ام عبدالله العنود ما سوت شي عشان تشكرينها هذي بنتج وخايفة على خواتها
ام عبدالله: ما تدرين اشكثر بردت قلبي وريحتني الله يريحها ,, عقبال ما تريح بال ولدي
ام خالد: ميخالف بنتي واعرفها قلبها مو قاسي بس السالفه يبيلها شوية وقت ,, الا ساره وينها
ام عبدالله: سارة بلبيت
ام خالد: ليش مهي يايه العرس
ام عبدالله: لا تقول تعبانه
ام خالد: اي ما تشوف شر على راحتها

ام خالد تعرف كل الي سوته ساره ومع هذا سامحتها لان عبدالله كفر عن غلطة والانسان مو معصوم عن الغلط ا خالد بجد شخصية روعة ياليت في مثلها وايد بالدنيا تحب الناس وماتحب تزعل او تزعل احد كلمة اسف تمحي كل شي من قلبها ,, وخرت شوي عن الامهات وراحت دقت على العنود

العنود: هلا يمه يغيتي شي
ام خالد: العنود اذا لي خاطر لج خلي ساره تي العرس يمكن احد يخطبها ما شفتي شكل ام عبدالله شلون كسوره
الغنود: يمه من صجج انتي تبيني انا اقولها لا يمه مستحيل
ام عبدالله : عشان خاطري يا يمه لا تكسرين فيني
العنود: ماعاش من يكسر فيج يا الغاليه وعشان هلكلام بروح لها البيت وبيبها من ايدها
ام عبدالله: الله يوفقج ويسعدج يا اغلا بنت بالدنيا
العنود: الله يسمع منج يا الغاليه

روان: امبيه امها من صجها
رزان: شفيج
روان: تبي العنود تخلي ساره تي العرس
رزان: اي شي وشلون انا مابيها بلعرس
العنود: ميخالف عشان خاطري الله يسامح انا مابي اسامح
رزان بعصبيه:ونعم بالله بس هذا خربت حياتج عاجبج حالج الحين لا بالسمى ولا بلارض
العنود: ميخالف عشان خاطر امي كل شي يهووون
روان: يااه شكثر كبرتي بعيني على كلامج اي والله كل شي لجل خاطر الام يهون اهم شي رضا الام ووناستها وراحتها
العنود: اممم الحين ساعه 5 وانا مخلصة امبجر بروح الحق عليها يلا مع السلامه


فـي سيارة العنود
العنود: يارب عطني القوة ياارب يااارب ,, اااخ اليوم اصعب يوم بحياتي

وصلت بيتهم وبتحديد صوب غرفة ساره
طق طق طق
ساره بصوت مبحوح كانت تبجي : منوو
العنود بطلت الباب بدون لا ترد
ساره بصدمة : العنووووووووود
العنود بأبتسامه مصطنعه: اي العنود شنو غريبه
ساره: العنود انا اسفه انا السبب سامحيني الله يخليج انا كل يوم احلم كوابيس الله يخليج سامحيني
العنود: مسامحتج يا ساره الله يسامح انا مابي اسامح
ساره تطالع العنود بأستغراب مو عارفه ليش العنود يايتلها
العنود: وين كبتج
ساره: ليش
العنود: خلاص دليت ,, امممممم هذا ولا هذا اي احلا لا لا لا ولا واحد عاجبني اقول يلا قومي بدلي
ساره: ليش
العنود تطالعها وتبتسم شنو كل شي ليش
ساره:............
العنود: ولاشي من هالنفانيف عجبني مو حلوين وايد مو كشخه ابيج اكشخ وحده بالدنيا اليوم حماتي لازم تكون كشخه والكل يتكلم عنها
ساره: مابي اروح العرس
العنود: لا مو بكيفج هذا قرار وصدر خلاص اقول تره كلش كلش كلش ماكو وقت الحين ساعه 5 ونص يعني يادوووب ساره بليز عشان خاطري تعالي بنروح نشتري احلا نفنوف وبقطج الصالون ومنال بتاخذ لان بروح ابدل
ساره: العنود لا تسوين جذي ما اقدر على كل هذا تحسسيني بذنب كبييير << نهارت بجي
العنود تبي تلطف الجو: ساره خلصيني بس ردي البيت ابجي الليل طويل ههههههههههههههه
ساره: مليقة زين يلا وخري عشان ابدل

