عطيني سر من اسرار تعلق محبة حمولتج لج

[فوفو22]

رد : عطيني سر من اسرار تعلق محبة حمولتج لج

:gr4uu::gr4uu::gr4uu::gr4uu::gr4uu:


:eh
تصدقين فوفو حيييييييييييييل عورتي قلبي بموضوعج صج اثر فيني حيل ماادري ليش

اسم الله عليج الرحمن الرحيم

فوفو

 

[فوفو22]

رد : رد: عطيني سر من اسرار تعلق محبة حمولتج لج

من دخلت على زوجي عرفت ان اهله هم حياته كلها
فعرفت طريقتهم وعرفت اتعامل معاهم واكسبهم

خاصه اذا كانت الناس تقدر وتفهم اعطيهم اعيوني

والباقي ذكروه البنات

انتي زوجه حكيمه وذكية

الله يتمم عليج

فوفو

 

[فوفو22]

رد : رد: عطيني سر من اسرار تعلق محبة حمولتج لج

موضوع حلو... ومفيد
1- مااعاتب أبدااا
2- اقوم بالواجبات ناحيتهم فروم اي تو زي بغض النظر عن وجود سحابات صيف بعض الاحيان
3- زوجي عصبي... دايما اخوفه من الله اذا عصب على احد من خواته أو أمه ... مو عشانهم لا والله ... عشان مابي زوجي يتحمل الذنب .. وسبحان الله كذا مره تصدف انهم يسمعوني اكلم زوجي وأقوله ترا حرام عليك شوي شوي
4- أي شي يصير بالبيت ماانقله حق زوجي .. أدري لو صار بيقولون هذي نقاله حجي...
5- احاول أتجنب القيل والقال ... واكون مبتسمه
6- بما أن زوجي عصبي... وكثير يرفع صوته (بوطبيع) ويشوفوني بنفس الوقت عمري ماشكيت منه ولا تذمرت حتى أحيانا يقولون لي بصراحة الله يعينك عليه ههههههههههههههه لكن ادري بداخلهم عاجبهم رضاي وعدم شكواي لانه بالنهاية ... ولدهم
7- اللسان الحلو...
8- هدايا لخالتي كل مناسبه وعيد... من منطلق تهادو تحابو
وسلامتج فوفو والحاضرين ... قرقت واااجد ( فيس مستحي)

وقرقتج عسل على قلبي وكلها حكم

فوفو

 

[فوفو22]

رد : رد: عطيني سر من اسرار تعلق محبة حمولتج لج

انا سري ماتدخل بحياة احد ودايما اطوف اي موضوع ضايقني علشان المركب يمشي لكن عندي سؤال في جناين مهما يسووووون دايما يطلعون بشينه او يتعاملون بسلبية مقابل تصرفاتهم الزينة والسنعه ؟؟؟ هل السبب انه بعض الناس مزاجيييين او شسالفه؟؟؟

لانه وايد اصادف بنات زينين حمولتهم لا والعكس صحيح

قصة تطوفين اي شي يضايقج

هاذي مهاره مو كل من يقدر عليها

اهنيج عليها

فوفو

 

[thetear]

رد : عطيني سر من اسرار تعلق محبة حمولتج لج

يعطيج العافية ع الموضوع الرائع

واعتقد ان المعاملة الحسنة وعدم تفشي اسرار حمولتج للغير

 

[لبى جنوني]

رد : عطيني سر من اسرار تعلق محبة حمولتج لج

انا مو متزوجه بس دخلت استفيد من خبره خواتي
مشكوره صاحبه الموضوع

 

[فوفو22]

رد : عطيني سر من اسرار تعلق محبة حمولتج لج

ببساطه مهما اذا في يوم غلطوا بحقي .. ما أقصر بحقهم ودايما ايدي تجود بالخير وابتسامتي ماتفارقني !


