عطيني سر من اسرار تعلق محبة حمولتج لج

[wafa82]

رد : عطيني سر من اسرار تعلق محبة حمولتج لج

اهم شي ما ادخل بشؤنهم وماتكلم وايد لان اللي يتكلم وايد لازم يقط كلمه غلط والصراحه احبببببببهم من قلبي خالتي وحمواتي

 

[فوفو22]

رد : رد: عطيني سر من اسرار تعلق محبة حمولتج لج

1- لما اكون قاعده معاهم الابتسامه ماتفارق ويهي

مو من زود الوناسه بس ماحب ويهي يكون عابس لما اقعد مع الناس


2- عندي حدود في التعامل وفي الكلام معاهم لان عندي قناعه كل ماطاحت الميانه يقل الاحترام

3- اخاف الله في كل تصرف واراجع نفسي حلال ولا حرام لاني بيوم من الايام راح اكون خاله ويصير عندي جنه ولاتنسون الدنيا دواره



اهتموا بنفسكم وبازواجكم ولاتعطون للحموله حيز كبير من حياتكم راح تتعبون لان هذا طبع البشر محد يعجب الثاني :tongue22:

حتى لو كنتو سمن على عسل ومافي مثلج ومافي مثلهم على اقل موقف بيطلع الاكو والماكو

وعندي مبدأ بالحياة مااجامل على حساب نفسي :denya:

اتفق معاج

واختلف بنقطة المجامله
احيانا المجامله مطلوبة ......ما نقدر نلغيها من حياتنا

فوفو

 

[فوفو22]

رد : رد: عطيني سر من اسرار تعلق محبة حمولتج لج

1- ما اتدخل في ما لا يعنيني لا بخير و لا بشر
2- ما اقطع عن زوارتهم لاني ساكنة بروحي مو عندهم
3- اوجبهم بمناسباتهم
4- امدح ولدهم عندهم بس مو باسراري الشخصية مثلا اقول الله يخلي لي فلان ما قصر وداني المكان الفلاني و جذي
5- احترم الصغير و الكبير

كل علومج طيبة

ربي يتمم عليكم

فوفو

 

[فوفو22]

رد : رد: عطيني سر من اسرار تعلق محبة حمولتج لج

اهم نقطه الابتعاد عن سوالف القال والقيل

انا مب متزوجه بس اكثر المشاكل اتصير من هالشي

^^

اصلا البلد ضاعت بسبب القيل والقال

يكافينا الشر

فوفو

 

[فوفو22]

رد : رد: عطيني سر من اسرار تعلق محبة حمولتج لج

اولا لازم الوحده تؤمن بمقوله (( لسانج حصانج ان صنتيه صانج))

يعني الحذر بالكلام ومايطلع منج الا الكلام الزين وماتدخلين او تحشين بأحد جدامهم..........



وثاني شي (( الهديه))......... دايم خليها متواصله بينج وبينهم وتسبقج لهم........

طرشي بيد عيالج هديه حق جدتهم حق عمتهم وخل يقولون انها منهم اهم........... والله لو انها خلطه مرش او عطر او بخور عااادي
اي شي حتى لو رمزي بيكون له قيمه انج تذكرينهم على طول


ثالثا: احشميهم .......... وقدريهم :

يعني اي مناسبه انتي سباقه فيها عرس حماج اكشخي نفس خواته معاهم
خالتج بالمستشفى صيري لها نفس بنتها صبح وعصر عندها بالمستشفى استقبلي رفيجاتها وحبيهم ووجبيهم والله الخاله بتحبج وتتشرق فيج..........



ورضى الرب عليج اول شي طبعا وعقبه رضى الوالدين بتتوفقين بحياتج

اهم 3 نقاط ذكرتيها

الله لا يغير عليج

فوفو

 

[فوفو22]

رد : رد: عطيني سر من اسرار تعلق محبة حمولتج لج

ما أدخل بشؤوونهم خير شر
وخالتي تحبني لأنه ما عندي لساان وهااديه مو مهاوشجيه ولاأحب المشااكل واايد اطنش ما اعور راسي
وما اقااطع اهله وخاالتي من كثر ما تحبني وداافع عني ريلي كله يقووله مادري جنج انتي بنتها وانا مو ولدها يحتر وعمي الحمدالله كله يمدحني الحمدالله والشكر واايد يعززوني ويحبوني وانا ادري لأنه ما عندي لساان واهم شي عياالي وبيتي

