معقوله القهوه تسوي جذي..................؟؟؟؟

[يارحيم إغفرلي]

السلام عليكم ورحمه الله وبركاته





































خواتي المتأخرات اسأل الله تعالى ان يرزقنا جميعا الذريه الصالحه عاجلا غير اجلا

انا قريت معلومه وخوفتني صراحه وودي أتأكد من صحتها




هل صحيح ان كثره شرب القهوه والكافيين عموما يزيد من نسبه التكييس؟؟؟؟::eh_s(2):

وان العلاج تقل فاعليته اذا انتي مدمنه قهوه
ياربي شنسوي تعودنا عالقهوه بالذات العربيه بكل مكان نشربها,,,,,,,,

ياريت اي وحده عندها معلومه تفيدنا
واي وحده عندها موعد قريب عند الدكتور تسأله؟؟؟

اتمنى تتفاعلون معاي:eh_s(2):

 

[ربي ارزقني بيبي]

رد : معقوله القهوه تسوي جذي..................؟؟؟؟

الناس تقول انها لها تأثير خفيف مو وايد قوي بعدين القهو العربية تكون مخلوطة بالهيل و الزعفران و شوية حليب
يعني مو حيل مركزة مو نفس القهوة التركية والفرنسية

والدكاترة بسوالف أكل أو شرب ماعندهم شئ ممنوع
وإذا الله كاتبلج الحمل بتحملين حتي لو انج تاخذين مانع

والله يرزقج ويرزقنا انشاء الله

 

[حلمي الأمومة]

والله امهاتنا وجداتنا ليل نهارا قهوووة عربيه وماشاء الله جابو درزن عيال

 

[رووحي لغاليها]

رد : معقوله القهوه تسوي جذي..................؟؟؟؟

اي واللهع انج صاجة ياحلمي وعيالهم درااااااااااااااازن ولا يشبعوووون من القهوة

الله يرزقهم

 

[عــود كمــبودي]

والله امهاتنا وجداتنا ليل نهارا قهوووة عربيه وماشاء الله جابو درزن عيال

:eh_s(15)::eh_s(15):

معاها حق وماظن المعلومه صحيحه

 

[مناوووي]

ياكثر ما يشربون امهاتنا والعالم كلها


الله الرازق سبحااااااااانه

 

[قلب مغليك]

رد : معقوله القهوه تسوي جذي..................؟؟؟؟

عاد انا مدمنه مدمنه مدمنه بالثلاث مدمنه قهوة مستحيل يومي كله قهوة مااقدر اقطعها مع اني سمعت بهالكلام بس مااقدر لا اقطلع ولا اخفف

 

[نكهةالبرتقال]

أتوقع كوب قهوة مرة باليوم ما يضر !


مادري انا ما أتخلى عن القهوة و لا يحوشني صداع !

 

[عيون ملكيه]

انا سمعت انها تزيد الخصوبه !

 

[ايام وردية]

رد : معقوله القهوه تسوي جذي..................؟؟؟؟

وااااي ان شاءالله خبرية مو صحيحة

مقدر موتيني ولاتقولين لي اترك القهوة كل يوم ترمس اشربه كااامل

ادري موزينة تعور المعدة ومدري شنو بس ماتوقع لها اثر بالحمل

 

[نيبال الايمان]

اول شى يا عسى الله يرزقنا عاجلا غير اجلا بالذرية اللى تقر عينا وتفرح قلوبنا اللهم امين يارب امين امين

ياعمرى ما هقوتى هالمعلومة صحيحة لانا من وعينا واحنا نشوف امهاتنا واهالينا ما يستغنون عن القهوة ليل نهار وما اثرت فيهم اسم الله عليهم كل وحده وراها درزن عيال

وصدقينى الرزقه من الله اذا الله كاتب لنا الضنى لا قهوة ولا غيره بتاثر فينا

وحتى القهوة التركية انا عندى مرت اخوى مدمنة قهوة تركية وعلى الريج وما شاء الله الله رزقها بالضنى وعادى

فتوكلى على الله ياعمرى وخلى اتكالج عليه وحده وان شاء الله باذن واحد احد بيرزقنا بالضنى اذا فيه خير لنا

ويا عسى الله يرزقج ويرزقنى ويرزق كل محروم ومحرومه منهم اللهم امين يارب

 

[دو^ري^مي^]

ماااااااااااااااله علاقه يعني خواتج وامج وحريم جماعتكم اللي يشربون قهوة ماحملوا للحين مثلا
اهي ماتمنع الحمل بس يمكن يكون لها تاثير عالتكيس

 

[ترووفه]

القهوه مو تاخر الحمل

يقولون تاثر على البنج

يعني ماتتبنجين بسررعه

والمعلومه ان شاءالله مو صحيحه لان اهلنااا كلهم مايستغنون عن القهوه

 

[@ بنت النـور @]

رد : معقوله القهوه تسوي جذي..................؟؟؟؟

مادري والله

 

[miss_math]

الله يرزقكم الذرية الصالحة ..

 

[Q8_QT]

أول مرة أدري إن القهوة تزيد نسبة التكيس حبيبتي إنتي وين سامعة المعلومة من طبيب يعني ؟

 

[قلق وازعاج]

الا القهوه لها تأثير وحاولو تشربون باليوم اكثر شي ثلاث فناجين مو دله كامله
وبعدين القهوووووه كثرتها تزعج الاعصاااب حاولي تقللين منهـــــــــا<<اوما تشربين ترمس كامل
غلط واكبر غلط

 

[رمز الموده]

عاد انا مدمنة شي اسمه قهوه بس مااعتقد تأثر

 

[سوسو العصلة]

اب اب اب اب اب اب

 

[نف نف22]

اللهم ترزقنا بالذريه الصالحه