بس الحمدلله حمولتي ناس طيبين حيل ودايما يوقفون معاي عسى ربي لايحرمني منهم

الطيبون للطيبات

والله يتمم عليكم المحبه

فوفو

 

[~*~الملكة~*~]

1- لما اكون قاعده معاهم الابتسامه ماتفارق ويهي

مو من زود الوناسه بس ماحب ويهي يكون عابس لما اقعد مع الناس


2- عندي حدود في التعامل وفي الكلام معاهم لان عندي قناعه كل ماطاحت الميانه يقل الاحترام

3- اخاف الله في كل تصرف واراجع نفسي حلال ولا حرام لاني بيوم من الايام راح اكون خاله ويصير عندي جنه ولاتنسون الدنيا دواره



اهتموا بنفسكم وبازواجكم ولاتعطون للحموله حيز كبير من حياتكم راح تتعبون لان هذا طبع البشر محد يعجب الثاني :tongue22:

حتى لو كنتو سمن على عسل ومافي مثلج ومافي مثلهم على اقل موقف بيطلع الاكو والماكو

وعندي مبدأ بالحياة مااجامل على حساب نفسي :denya:

 

[فوفو22]

رد : عطيني سر من اسرار تعلق محبة حمولتج لج

@الحماة اللي تحب الكنة لها كرسي في الجنة )
@الحماة اللي تحب الصهر عجيبة من عجائب الدهر
علاقتي حلوةمعهم أنا شخصيتي قوية ماحدا بيزعلني
أهم شي لو تكلمت على أي احد ماأوصل كلام أبدا
عايشة لوحدي كافية خيري وشري

الحياة بروحج فيها ملل

الانسان بسلوكه واخلاقة يفرض هيبة واحترام الجميع له

فوفو

 

[اميره1980]

1- ما اتدخل في ما لا يعنيني لا بخير و لا بشر
2- ما اقطع عن زوارتهم لاني ساكنة بروحي مو عندهم
3- اوجبهم بمناسباتهم
4- امدح ولدهم عندهم بس مو باسراري الشخصية مثلا اقول الله يخلي لي فلان ما قصر وداني المكان الفلاني و جذي
5- احترم الصغير و الكبير

 

[فوفو22]

رد : رد: عطيني سر من اسرار تعلق محبة حمولتج لج

الحشمه احشمهم من حشمتي الريلي

اكون معاهم بالحلوه والمره وا اتكبر واقول عندي وما عندي

احترم خالتي ووجبها واقوم بخدمتها اهي وزوارها مو غصب الا من طيب خاطر

حمواتي وحريم حمواني انا معاهم مثل الخوات عمرنا ما جرحنا بعض

بالعكس الله لا يغيرنا لو يصير اي شي حزن ولا فرح تلاقيني عندهم وهم همن عندي

غلاتي عندهم من غلات ريلي وعيالي

واهم شي صلة الرحم الريل طبعا من صفاته النسيان لو تسالينه متى رحت لخوانك يقول قبل جم يوم

وتلاقينه اكثر من اسبوع

فانا دايما اقوله خلينا نروح نزور اخوانك

حتى عيالي اوصيهم على صلة الرحم

ما شاء الله عليج

صلة الرحم متعلقة بعرش الرحمن

الله لا يغيًر عليكم يا ام احمد

وشهادتي فيج مجروحه يا الغالية

فوفو

 

[فوفو22]

رد : رد: عطيني سر من اسرار تعلق محبة حمولتج لج

مشكووره علي هالموضوع الاكثر من الرائع والمفيد علشان الكل يستفيد من تجارب بعض

بالنسبه لي انا الابتسامه اللي ماتفارق الوجه والتوجيب معاهم واحترام الصغير قبل الكبيرومادخل بخصوصياتهم واستقبال الاساءه بالاحسان

عز الله بحطونج فوق راسهم

وين يلقون جنه بكا هاالصفات

فوفو

 

[فوفو22]

رد : عطيني سر من اسرار تعلق محبة حمولتج لج

الصراحه موعارفتلهم كلش كلش كلش

جربت كل شي ومانفع

وافضل الابتعاد عنهم

وبس

الله يسخركم لبعض

فوفو

 

[فوفو22]

رد : رد: عطيني سر من اسرار تعلق محبة حمولتج لج

شوفي انا وحده كافيه خيري شري

وانا مادري هل يحبوني ولا ما يحبوني اكيد اني وحده ثقه مو راعية السان ولا راعية سوالف

