قوه اشلونج مس نهى وباجي البنات الي معانا
مس نهى لا يضيق خلقج ان شاء الله الموعد الياي اتكونين نازله 3 الى 4 كيلوات
وفجووره ما شاء الله اذا على كلام مس نهى 2 و400 وايد حلوين حق أول الاسبوع وان شاء الله الخير بقبال , وصح أذكر انا بمراجعتي بشاير ما كانت موجوده رحت حق وحده مصريه و وزنتني بغرفة بشاير اتقول ميزان عن ميزان يختلف
انا للحين ما رحت مراجعتي الثانيه وشكلي الاسبوع الياي اخر اسبوع انا بديت بتاريخ 21-11 ما أدري متى أروح ؟ حدي لاهيه هالأيام وتبون الصج مالي خلق انصدم أول اسبوع وشويه كنت نازله 1و800 وكنت امخربطه وايد بس بعدها انتظمت بالأكل وما قمت أخربط الا نادرا والرياضه لعبت يومين على الجهاز وهديته خصوصا ان اشتراكي بالويكند راحه أحاول ما أخربط بهالويكند
واليوم الريوق صاج المرتديلا باللبنه مع حليب
الغداء برياني ربيان لذيذ مع سلطة الناتشوز
السناك ملتون شوكليت كيك
العشاء شاورما دجاج بصلصة الديجون حلوه وخيار بالروب ونص شورة البصل الفرنسيه
