تجـــــــمع للي ولادتها ب 2008 حياكم الله

[الزيـــــن]

حايره الله يطمن قلبج ويفرحج بشوفته يارب العالمين ويرزقج بالولد الصالح كامل الخلقه سليم ومعافى

بس تركي عنج هالمحاتات هي بتتعبج والله

 

[love love]

هلا وغلا حبيباتييي
شلونكم وشلون بيبياتكم انشالله كلكم بخير
كيلوبترا : هلا حبيبتي لا رحت سويت لي سونار فيني كتكوت عنونو عسى الله يحفظه ويخليه ياربي :d

مبروووووووووووووووووووووووووك والله يتمم عليج يارب اي شهر انتي الحين؟

 

[نبض الغلا]

السلام عليكم
امس رحت مراجعتي عند فوزيه القطان
وقالت لي انت 8 اسابيع 4 ايام
والحمدلله كل شيء تمام بس
انا حاسه ان معاي التهابات مع اني ماحس بشيء بس
بس ينزل فرازات لونها بيج كل كم يوم مره وبسيطه
عطتني تحميله ودهان
ولكن خوفوني منها وقالوا التحميله تسبب اجهاض لا سمح الله المهم
ما حطيتها وبس استخدم الكريم
شرايكم
مع العلم اني سألت الصيدلي وقال
خلاص اذا خايفه استخدمي الكريم بس

 

[نفيشه]

حايرة
الله يطمنج الحمدلله ان كلشي اوكي
انا بانتظار موعدي

 

[kankona]

بنات انا شكلي بدتني النساة كلى لوعة شسوي انا اتعب منها

 

[نفيشه]

كنكونة في حبوب للوعه وايد تريح تاخذينها بالليل قبل النوم حبة وحده ولي قمتي بتحسين انج وااااااايد احسن
اذا راجعتي دكتورتج خل تعطيج منها اسمها نافيدوكسين

 

[kankona]

مشكورة حبيبتي نفيشة بسأل دكتوري عنها اشوى موعدي السبت

 

[حاااايره]

الزين ونفيشه
الله يجزاكم خير حبايب البي..

 

[Mone]

كلوبترا : الله يبارك فيييج حبيبتي ويتمم عليج انا والله توني اول اسبوعين من الرابع :eh_s(9): وانتي

 

[love love]

اخر اسبوع من الثالث يلا الفال لنا انشاءالله انعرف شنو فينا

 

[مولاتي سميه]

السلام عليكم

انا ولادتي على شهر 2 انشالله

اخر دوره كانت 14_5

انا الحين تقريبا بنص الر ابع

على طاري النساة انا ترى ماجتني نساة اللي ترجيع وجذي تقريبا بس اسبوعين واكتشفت انها من المثبتات اللي اخذها وخليتهم والحمدالله ارتحت

بس نساتي كله ضايق خلقي اذكر على طول ضيقة خلق

ومرات مثل الحموضه بس قليل تحزشني

الحمدالله اللهم بارك نساتي خفيفه على خالتي وامي

بنات انا مااخذ ولا شي فيتامينات

عندي فوليك اسد من اربع شهور شاريته عادي استعمله؟؟ ولا بس باول الاشهر؟؟

ووممكن اعرف شلون تسوين شريط الحمل اللي بتوقيعكم

وعسى الله يهون علينا كلنا يارب

 

[الفنر]

السلام عليكم

لي تقريبا 14 اسبوع
وان شاء الله موعد ولادتي 9/3/2008

احيي جميع الاخوات
واسأل الله العظيم ان يتمم حملنا على خير ويرزقنا الذرية الصالحة التامة الخلقه
اللهم امييين

 

[الفنر]

قالوا لي ان حمض الفوليك بس بالاشهر الثلاث الاولي


لكن دكتورتي الحين عطتني folicron
وهو عبارة عن فوليك وحديد
وهذا من بداية الرابع
والله اعلم

 

[توتة الدلوعه]