بس بلاااااج من حجي الناس فيج حتى لو كنتي طيبه وكافه خيرج شرج يشوهون سمعتج

نادره خليج واثقة من نفسج

وكلام الناس خلي ورا ظهرج

ما يحوشج منه الا الاجر ان شاء الله

فوفو

 

[dubai girl]

اهم نقطه الابتعاد عن سوالف القال والقيل

انا مب متزوجه بس اكثر المشاكل اتصير من هالشي

^^

 

[فوفو22]

رد : عطيني سر من اسرار تعلق محبة حمولتج لج

صراحه بديتهم على نفسي كثييييييييير وتنازلت عن اشياء لخاطرهم

مثلا وعدي زوجي نروح نتشمى الليله وجات اخته قالت نبيك تودينا مشوار

يجي يشاورني اقوله روح انا لاحقه ع الطلعه

دايم اوصيه على امه ومسويه محاضرات على هالشي

وخواته داايم احامي عنهم عند اخوهم واوقف معهم


والحمد لله ربي ماخسرني حطوني بعيونهم لدرجة لما سافرت بالصيف فوق الشهر رجعت بيتي لقيتهم منظيفنه ومبخرينه قبل رجعتي بيوم

وبفضل ربي حلمت حلم وفسرته عند شيخ وكان تفسيره اما الحمل او علاقه قوووووووية بأهل الزوج

اعتبر اللي سويته معاهم انجاز وقاعدة اجني ثمارة الله يتمم علي

وثانكس يااحلى فوفو

ع فكره داايم اسولف لماما عنك

من زرع حصد

وانتي زرعتي الخير والمحبة بقلوبهم

فوفو

 

[أو عبوش]

اولا لازم الوحده تؤمن بمقوله (( لسانج حصانج ان صنتيه صانج))

يعني الحذر بالكلام ومايطلع منج الا الكلام الزين وماتدخلين او تحشين بأحد جدامهم..........



وثاني شي (( الهديه))......... دايم خليها متواصله بينج وبينهم وتسبقج لهم........

طرشي بيد عيالج هديه حق جدتهم حق عمتهم وخل يقولون انها منهم اهم........... والله لو انها خلطه مرش او عطر او بخور عااادي
اي شي حتى لو رمزي بيكون له قيمه انج تذكرينهم على طول


ثالثا: احشميهم .......... وقدريهم :

يعني اي مناسبه انتي سباقه فيها عرس حماج اكشخي نفس خواته معاهم
خالتج بالمستشفى صيري لها نفس بنتها صبح وعصر عندها بالمستشفى استقبلي رفيجاتها وحبيهم ووجبيهم والله الخاله بتحبج وتتشرق فيج..........



ورضى الرب عليج اول شي طبعا وعقبه رضى الوالدين بتتوفقين بحياتج

 

[فوفو22]

رد : عطيني سر من اسرار تعلق محبة حمولتج لج

يعطيج العافية ع الموضوع الرائع

واعتقد ان المعاملة الحسنة وعدم تفشي اسرار حمولتج للغير

اكيد هالنقطتين مهمين لقرب العلاقة بين الحموله والجنه

فوفو

 

[NFOOOL]

ما أدخل بشؤوونهم خير شر
وخالتي تحبني لأنه ما عندي لساان وهااديه مو مهاوشجيه ولاأحب المشااكل واايد اطنش ما اعور راسي
وما اقااطع اهله وخاالتي من كثر ما تحبني وداافع عني ريلي كله يقووله مادري جنج انتي بنتها وانا مو ولدها يحتر وعمي الحمدالله كله يمدحني الحمدالله والشكر واايد يعززوني ويحبوني وانا ادري لأنه ما عندي لساان واهم شي عياالي وبيتي

 

[فوفو22]

رد : عطيني سر من اسرار تعلق محبة حمولتج لج

انا مو متزوجه بس دخلت استفيد من خبره خواتي
مشكوره صاحبه الموضوع

عفية عليج

استفيددي عشان بعدين اخذ لولدي:dddds:

فوفو