وراحو السوق وشرت لها نفنوف وايد حلو وناعم وودتها الصالون

عبدالله بالسياره بروح الصالون
عبدالله: معقوله كل هالطيبه بالعنووود معقوله ,, ياااه يا العنود شكثر يزيد حبج بقلبي ,, طيب ليش مو راضيه تسامحني ليييش لييييش
وقطع حبل افكاره مسج
(( ابيك احلا من المعرس اليوم مفهوووووم ))
العنود
عبدالله تم يقرا المسج 100 مره ومو فاهم معناه
عبدالله: منصجها هذي ولا شنو ؟؟ بتردلي او لا اوووف يننتيني @@
(( ليش ؟؟))
عبدالله
(( عشان الناس يشوفون ريلي واهوا كاشخ))
العنود
((يعني بتردين ؟؟))
عبدالله
(( انا قلت برد قلتلك اكشخ وبس ))
العنود
عبدالله مارد على المسج لانه عصب من حركاتها بس اهوا كشخ عشان يقهرها وقال بنفسه انه بخز البنات عشان يقهرها

خل اوصف لكم عبدالله
عبدالله رجل جميل بمعنى الكلمة طولة 187 شعره اسود كثيف عيونه كبار ورموشه كثيفه حواجبه مرسوومه رسم جسمه حلوو رياضي هذا الوصف الي اقدر اوصلفكم اياه

في الفندق
العنود: خلج اهني ولمن اقولج طلعي طلعي اوكى
رزان: الله لا يحرمني منج يارب
ناديه اخت رزان: والله يا العنود وقفتي مع رزان وقفة اخت واكثر
العنود: رززن هذي اختي ومرت اخوي وام اعيالنا ان شاءالله << تغمز حق رزان
رزان: هههههه فاهمتج بس ياويلج مني عقب العرس

طبعا روان كانت بالصالة ترقص وتشجع البنات وتشوف الطبات مع خوات واهل رزان والكل والبنات مستانسين ومبسوطين اغنيه ورا غنيه ورقص وغنى والبنات يرقصون وكل وحده تقول الزين عندي بس الصراحة الزين كان عند العنود كانت بمنتها قمة الجمال كانت لابسه نفنوف اوف وايت طويل وناعم حلو عليه شوافيتكي من صوب الخصر كان كوكتيل شكله جووناااان بصراحة عجبني انا شخصيا كان من تصميم المصمم اللبناني الي صعب << انا احب تصاميمه وايد راقيه مكياجها كان ناعم سمبل وايد وتسريحتها انعم كانت رافعة شعرها بطرقة حلوه

(( لا تنسى الكشخه مفهووم ولمن تدش وتطلع خلك بالفندق ابيك بشغله ضروريه))
العنود
(( انتي شفيج تبين تلعبين بأعصابي ))
عبدالله
(( عبدالله بذبحك سوي الي اقولك عليه وبس ))
العنود

رواان: يلا الحين زفتها
العنود: انشاءالله ,, رزززن يا قلبي لا تتوترين الحين زفتج
رزان : قلبي يرقع يرقع احسه ينقز مع كل خطوه امشيها
العنود: سمي بالله وتوكلي على الله
رزان: لا اله الا الله
روان: يلاا
ودشت رزان على هذي الزفة

حد منكم شاف في الدنيا بدر *** مقبلٍ يمشي و من حوله بشر

من حلاه يزف للناظر ضياه *** ان ظهر للناس و لا ما ظهر

هذا ما هو بدر ليل يختفي *** مع طلوع الصبح و بزوغ الفجر

او بدر يصبح بعد مده هلال *** هذا بدر مكتمل طول الشهر


هي عروس النور في هذا الزمان *** هي ملاكٍ بس في صورة بشر

من غلاها انقول صلوا على الرسول *** يا اللي شفتوها بقلبٍ او نظر


الله يا نور في ها الدنيا نراه *** مستحيل ان نشوفه في بشر

و التقت شمس الظهيره بالقمر ***

و في محياها بدى الصبح بضياه *** مشرقً و خدودها واحة زهر

و العيون الي كما عين المهاه *** تمتزج فيها البراءة بالسحر


الليله .. الليله محلاها الليله *** الليله .. الليله حلوة و جميلة


شعرها ليل كسا الدنيا دجاه *** حالك متحدر كانه نهر

يحسبه قطعة حرير من رآه *** و الحقيقة هو حريرٍ من شعر

و الحسام الي صفا الوجنه كساه *** يبعث اشواق الحواجب للثغر

و الثنايا كالبرد بين الشفاه *** او كحبات الندى و لا المطر


عذبةٍ لو تلمس اطراف الحياه *** كل غصن فتح بوردٍ حمر

و العفاف بروحها يسقي بوفاه *** و الوفا في عينها النجلاء سهر


شاعر الوجدان واحلامه سماه *** مبدع و احساسه المرهف شعر

ماخذ من وصفه مبتغاه *** يا عسى الله يوهبه طولة عمر

الله يحفظها و يسعدها معاه *** شيخ بطيبة فواده يشتهر

والله يجعل كل دنياهم هناه *** يكتسي بالسعد كله و البشر

العنود تطالع رزان ومستانسه لفرحها طبعا لازم تستانس رفيجة دربها ومرت اخوها وددفت دمعة فرح
روان: العنود ليش هالدموع رزان تبي منو يوقف معاها
العنود تبتسم: هذي دمووع الفرح والله
روان: فديتج تعالي خل نصور معاها
العنود: يلاا


