شووفي يمه قبل التوزيع لهم يحق ياخذون عشر وجبااات عشوائيه حق الفحص
وتالي نوزع الوجباات علي الصفوف واللي يزيد من الوجبات نرتبه ونسنعه ونوزع علي العاملات بالمدرسه وعلي االحارس ونشوف الوكيله وين بتودي باجي الاكل ؟؟؟؟
اذا حق اللجان والا المسايد والا العوايل المحتاجه يعني الوكيله تنسق معاي وتحدد جم وجبه تبي واعطيها ازهبهم لها وعندي بعد ابله اعطيها شوي من الوجبات اللي تزيد ووحده من البنات اللي معاي فديت قلبها الطاهر حبووووووووبه وعلي نياتها هالبنت اعطيها توديه حق ناس محتاجين كل يوم علي هالطريقه والحمدلله ماكو مشاكل عندي شغلي مرتب ومنظم
بخصوص المسابقه حق انظف صف بشرحها لكم لان والله ماعندي بلوتوث بلاب توبي والا جان بخت اراويكم شغلي ومابي منكم الا الدعاء ياقلبي انتو
شوفي حبوبه اول شي حطي بعين الاعتبار ان المكافآت راح تكون سنويه يعني مشاريعج وفعالياتج اللي بتسوينها بالمدرسه خليها حبه حبه مو دفاااشه كلها ورا بعض الركاده زينه
انا سويت مسابقة اجمل صف وخذيت من مرحله صف فازو معاي بالكاس
واللعبه الثانيه اهيا الجدول الشهري للنظافه وراقه كبيره سطريها وقسميها اربع خانات وكتبي بكل خانه الاسبوع الاول الاسبوع الثاني والثالث والرابع هذا التسطير بالعرض وسطريها بالطول كتبي فيها ايام الاسبوع مثل جدول المدارس مال الحصص فهمتوا الفكره؟؟؟؟؟؟؟؟؟؟؟؟؟؟؟
واتيين بالاسبوع الاول عقب ماتخلص الفرصه الاولي مالت الاكل وعقب ماينظفون العاملات الصفوف تفترين وتشوفين الصف النظيف وتحطيلهم نجمه والا كلمه بارك الله فيكم والا ياحلوين يعني تكتبون من الكلمات التشجيعيه حق البنات يستانسون فيهم
لي اكتمل الجدول خلصتي الشهر تكونين مجهزه الهديه حق الصف اللي راح يفوز معاج بمرحلتج مثلا انتي ماسكه صفوف اولي ابتدائي اتشوفين انظف صف وتعطينهم هديه رمزيه
مثلا تشترين شهاده تقدير تلقينهاب رامز علي نص دينار
وديها مركز الطالب يكبرها لج علي ورق بوستر ويطبع فيها الكلام وتحطين فيها الصف اللي فاز معاج وتحطيلهم نجوم وكلام حلو وتعلقينها لهم بالصف وتوزعين علي البنات تبين شغلات من بو اميه فلس والا تشترين لهم كرتون حلاو توزعينه عليهم والا كاكاو يعني من هالسوالف اللي يحبونها اليهال كراريس تلوين الوان شغلات جذي
الفكره الثالثه لي طبقتها هالخميس بإذن الله بقولها لكم علشان ماتحترق الفكره
اي سؤال تبوونه من عيوني الثنتين وعندي سؤال
متي المعاشات