يا حلو خالتج

قلبها عليج الله يتمم عليج

فوفو

 

[++The DuchesS++]

ما اتدخل بمشاكلهم الا اذا كلموني ويبون رايي بطريقه مباشره
ما اطلع اسرار بيتهم لاني وحده منهم وفيهم وسرهم سري
ما اروح لهم الا لمن اكون صج رااايقه يعني اذا تعبانه ولا متوتره من شي ماله داعي اروح
يعني ما الزم نفسي بيوم بالاسبوع اروح لا اخليها على المزاج عشان اقدر اضحك واسولف من قلب

 

[^noonaa^]

لاني محترمه نفسي معاهم وما اقل ادبي نفس هالجناين الملسن وحيييل احترم خالتي وعمي ومهما قطو علي حجي احتراما لزوجي وشفت هالشي فيه يقولي حيل تكبرين بعيني لما اتسوين جذي
ماااااااالي شغل بمشااااكلهم وعلاقتي فيهم رسميه نوعا ماااااااا

 

[srsr]

انا بالنسبة لي احب حمولتي واهم يبادلوني نفس الأحساس الحمدالله
والمحبة اكيد تكون من طريقة تعاملج لهم وطريقة تعاملهم لج اكيد
واهم شي الأحترام والتقدير

 

[فوفو22]

رد : رد: عطيني سر من اسرار تعلق محبة حمولتج لج

ما اتدخل بمشاكلهم الا اذا كلموني ويبون رايي بطريقه مباشره
ما اطلع اسرار بيتهم لاني وحده منهم وفيهم وسرهم سري
ما اروح لهم الا لمن اكون صج رااايقه يعني اذا تعبانه ولا متوتره من شي ماله داعي اروح
يعني ما الزم نفسي بيوم بالاسبوع اروح لا اخليها على المزاج عشان اقدر اضحك واسولف من قلب

يا رايق

عجبتني سالفة الروقان

فعلا اللي مزاجها حلو رح تنشر البهجه واللي مزاجها مو حلو رح تضيق خلق اللي حولينها

فوفو

 

[فوفو22]

رد : رد: عطيني سر من اسرار تعلق محبة حمولتج لج

لاني محترمه نفسي معاهم وما اقل ادبي نفس هالجناين الملسن وحيييل احترم خالتي وعمي ومهما قطو علي حجي احتراما لزوجي وشفت هالشي فيه يقولي حيل تكبرين بعيني لما اتسوين جذي
ماااااااالي شغل بمشااااكلهم وعلاقتي فيهم رسميه نوعا ماااااااا

حلو ماسكه العصا بالنص

فوفو

 

[فوفو22]

رد : رد: عطيني سر من اسرار تعلق محبة حمولتج لج

انا بالنسبة لي احب حمولتي واهم يبادلوني نفس الأحساس الحمدالله
والمحبة اكيد تكون من طريقة تعاملج لهم وطريقة تعاملهم لج اكيد
واهم شي الأحترام والتقدير

فعلا الاحترام يبني علاقات دايمه

فوفو

 

[Elizabeth]

بنات يعني العلاقة الرسمية اهي الحل؟

متابعه الموضوع

 

[( مي )]

كنت متوقعة ان عندي أسرار
وكنت امارسها
من ابتسامة
من توجيب بكل المناسبات
من سؤال ووصل
كنت اسمع الكلمة تغثني أصعد شقتي ابجي وارد انزلهم ابتسم ولا كأنه صار شي
كنت ابدي عزايمهم على عزايم اهلي عشان ما يقولون وين جنتهم
وكنت وكنت وكنت وكنت ............ عدي وخربطي


النتيجة
انا الموزينة
انا المقصرة
انا اللي ما اعرف الواجب
أنا اللي كل الجناين أحس مني
( وهذا كله انقال لي فيس تو فيس )


اكتشفت ان السر الوحيد
الرسمية + الرسمية + الرسمية + الرسمية + الرسمية هههههههههه ودي أكررها لي آخر الصفحة
وأن يكونون آخر اهتماماتي بعد ماكانوا من الأولويات ،، وقمت أرضي نفسي قبل لا ارضيهم