نروح صوب ساره
ام جاسم: منو هالبنت ماشاءالله حلوه
ام عبدالله: منو اي وحده ؟
ام جاسم: الي لابسه نفنوف اصفر
ام عبدالله: الي لابسة اصفر بنتي بنتي ساره
ام جاسم: اخت منال معقول مافي شبه فيهم
ام عبدالله: مو يقولون البحر بستان هههههههه
ام جاسم : ماشاءالله بناتج حلوين الله يحفظهم لج عاد انا خذيت منال وان شاءالله عن قريب باخذ ساره
ام عبدالله: البنات بناتج واخذيهم من الحين لو تابين تامرين امر
بيني وبينكم ام عبدالله كل مالها ووناستها تكبر وتكبر وتكبر ومستانسه حيل وصراحة اكثر من وحده سألت عن ساره
ما اخفى عليكم ساره بنت حلوه ونعومه وعمرها اصغر من سنها

بعد ساعتين تقريبا من الرقص والغنى صار وقت دخول الرجايل

العنود: روون الحين الرياييل بدشوون
روان: ماشي ماشي يلا الحين اقولهم

ودخلوو الريايل
يامعيريس عين الله تراه والقمر والنجوم تمشي وراه
يامعيريس الله يحرسه يحفظ عروسه وعمر العرسه
جملة احبابه ترى ستويسه والقمر واليجوم تمشي وراه
يا معيريس حلوه زفته بالفرح واسرور غاوي ابمشيته
كلهم اصحابه تزفه حضرته والقمر والنجوم تمشي وراه
الله يهنيه ويبارك له بعد رفرف على الراس يا طير السعد
والحضروا احباب ومن كل بلد والقمر والنجوم تمشي وراه
عروس نجمه والمعرس بدر الزين للزين والعشره عمر
شهر العسل دوم ماهو بس شهر والقمر والنجوم تمشي وراه
هذا لمعيريس يا حلو الشاب طابت عروسه والعريس طاب
حضرت الاملاك تغني ولحباب والقمر والنجوم تمشي وراه
يامعيريس اويا بختي انا لا انا حجيت ولا متميدنه
راس مالي قصيده هالغنا والقمر و النجوم تمشي وراه

يعقوب والابتسامه شاقة ويها : مبروك عليج انااا
رزان بكل خجل : الله يبارك فييك
يعقوب: مو قاعد اسمع
رزان: الله يبارك فيك
ام خالد: بووس راسها
العنود: راسها مو خدها هههههه
رزان بقما الاحراج
ابو رزان:بالمبارك منك المال ومنها العيال حط رزان بعيونك يا يعقوب هذا الغاليه
يعقوب: لا توصي يا عمي رزان بقلبي وعيوني
ابو رزان: بالمبارك يا رزون
رزان بكل خجل: الله يبارك فيك يبه
خالد: بالمبارك بالمبارك يا الغالي
يعقوب: الله يبارك فيك
خالد: مبروك رزان
رزان: الله يبارك فيك

بوخر شوي عنهم لان الناس قاعدين يباركون لهم
طبعا خالد طول الوقت عيونه على مريوم يدورها وملهووف ومشتاق لها
وبرااك مفس الشي عيونه طايره يدور روان
روان: يعونك على البنات هااا
براك: بسم الله انتي وين
روان: انا وراك يا ذكي
براك: واااااو شنو هلجماااااال كله يا بختي يا بختي روون تره اليوم مارح تردين البيت بنسهر انا وياااج
روان: ماشي يا باشا
براك: اموت اعرف انتي كنتي تدرسين بمصر ولا بأميركااا
روان: ههههههههههههههه لا بأمريكا

خالد: واااو مريووم حدج زووووغة يه يه شهلجماال
مريم: حبيبي استحي والله بعدين خلاص يلا اطلع شوف عيون البنات شلون عليك
خالد: هههه حبيبتي البنات الي بالعرس ملييت من كثر ما اشوفهم نفسهم نفسهم كل عرس اروحه اشوفهم لو ابيهم جان من زماااان
مريم: احبك لا لا انا اعشقك اموووت فيك