السلام عليكم شلونكم بنات عساكم بخير يارب
انا اخر دوره كانت 9/7/2007 يعني كل 14 الشهر ادش شهري وانشالله 14/4 تاريخ الولاده الله يسهل يارب
شوفوا حبايبي انا اجهضت مرتين والحين يارب يتمم علي ويرزقني بالذرية الصالحه وطبعا سبب الاجهاض ان فيني اجسام مضاده بالجسم ما تخلي الدم يوصل للجنين فيموت
طبعا خل اقلكم شنو اخذ من ادوية اول شي اخذ ابر لسيوله الدم مع الاسبرين وطبعا هذوله اجباري اخذهم يوميا لي الثامن انشاالله واخذ فولك اسد واخذ حبوب للدم لان فيني فقر دم حاد لانما اكل شي وهذه الحبوب الله لا يوريكم اياها اول شي اشكبرها ما تنلع بسهوله وثاني شي مسببتلي امساك ذابحني وطبعا حبوب التثبيت حبتين في اليوم بس قالت لي لازم على حالتي شهر اخذهم مو اسبوعين والله معدتي صارت معمل ادويه
بس المهم يلله الحمدلله على كل حال بس عندي مشكله وحده واهي الوسواس كله اوسوس ولله بموت منه كله اقول وافكر ان الجنين متوفي في بطني من كثر ما اوسوس مخليه مراجعتي كل 3 اسابيع واسوي سونار طبعا انا حامل الحين بالاسبوع 9 بس ادعولي ان الله يتمم علي على خير ويرزقني بالذرية الصالحه يارب واذا تعرفون وين ينباع جهاز اللي اسمع يه نبض الجنين قولولي
ادري قرقت وايد بس استحملوني
انيي حق النساه انا ما احس بالنساه فخفت وقالت لي الدكتوره عادي وحده عن وحده تفرق بس كرهت زوجي ما اشتهي حتى اسمه امي تقول نساتج في ريلج اشوه ان حالتي خاصه ونايمه عند اهلي ولا جان اكلتها والله انزين بنات بقيت اسالكم في احد شرا ملابس للعيد واذا شريتوا فيدونا جزاكم الله خير خل انروح نشتري شي يغطي كروشنا وشي حلو

 

[love love]

توته الله يثبت عليج يااااااااااارب

 

[الزيـــــن]

مبارك عليكم الشهر يا حوامل 2007 وامهااات 2008

عندي سؤال مهم جداا جداا ؟؟؟؟؟؟؟ظ

الحين التحاميل المثبته تفطر في رمضان ولا لا عفيه ردوو علي

 

[kankona]

مبارك عليكم الشهر يا حوامل 2007 وامهااات 2008

عندي سؤال مهم جداا جداا ؟؟؟؟؟؟؟ظ

الحين التحاميل المثبته تفطر في رمضان ولا لا عفيه ردوو علي

اي بنات بليز ردوا لانة انا استعملهم

 

[love love]

والله ماادري سئلي مرجع احسن

 

[توتة الدلوعه]

كيلوبترا مشكوره حبيبتي وما تقصرين ويعطيج العافيه وبالنسبه للتحاميل والله في ناس اتقول اي وفي ناس اتقول لا على العموم ما على الحامل حرج انتو صوموا اول يوم لما انعرف الجواب اذا كانت تفطر فان الله غفور رحيم انصومه بعدين دين واذا لا صيامنا عدل ما قلتولي من وين نشتري ملابس للحوامل حلوه اتغطي كروشنا

 

[الزيـــــن]

الله يثبت حملج ان شاء الله توته الدلوعه

بالنسبه للتجهيز والملابس والله ما سويت ولا شي الا شريت دراريع هنديه جم وحده للبيت ولما اروح زواره لاهل ريلي ولاهلي بس اما غيرهاا ماكو شي

بس الحين ماشاء الله السوق متروس هالموديلات الواسعه اللي تمشي مع الحوامل