وسلامة عمرج فوفو

 

[خبزة و جبنة]

اهم شي الاحترام والتقدير للكل

 

[Sweetq8]

ماقدر أزيد ع البنات كفؤ و وفوو والحمدلله ان كلنا معدنا نظيف

الخصووصيه عمري ماسولفت عن احد لهم ولا سولفت عنهم عند احد

حييل استانس بجمعتهم واوجبهم وما انطر منهم اي مقابل لانهم حسبت اهلي

مع أني رسيميه وغشمرتي بحد وسوالفي بحد ولا اتجرا ع احد عشان محد يتجرأ علي

اصفطلهم الخير وحبي من حب ولدهم ^_^

اكيييد ميوو اذا شافوج عااازه نفسج واهلج عزوووج لا والله أنا عمري مابديتهم ع اهلي مهما يصير وهالشي يكبرني بعينهم واذا ماعجبهم هم حرين^_* اهم شي اكون أنا راضيه عن نفسي^_*

 

[عيون القرناس]

رد : عطيني سر من اسرار تعلق محبة حمولتج لج

سلاام وكافيه خيري شري
يعني ما اتدخل باي شي كلللللللللللللللش حتى القعده معاهم ناااااادره حييييييييييييييييل والحمدلله مرتاحه

 

[( مي )]

اكيييد ميوو اذا شافوج عااازه نفسج واهلج عزوووج لا والله أنا عمري مابديتهم ع اهلي مهما يصير وهالشي يكبرني بعينهم واذا ماعجبهم هم حرين^_* اهم شي اكون أنا راضيه عن نفسي^_*

لا حجية سويت :lololoe: انا اقولج شلون ابديهم
يعني مثلا
في عزيمة عند اهلي وعندهم ،، اروح لهم لاني الجنة الوحيدة ومعاهم بالبيت
اذا عزيمة عند خوالي ولا عمامي وعند حمولتي ،، اروح لحمولتي
اذا عزايم القرقيعان وغبقات رمضان صوب اهلي وخالاتي وصوب حمولتي ،، اروح لحمولتي

هذا اللي اقصده

الحين تغيرت وايد وايد وايد ،، وقمت اسوي اللي يريحني وبس
لان باختصار ما استفدت منهم شي​

 

[HearT ChocolaTe]

فديت حمولتي انا ~ الحمد لله السر موجود بطيبة الاصل
كل انسان يتعامل بطيبه ولو تعدوا عليج والا تخطوا بيلقون انهم غلطوا بحقج
طالما تعاملتي معاهم بطيب الاصل

عسى الله يسعد الجميع ~ هالدنيا حنا فيها ضيوف واللي بيبقى فيها السمعه الطيبه
شكرا على الموضوغ الرائع يا فوفو يسعدج ربي

 

[Elizabeth]

مي اعرف واااااااااااااااااااااايد جناين نفسج واشوف اللي تعاملهم برسمية وبصراحة ماتزورهم الا بشهر مره وعشر دقايق بعد اهي اللي زينه وسنعه ومالها حس! يعني الحل الرسمية؟؟ اعرف واحدة من اول يوم زواج رسسسسسمي توجب وبس تقول مايهمني احد الا ريلي يعني خالاته وعماته واهله شبيفيدوني فيه؟؟ اشتط لهم وحالتي حاله !! اصلن في بنات تعامل خالتها احسن من امها ؟؟؟؟؟

اوجب واسلم وخلاص ليش ادش بينهم حيييييييييييل باجر اي كلمة او موقف يتحسسون منه بتصير مشكلة


وبنهاية nothing


انا ماحب البنت اللي تطيح الميانه بينها وبينهم لانه رحتي ولارديتي انتي موووبنتهم ...... لا تقوليلي لا صدقوني الام اكيد بتحب بناتها اكثر هذا شي طبيعي وفطري

مي شلون تحملتي هالكلام اللي انقالج مشالله عليج لو انا منج ببجي وبتحسس واايد كل شي سويت وبنهاية جذي؟؟ اخاف سوء تفاهم وانشالله ينحل