عبدالله يدور العنود بس ما لقاها العنود قاعده بزايه وبين الحريم صوب الكوشه
(( لا تنسى خليك بالفندق ))
عبدالله وصله مسج من العنود
(( لا تخافين مو ناسي بس اقولج دوريلي بنت الحلال ))
عبدالله
العنود حقرته وماردت عليه

خلص العرس وماصار فيه احدا تذكر غير الي قلته والكل راااح الا العنووود تمت بالفندق اهيا وعبدالله ورزان ويعقووب

عبدالله: يه يه يه شهلجمااال قممممر والله
العنود استحت من نظراته: احم احم ثانكس
عبدالله: امري بغيتي شي ناقصج شي فيج شي
العنود: اي ناقصني شي واهم شي
عبدالله: افااا ناقصج شي وراسي يم الهوا يا قلبي
العنود طالعت عيونه وخذت نفس عميييق : ناقصني انته يا عبدالله
عبدالله فهم عليها وعرف انها تبي ترد له : العنوود انا طول عمري يمج حتى وانتي بعيدة يمج ارش من من عطرج على مخدتي واحس بأنفاسج يا العنود
العنود: وانا بعد اسوي نفس هلحركه ههههه
عبدالله: اقول عاجبج قعدتني بل لوبي هني
العنود: نو نو نو اكيد لا انا حاجزة سويت كاامل لي ولك لمدة اسبوع
عبدالله مستانس ومنصدم من الي قالته يعني العنود كانت تفكر من زمان ترد له : احبج احبج احبببببببج
العنود: اموووت علييييك​

والحين وضحت الصورة لكم اكييييد انه العنود ردت حق عبدالله وعاشو احلا اسبوووع بحيااااتهم العنود ردت حق عبدالله لكن للحين ما انتهت تابعوني بالبارت اليديد واحداث يديده رح تسير==================================​

​

​

يهمني رايكم :hjy5jewf::blueSmCLR:

 

[لصبر اخر]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

جكجكجكجكجكج واخيراااااا يعني مااابقت تررد لووووووووووول يلا الحمدالله ردوو لبعض يستاهلون بصراحه كل خير بس عاد الله يستر من الياااي ترى كلش موناااقصين عوااار قلب مره ثانيه هههههههه بس جد الله يهنيهم انشالله وتيب له ولي العهد لووول

 

[DA3LOoOLA]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

كولولولولولولولولولولولولولولولولولولولولولولولولولولوش واخـــــــــــــيــــــــــــــــــرا مابغى مسكين عبودي طلعت فيه نخله

الله يستر من الياي

 

[Bent extra 3asal]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

جكجكجكجكجكج واخيراااااا يعني مااابقت تررد لووووووووووول يلا الحمدالله ردوو لبعض يستاهلون بصراحه كل خير بس عاد الله يستر من الياااي ترى كلش موناااقصين عوااار قلب مره ثانيه هههههههه بس جد الله يهنيهم انشالله وتيب له ولي العهد لووول

ههههههههههههههه اي اخيرا ردت

كولولولولولولولولولولولولولولولولولولولولولولولولولولوش واخـــــــــــــيــــــــــــــــــرا مابغى مسكين عبودي طلعت فيه نخله

الله يستر من الياي

ههههههههههههههههههههههههههههههه امبيه والله انتي مو صج طلعت فيه نخلتن مو نخله

 

[DA3LOoOLA]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

اي صج عسوووله باقي جم بارت وتخلص القصة ؟؟؟

 

[Bent extra 3asal]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

اي صج عسوووله باقي جم بارت وتخلص القصة ؟؟؟

حبيبتي باقي بارتين بس انا رح ادمجهم مع بعض ​

:friends: :friends: :friends:

 

[DA3LOoOLA]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

لا لا تقولين بعد ماشبعنا منهم

بس اوعدينا ان بعدها على طووووووووووول في رواية يديدة ok حبي

 

[Bent extra 3asal]

رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%

لا لا تقولين بعد ماشبعنا منهم

بس اوعدينا ان بعدها على طووووووووووول في رواية يديدة ok حبي

والله حتى ما ودي تنتهي بس شسوي :lkmnkl: :eh_s(2):

واوعدج بعدها في رواية ثانيه ورح تكون حقيقه انا قاعده اكتبها الحين :aha::eh_s(21):

 

[أم محمد وريحانة]

جزاك الله خير حبيبتي وبنتظارك إن شاء الله

 

[Tom ♥ Jerry]

.



و آخييييييييييراااااااا ردت :080402ask_prv: ..
عيون عبدالله صارت بيضه منهآ


مشكووووووووووووورة و نآطرين
الله يستر ان شاء الله مآ تصير بلاوي بعآآآآآآآد


:hjy5jewf: